| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
8. винаяаваг̇г̇о
8. Vinayavaggo
1. батамавинаяад̇харасуд̇д̇ам̣
1. Paṭhamavinayadharasuttaṃ
75. 1 ‘‘сад̇д̇ахи , бхигкавз, д̇хаммзхи саманнааг̇ад̇о бхигку винаяад̇харо ход̇и. гад̇амзхи сад̇д̇ахи? аабад̇д̇им̣ ж̇аанаад̇и, анаабад̇д̇им̣ ж̇аанаад̇и, лахугам̣ аабад̇д̇им̣ ж̇аанаад̇и, г̇аругам̣ аабад̇д̇им̣ ж̇аанаад̇и, сийлаваа ход̇и баад̇имогкасам̣варасам̣вуд̇о вихарад̇и аажаараг̇ожарасамбанно ан̣умад̇д̇зсу важ̇ж̇зсу бхаяад̣̇ассаавий самаад̣̇ааяа сигкад̇и сигкаабад̣̇зсу, жад̇уннам̣ жхаанаанам̣ аабхижзд̇асигаанам̣ д̣̇идтад̇хаммасукавихаараанам̣ нигаамалаабхий ход̇и агижчалаабхий агасиралаабхий, аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. имзхи ко, бхигкавз, сад̇д̇ахи д̇хаммзхи саманнааг̇ад̇о бхигку винаяад̇харо ход̇ий’’д̇и. батамам̣.
75.2 ‘‘Sattahi , bhikkhave, dhammehi samannāgato bhikkhu vinayadharo hoti. Katamehi sattahi? Āpattiṃ jānāti, anāpattiṃ jānāti, lahukaṃ āpattiṃ jānāti, garukaṃ āpattiṃ jānāti, sīlavā hoti pātimokkhasaṃvarasaṃvuto viharati ācāragocarasampanno aṇumattesu vajjesu bhayadassāvī samādāya sikkhati sikkhāpadesu, catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī, āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Imehi kho, bhikkhave, sattahi dhammehi samannāgato bhikkhu vinayadharo hotī’’ti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. батамавинаяад̇харасуд̇д̇аван̣н̣анаа • 1. Paṭhamavinayadharasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-8. батамавинаяад̇харасуд̇д̇аад̣̇иван̣н̣анаа • 1-8. Paṭhamavinayadharasuttādivaṇṇanā
