| Library / Tipiṭaka / திபிடக • Tipiṭaka / பஞ்சபகரண-மூலடீகா • Pañcapakaraṇa-mūlaṭīkā |
7. பத²வீகம்மவிபாகோதிகதா²வண்ணனா
7. Pathavīkammavipākotikathāvaṇṇanā
492. ப²ஸ்ஸோ ஸுக²வேத³னீயாதி³பே⁴தோ³ ஹோதீதி ப²ஸ்ஸேன ஸப்³ப³ம்பி கம்மவிபாகங் த³ஸ்ஸெத்வா புன அத்தவஜ்ஜேஹி ஸம்பயோக³த³ஸ்ஸனத்த²ங் ‘‘ஸோ ச ஸஞ்ஞாத³யோ சா’’திஆதி³ வுத்தங். அத்தி² ச நேஸந்தி ஸாவஜ்ஜனே சக்கு²விஞ்ஞாணாதி³ஸஹஜாதத⁴ம்மே ஸந்தா⁴ய வுத்தங். யோ தத்த² இட்ட²விபாகோ, தஸ்ஸ பத்த²னாதி இட்ட²விபாகே ஏவ பத்த²னங் கத்வா கம்மங் கரொந்தீதி கம்மூபனிஸ்ஸயபூ⁴தமேவ பத்த²னங் த³ஸ்ஸேதி, பச்சுப்பன்னவேத³னாபச்சயங் வா தண்ஹங் உபாதா³னாதி³னிப்³ப³த்தனவஸேன து³க்க²ஸ்ஸ பபா⁴விதங். மூலதண்ஹாதி பச்சுப்பன்னவிபாகவட்டனிப்³ப³த்தககம்மஸ்ஸ உபனிஸ்ஸயபூ⁴தங் புரிமதண்ஹங், கம்மஸஹாயங் வா விபாகஸ்ஸ உபனிஸ்ஸயபூ⁴தங்.
492. Phassosukhavedanīyādibhedo hotīti phassena sabbampi kammavipākaṃ dassetvā puna attavajjehi sampayogadassanatthaṃ ‘‘so ca saññādayo cā’’tiādi vuttaṃ. Atthi ca nesanti sāvajjane cakkhuviññāṇādisahajātadhamme sandhāya vuttaṃ. Yo tattha iṭṭhavipāko, tassa patthanāti iṭṭhavipāke eva patthanaṃ katvā kammaṃ karontīti kammūpanissayabhūtameva patthanaṃ dasseti, paccuppannavedanāpaccayaṃ vā taṇhaṃ upādānādinibbattanavasena dukkhassa pabhāvitaṃ. Mūlataṇhāti paccuppannavipākavaṭṭanibbattakakammassa upanissayabhūtaṃ purimataṇhaṃ, kammasahāyaṃ vā vipākassa upanissayabhūtaṃ.
493. ஸகஸமயவஸேன ச சோத³னாய பயுஜ்ஜமானதங் த³ஸ்ஸேதுங் ‘‘தேஸஞ்ச லத்³தி⁴யா’’திஆதி³மாஹ.
493. Sakasamayavasena ca codanāya payujjamānataṃ dassetuṃ ‘‘tesañca laddhiyā’’tiādimāha.
494. படிலாப⁴வஸேனாதி கம்மே ஸதி பத²வியாதீ³னங் படிலாபோ⁴ ஹோதீதி கம்மங் தங்ஸங்வத்தனிகங் நாம ஹோதீதி த³ஸ்ஸேதி.
494. Paṭilābhavasenāti kamme sati pathaviyādīnaṃ paṭilābho hotīti kammaṃ taṃsaṃvattanikaṃ nāma hotīti dasseti.
பத²வீகம்மவிபாகோதிகதா²வண்ணனா நிட்டி²தா.
Pathavīkammavipākotikathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (69) 7. பத²வீ கம்மவிபாகோதிகதா² • (69) 7. Pathavī kammavipākotikathā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 7. பத²வீகம்மவிபாகோதிகதா²வண்ணனா • 7. Pathavīkammavipākotikathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 7. பத²வீகம்மவிபாகோதிகதா²வண்ணனா • 7. Pathavīkammavipākotikathāvaṇṇanā
