| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
7. бат̇авийгаммавибаагод̇игат̇ааван̣н̣анаа
7. Pathavīkammavipākotikathāvaṇṇanā
492. ид̣̇аани бат̇авий гаммавибаагод̇игат̇аа наама ход̇и. д̇ад̇т̇а яасмаа ‘‘ад̇т̇и иссарияасам̣вад̇д̇анияам̣ гаммам̣, аад̇хибажжасам̣вад̇д̇анияам̣ гамма’’нд̇и зд̇т̇а иссараанам̣ бхааво иссарияам̣ наама , ад̇хибад̇ийнан̃жа бхааво аад̇хибажжам̣ наама, бат̇ависсарияааад̇хибажжасам̣вад̇д̇аниган̃жа гаммам̣ ад̇т̇ийд̇и вуд̇д̇ам̣. д̇асмаа язсам̣ ‘‘бат̇авий гаммавибааго’’д̇и лад̣̇д̇хи, сзяяат̇ааби анд̇хагаанам̣; д̇з санд̇хааяа бат̇авийд̇и бужчаа сагаваад̣̇исса, бадин̃н̃аа ид̇арасса. сукавзд̣̇анийяаад̇иаад̣̇и гаммавибаагасабхаавад̣̇ассанавасзна вуд̇д̇ам̣. ‘‘пассо ход̇ий’’д̇иаад̣̇инаа наязна нид̣̇д̣̇идтзсу вибаагзсу пассо сукавзд̣̇анийяаад̣̇ибхзд̣̇о ход̇и. со жа сан̃н̃аад̣̇аяо жа сукавзд̣̇анаад̣̇ийхи самбаяуд̇д̇аа, взд̣̇анаад̣̇аяо сан̃н̃аад̣̇ийхи, саб̣б̣зби саарамман̣аа, ад̇т̇и жа нзсам̣ бурзжааригааавадданаад̣̇исан̇каад̇ам̣ ааваж̇ж̇анам̣, гаммабажжаяабхууд̇аа жзд̇анаа, яо д̇ад̇т̇а идтавибааго, д̇асса бад̇т̇анаа, бан̣ид̇хаанавасзна бавад̇д̇аа муулад̇ан̣хаа, гим̣ д̇з зваруубаа бат̇авийд̇и бужчад̇и. ид̇аро бадигкибад̇и. бадиломабужчаад̣̇ийни уд̇д̇аанад̇т̇аанзва.
492. Idāni pathavī kammavipākotikathā nāma hoti. Tattha yasmā ‘‘atthi issariyasaṃvattaniyaṃ kammaṃ, ādhipaccasaṃvattaniyaṃ kamma’’nti ettha issarānaṃ bhāvo issariyaṃ nāma , adhipatīnañca bhāvo ādhipaccaṃ nāma, pathavissariyaādhipaccasaṃvattanikañca kammaṃ atthīti vuttaṃ. Tasmā yesaṃ ‘‘pathavī kammavipāko’’ti laddhi, seyyathāpi andhakānaṃ; te sandhāya pathavīti pucchā sakavādissa, paṭiññā itarassa. Sukhavedanīyātiādi kammavipākasabhāvadassanavasena vuttaṃ. ‘‘Phasso hotī’’tiādinā nayena niddiṭṭhesu vipākesu phasso sukhavedanīyādibhedo hoti. So ca saññādayo ca sukhavedanādīhi sampayuttā, vedanādayo saññādīhi, sabbepi sārammaṇā, atthi ca nesaṃ purecārikaāvaṭṭanādisaṅkhātaṃ āvajjanaṃ, kammapaccayabhūtā cetanā, yo tattha iṭṭhavipāko, tassa patthanā, paṇidhānavasena pavattā mūlataṇhā, kiṃ te evarūpā pathavīti pucchati. Itaro paṭikkhipati. Paṭilomapucchādīni uttānatthāneva.
493. гаммавибааго барзсам̣ саад̇хааран̣од̇и бан̃хз пассаад̣̇аяо санд̇хааяа бадигкибад̇и, гаммасамудтаанам̣ руубан̃жа бат̇авийаад̣̇ийнам̣язва жа саад̇хааран̣абхаавам̣ санд̇хааяа бадиж̇аанаад̇и. асаад̇хааран̣аман̃н̃зсанд̇и суд̇д̇ам̣ барасамаяад̇о аахарид̇ваа д̣̇ассид̇ам̣. саб̣б̣з сад̇д̇аа бат̇авим̣ барибхун̃ж̇анд̇ийд̇и бан̃хз бат̇авим̣ аниссид̇з санд̇хааяа бадигкибад̇и, ниссид̇з санд̇хааяа бадиж̇аанаад̇и. бат̇авим̣ абарибхун̃ж̇ид̇ваа бариниб̣б̣ааяанд̇ийд̇и бан̃хз ааруббз бариниб̣б̣ааяанд̇аанам̣ васзна бадиж̇аанаад̇и. гаммавибаагам̣ акзбзд̇ваад̇и ид̣̇ам̣ барасамаяавасзна вуд̇д̇ам̣. гаммавибааган̃хи кзбзд̇ваава бариниб̣б̣ааяанд̇ийд̇и д̇зсам̣ лад̣̇д̇хи. сагасамаяз бана гад̇огаасасса гаммасса уббаннам̣ вибаагам̣ акзбзд̇ваа бариниб̣б̣аанам̣ над̇т̇и. д̇зсан̃жа лад̣̇д̇хияаа бат̇авий саад̇хааран̣авибаагад̇д̇аа уббаннавибаагоязва ход̇и. д̇ам̣ вибаагабхаавзна тид̇ам̣ акзбзд̇ваа бариниб̣б̣аанам̣ на яуж̇ж̇ад̇ийд̇и жод̣̇зд̇ум̣ ваддад̇и. ид̇аро лад̣̇д̇хивасзна бадигкибад̇и. жаггавад̇д̇исад̇д̇асса гаммавибааганд̇и бан̃хз асаад̇хааран̣ам̣ пассаад̣̇им̣ санд̇хааяа бадигкибад̇и, саад̇хааран̣ам̣ санд̇хааяа бадиж̇аанаад̇и. бат̇авийсамуд̣̇д̣̇асуурияажанд̣̇имаад̣̇аяо хи саб̣б̣зсам̣ саад̇хааран̣агаммавибаагод̇и д̇зсам̣ лад̣̇д̇хи.
493. Kammavipāko paresaṃ sādhāraṇoti pañhe phassādayo sandhāya paṭikkhipati, kammasamuṭṭhānaṃ rūpañca pathavīādīnaṃyeva ca sādhāraṇabhāvaṃ sandhāya paṭijānāti. Asādhāraṇamaññesanti suttaṃ parasamayato āharitvā dassitaṃ. Sabbe sattā pathaviṃ paribhuñjantīti pañhe pathaviṃ anissite sandhāya paṭikkhipati, nissite sandhāya paṭijānāti. Pathaviṃ aparibhuñjitvā parinibbāyantīti pañhe āruppe parinibbāyantānaṃ vasena paṭijānāti. Kammavipākaṃ akhepetvāti idaṃ parasamayavasena vuttaṃ. Kammavipākañhi khepetvāva parinibbāyantīti tesaṃ laddhi. Sakasamaye pana katokāsassa kammassa uppannaṃ vipākaṃ akhepetvā parinibbānaṃ natthi. Tesañca laddhiyā pathavī sādhāraṇavipākattā uppannavipākoyeva hoti. Taṃ vipākabhāvena ṭhitaṃ akhepetvā parinibbānaṃ na yujjatīti codetuṃ vaṭṭati. Itaro laddhivasena paṭikkhipati. Cakkavattisattassa kammavipākanti pañhe asādhāraṇaṃ phassādiṃ sandhāya paṭikkhipati, sādhāraṇaṃ sandhāya paṭijānāti. Pathavīsamuddasūriyacandimādayo hi sabbesaṃ sādhāraṇakammavipākoti tesaṃ laddhi.
494. иссарияасам̣вад̇д̇анияанд̇и зд̇т̇а иссарияам̣ наама б̣ахуд̇ханад̇аа. аад̇хибажжам̣ наама сзсаж̇анз ад̇д̇ано васз вад̇д̇зд̇ваа д̇зхи г̇аругаад̇аб̣б̣адтзна ад̇хибад̇ибхааво. д̇ад̇т̇а гаммам̣ бадилаабхавасзна д̇ам̣сам̣вад̇д̇анигам̣ наама ход̇и, на ж̇анагавасзна. д̇асмаа вибаагабхаавз асаад̇хагамзд̇анд̇и.
494. Issariyasaṃvattaniyanti ettha issariyaṃ nāma bahudhanatā. Ādhipaccaṃ nāma sesajane attano vase vattetvā tehi garukātabbaṭṭhena adhipatibhāvo. Tattha kammaṃ paṭilābhavasena taṃsaṃvattanikaṃ nāma hoti, na janakavasena. Tasmā vipākabhāve asādhakametanti.
бат̇авий гаммавибаагод̇игат̇ааван̣н̣анаа.
Pathavī kammavipākotikathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (69) 7. бат̇авий гаммавибаагод̇игат̇аа • (69) 7. Pathavī kammavipākotikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 7. бат̇авийгаммавибаагод̇игат̇ааван̣н̣анаа • 7. Pathavīkammavipākotikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 7. бат̇авийгаммавибаагод̇игат̇ааван̣н̣анаа • 7. Pathavīkammavipākotikathāvaṇṇanā
