| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9-10. батамавибхан̇г̇асуд̇д̇аад̣̇иван̣н̣анаа
9-10. Paṭhamavibhaṅgasuttādivaṇṇanā
479-480. навамз сад̇инзбаггзнаад̇и зд̇т̇а нибагасса бхааво нзбаггам̣, бан̃н̃ааязд̇ам̣ наамам̣. гасмаа бана сад̇ибхааж̇анз бан̃н̃аа вуд̇д̇аад̇и? сад̇ияаа б̣алавабхаавад̣̇ассанад̇т̇ам̣. б̣алавасад̇и хи ид̇ха ад̇хиббзд̇аа. саа жа бан̃н̃аасамбаяуд̇д̇аава б̣алавад̇ий ход̇и, на виббаяуд̇д̇аад̇и бан̃н̃аасамбаяуд̇д̇асад̇им̣ д̣̇ассзнд̇о звамааха. жирагад̇анд̇и жирагаалам̣ гад̇ам̣ д̣̇аанам̣ ваа сийлам̣ ваа убосат̇агаммам̣ ваа. жирабхаасид̇анд̇и ‘‘асугасмим̣ таанз асугам̣ наама бхаасид̇а’’нд̇и звам̣ жирагаалз бхаасид̇ам̣. воссаг̇г̇аарамман̣ам̣ гад̇ваад̇и ниб̣б̣аанаарамман̣ам̣ гад̇ваа. уд̣̇аяад̇т̇аг̇ааминияаад̇и уд̣̇аяан̃жа ад̇т̇ан̃жа г̇ажчанд̇ияаа, уд̣̇аяаб̣б̣аяабариг̇г̇ахигааяаад̇и ад̇т̇о. имасмим̣ суд̇д̇з сад̣̇д̇хаасад̇ибан̃н̃инд̣̇рияаани буб̣б̣абхааг̇аани, вийрияинд̣̇рияам̣ миссагам̣, самаад̇хинд̣̇рияам̣ ниб̣б̣ад̇д̇ид̇алогуд̇д̇арамзва гат̇ид̇ам̣. д̣̇асамзби аяамзва д̇хаммабарижчзд̣̇од̇и.
479-480. Navame satinepakkenāti ettha nipakassa bhāvo nepakkaṃ, paññāyetaṃ nāmaṃ. Kasmā pana satibhājane paññā vuttāti? Satiyā balavabhāvadassanatthaṃ. Balavasati hi idha adhippetā. Sā ca paññāsampayuttāva balavatī hoti, na vippayuttāti paññāsampayuttasatiṃ dassento evamāha. Cirakatanti cirakālaṃ kataṃ dānaṃ vā sīlaṃ vā uposathakammaṃ vā. Cirabhāsitanti ‘‘asukasmiṃ ṭhāne asukaṃ nāma bhāsita’’nti evaṃ cirakāle bhāsitaṃ. Vossaggārammaṇaṃ katvāti nibbānārammaṇaṃ katvā. Udayatthagāminiyāti udayañca atthañca gacchantiyā, udayabbayapariggahikāyāti attho. Imasmiṃ sutte saddhāsatipaññindriyāni pubbabhāgāni, vīriyindriyaṃ missakaṃ, samādhindriyaṃ nibbattitalokuttarameva kathitaṃ. Dasamepi ayameva dhammaparicchedoti.
суд̣̇д̇хигаваг̇г̇о батамо.
Suddhikavaggo paṭhamo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
9. батамавибхан̇г̇асуд̇д̇ам̣ • 9. Paṭhamavibhaṅgasuttaṃ
10. д̣̇уд̇ияавибхан̇г̇асуд̇д̇ам̣ • 10. Dutiyavibhaṅgasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9-10. батамавибхан̇г̇асуд̇д̇аад̣̇иван̣н̣анаа • 9-10. Paṭhamavibhaṅgasuttādivaṇṇanā
