Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
34. бат̇авийнид̣̇д̣̇зсаван̣н̣анаа
34. Pathavīniddesavaṇṇanā
242. ж̇аад̇аа (баажи. 86; баажи. адта. 86-88; ган̇каа. адта. бат̇авийкан̣анасигкаабад̣̇аван̣н̣анаа) аж̇аад̇аад̇и д̣̇увид̇хаа бат̇авийд̇и ад̇т̇о. ид̣̇аани д̇ад̣̇убхаяам̣ д̣̇ассзд̇ум̣ ‘‘суд̣̇д̇хамад̇д̇игабам̣сугаа’’д̇иаад̣̇имааха. д̇ад̇т̇а суд̣̇д̇хамад̇д̇игабам̣сугаа жа ад̣̇ад̣дхаа жа б̣ахумад̇д̇игабам̣сугаа жа жаад̇умаасаад̇хиговадтабам̣сумад̇д̇игарааси жа ж̇аад̇абат̇авийд̇и самб̣анд̇хо. зд̇т̇а бана ад̣̇ад̣дхаад̇и уд̣̇д̇ханабажанагумбхагаарааваабабхааж̇анабажанаад̣̇ивасзна д̇ат̇аа д̇ат̇аа ад̣̇ад̣дхаа. аяам̣ бана висум̣ над̇т̇и, суд̣̇д̇хабам̣суаад̣̇ийсу ан̃н̃ад̇араава взд̣̇ид̇аб̣б̣аа. суд̣̇д̇хабам̣су суд̣̇д̇хамад̇д̇игаа язбхуяязнабам̣су язбхуяязнамад̇д̇игаа ад̇ирзгажаад̇умаасаад̇хиговадтамад̇д̇игаабам̣субун̃ж̇аа жа ад̣̇ад̣дхаа жаад̇и аяам̣ саб̣б̣ааби ж̇аад̇абат̇авийд̇и взд̣̇ид̇аб̣б̣аа.
242. Jātā (pāci. 86; pāci. aṭṭha. 86-88; kaṅkhā. aṭṭha. pathavīkhaṇanasikkhāpadavaṇṇanā) ajātāti duvidhā pathavīti attho. Idāni tadubhayaṃ dassetuṃ ‘‘suddhamattikapaṃsukā’’tiādimāha. Tattha suddhamattikapaṃsukā ca adaḍḍhā ca bahumattikapaṃsukā ca cātumāsādhikovaṭṭhapaṃsumattikarāsi ca jātapathavīti sambandho. Ettha pana adaḍḍhāti uddhanapacanakumbhakārāvāpabhājanapacanādivasena tathā tathā adaḍḍhā. Ayaṃ pana visuṃ natthi, suddhapaṃsuādīsu aññatarāva veditabbā. Suddhapaṃsu suddhamattikā yebhuyyenapaṃsu yebhuyyenamattikā atirekacātumāsādhikovaṭṭhamattikāpaṃsupuñjā ca adaḍḍhā cāti ayaṃ sabbāpi jātapathavīti veditabbā.
243. д̣̇уд̇ияаад̇и аж̇аад̇абат̇авийд̇и ад̇т̇о. вуд̇д̇араасийд̇и мад̇д̇игарааси жа бам̣сурааси жа жаад̇умаасомавадтаго аж̇аад̇абат̇авийд̇и ад̇т̇о.
243.Dutiyāti ajātapathavīti attho. Vuttarāsīti mattikarāsi ca paṃsurāsi ca cātumāsomavaṭṭhako ajātapathavīti attho.
244. ид̣̇аани язбхуяязнамад̇д̇игаа язбхуяязнабам̣сугаа язбхуяязнасагкараад̇и звам̣ вуд̇д̇аасу гид̇д̇аавад̇аа язбхуяяад̇аа ход̇ийд̇и д̇ам̣ д̣̇ассзд̇ум̣ ‘‘д̣̇вз бхааг̇аа’’д̇иаад̣̇имааха. д̇ад̇т̇а д̇ийсу бхааг̇зсу д̣̇вз бхааг̇аа мад̇д̇игаа яассаа бхуумияаа, зсаа язбхуяяамад̇д̇игаад̇и самб̣анд̇хо. убад̣дхабам̣суаад̣̇аяоби габбияаа зва агаббияабхааг̇асса анад̇ирзгад̇о. ‘‘язбхуяязнамад̇д̇игаа язбхуяязнабам̣сугаа’’д̇и (баажи. 86) хи вуд̇д̇ам̣, на ‘‘убад̣дхамад̇д̇игаа, убад̣дхабам̣сугаа’’д̇и. сзсзсубийд̇и язбхуяяабам̣сугаад̣̇ийсуби.
244. Idāni yebhuyyenamattikā yebhuyyenapaṃsukā yebhuyyenasakkharāti evaṃ vuttāsu kittāvatā yebhuyyatā hotīti taṃ dassetuṃ ‘‘dve bhāgā’’tiādimāha. Tattha tīsu bhāgesu dve bhāgā mattikā yassā bhūmiyā, esā yebhuyyamattikāti sambandho. Upaḍḍhapaṃsuādayopi kappiyā eva akappiyabhāgassa anatirekato. ‘‘Yebhuyyenamattikā yebhuyyenapaṃsukā’’ti (pāci. 86) hi vuttaṃ, na ‘‘upaḍḍhamattikā, upaḍḍhapaṃsukā’’ti. Sesesupīti yebhuyyapaṃsukādīsupi.
245. ж̇аад̇асан̃н̃исса баажид̇д̇ийд̇и самб̣анд̇хо. д̣̇взл̣хасса вимад̇исса д̣̇уггадам̣. ж̇аад̇з аж̇аад̇асан̃н̃исса анаабад̇д̇и.
245. Jātasaññissa pācittīti sambandho. Dveḷhassa vimatissa dukkaṭaṃ. Jāte ajātasaññissa anāpatti.
246. згааяаан̣ад̇д̇ияаа згаад̇и сажз сагим̣ аан̣ад̇д̇о д̣̇ивасамби кан̣ад̇и, аан̣аабагасса згаа зваад̇и ад̇т̇о. ваажасод̇и ваажааяа ваажааяаад̇и ад̇т̇о.
246.Ekāyāṇattiyā ekāti sace sakiṃ āṇatto divasampi khaṇati, āṇāpakassa ekā evāti attho. Vācasoti vācāya vācāyāti attho.
247. зд̇т̇а ‘‘ж̇аалзхи аг̇г̇и’’нд̇и ваа вад̇д̇ум̣ на ваддад̇и. анияамзд̇ваа бана ‘‘богкаран̣им̣ кан̣а, бат̇авим̣ кан̣а, ваабим̣ кан̣а, ааваадам̣ кан̣а, ганд̣̇ам̣ кан̣аа’’д̇и вад̇д̇ум̣ ваддад̇и.
247. Ettha ‘‘jālehi aggi’’nti vā vattuṃ na vaṭṭati. Aniyametvā pana ‘‘pokkharaṇiṃ khaṇa, pathaviṃ khaṇa, vāpiṃ khaṇa, āvāṭaṃ khaṇa, kandaṃ khaṇā’’ti vattuṃ vaṭṭati.
248. зд̣̇исанд̇и зд̇т̇а ан̃н̃амби зваруубам̣ габбияавохаараважанам̣ ваддад̇ийд̇и ад̇хиббааяо.
248.Edisanti ettha aññampi evarūpaṃ kappiyavohāravacanaṃ vaṭṭatīti adhippāyo.
249. гобзд̇ум̣ лаб̣бханд̇и самб̣анд̇хо, гхадаад̣̇ийхи г̇ахзд̇ум̣ саггун̣зяяагам̣ уссин̃жанийяагад̣̇д̣̇амам̣.
249. Kopetuṃ labbhanti sambandho, ghaṭādīhi gahetuṃ sakkuṇeyyakaṃ ussiñcanīyakaddamaṃ.
251-2. уд̣̇агасанд̇игз бад̇ид̇зд̇и самб̣анд̇хо. уд̣̇агз бад̇ид̇ам̣ бана саб̣б̣агаалам̣ габбияамзва, д̇асмаа агаббияам̣ д̣̇ассзд̇ум̣ ‘‘уд̣̇агасанд̇игз’’д̇и вуд̇д̇ам̣. баасаан̣з лаг̇г̇з раж̇з жа навасон̣д̣ияаа бад̇ид̇з раж̇з жаад̇и самб̣анд̇хо. аб̣бхогаасудтид̇з ваммигз жа мад̇д̇игаагуддз жаад̇и ад̇т̇о, д̇ат̇аа зд̇зби саб̣б̣з жаад̇умаасаад̇хиговадтаа на гобзд̇аб̣б̣аад̇и ад̇т̇о.
251-2. Udakasantike patiteti sambandho. Udake patitaṃ pana sabbakālaṃ kappiyameva, tasmā akappiyaṃ dassetuṃ ‘‘udakasantike’’ti vuttaṃ. Pāsāṇe lagge raje ca navasoṇḍiyā patite raje cāti sambandho. Abbhokāsuṭṭhite vammike ca mattikākuṭṭe cāti attho, tathā etepi sabbe cātumāsādhikovaṭṭhā na kopetabbāti attho.
253-5. бхуумим̣ вигобаяам̣ т̇амбхаад̣̇им̣ г̇ан̣хид̇ум̣ на жа габбад̇ийд̇и самб̣анд̇хо. д̇хаарааяаад̇и бассаавад̇хаарааяа. бад̣̇ам̣ д̣̇ассзссаамийд̇и самб̣анд̇хо.
253-5. Bhūmiṃ vikopayaṃ thambhādiṃ gaṇhituṃ na ca kappatīti sambandho. Dhārāyāti passāvadhārāya. Padaṃ dassessāmīti sambandho.
257. сзгод̇и син̃жанам̣. бхуумияаа аллахад̇т̇ам̣ табзд̇ваад̇и самб̣анд̇хо.
257.Sekoti siñcanaṃ. Bhūmiyā allahatthaṃ ṭhapetvāti sambandho.
258. авасз сад̇ийд̇и хад̇т̇ад̣̇аахаад̣̇ийсу аабад̣̇аасууд̇и ад̇т̇о. бат̇авийвинижчаяо.
258.Avase satīti hatthadāhādīsu āpadāsūti attho. Pathavīvinicchayo.
бат̇авийнид̣̇д̣̇зсаван̣н̣анаа нидтид̇аа.
Pathavīniddesavaṇṇanā niṭṭhitā.