| Library / Tipiṭaka / તિપિટક • Tipiṭaka / વિમાનવત્થુપાળિ • Vimānavatthupāḷi |
૧૩. પઠમસુણિસાવિમાનવત્થુ
13. Paṭhamasuṇisāvimānavatthu
૧૦૮.
108.
‘‘અભિક્કન્તેન વણ્ણેન, યા ત્વં તિટ્ઠસિ દેવતે;
‘‘Abhikkantena vaṇṇena, yā tvaṃ tiṭṭhasi devate;
ઓભાસેન્તી દિસા સબ્બા, ઓસધી વિય તારકા.
Obhāsentī disā sabbā, osadhī viya tārakā.
૧૦૯.
109.
‘‘કેન તેતાદિસો વણ્ણો, કેન તે ઇધ મિજ્ઝતિ;
‘‘Kena tetādiso vaṇṇo, kena te idha mijjhati;
ઉપ્પજ્જન્તિ ચ તે ભોગા, યે કેચિ મનસો પિયા.
Uppajjanti ca te bhogā, ye keci manaso piyā.
૧૧૦.
110.
‘‘પુચ્છામિ તં દેવિ મહાનુભાવે, મનુસ્સભૂતા કિમકાસિ પુઞ્ઞં;
‘‘Pucchāmi taṃ devi mahānubhāve, manussabhūtā kimakāsi puññaṃ;
કેનાસિ એવં જલિતાનુભાવા, વણ્ણો ચ તે સબ્બદિસા પભાસતી’’તિ.
Kenāsi evaṃ jalitānubhāvā, vaṇṇo ca te sabbadisā pabhāsatī’’ti.
૧૧૧.
111.
સા દેવતા અત્તમના, મોગ્ગલ્લાનેન પુચ્છિતા;
Sā devatā attamanā, moggallānena pucchitā;
પઞ્હં પુટ્ઠા વિયાકાસિ, યસ્સ કમ્મસ્સિદં ફલં.
Pañhaṃ puṭṭhā viyākāsi, yassa kammassidaṃ phalaṃ.
૧૧૨.
112.
‘‘અહં મનુસ્સેસુ મનુસ્સભૂતા, સુણિસા અહોસિં સસુરસ્સ ગેહે 1.
‘‘Ahaṃ manussesu manussabhūtā, suṇisā ahosiṃ sasurassa gehe 2.
૧૧૩.
113.
‘‘અદ્દસં વિરજં ભિક્ખું, વિપ્પસન્નમનાવિલં;
‘‘Addasaṃ virajaṃ bhikkhuṃ, vippasannamanāvilaṃ;
તસ્સ અદાસહં પૂવં, પસન્ના સેહિ પાણિભિ;
Tassa adāsahaṃ pūvaṃ, pasannā sehi pāṇibhi;
ભાગડ્ઢભાગં દત્વાન, મોદામિ નન્દને વને.
Bhāgaḍḍhabhāgaṃ datvāna, modāmi nandane vane.
૧૧૪.
114.
‘‘તેન મેતાદિસો વણ્ણો, તેન મે ઇધ મિજ્ઝતિ;
‘‘Tena metādiso vaṇṇo, tena me idha mijjhati;
ઉપ્પજ્જન્તિ ચ મે ભોગા, યે કેચિ મનસો પિયા.
Uppajjanti ca me bhogā, ye keci manaso piyā.
૧૧૫.
115.
‘‘અક્ખામિ તે ભિક્ખુ મહાનુભાવ, મનુસ્સભૂતા યમકાસિ પુઞ્ઞં;
‘‘Akkhāmi te bhikkhu mahānubhāva, manussabhūtā yamakāsi puññaṃ;
તેનમ્હિ એવં જલિતાનુભાવા, વણ્ણો ચ મે સબ્બદિસા પભાસતી’’તિ.
Tenamhi evaṃ jalitānubhāvā, vaṇṇo ca me sabbadisā pabhāsatī’’ti.
પઠમસુણિસાવિમાનં તેરસમં.
Paṭhamasuṇisāvimānaṃ terasamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / વિમાનવત્થુ-અટ્ઠકથા • Vimānavatthu-aṭṭhakathā / ૧૩. પઠમસુણિસાવિમાનવણ્ણના • 13. Paṭhamasuṇisāvimānavaṇṇanā
