| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૫-૭. પઠમસુખસુત્તાદિવણ્ણના
5-7. Paṭhamasukhasuttādivaṇṇanā
૬૫-૬૭. પઞ્ચમે વટ્ટમૂલકં સુખદુક્ખં પુચ્છિતં, છટ્ઠે સાસનમૂલકં. સત્તમે નળકપાનન્તિ અતીતે બોધિસત્તસ્સ ઓવાદે ઠત્વા વાનરયૂથેન નળેહિ ઉદકસ્સ પીતટ્ઠાને માપિતત્તા એવંલદ્ધનામો નિગમો. તુણ્હીભૂતં તુણ્હીભૂતન્તિ યં યં દિસં અનુવિલોકેતિ, તત્થ તત્થ તુણ્હીભૂતમેવ. અનુવિલોકેત્વાતિ તતો તતો વિલોકેત્વા. પિટ્ઠિ મે આગિલાયતીતિ કસ્મા આગિલાયતિ? ભગવતો હિ છ વસ્સાનિ મહાપધાનં પદહન્તસ્સ મહન્તં કાયદુક્ખં અહોસિ, અથસ્સ અપરભાગે મહલ્લકકાલે પિટ્ઠિવાતો ઉપ્પજ્જિ. ઉપાદિન્નકસરીરસ્સ ઠાનનિસજ્જાદીહિ અપ્પમત્તકેન આબાધેન ન સક્કા કેનચિ ભવિતું. તં ગહેત્વાપિ થેરસ્સ ઓકાસકરણત્થં એવમાહ. સઙ્ઘાટિં પઞ્ઞાપેત્વા એકમન્તે પતિરૂપટ્ઠાને પઞ્ઞત્તસ્સ કપ્પિયમઞ્ચસ્સ ઉપરિ અત્થરિત્વા.
65-67. Pañcame vaṭṭamūlakaṃ sukhadukkhaṃ pucchitaṃ, chaṭṭhe sāsanamūlakaṃ. Sattame naḷakapānanti atīte bodhisattassa ovāde ṭhatvā vānarayūthena naḷehi udakassa pītaṭṭhāne māpitattā evaṃladdhanāmo nigamo. Tuṇhībhūtaṃ tuṇhībhūtanti yaṃ yaṃ disaṃ anuviloketi, tattha tattha tuṇhībhūtameva. Anuviloketvāti tato tato viloketvā. Piṭṭhi me āgilāyatīti kasmā āgilāyati? Bhagavato hi cha vassāni mahāpadhānaṃ padahantassa mahantaṃ kāyadukkhaṃ ahosi, athassa aparabhāge mahallakakāle piṭṭhivāto uppajji. Upādinnakasarīrassa ṭhānanisajjādīhi appamattakena ābādhena na sakkā kenaci bhavituṃ. Taṃ gahetvāpi therassa okāsakaraṇatthaṃ evamāha. Saṅghāṭiṃ paññāpetvā ekamante patirūpaṭṭhāne paññattassa kappiyamañcassa upari attharitvā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya
૫. પઠમસુખસુત્તં • 5. Paṭhamasukhasuttaṃ
૬. દુતિયસુખસુત્તં • 6. Dutiyasukhasuttaṃ
૭. પઠમનળકપાનસુત્તં • 7. Paṭhamanaḷakapānasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૭. અવિજ્જાસુત્તાદિવણ્ણના • 1-7. Avijjāsuttādivaṇṇanā
