| Library / Tipiṭaka / д̇ибидага • Tipiṭaka / д̣̇ийгханигааяа (дийгаа) • Dīghanikāya (ṭīkā) |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
д̣̇ийгханигааяз
Dīghanikāye
баат̇игаваг̇г̇адийгаа
Pāthikavaggaṭīkā
1. баат̇игасуд̇д̇аван̣н̣анаа
1. Pāthikasuttavaṇṇanā
сунагкад̇д̇авад̇т̇уван̣н̣анаа
Sunakkhattavatthuvaṇṇanā
1. абуб̣б̣абад̣̇аван̣н̣анаад̇и ад̇т̇асам̣ван̣н̣анаавасзна хздтаа аг̇г̇ахид̇ад̇ааяа абуб̣б̣асса абхинавасса бад̣̇асса ван̣н̣анаа ад̇т̇авибхааванаа. ‘‘хид̇ваа бунаббунааг̇ад̇амад̇т̇а’’нд̇и (д̣̇ий. ни. адта. 1.г̇ант̇аарамбхагат̇аа) хи вуд̇д̇ам̣. маллзсууд̇и зд̇т̇а яам̣ вад̇д̇аб̣б̣ам̣, д̇ам̣ хздтаа вуд̇д̇анаяамзва. чааяууд̣̇агасамбаннз ванасан̣д̣з вихарад̇ийд̇и анубияасааманд̇аа гад̇асса вихаарасса абхаавад̇о. яад̣̇и на д̇аава бавидто, гасмаа ‘‘баависий’’д̇и вуд̇д̇анд̇и ааха ‘‘бависиссаамий’’д̇иаад̣̇и, д̇зна авассам̣ бхаавини бхууд̇з вияа убажаараа хонд̇ийд̇и д̣̇ассзд̇и. ид̣̇аани д̇амад̇т̇ам̣ убамааяа вибхаавзнд̇о ‘‘яат̇аа ги’’нд̇иаад̣̇имааха. зд̇анд̇и зд̇ам̣ ‘‘ад̇иббаг̇о ко’’д̇иаад̣̇игам̣ жинд̇анам̣ ахоси. ад̇ивияа баг̇о код̇и ад̇ивияа баад̇ова. чаннагобийнад̇ааяа, бариб̣б̣ааж̇агабаб̣б̣аж̇ж̇убаг̇амзна жа чаннабариб̣б̣ааж̇агам̣, на наг̇г̇абариб̣б̣ааж̇агам̣.
1.Apubbapadavaṇṇanāti atthasaṃvaṇṇanāvasena heṭṭhā aggahitatāya apubbassa abhinavassa padassa vaṇṇanā atthavibhāvanā. ‘‘Hitvā punappunāgatamattha’’nti (dī. ni. aṭṭha. 1.ganthārambhakathā) hi vuttaṃ. Mallesūti ettha yaṃ vattabbaṃ, taṃ heṭṭhā vuttanayameva. Chāyūdakasampanne vanasaṇḍe viharatīti anupiyasāmantā katassa vihārassa abhāvato. Yadi na tāva paviṭṭho, kasmā ‘‘pāvisī’’ti vuttanti āha ‘‘pavisissāmī’’tiādi, tena avassaṃ bhāvini bhūte viya upacārā hontīti dasseti. Idāni tamatthaṃ upamāya vibhāvento ‘‘yathā ki’’ntiādimāha. Etanti etaṃ ‘‘atippago kho’’tiādikaṃ cintanaṃ ahosi. Ativiyapago khoti ativiya pātova. Channakopīnatāya, paribbājakapabbajjupagamena ca channaparibbājakaṃ, na naggaparibbājakaṃ.
2. яасмаа бхаг̇авад̇о ужжаагулаббасуд̇ад̇ам̣, махаабхинигкамананигканд̇ад̇ам̣, анан̃н̃асаад̇хааран̣ад̣̇уггаражаран̣ам̣, вивзгаваасам̣, логасамбхаавид̇ад̇ам̣, оваад̣̇аанусаасанийхи логасса б̣ахубагаарад̇ам̣, бараббаваад̣̇амад̣̇д̣̇анам̣, махид̣̇д̇хигад̇ам̣ , махаанубхаавад̇анд̇и звамаад̣̇игам̣ д̇ам̣д̇ам̣ад̇д̇абажжагкаг̇ун̣ависзсам̣ ниссааяа язбхуяязна ан̃н̃ад̇ид̇т̇ияааби бхаг̇аванд̇ам̣ д̣̇исваа аад̣̇араг̇аараваб̣ахумаанам̣ д̣̇ассзнд̇иязва, д̇асмаа вуд̇д̇ам̣ ‘‘бхаг̇аванд̇ам̣ д̣̇исваа маанат̇ад̣̇д̇хад̇ам̣ агад̇ваа’’д̇иаад̣̇и. логасамуд̣̇аажааравасзнаад̇и логобажааравасзна. жирассанд̇и жирагаалзна. аад̣̇ийни вад̣̇анд̇и убажааравасзна. д̇ассаад̇и бхаг̇г̇аваг̇од̇д̇асса бариб̣б̣ааж̇агасса. г̇ихисахааяод̇и г̇ихигаалад̇о бадтааяа сахааяо. бажжагкаад̇од̇и язнаагаарзна бажжагкаанаа, д̇ам̣ д̣̇ассзд̇ум̣ ‘‘бажжагкаамий’’д̇иаад̣̇и вуд̇д̇ам̣.
2. Yasmā bhagavato uccākulappasutataṃ, mahābhinikkhamananikkhantataṃ, anaññasādhāraṇadukkaracaraṇaṃ, vivekavāsaṃ, lokasambhāvitataṃ, ovādānusāsanīhi lokassa bahupakārataṃ, parappavādamaddanaṃ, mahiddhikataṃ , mahānubhāvatanti evamādikaṃ taṃtaṃattapaccakkhaguṇavisesaṃ nissāya yebhuyyena aññatitthiyāpi bhagavantaṃ disvā ādaragāravabahumānaṃ dassentiyeva, tasmā vuttaṃ ‘‘bhagavantaṃ disvā mānathaddhataṃ akatvā’’tiādi. Lokasamudācāravasenāti lokopacāravasena. Cirassanti cirakālena. Ādīni vadanti upacāravasena. Tassāti bhaggavagottassa paribbājakassa. Gihisahāyoti gihikālato paṭṭhāya sahāyo. Paccakkhātoti yenākārena paccakkhānā, taṃ dassetuṃ ‘‘paccakkhāmī’’tiādi vuttaṃ.
3. уд̣̇д̣̇иссаад̇и сад̇т̇угаарабхаавзна уд̣̇д̣̇иссаад̇и аяамзд̇т̇а ад̇хиббааяод̇и д̇ам̣ д̣̇ассзнд̇о ‘‘бхаг̇аваа мз’’д̇иаад̣̇имааха. яад̣̇аа сунагкад̇д̇асса ‘‘бхаг̇аванд̇ам̣ бажжагкаамий’’д̇и жид̇д̇ам̣ уббаннам̣, ваажаа бхиннаа, д̇ад̣̇аа звасса бхаг̇авад̇аа сад̣̇д̇хим̣ гожи самб̣анд̇хо над̇т̇и асагяабуд̇д̇ияабхаавад̇о саасанад̇о бариб̣аахирад̇д̇аа. аяам̣ д̇аавзд̇т̇а саасанаяуд̇д̇и, саа банааяам̣ табзд̇ваа саасанаяуд̇д̇иговид̣̇з ан̃н̃зсам̣ на саммад̣̇зва висаяод̇и бхаг̇аваа саб̣б̣асаад̇хааран̣авасзнасса ад̇д̇анаа самб̣анд̇хаабхаавам̣ д̣̇ассзд̇ум̣ ‘‘аби нуу’’д̇и аад̣̇им̣ вад̇ваа сунагкад̇д̇ам̣ ‘‘го санд̇о гам̣ бажжаажигкасий’’д̇и ааха. яасмаа мукааг̇ад̇ояам̣ самб̣анд̇хо, на бууж̇ааг̇ад̇аад̣̇иго, яо жа яаажагаяаажид̇аб̣б̣ад̇аавасзна ход̇и, д̇ад̣̇убхаяан̃жзд̇т̇а над̇т̇ийд̇и д̣̇ассзнд̇о бхаг̇аваа сунагкад̇д̇ам̣ ‘‘го санд̇о гам̣ бажжаажигкасий’’д̇и авожа, д̇асмаа д̇амад̇т̇ам̣ д̣̇ассзд̇ум̣ ‘‘яаажаго ваа’’д̇иаад̣̇и вуд̇д̇ам̣. яаажид̇аго ваа яаажагам̣ бажжаажигкзяяаад̇и самб̣анд̇хо. д̇вам̣ бана нзва яаажаго ‘‘ахам̣ бханд̇з бхаг̇аванд̇ам̣ уд̣̇д̣̇исса вихариссаамий’’д̇и звам̣ мама санд̇игам̣ анубаг̇ад̇ад̇д̇аа. на яаажид̇аго ‘‘зхи д̇вам̣ сунагкад̇д̇а мамам̣ уд̣̇д̣̇исса вихараахий’’д̇и звам̣ маяаа абад̇т̇ид̇ад̇д̇аа.
3.Uddissāti satthukārabhāvena uddissāti ayamettha adhippāyoti taṃ dassento ‘‘bhagavā me’’tiādimāha. Yadā sunakkhattassa ‘‘bhagavantaṃ paccakkhāmī’’ti cittaṃ uppannaṃ, vācā bhinnā, tadā evassa bhagavatā saddhiṃ koci sambandho natthi asakyaputtiyabhāvato sāsanato paribāhirattā. Ayaṃ tāvettha sāsanayutti, sā panāyaṃ ṭhapetvā sāsanayuttikovide aññesaṃ na sammadeva visayoti bhagavā sabbasādhāraṇavasenassa attanā sambandhābhāvaṃ dassetuṃ ‘‘api nū’’ti ādiṃ vatvā sunakkhattaṃ ‘‘ko santo kaṃ paccācikkhasī’’ti āha. Yasmā mukhāgatoyaṃ sambandho, na pūjāgatādiko, yo ca yācakayācitabbatāvasena hoti, tadubhayañcettha natthīti dassento bhagavā sunakkhattaṃ ‘‘ko santo kaṃ paccācikkhasī’’ti avoca, tasmā tamatthaṃ dassetuṃ ‘‘yācako vā’’tiādi vuttaṃ. Yācitako vā yācakaṃ paccācikkheyyāti sambandho. Tvaṃ pana neva yācako ‘‘ahaṃ bhante bhagavantaṃ uddissa viharissāmī’’ti evaṃ mama santikaṃ anupagatattā. Na yācitako ‘‘ehi tvaṃ sunakkhatta mamaṃ uddissa viharāhī’’ti evaṃ mayā apatthitattā.
го самаанод̇и яаажагаяаажид̇агзсу го наама хонд̇о. ганд̇и яаажагаяаажид̇агзсу зва гам̣ наама хонд̇ам̣ мам̣ бажжаажигкаси. д̇ужчабурисаад̇и жхаанамаг̇г̇аад̣̇иуд̇д̇аримануссад̇хаммзсу гассажиби абхааваа рид̇д̇абурисаа. нану жааяам̣ сунагкад̇д̇о логияаж̇жхаанаани, згажжаабхин̃н̃ан̃жа уббаад̣̇зсийд̇и? гин̃жааби уббаад̣̇зси, д̇ад̇о бана бхаг̇авад̇и аагхаад̇уббаад̣̇анзна сахзва барихийно ахоси. абараад̇хо наама суббадибад̇д̇ияаа вираж̇жханахзд̇убхууд̇о гилзсуббаад̣̇од̇и ааха ‘‘яад̇д̇аго д̇з абараад̇хо, д̇ад̇д̇аго д̣̇осо’’д̇и. яааван̃жаад̇и авад̇хибарижчзд̣̇абхаавад̣̇ассанам̣ ‘‘яааван̃жа д̇зна бхаг̇авад̇аа’’д̇иаад̣̇ийсу (д̣̇ий. ни. 1.3) вияа. д̇зд̇и д̇аяаа. ид̣̇анд̇и нибаад̇амад̇д̇ам̣. абарад̣̇д̇ханд̇и абараж̇жхид̇ам̣. ид̣̇ам̣ вуд̇д̇ам̣ ход̇и – ‘‘бажжаажигкаамид̣̇аанаахам̣ бханд̇з бхаг̇аванд̇а’’нд̇иаад̣̇ийни вад̣̇анд̇зна д̇ужчабуриса д̇аяаа яааван̃жид̣̇ам̣ абарад̣̇д̇хам̣, на д̇асса абараад̇хасса бамаан̣ам̣ ад̇т̇ийд̇и.
Ko samānoti yācakayācitakesu ko nāma honto. Kanti yācakayācitakesu eva kaṃ nāma hontaṃ maṃ paccācikkhasi. Tucchapurisāti jhānamaggādiuttarimanussadhammesu kassacipi abhāvā rittapurisā. Nanu cāyaṃ sunakkhatto lokiyajjhānāni, ekaccābhiññañca uppādesīti? Kiñcāpi uppādesi, tato pana bhagavati āghātuppādanena saheva parihīno ahosi. Aparādho nāma suppaṭipattiyā virajjhanahetubhūto kilesuppādoti āha ‘‘yattako te aparādho,tattako doso’’ti. Yāvañcāti avadhiparicchedabhāvadassanaṃ ‘‘yāvañca tena bhagavatā’’tiādīsu (dī. ni. 1.3) viya. Teti tayā. Idanti nipātamattaṃ. Aparaddhanti aparajjhitaṃ. Idaṃ vuttaṃ hoti – ‘‘paccācikkhāmidānāhaṃ bhante bhagavanta’’ntiādīni vadantena tucchapurisa tayā yāvañcidaṃ aparaddhaṃ, na tassa aparādhassa pamāṇaṃ atthīti.
4. мануссад̇хаммаад̇и бхааванаануяог̇зна винаа мануссзхи анудтаад̇аб̣б̣ад̇хаммаа. со хи мануссаанам̣ жид̇д̇аад̇хидтаанамад̇д̇зна иж̇жханад̇о д̇зсам̣ самбхаавид̇ад̇хаммо вияа тид̇о д̇ат̇аа вуд̇д̇о, мануссаг̇г̇ахан̣ан̃жзд̇т̇а д̇зсу б̣ахулам̣ бавад̇д̇анад̇о. ид̣̇д̇хибхууд̇ам̣ баадихаарияам̣, на аад̣̇зсанаанусаасанийбаадихаарияанд̇и ад̇хиббааяо. гад̇зд̇и бавад̇д̇ид̇з. нияяаад̇ийд̇и ниг̇г̇ажчад̇и, ваддад̣̇угкад̇о ниг̇г̇аманавасзна бавад̇д̇ад̇ийд̇и ад̇т̇о. д̇хаммз хи ниг̇г̇ажчанд̇з д̇ам̣саман̇г̇ибуг̇г̇ало ‘‘ниг̇г̇ажчад̇ий’’д̇и вужжад̇и, адтагат̇ааяам̣ бана ни-сад̣̇д̣̇о убасаг̇г̇амад̇д̇ам̣, яаад̇и ижжзва ад̇т̇од̇и д̣̇ассзд̇ум̣ г̇ажчад̇ийд̇и ад̇т̇о вуд̇д̇о. д̇ад̇раад̇и бад̇хаанабхаавзна вуд̇д̇асса ад̇т̇асса бхуммавасзна бадинид̣̇д̣̇зсод̇и д̇асмим̣ д̇хаммз саммаа д̣̇угкагкаяааяа нияяанд̇зд̇и аяамзд̇т̇а ад̇т̇од̇и д̣̇ассзнд̇о ааха ‘‘д̇асмим̣…бз… сам̣вад̇д̇амаанз’’д̇и.
4.Manussadhammāti bhāvanānuyogena vinā manussehi anuṭṭhātabbadhammā. So hi manussānaṃ cittādhiṭṭhānamattena ijjhanato tesaṃ sambhāvitadhammo viya ṭhito tathā vutto, manussaggahaṇañcettha tesu bahulaṃ pavattanato. Iddhibhūtaṃ pāṭihāriyaṃ, na ādesanānusāsanīpāṭihāriyanti adhippāyo. Kateti pavattite. Niyyātīti niggacchati, vaṭṭadukkhato niggamanavasena pavattatīti attho. Dhamme hi niggacchante taṃsamaṅgipuggalo ‘‘niggacchatī’’ti vuccati, aṭṭhakathāyaṃ pana ni-saddo upasaggamattaṃ, yāti icceva atthoti dassetuṃ gacchatīti attho vutto. Tatrāti padhānabhāvena vuttassa atthassa bhummavasena paṭiniddesoti tasmiṃ dhamme sammā dukkhakkhayāya niyyanteti ayamettha atthoti dassento āha ‘‘tasmiṃ…pe… saṃvattamāne’’ti.
5. аг̇г̇анд̇и н̃ааяад̇ийд̇и аг̇г̇ан̃н̃ам̣. логабан̃н̃ад̇д̇инд̇и логасса бан̃н̃аабанам̣. логасса аг̇г̇анд̇и логуббад̇д̇исамаяз ‘‘ид̣̇ам̣ наама логасса аг̇г̇а’’нд̇и звам̣ ж̇аанид̇аб̣б̣ам̣ б̣уж̇жхид̇аб̣б̣ам̣. аг̇г̇амарияаад̣̇анд̇и аад̣̇имарияаад̣̇ам̣.
5. Agganti ñāyatīti aggaññaṃ. Lokapaññattinti lokassa paññāpanaṃ. Lokassa agganti lokuppattisamaye ‘‘idaṃ nāma lokassa agga’’nti evaṃ jānitabbaṃ bujjhitabbaṃ. Aggamariyādanti ādimariyādaṃ.
6. зд̇д̇агам̣ виббалабид̇ваад̇и ‘‘на д̣̇аанаахам̣ бханд̇з бхаг̇аванд̇ам̣ уд̣̇д̣̇исса вихариссаамий’’д̇и, ‘‘на хи бана мз бханд̇з бхаг̇аваа уд̇д̇аримануссад̇хаммаа ид̣̇д̇хибаадихаарияам̣ гарод̇ий’’д̇и, ‘‘на хи бана мз бханд̇з бхаг̇аваа аг̇г̇ан̃н̃ам̣ бан̃н̃абзд̇ий’’д̇и жа зд̇д̇агам̣ виббалабид̇ваа. ид̣̇ам̣ гира со бхаг̇аваа сад̇т̇угижжам̣ ид̣̇д̇хибаадихаарияам̣, аг̇г̇ан̃н̃абан̃н̃аабанан̃жа гаад̇ум̣ на саггод̇ийд̇и багаасзнд̇о гат̇зси. д̇знааха ‘‘сунагкад̇д̇о гираа’’д̇иаад̣̇и. уд̇д̇араважанавасзна бад̇идтаабхаавад̇о аббад̇идто. д̇ад̇о зва нираво ниссад̣̇д̣̇о.
6.Ettakaṃ vippalapitvāti ‘‘na dānāhaṃ bhante bhagavantaṃ uddissa viharissāmī’’ti, ‘‘na hi pana me bhante bhagavā uttarimanussadhammā iddhipāṭihāriyaṃ karotī’’ti, ‘‘na hi pana me bhante bhagavā aggaññaṃ paññapetī’’ti ca ettakaṃ vippalapitvā. Idaṃ kira so bhagavā satthukiccaṃ iddhipāṭihāriyaṃ, aggaññapaññāpanañca kātuṃ na sakkotīti pakāsento kathesi. Tenāha ‘‘sunakkhatto kirā’’tiādi. Uttaravacanavasena patiṭṭhābhāvato appatiṭṭho. Tato eva niravo nissaddo.
аад̣̇ийнавад̣̇ассанад̇т̇анд̇и д̣̇идтад̇хаммигасса аад̣̇ийнавасса д̣̇ассанад̇т̇ам̣. д̇знааха ‘‘саяамзва г̇арахам̣ баабун̣иссасий’’д̇и. самбарааяигаа бана аад̣̇ийнаваа анзгавид̇хаа, д̇з д̣̇ассзнд̇о сунагкад̇д̇о на сад̣̇д̣̇ахзяяаад̇и д̣̇идтад̇хаммигассзва г̇ахан̣ам̣ . анзгагааран̣знаад̇и ‘‘ид̇иби со бхаг̇аваа араха’’нд̇иаад̣̇инаа (д̣̇ий. ни. 1.157, 255) анзгавид̇хзна ван̣н̣агааран̣зна. звам̣ мз аван̣н̣о на бхависсад̇ийд̇и аж̇жхаасаязна ад̇д̇ано б̣аалад̇ааяа ван̣н̣аарахаанам̣ аван̣н̣ам̣ гат̇зд̇ваа. звам̣ бхаг̇аваа магкибхаавз аад̣̇ийнавам̣ д̣̇ассзд̇ваа буна д̇асса гат̇анз гааран̣ам̣ вибхаавзд̇ум̣ ‘‘ид̇и ко д̇з’’д̇иаад̣̇имаахаад̇и д̇ам̣ д̣̇ассзд̇ум̣ ‘‘д̇ад̇о’’д̇иаад̣̇и вуд̇д̇ам̣. зван̃хи сунагкад̇д̇асса аббагоби важаногаасо на бхависсад̇ийд̇и. абаггамийд̇и ад̇д̇анаа яат̇аатид̇аа вудтааяа абасагги. абагганд̇о саасанад̇о бхадто. д̇знааха ‘‘жуд̇о’’д̇и. звамзваад̇и абаггаманд̇о жа на яат̇аа д̇ат̇аа абаггами, яат̇аа бана гааяасса бхзд̣̇аа абааяз ниб̣б̣ад̇д̇зяяа, звамзва абаггами.
Ādīnavadassanatthanti diṭṭhadhammikassa ādīnavassa dassanatthaṃ. Tenāha ‘‘sayameva garahaṃ pāpuṇissasī’’ti. Samparāyikā pana ādīnavā anekavidhā, te dassento sunakkhatto na saddaheyyāti diṭṭhadhammikasseva gahaṇaṃ . Anekakāraṇenāti ‘‘itipi so bhagavā araha’’ntiādinā (dī. ni. 1.157, 255) anekavidhena vaṇṇakāraṇena. Evaṃ me avaṇṇo na bhavissatīti ajjhāsayena attano bālatāya vaṇṇārahānaṃ avaṇṇaṃ kathetvā. Evaṃ bhagavā makkhibhāve ādīnavaṃ dassetvā puna tassa kathane kāraṇaṃ vibhāvetuṃ ‘‘iti kho te’’tiādimāhāti taṃ dassetuṃ ‘‘tato’’tiādi vuttaṃ. Evañhi sunakkhattassa appakopi vacanokāso na bhavissatīti. Apakkamīti attanā yathāṭhitā vuṭṭhāya apasakki. Apakkanto sāsanato bhaṭṭho. Tenāha ‘‘cuto’’ti. Evamevāti apakkamanto ca na yathā tathā apakkami, yathā pana kāyassa bhedā apāye nibbatteyya, evameva apakkami.
горакад̇д̇ияавад̇т̇уван̣н̣анаа
Korakhattiyavatthuvaṇṇanā
7. д̣̇вийхи бад̣̇зхийд̇и д̣̇вийхи ваагязхи аарад̣̇д̇хам̣ б̣яад̇ирзгавасзна д̇ад̣̇убхаяад̇т̇анид̣̇д̣̇зсавасзна убарид̣̇зсанааяа бавад̇д̇ад̇д̇аа. анусанд̇хид̣̇ассанавасзнаад̇и яат̇аанусанд̇хисан̇каад̇аанусанд̇хид̣̇ассанавасзна.
7.Dvīhi padehīti dvīhi vākyehi āraddhaṃ byatirekavasena tadubhayatthaniddesavasena uparidesanāya pavattattā. Anusandhidassanavasenāti yathānusandhisaṅkhātaanusandhidassanavasena.
згам̣ самаяанд̇и жа бхуммад̇т̇з убаяог̇аважананд̇и ааха ‘‘згасмим̣ самаяз’’д̇и жа. т̇уулуу наама ж̇анабад̣̇од̇и ж̇анабад̣̇ийнам̣ рааж̇агумаараанам̣ васзна д̇ат̇аалад̣̇д̇ханаамо. гуггуравад̇ам̣ самаад̣̇аанавасзна зд̇асмим̣ ад̇т̇ийд̇и гуггуравад̇игод̇и ааха ‘‘самаад̣̇иннагуггуравад̇о’’д̇и. ан̃н̃амбийд̇и ‘‘жад̇уггон̣д̣игассзва вижаран̣ам̣, д̇ат̇аа гад̇ваава каад̣̇анам̣, бхун̃ж̇анам̣, ваамабаад̣̇ам̣ уд̣̇д̇харид̇ваа муд̇д̇асса виссаж̇ж̇ана’’нд̇и звамаад̣̇игам̣ ан̃н̃амби сунакзхи гаад̇аб̣б̣агирияам̣. жад̇уухи сарийрааваяавзхи гун̣д̣анам̣ г̇аманам̣ жад̇уггон̣д̣о, со зд̇асмим̣ ад̇т̇ийд̇и жад̇уггон̣д̣иго. со бана яасмаа жад̇уухи сарийрааваяавзхи сан̇гхаддид̇аг̇амано ход̇и, д̇асмаа вуд̇д̇ам̣ ‘‘жад̇усан̇гхаддид̇о’’д̇и. д̇знзвааха ‘‘д̣̇вз ж̇ан̣н̣ууний’’д̇иаад̣̇и. бхагкасанд̇и ваа бхагкид̇аб̣б̣ам̣, асид̇аб̣б̣ан̃жа. д̇знзвааха ‘‘яам̣ гин̃жи каад̣̇анийяам̣ бхож̇анийяа’’нд̇и. гаамам̣ каад̣̇анан̃жа наама мукзна гаад̇аб̣б̣ам̣, хад̇т̇зна бана д̇ад̇т̇а убанааманам̣ ниваарзд̇ум̣ авад̇хааран̣ам̣ гад̇анд̇и ааха ‘‘хад̇т̇зна абараамасид̇ваа’’д̇и, аг̇г̇ахзд̇ваад̇и ад̇т̇о. сунд̣̇араруубод̇и сунд̣̇арабхааво. вад̇аад̇и бад̇т̇анад̇т̇з нибаад̇о ‘‘ахо вад̇аахам̣ лаабхий асса’’нд̇иаад̣̇ийсу вияа. ‘‘саман̣зна наама зваруубзна бхавид̇аб̣б̣ам̣ ахо вад̇аахам̣ зд̣̇исо бхавзяяа’’нд̇и звам̣ д̇асса бад̇т̇анаа ахоси. д̇знааха ‘‘звам̣ гираа’’д̇иаад̣̇и.
Ekaṃ samayanti ca bhummatthe upayogavacananti āha ‘‘ekasmiṃ samaye’’ti ca. Thūlū nāma janapadoti janapadīnaṃ rājakumārānaṃ vasena tathāladdhanāmo. Kukkuravataṃ samādānavasena etasmiṃ atthīti kukkuravatikoti āha ‘‘samādinnakukkuravato’’ti. Aññampīti ‘‘catukkoṇḍikasseva vicaraṇaṃ, tathā katvāva khādanaṃ, bhuñjanaṃ, vāmapādaṃ uddharitvā muttassa vissajjana’’nti evamādikaṃ aññampi sunakhehi kātabbakiriyaṃ. Catūhi sarīrāvayavehi kuṇḍanaṃ gamanaṃ catukkoṇḍo, so etasmiṃ atthīti catukkoṇḍiko. So pana yasmā catūhi sarīrāvayavehi saṅghaṭṭitagamano hoti, tasmā vuttaṃ ‘‘catusaṅghaṭṭito’’ti. Tenevāha ‘‘dve jaṇṇūnī’’tiādi. Bhakkhasanti vā bhakkhitabbaṃ, asitabbañca. Tenevāha ‘‘yaṃ kiñci khādanīyaṃ bhojanīya’’nti. Kāmaṃ khādanañca nāma mukhena kātabbaṃ, hatthena pana tattha upanāmanaṃ nivāretuṃ avadhāraṇaṃ katanti āha ‘‘hatthena aparāmasitvā’’ti, aggahetvāti attho. Sundararūpoti sundarabhāvo. Vatāti patthanatthe nipāto ‘‘aho vatāhaṃ lābhī assa’’ntiādīsu viya. ‘‘Samaṇena nāma evarūpena bhavitabbaṃ aho vatāhaṃ ediso bhaveyya’’nti evaṃ tassa patthanā ahosi. Tenāha ‘‘evaṃ kirā’’tiādi.
г̇арахад̇т̇з аби-гааро ‘‘аби син̃жз балан̣д̣ага’’нд̇иаад̣̇ийсу вияа. араханд̇з жа б̣уд̣̇д̇хз, б̣уд̣̇д̇хасаавагз ‘‘араханд̇о кийн̣аасаваа на хонд̇ий’’д̇и звам̣ д̇асса д̣̇идти уббаннаа. яат̇ааха махаасийханаад̣̇асуд̇д̇з ‘‘над̇т̇и саман̣асса г̇од̇амасса уд̇д̇аримануссад̇хаммаа аламарияан̃аан̣ад̣̇ассанависзсаа’’д̇и (ма. ни. 1.146). сад̇д̇амам̣ д̣̇ивасанд̇и бхуммад̇т̇з убаяог̇аважанам̣. аласагзнаад̇и аж̇ийран̣зна аамарог̇зна.
Garahattheapi-kāro ‘‘api siñce palaṇḍaka’’ntiādīsu viya. Arahante ca buddhe, buddhasāvake ‘‘arahanto khīṇāsavā na hontī’’ti evaṃ tassa diṭṭhi uppannā. Yathāha mahāsīhanādasutte ‘‘natthi samaṇassa gotamassa uttarimanussadhammā alamariyañāṇadassanavisesā’’ti (ma. ni. 1.146). Sattamaṃdivasanti bhummatthe upayogavacanaṃ. Alasakenāti ajīraṇena āmarogena.
адтид̇ажамад̇д̇ад̇ааяа бураан̣абан̣н̣асад̣̇исо. б̣ийран̣ад̇т̇амб̣аганд̇и б̣ийран̣аг̇ажчаа.
Aṭṭhitacamattatāya purāṇapaṇṇasadiso.Bīraṇatthambakanti bīraṇagacchā.
мад̇д̇аа зд̇асса ад̇т̇ийд̇и мад̇д̇ам̣, бхож̇анамад̇д̇аванд̇анд̇и ад̇т̇о. д̇знааха ‘‘бамаан̣аяуд̇д̇а’’нд̇и. манд̇аа манд̇аад̇и манд̇ааяа манд̇ааяа.
Mattā etassa atthīti mattaṃ, bhojanamattavantanti attho. Tenāha ‘‘pamāṇayutta’’nti. Mantā mantāti mantāya mantāya.
8. згад̣̇вийхигааяа г̇ан̣анааяа. нираахаарова ахоси бхаг̇авад̇о важанам̣ ан̃н̃ат̇аа гаад̇угаамо, д̇ат̇аабхууд̇оби сад̇д̇амз д̣̇ивасз убадтаагзна убанийд̇ам̣ бхагкасам̣ д̣̇исваа ‘‘д̇хий’’д̇и убадтаабзд̇ум̣ асаггонд̇о бхож̇анад̇ан̣хааяа аагад̣дхияамаанахад̣̇аяо д̇ам̣ гужчибуурам̣ бхун̃ж̇ид̇ваа бхаг̇авад̇аа вуд̇д̇анияаамзнзва гааламагааси. д̇зна вуд̇д̇ам̣ ‘‘ат̇ассаа’’д̇иаад̣̇и. сажзби…бз… жинд̇зяяаад̇и яад̣̇и зсо ажзло ‘‘д̇хий’’д̇и бажжубадтабзд̇ваа ‘‘аж̇ж̇аби ахам̣ на бхун̃ж̇зяяа’’нд̇и жинд̇зяяа, д̇ат̇аажинд̇анз сад̇иби д̣̇звад̇аавиг̇г̇ахзна д̇ам̣ д̣̇ивасам̣…бз… гарзяяа. гасмаа? ад̣̇взж̇жхаважанаа хи д̇ат̇ааг̇ад̇аа, на д̇зсам̣ важанам̣ вид̇ат̇ам̣ ход̇и.
8.Ekadvīhikāya gaṇanāya. Nirāhārova ahosi bhagavato vacanaṃ aññathā kātukāmo, tathābhūtopi sattame divase upaṭṭhākena upanītaṃ bhakkhasaṃ disvā ‘‘dhī’’ti upaṭṭhāpetuṃ asakkonto bhojanataṇhāya ākaḍḍhiyamānahadayo taṃ kucchipūraṃ bhuñjitvā bhagavatā vuttaniyāmeneva kālamakāsi. Tena vuttaṃ ‘‘athassā’’tiādi. Sacepi…pe… cinteyyāti yadi eso acelo ‘‘dhī’’ti paccupaṭṭhapetvā ‘‘ajjapi ahaṃ na bhuñjeyya’’nti cinteyya, tathācintane satipi devatāviggahena taṃ divasaṃ…pe… kareyya. Kasmā? Advejjhavacanā hi tathāgatā, na tesaṃ vacanaṃ vitathaṃ hoti.
г̇ад̇аг̇ад̇адтаанам̣ ан̇г̇ан̣амзва ход̇ийд̇и д̇зхи д̇ам̣ гад̣дхид̇ваа г̇ажчанд̇зхи г̇ад̇аг̇ад̇аббад̣̇зсо уд̇д̇арагасааманд̇аа вивадан̇г̇ан̣амзва худ̇ваа убадтаад̇и. д̇зд̇и д̇ид̇т̇ияаа. сусаанам̣язва г̇анд̇ваад̇и ‘‘б̣ийран̣ад̇т̇амб̣агам̣ ад̇иггамиссаамаа’’д̇и г̇ажчанд̇ааби анзгаваарам̣ д̇ам̣ анусам̣яааяид̇ваа бунаби д̇ам̣язва сусаанам̣ убаг̇анд̇ваа.
Gatagataṭṭhānaṃ aṅgaṇameva hotīti tehi taṃ kaḍḍhitvā gacchantehi gatagatappadeso uttarakasāmantā vivaṭaṅgaṇameva hutvā upaṭṭhāti. Teti titthiyā. Susānaṃyeva gantvāti ‘‘bīraṇatthambakaṃ atikkamissāmā’’ti gacchantāpi anekavāraṃ taṃ anusaṃyāyitvā punapi taṃyeva susānaṃ upagantvā.
9. ид̣̇анд̇и ид̣̇ам̣ мад̇асарийрам̣. ‘‘д̇амзва ваа сарийрам̣ гат̇аабзсийд̇и д̇ам̣ сарийрам̣ ад̇хидтахид̇ваа тид̇абзд̇зна гат̇аабзсий’’д̇и гзжи. горакад̇д̇ияам̣ ваа асураяонид̇о аанзд̇ваа гат̇аабзд̇у ан̃н̃ам̣ ваа бзд̇ам̣, го зд̇т̇а висзсо. ‘‘ажинд̇зяяо хи б̣уд̣̇д̇хависаяо’’д̇и бана важанад̇о д̇ад̣̇зва сарийрам̣ сунагкад̇д̇зна бахад̇амад̇д̇ам̣ б̣уд̣̇д̇хаанубхаавзна удтааяа д̇амад̇т̇ам̣ н̃аабзсийд̇и д̣̇адтаб̣б̣ам̣. буримоязва бана ад̇т̇о адтагат̇аасу винижчид̇о. д̇ат̇аа хи вагкад̇и ‘‘ниб̣б̣ад̇д̇адтаанад̇о’’д̇иаад̣̇и (д̣̇ий. ни. адта. 3.10).
9.Idanti idaṃ matasarīraṃ. ‘‘Tameva vā sarīraṃ kathāpesīti taṃ sarīraṃ adhiṭṭhahitvā ṭhitapetena kathāpesī’’ti keci. Korakhattiyaṃ vā asurayonito ānetvā kathāpetu aññaṃ vā petaṃ, ko ettha viseso. ‘‘Acinteyyo hi buddhavisayo’’ti pana vacanato tadeva sarīraṃ sunakkhattena pahatamattaṃ buddhānubhāvena uṭṭhāya tamatthaṃ ñāpesīti daṭṭhabbaṃ. Purimoyeva pana attho aṭṭhakathāsu vinicchito. Tathā hi vakkhati ‘‘nibbattaṭṭhānato’’tiādi (dī. ni. aṭṭha. 3.10).
10. вибааганд̇и палам̣, ад̇т̇аниб̣б̣ад̇д̇ийд̇и ад̇т̇о.
10.Vipākanti phalaṃ, atthanibbattīti attho.
самаанзд̇аб̣б̣аанийд̇и саммаа аанзд̇аб̣б̣аани, саруубад̇о аанзд̇ваа д̣̇ассзд̇аб̣б̣аанийд̇и ад̇т̇о. баадихаарияаанам̣ батамаад̣̇ид̇аа бхаг̇авад̇аа вуд̇д̇аанубуб̣б̣ияаа взд̣̇ид̇аб̣б̣аа. гзжи банзд̇т̇а ‘‘баражид̇д̇авибхааванам̣, ааяубарижчзд̣̇авибхааванам̣, б̣яаад̇хивибхааванам̣, г̇ад̇ивибхааванам̣, сарийранигкзбавибхааванам̣, сунагкад̇д̇зна сад̣̇д̇хим̣ гат̇аавибхааванан̃жаад̇и ча баадихаарияааний’’д̇и вад̣̇анд̇и, д̇ам̣ яад̣̇и сунагкад̇д̇асса жид̇д̇авибхааванам̣ санд̇хааяа вуд̇д̇ам̣, звам̣ сад̇и ‘‘сад̇д̇аа’’д̇и вад̇д̇аб̣б̣ам̣ д̇асса бхаавиаван̣н̣авибхааванааяа сад̣̇д̇хим̣. ат̇а ажзласса маран̣ажид̇д̇авибхааванам̣, д̇ам̣ ‘‘сад̇д̇амам̣ д̣̇ивасам̣ гаалам̣ гариссад̇ий’’д̇и иминаа сан̇г̇ахид̇анд̇и висум̣ на вад̇д̇аб̣б̣ам̣, д̇асмаа адтагат̇ааяам̣ вуд̇д̇анаязнзва г̇ахзд̇аб̣б̣ам̣.
Samānetabbānīti sammā ānetabbāni, sarūpato ānetvā dassetabbānīti attho. Pāṭihāriyānaṃ paṭhamāditā bhagavatā vuttānupubbiyā veditabbā. Keci panettha ‘‘paracittavibhāvanaṃ, āyuparicchedavibhāvanaṃ, byādhivibhāvanaṃ, gativibhāvanaṃ, sarīranikkhepavibhāvanaṃ, sunakkhattena saddhiṃ kathāvibhāvanañcāti cha pāṭihāriyānī’’ti vadanti, taṃ yadi sunakkhattassa cittavibhāvanaṃ sandhāya vuttaṃ, evaṃ sati ‘‘sattā’’ti vattabbaṃ tassa bhāviavaṇṇavibhāvanāya saddhiṃ. Atha acelassa maraṇacittavibhāvanaṃ, taṃ ‘‘sattamaṃ divasaṃ kālaṃ karissatī’’ti iminā saṅgahitanti visuṃ na vattabbaṃ, tasmā aṭṭhakathāyaṃ vuttanayeneva gahetabbaṃ.
ажзлагал̣аарамаддагавад̇т̇уван̣н̣анаа
Acelakaḷāramaṭṭakavatthuvaṇṇanā
11. нигканд̇ад̣̇анд̇амаддагод̇и нигканд̇ад̣̇анд̇о маддаго. со гира ажзлагабхаавад̇о буб̣б̣з маддагид̇о худ̇ваа вижари виварад̣̇анд̇о жа, д̇зна нам̣ ‘‘горамаддаго’’д̇и сан̃ж̇аананд̇и. яам̣ гин̃жи д̇асса д̣̇знд̇о ‘‘саад̇хуруубо аяам̣ саман̣о’’д̇и самбхаавзнд̇о аг̇г̇ам̣ сздтам̣язва д̣̇знд̇и. д̇зна вуд̇д̇ам̣ ‘‘лаабхаг̇г̇ам̣ бад̇д̇о, аг̇г̇алаабхам̣ бад̇д̇о’’д̇и. б̣ахуу ажзлагаа д̇ам̣ бариваарзд̇ваа вижаранд̇и, г̇ахадтаа жа д̇ам̣ б̣ахуу ад̣дхаа вибхавасамбаннаа гаалзна гаалам̣ убасан̇гамид̇ваа баяирубаасанд̇и. д̇зна вуд̇д̇ам̣ ‘‘яасаг̇г̇ам̣ аг̇г̇абариваарам̣ бад̇д̇о’’д̇и. вад̇ааниязва баж̇ж̇ид̇аб̣б̣ад̇о бад̣̇аани. ан̃н̃аман̃н̃ам̣ асан̇гарад̇о вад̇агодтаасаа ваа. самад̇д̇аанийд̇и самам̣ ад̇д̇ани г̇ахид̇аани. бурад̇т̇имзнаад̇и зна-сад̣̇д̣̇асамб̣анд̇хзна ‘‘взсаали’’нд̇и убаяог̇аважанам̣, авид̣̇уурад̇т̇з жа зна-сад̣̇д̣̇о бан̃жамяанд̇од̇и ааха ‘‘взсаалид̇о авид̣̇уурз’’д̇и.
11.Nikkhantadantamaṭṭakoti nikkhantadanto maṭṭako. So kira acelakabhāvato pubbe maṭṭakito hutvā vicari vivaradanto ca, tena naṃ ‘‘koramaṭṭako’’ti sañjānanti. Yaṃ kiñci tassa dento ‘‘sādhurūpo ayaṃ samaṇo’’ti sambhāvento aggaṃ seṭṭhaṃyeva denti. Tena vuttaṃ ‘‘lābhaggaṃ patto, aggalābhaṃ patto’’ti. Bahū acelakā taṃ parivāretvā vicaranti, gahaṭṭhā ca taṃ bahū aḍḍhā vibhavasampannā kālena kālaṃ upasaṅkamitvā payirupāsanti. Tena vuttaṃ ‘‘yasaggaṃ aggaparivāraṃ patto’’ti. Vatāniyeva pajjitabbato padāni. Aññamaññaṃ asaṅkarato vatakoṭṭhāsā vā.Samattānīti samaṃ attani gahitāni. Puratthimenāti ena-saddasambandhena ‘‘vesāli’’nti upayogavacanaṃ, avidūratthe ca ena-saddo pañcamyantoti āha ‘‘vesālito avidūre’’ti.
12. саасанз барижаяавасзна д̇илагкан̣аахад̇ам̣ бан̃хам̣ бужчи. на самбааяаасийд̇и нааваб̣уж̇жхи на самбаад̣̇зси. д̇знааха ‘‘саммаа н̃аан̣аг̇ад̇ияаа’’д̇иаад̣̇и. самбааяанам̣ ваа самбаад̣̇анам̣. бан̃хам̣ будтасса жа самбаад̣̇анам̣ наама саммад̣̇зва гат̇ананд̇и д̇ад̣̇абхаавам̣ д̣̇ассзнд̇о ‘‘ат̇а ваа’’д̇иаад̣̇имааха. гобавасзна д̇асса агкийни гамбанабхаавам̣ аабаж̇ж̇им̣сууд̇и ааха ‘‘гамбанагкийниби баривад̇д̇зд̇ваа’’д̇и. гобанд̇и год̇хам̣, со бана жид̇д̇асса багуббанавасзна бавад̇д̇ад̇ийд̇и ааха ‘‘губбанаагаара’’нд̇и . д̣̇осанд̇и аагхаад̇ам̣, со бана аарамман̣з д̣̇уссанавасзна бавад̇д̇ийд̇и ааха ‘‘д̣̇уссанаагаара’’нд̇и. ад̇удтаагааранд̇и д̇удтияаа бийд̇ияаа бадибагкабхууд̇аббавад̇д̇иаагаарам̣. гааяаважийвигаарзхи баагадамагааси. маа вад̇а нод̇и зд̇т̇а маад̇и бадигкзбо, нод̇и маяханд̇и ад̇т̇од̇и ааха ‘‘ахо вад̇а мз на бхавзяяаа’’д̇и. мам̣ вад̇а нод̇и зд̇т̇а бана нод̇и сам̣саязд̇и ааха ‘‘ахоси вад̇а ну мамаа’’д̇и.
12. Sāsane paricayavasena tilakkhaṇāhataṃ pañhaṃ pucchi.Na sampāyāsīti nāvabujjhi na sampādesi. Tenāha ‘‘sammā ñāṇagatiyā’’tiādi. Sampāyanaṃ vā sampādanaṃ. Pañhaṃ puṭṭhassa ca sampādanaṃ nāma sammadeva kathananti tadabhāvaṃ dassento ‘‘atha vā’’tiādimāha. Kopavasena tassa akkhīni kampanabhāvaṃ āpajjiṃsūti āha ‘‘kampanakkhīnipi parivattetvā’’ti. Kopanti kodhaṃ, so pana cittassa pakuppanavasena pavattatīti āha ‘‘kuppanākāra’’nti . Dosanti āghātaṃ, so pana ārammaṇe dussanavasena pavattīti āha ‘‘dussanākāra’’nti. Atuṭṭhākāranti tuṭṭhiyā pītiyā paṭipakkhabhūtappavattiākāraṃ. Kāyavacīvikārehi pākaṭamakāsi. Mā vata noti ettha māti paṭikkhepo, noti mayhanti atthoti āha ‘‘aho vata me na bhaveyyā’’ti. Maṃ vata noti ettha pana noti saṃsayeti āha ‘‘ahosi vata nu mamā’’ti.
14. барибуб̣б̣о д̣̇ахид̇а-сад̣̇д̣̇о вад̇т̇аниваасанам̣ вад̣̇ад̇ийд̇и ааха ‘‘барид̣̇ахид̇о нивад̇т̇авад̇т̇о’’д̇и. яасанимид̇д̇агад̇ааяа лаабхасса яасабарихаанияаава лаабхабарихаани вуд̇д̇аа ход̇ийд̇и баал̣ияам̣ ‘‘яасаа нихийно’’д̇и вуд̇д̇ам̣.
14.Paripubbo dahita-saddo vatthanivāsanaṃ vadatīti āha ‘‘paridahito nivatthavattho’’ti. Yasanimittakatāya lābhassa yasaparihāniyāva lābhaparihāni vuttā hotīti pāḷiyaṃ ‘‘yasā nihīno’’ti vuttaṃ.
ажзлабаат̇игабуд̇д̇авад̇т̇уван̣н̣анаа
Acelapāthikaputtavatthuvaṇṇanā
15. ‘‘ахам̣ саб̣б̣ам̣ ж̇аанаамий’’д̇и звам̣ саб̣б̣ан̃н̃уд̇ан̃н̃аан̣ам̣ вад̣̇ад̇и бадиж̇аанаад̇ийд̇и н̃аан̣аваад̣̇о, д̇зна маяаа н̃аан̣аваад̣̇зна сад̣̇д̇хим̣. ад̇иггамма г̇ажчад̇од̇и убад̣дхабхааг̇зна барижчиннам̣ бад̣̇зсам̣ ад̇иггамид̇ваа ид̣̇д̇хибаадихаарияам̣ гаад̇ум̣ г̇ажчад̇о. гим̣ банааяам̣ ажзло баат̇игабуд̇д̇о ад̇д̇ано бамаан̣ам̣ на ж̇аанаад̇ийд̇и? но на ж̇аанаад̇и. яад̣̇и звам̣, гасмаа сугкаг̇аж̇ж̇ид̇ам̣ г̇аж̇ж̇ийд̇и? ‘‘зваахам̣ логз баасам̣со бхависсаамий’’д̇и гохан̃н̃з гад̇ваа сугкаг̇аж̇ж̇ид̇ам̣ г̇аж̇ж̇и. д̇зна вуд̇д̇ам̣ ‘‘наг̇араваасино’’д̇иаад̣̇и. бадтабзд̇ваад̇и яуг̇аг̇г̇аахам̣ аарабхид̇ваа.
15. ‘‘Ahaṃ sabbaṃ jānāmī’’ti evaṃ sabbaññutaññāṇaṃ vadati paṭijānātīti ñāṇavādo, tena mayā ñāṇavādena saddhiṃ.Atikkamma gacchatoti upaḍḍhabhāgena paricchinnaṃ padesaṃ atikkamitvā iddhipāṭihāriyaṃ kātuṃ gacchato. Kiṃ panāyaṃ acelo pāthikaputto attano pamāṇaṃ na jānātīti? No na jānāti. Yadi evaṃ, kasmā sukkhagajjitaṃ gajjīti? ‘‘Evāhaṃ loke pāsaṃso bhavissāmī’’ti kohaññe katvā sukkhagajjitaṃ gajji. Tena vuttaṃ ‘‘nagaravāsino’’tiādi. Paṭṭhapetvāti yugaggāhaṃ ārabhitvā.
16. хийнаж̇жхаасаяад̇д̇аа…бз… уд̣̇абаад̣̇и. вуд̇д̇ан̃хзд̇ам̣ ‘‘хийнаад̇химуд̇д̇игаа сад̇д̇аа хийнаад̇химуд̇д̇игз зва сад̇д̇з сзванд̇и бхаж̇анд̇и баяирубаасанд̇ий’’д̇и (сам̣. ни. 2.98).
16.Hīnajjhāsayattā…pe… udapādi. Vuttañhetaṃ ‘‘hīnādhimuttikā sattā hīnādhimuttike eva satte sevanti bhajanti payirupāsantī’’ti (saṃ. ni. 2.98).
яасмаа д̇ат̇аавуд̇д̇аа ваажаа д̇ат̇ааруубажид̇д̇ахзд̇угаа, д̇ан̃жа жид̇д̇ам̣ д̇ат̇ааруубад̣̇идтижид̇д̇ахзд̇угам̣, д̇асмаа ‘‘д̇ам̣ ваажам̣ аббахааяаа’’д̇и вад̇ваа яат̇аа д̇ассаа аббахаанам̣ ход̇и, д̇ам̣ д̣̇ассзнд̇о ‘‘д̇ам̣ жид̇д̇ам̣ аббахааяаа’’д̇и ааха, д̇асса жа яат̇аа аббахаанам̣ ход̇и, д̇ам̣ д̣̇ассзд̇ум̣ ‘‘д̇ам̣ д̣̇идтим̣ аббадиниссаж̇ж̇ид̇ваа’’д̇и авожа. яасмаа ваа д̇ат̇ааруубаа ваажаа махаасааваж̇ж̇аа, жид̇д̇ам̣ д̇ад̇о махаасааваж̇ж̇ад̇арам̣ д̇ам̣самудтаабагабхаавад̇о, д̣̇идти бана д̇ад̇о махаасааваж̇ж̇ад̇амаа д̇ад̣̇убхаяасса муулабхаавад̇о, д̇асмаа д̇зсам̣ махаасааваж̇ж̇ад̇ааяа имам̣ вибхааг̇ам̣ д̣̇ассзд̇ваа аяам̣ ануггамо табид̇од̇и взд̣̇ид̇аб̣б̣о. д̇зсам̣ бана яат̇аа бахаанам̣ ход̇и, д̇ам̣ д̣̇ассзд̇ум̣ ‘‘аха’’нд̇иаад̣̇и вуд̇д̇ам̣. ‘‘наахам̣ б̣уд̣̇д̇хо’’д̇и вад̣̇анд̇од̇и саатзяязна винаа уж̇угамзва ‘‘ахам̣ б̣уд̣̇д̇хо на хомий’’д̇и вад̣̇анд̇о. жид̇д̇ад̣̇идтиббахаанзби зсзва наяо. вибад̇зяяаад̇и зд̇т̇а ви-сад̣̇д̣̇о батамз вигаббз убасаг̇г̇амад̇д̇ам̣, д̣̇уд̇ияз бана висаран̣ад̇т̇од̇и ааха ‘‘сад̇д̇ад̇хаа ваа бана палзяяаа’’д̇и.
Yasmā tathāvuttā vācā tathārūpacittahetukā, tañca cittaṃ tathārūpadiṭṭhicittahetukaṃ, tasmā ‘‘taṃ vācaṃ appahāyā’’ti vatvā yathā tassā appahānaṃ hoti, taṃ dassento ‘‘taṃ cittaṃ appahāyā’’ti āha, tassa ca yathā appahānaṃ hoti, taṃ dassetuṃ ‘‘taṃ diṭṭhiṃ appaṭinissajjitvā’’ti avoca. Yasmā vā tathārūpā vācā mahāsāvajjā, cittaṃ tato mahāsāvajjataraṃ taṃsamuṭṭhāpakabhāvato, diṭṭhi pana tato mahāsāvajjatamā tadubhayassa mūlabhāvato, tasmā tesaṃ mahāsāvajjatāya imaṃ vibhāgaṃ dassetvā ayaṃ anukkamo ṭhapitoti veditabbo. Tesaṃ pana yathā pahānaṃ hoti, taṃ dassetuṃ ‘‘aha’’ntiādi vuttaṃ. ‘‘Nāhaṃ buddho’’ti vadantoti sāṭheyyena vinā ujukameva ‘‘ahaṃ buddho na homī’’ti vadanto. Cittadiṭṭhippahānepi eseva nayo. Vipateyyāti ettha vi-saddo paṭhame vikappe upasaggamattaṃ, dutiye pana visaraṇatthoti āha ‘‘sattadhā vā pana phaleyyā’’ti.
17. згам̣сзнаад̇и зганд̇зна, зганд̇игам̣ бана важанабарияааяавинимуд̇д̇ам̣ ход̇ийд̇и ааха ‘‘ниббарияааязнаа’’д̇и. од̇хаарид̇аад̇и авад̇хаарид̇аа нияамзд̇ваа бхаасид̇аа. виг̇ад̇аруубзнаад̇и абаг̇ад̇асабхаавзна . д̇знааха ‘‘виг̇ажчид̇асабхаавзнаа’’д̇и, ид̣̇д̇хаанубхаавзна абанийд̇асагабхаавзна. д̇зна вуд̇д̇ам̣ ‘‘ад̇д̇ано’’д̇иаад̣̇и.
17.Ekaṃsenāti ekantena, ekantikaṃ pana vacanapariyāyavinimuttaṃ hotīti āha ‘‘nippariyāyenā’’ti. Odhāritāti avadhāritā niyametvā bhāsitā. Vigatarūpenāti apagatasabhāvena . Tenāha ‘‘vigacchitasabhāvenā’’ti, iddhānubhāvena apanītasakabhāvena. Tena vuttaṃ ‘‘attano’’tiādi.
18. д̣̇ваяам̣ г̇ажчад̇ийд̇и д̣̇ваяаг̇ааминий. гийд̣̇исам̣ д̣̇ваяанд̇и ааха ‘‘саруубзнаа’’д̇иаад̣̇и. аяан̃хи со г̇ан̣д̣ассубариподтаб̣б̣аад̣̇осам̣.
18. Dvayaṃ gacchatīti dvayagāminī. Kīdisaṃ dvayanti āha ‘‘sarūpenā’’tiādi. Ayañhi so gaṇḍassupariphoṭṭhabbādosaṃ.
19. аж̇ид̇асса лижчависзнаабад̇исса махаанираяз ниб̣б̣ад̇д̇ид̇ваа д̇ад̇о ааг̇анд̇ваа ажзласса баат̇игабуд̇д̇асса санд̇игз барод̣̇анам̣. абхааваад̇и буб̣б̣з вуд̇д̇аббагаарасса баадихаарияагаран̣асса абхааваа. бхаг̇аваа бана саннибад̇ид̇абарисааяам̣ басаад̣̇аж̇ананад̇т̇ам̣ д̇ад̣̇ануруубам̣ баадихаарияамагаасиязва. яат̇ааха ‘‘д̇зж̇од̇хаад̇ум̣ самаабаж̇ж̇ид̇ваа’’д̇иаад̣̇и.
19. Ajitassa licchavisenāpatissa mahāniraye nibbattitvā tato āgantvā acelassa pāthikaputtassa santike parodanaṃ. Abhāvāti pubbe vuttappakārassa pāṭihāriyakaraṇassa abhāvā. Bhagavā pana sannipatitaparisāyaṃ pasādajananatthaṃ tadanurūpaṃ pāṭihāriyamakāsiyeva. Yathāha ‘‘tejodhātuṃ samāpajjitvā’’tiādi.
ид̣̇д̇хибаадихаарияагат̇ааван̣н̣анаа
Iddhipāṭihāriyakathāvaṇṇanā
20. нижаяанам̣ д̇ханад̇хан̃н̃аанам̣ сан̃жаяанам̣ нижаяо, д̇ад̇т̇а нияуд̇д̇аад̇и нзжаяигаа, г̇ахабад̇и зва нзжаяигаа г̇ахабад̇инзжаяигаа. зд̇д̇агаани ж̇ан̇гхасахассаанийд̇и баримаан̣аабхаавад̇о сахассзхиби абаримаан̣аг̇ан̣анаа. д̇знзваад̇и имасса васзна саннибад̇ид̇ааяа звам̣ махад̇ияаа барисааяа б̣анд̇ханамогкам̣ гаад̇ум̣ лаб̣бхад̇и, зд̇знзва гааран̣зна.
20. Nicayanaṃ dhanadhaññānaṃ sañcayanaṃ nicayo, tattha niyuttāti necayikā, gahapati eva necayikā gahapatinecayikā. Ettakāni jaṅghasahassānīti parimāṇābhāvato sahassehipi aparimāṇagaṇanā. Tenevāti imassa vasena sannipatitāya evaṃ mahatiyā parisāya bandhanamokkhaṃ kātuṃ labbhati, eteneva kāraṇena.
21. жид̇д̇уд̇раасабхаяанд̇и жид̇д̇асса уд̇раасанаагаарзна бавад̇д̇абхаяам̣, на н̃аан̣абхаяам̣, нааби ‘‘бхааяад̇и зд̇асмаа’’д̇и звам̣ вуд̇д̇ам̣ аарамман̣абхаяам̣. чамбхид̇ад̇д̇анд̇и д̇знзва жид̇д̇уд̇раасабхаязна сагаласарийрасса чамбхид̇абхааво. ломахам̣сод̇и д̇знзва бхаязна, д̇зна жа чамбхид̇ад̇д̇зна сагаласарийрз ломаанам̣ хадтабхааво, со бана д̇зсам̣ бхид̇д̇ияам̣ нааг̇ад̣̇анд̇аанам̣ вияа уд̣̇д̇хам̣мукад̇аад̇и ааха ‘‘ломаанам̣ уд̣̇д̇хаг̇г̇абхааво’’д̇и. анд̇анд̇зна аавиж̇жхид̇ваад̇и ад̇д̇ано нисийд̣̇анад̇т̇ам̣ ниг̇уул̣хадтаанам̣ убабаригканд̇о бариб̣б̣ааж̇агаараамам̣ барияанд̇зна анусам̣яааяид̇ваа, гассажид̣̇зва сунагкад̇д̇асса ваа сунагкад̇д̇асад̣̇исасса ваа саб̣б̣ан̃н̃убадин̃н̃ам̣ аббахааяа сад̇т̇у саммукийбхаавз сад̇д̇ад̇хаа д̇асса муд̣̇д̇хаапаланам̣ д̇хаммад̇аа. д̇зна вуд̇д̇ам̣ ‘‘маа нассад̇у б̣аало’’д̇иаад̣̇и.
21.Cittutrāsabhayanti cittassa utrāsanākārena pavattabhayaṃ, na ñāṇabhayaṃ, nāpi ‘‘bhāyati etasmā’’ti evaṃ vuttaṃ ārammaṇabhayaṃ. Chambhitattanti teneva cittutrāsabhayena sakalasarīrassa chambhitabhāvo. Lomahaṃsoti teneva bhayena, tena ca chambhitattena sakalasarīre lomānaṃ haṭṭhabhāvo, so pana tesaṃ bhittiyaṃ nāgadantānaṃ viya uddhaṃmukhatāti āha ‘‘lomānaṃ uddhaggabhāvo’’ti. Antantena āvijjhitvāti attano nisīdanatthaṃ nigūḷhaṭṭhānaṃ upaparikkhanto paribbājakārāmaṃ pariyantena anusaṃyāyitvā, kassacideva sunakkhattassa vā sunakkhattasadisassa vā sabbaññupaṭiññaṃ appahāya satthu sammukhībhāve sattadhā tassa muddhāphalanaṃ dhammatā. Tena vuttaṃ ‘‘mā nassatu bālo’’tiādi.
22. сам̣саббад̇ийд̇и д̇ад̇т̇зва баасаан̣апалагз б̣аалад̣̇аараго вияа удтаад̇ум̣ асаггонд̇о авасийд̣̇анавасзна ид̇о жид̇о жа сам̣саббад̇и. д̇знааха ‘‘осийд̣̇ад̇ий’’д̇и. д̇ад̇т̇зва сан̃жарад̇ийд̇и д̇асмим̣язва баасаан̣з аанисад̣̇убадтино сан̃жаланам̣ нисаж̇ж̇авасзнзва сан̃жарад̇и, на удтааяа бад̣̇асаа.
22.Saṃsappatīti tattheva pāsāṇaphalake bāladārako viya uṭṭhātuṃ asakkonto avasīdanavasena ito cito ca saṃsappati. Tenāha ‘‘osīdatī’’ti. Tattheva sañcaratīti tasmiṃyeva pāsāṇe ānisadupaṭṭhino sañcalanaṃ nisajjavaseneva sañcarati, na uṭṭhāya padasā.
23. винадтаруубод̇и самбхааванааяа винаасзна, лаабхасса винаасзна жа винадтасабхааво.
23.Vinaṭṭharūpoti sambhāvanāya vināsena, lābhassa vināsena ca vinaṭṭhasabhāvo.
батамабхаан̣аваараван̣н̣анаа нидтид̇аа.
Paṭhamabhāṇavāravaṇṇanā niṭṭhitā.
25. г̇ояуд̇д̇зхийд̇и б̣алаванд̇аб̣алийб̣ад̣̇д̣̇аяож̇ид̇зхи.
25.Goyuttehīti balavantabalībaddayojitehi.
26. д̇ассаад̇и ж̇аалияасса. аяан̃хи ман̣д̣исзна бариб̣б̣ааж̇агзна сад̣̇д̇хим̣ бхаг̇аванд̇ам̣ убасан̇гамид̇ваа д̇хаммам̣ сун̣и, д̇ад̇о бурзд̇арам̣ бхаг̇авад̇о г̇ун̣аанам̣ аж̇аананагаалз аяам̣ бавад̇д̇и. д̇знзвааха ‘‘д̇идтад̇у д̇аава баадихаарияам̣…бз… барааж̇аяо бхависсад̇ий’’д̇и.
26.Tassāti jāliyassa. Ayañhi maṇḍisena paribbājakena saddhiṃ bhagavantaṃ upasaṅkamitvā dhammaṃ suṇi, tato puretaraṃ bhagavato guṇānaṃ ajānanakāle ayaṃ pavatti. Tenevāha ‘‘tiṭṭhatu tāva pāṭihāriyaṃ…pe… parājayo bhavissatī’’ti.
27. д̇ин̣асийход̇и д̇ин̣асад̣̇исахарид̇аван̣н̣о сийхо. гаал̣асийход̇и гаал̣аван̣н̣о сийхо. бан̣д̣усийход̇и бан̣д̣уван̣н̣о сийхо. гзсарасийход̇и гзсараванд̇о сзд̇аван̣н̣о, лохид̇аван̣н̣о ваа сийхо. миг̇аран̃н̃од̇и зд̇т̇а миг̇а-сад̣̇д̣̇о гин̃жааби басад̣̇агурун̇г̇аад̣̇ийсу гзсужид̣̇зва жад̇уббад̣̇зсу нирул̣хо, ид̇ха бана саб̣б̣асаад̇хааран̣авасзнаад̇и д̣̇ассзнд̇о ‘‘миг̇аран̃н̃од̇и саб̣б̣ажад̇уббад̣̇аанам̣ ран̃н̃о’’д̇и вуд̇д̇ам̣. ааг̇анд̇ваа сзд̇и зд̇т̇аад̇и аасаяо, ниваасанадтаанам̣. сийханаад̣̇анд̇и бариссаяаанам̣ саханад̇о, бадибагкасса жа хананад̇о ‘‘сийхо’’д̇и лад̣̇д̇ханаамасса миг̇аад̇хибасса гхосам̣, со бана д̇зна яасмаа гуд̇ожиби абхийд̇абхаавзна бавад̇д̇ийяад̇и, д̇асмаа вуд̇д̇ам̣ ‘‘абхийд̇анаад̣̇а’’нд̇и. д̇ад̇т̇а д̇ад̇т̇а д̇аасу д̇аасу д̣̇исаасу г̇анд̇ваа жарид̇аб̣б̣ад̇ааяа бхагкид̇аб̣б̣ад̇ааяа г̇ожаро гхаасод̇и ааха ‘‘г̇ожарааяаад̇и аахаарад̇т̇ааяаа’’д̇и. варам̣ варанд̇и миг̇асан̇гхз миг̇асамуухз муд̣̇умам̣сад̇ааяа варам̣ варам̣ махим̣саванавараахаад̣̇им̣ вад̇хид̇ваад̇и яож̇анаа. д̇знааха ‘‘т̇уулам̣ т̇уула’’нд̇и. вараварабхаавзна хи д̇асса варабхааво ижчид̇о. суурабхаавам̣ санниссид̇ам̣ суурабхаавасанниссид̇ам̣, д̇зна. суурабхаавзнааби хи ‘‘гим̣ имз баан̣агз д̣̇уб̣б̣алз ханд̇ваа’’д̇и аббат̇аамзсу баан̣зсу гаарун̃н̃ам̣ убад̇идтад̇и.
27.Tiṇasīhoti tiṇasadisaharitavaṇṇo sīho. Kāḷasīhoti kāḷavaṇṇo sīho. Paṇḍusīhoti paṇḍuvaṇṇo sīho. Kesarasīhoti kesaravanto setavaṇṇo, lohitavaṇṇo vā sīho. Migaraññoti ettha miga-saddo kiñcāpi pasadakuruṅgādīsu kesucideva catuppadesu niruḷho, idha pana sabbasādhāraṇavasenāti dassento ‘‘migaraññoti sabbacatuppadānaṃ rañño’’ti vuttaṃ. Āgantvā seti etthāti āsayo, nivāsanaṭṭhānaṃ. Sīhanādanti parissayānaṃ sahanato, paṭipakkhassa ca hananato ‘‘sīho’’ti laddhanāmassa migādhipassa ghosaṃ, so pana tena yasmā kutocipi abhītabhāvena pavattīyati, tasmā vuttaṃ ‘‘abhītanāda’’nti. Tattha tattha tāsu tāsu disāsu gantvā caritabbatāya bhakkhitabbatāya gocaro ghāsoti āha ‘‘gocarāyāti āhāratthāyā’’ti. Varaṃvaranti migasaṅghe migasamūhe mudumaṃsatāya varaṃ varaṃ mahiṃsavanavarāhādiṃ vadhitvāti yojanā. Tenāha ‘‘thūlaṃ thūla’’nti. Varavarabhāvena hi tassa varabhāvo icchito. Sūrabhāvaṃ sannissitaṃ sūrabhāvasannissitaṃ, tena. Sūrabhāvenāpi hi ‘‘kiṃ ime pāṇake dubbale hantvā’’ti appathāmesu pāṇesu kāruññaṃ upatiṭṭhati.
28. вигхаасод̇и барасса бхагкид̇асзсад̇ааяа вируубо гхаасо вигхаасо, ужчидтам̣. д̇знааха ‘‘бхагкид̇аад̇ирид̇д̇амам̣са’’нд̇и, д̇асмим̣ вигхаасз, вигхаасанимид̇д̇анд̇и ад̇т̇о. асмимаанад̣̇осзнаад̇и асмимаанад̣̇осахзд̇у, ахам̣гааранимид̇д̇анд̇и ад̇т̇о. со банасса асмимаано яат̇аа уббаж̇ж̇и, д̇ам̣ д̣̇ассзд̇ум̣ ‘‘д̇ад̇рааяа’’нд̇иаад̣̇и вуд̇д̇ам̣.
28.Vighāsoti parassa bhakkhitasesatāya virūpo ghāso vighāso, ucchiṭṭhaṃ. Tenāha ‘‘bhakkhitātirittamaṃsa’’nti, tasmiṃ vighāse, vighāsanimittanti attho. Asmimānadosenāti asmimānadosahetu, ahaṃkāranimittanti attho. So panassa asmimāno yathā uppajji, taṃ dassetuṃ ‘‘tatrāya’’ntiādi vuttaṃ.
‘‘сзг̇аалагам̣язваа’’д̇иби баато, яат̇аавуд̇д̇ова ад̇т̇о. бхзран̣д̣агам̣язваад̇и бхзран̣д̣асагун̣аравасад̣̇исам̣язва, бхзран̣д̣о наама зго багкий д̣̇вимуко, д̇асса гира сад̣̇д̣̇о ад̇ивияа вируубо аманаабо. д̇знааха ‘‘аббияааманаабасад̣̇д̣̇амзваа’’д̇и. саммаабадибад̇д̇ияаа висзсад̇о судту г̇ад̇аад̇и суг̇ад̇аа, саммаасамб̣уд̣̇д̇хаа. д̇з абад̣̇ааяанд̇и сод̇хзнд̇и сад̇д̇асанд̇аанам̣ зд̇зхийд̇и суг̇ад̇аабад̣̇аанаани, д̇иссо сигкаа. яасмаа д̇аахи д̇з ‘‘суг̇ад̇аа’’д̇и лагкийяанд̇и, д̇аа жа д̇зсам̣ оваад̣̇абхууд̇аа, д̇асмаа ‘‘суг̇ад̇алагкан̣зсуу’’д̇иаад̣̇и вуд̇д̇ам̣. яад̣̇и д̇аа суг̇ад̇асса лагкан̣абхууд̇аа, саасанабхууд̇аа жа, гат̇ам̣ банзса баат̇игабуд̇д̇о д̇ад̇т̇а д̇аасу сигкаасу ж̇ийвад̇и, го д̇асса д̇аахи самб̣анд̇ход̇и ааха ‘‘зд̇асса хий’’д̇иаад̣̇и. самб̣уд̣̇д̇хаанам̣ д̣̇змаад̇и д̣̇знд̇ийд̇и б̣уд̣̇д̇хасан̃н̃ааяа д̣̇знд̇ийд̇и ад̇хиббааяо. д̇зна зса…бз… ж̇ийвад̇и наама на суг̇ад̇анваяааж̇жхубаг̇аманад̇о. ‘‘д̇ат̇ааг̇ад̇з’’д̇иаад̣̇и згад̇д̇з бут̇уважананд̇и ааха ‘‘д̇ат̇ааг̇ад̇а’’нд̇иаад̣̇и. б̣ахуважанам̣ зва г̇арусмим̣ згасмимби б̣ахуважанаббаяог̇ад̇о згаважанам̣ вияа вуд̇д̇ам̣ важанавибаллаасзна.
‘‘Segālakaṃyevā’’tipi pāṭho, yathāvuttova attho. Bheraṇḍakaṃyevāti bheraṇḍasakuṇaravasadisaṃyeva, bheraṇḍo nāma eko pakkhī dvimukho, tassa kira saddo ativiya virūpo amanāpo. Tenāha ‘‘appiyaamanāpasaddamevā’’ti. Sammāpaṭipattiyā visesato suṭṭhu gatāti sugatā, sammāsambuddhā. Te apadāyanti sodhenti sattasantānaṃ etehīti sugatāpadānāni, tisso sikkhā. Yasmā tāhi te ‘‘sugatā’’ti lakkhīyanti, tā ca tesaṃ ovādabhūtā, tasmā ‘‘sugatalakkhaṇesū’’tiādi vuttaṃ. Yadi tā sugatassa lakkhaṇabhūtā, sāsanabhūtā ca, kathaṃ panesa pāthikaputto tattha tāsu sikkhāsu jīvati, ko tassa tāhi sambandhoti āha ‘‘etassa hī’’tiādi. Sambuddhānaṃ demāti dentīti buddhasaññāya dentīti adhippāyo. Tena esa…pe… jīvati nāma na sugatanvayaajjhupagamanato. ‘‘Tathāgate’’tiādi ekatte puthuvacananti āha ‘‘tathāgata’’ntiādi. Bahuvacanaṃ eva garusmiṃ ekasmimpi bahuvacanappayogato ekavacanaṃ viya vuttaṃ vacanavipallāsena.
29. самзгкид̇ваад̇и самам̣ гад̇ваа мижчаад̣̇ассанзна абзгкид̇ваа, д̇ам̣ бана абзгканам̣ д̇ат̇аа ман̃н̃анамзваад̇и ааха ‘‘ман̃н̃ид̇ваа’’д̇и. буб̣б̣з вуд̇д̇ам̣ самзгканамби ман̃н̃анам̣ зваад̇и вуд̇д̇ам̣ ‘‘аман̃н̃ийд̇и буна аман̃н̃ид̇т̇аа’’д̇и, д̇зна абараабарам̣ д̇асса ман̃н̃анаббавад̇д̇им̣ д̣̇ассзд̇и. бхзран̣д̣агаравам̣ госад̇и виггосад̇ийд̇и год̇т̇у.
29.Samekkhitvāti samaṃ katvā micchādassanena apekkhitvā, taṃ pana apekkhanaṃ tathā maññanamevāti āha ‘‘maññitvā’’ti. Pubbe vuttaṃ samekkhanampi maññanaṃ evāti vuttaṃ ‘‘amaññīti puna amaññitthā’’ti, tena aparāparaṃ tassa maññanappavattiṃ dasseti. Bheraṇḍakaravaṃ kosati vikkosatīti kotthu.
30. д̇з д̇з баан̣з б̣яаабаад̣̇знд̇о гхасад̇ийд̇и б̣яаг̇гход̇и иминаа ниб̣б̣ажанзна ‘‘б̣яаг̇гхо’’д̇и миг̇арааж̇ассаби сияаа нааманд̇и ааха ‘‘б̣яаг̇гход̇и ман̃н̃ад̇ийд̇и сийхохамасмийд̇и ман̃н̃ад̇ий’’д̇и. яад̣̇иби яат̇аавуд̇д̇аниб̣б̣ажанавасзна сийхоби ‘‘б̣яаг̇гхо’’д̇и вад̇д̇аб̣б̣ад̇ам̣ арахад̇и, б̣яаг̇гха-сад̣̇д̣̇о бана миг̇арааж̇з зва нирул̣ход̇и д̣̇ассзнд̇о ‘‘сийхзна ваа’’д̇иаад̣̇имааха.
30. Te te pāṇe byāpādento ghasatīti byagghoti iminā nibbacanena ‘‘byaggho’’ti migarājassapi siyā nāmanti āha ‘‘byagghoti maññatīti sīhohamasmīti maññatī’’ti. Yadipi yathāvuttanibbacanavasena sīhopi ‘‘byaggho’’ti vattabbataṃ arahati, byaggha-saddo pana migarāje eva niruḷhoti dassento ‘‘sīhena vā’’tiādimāha.
31. сийхзна вижарид̇аванз сам̣вад̣дхад̇д̇аа вуд̇д̇ам̣ ‘‘махааванз сун̃н̃аванз вивад̣дхо’’д̇и.
31. Sīhena vicaritavane saṃvaḍḍhattā vuttaṃ ‘‘mahāvane suññavane vivaḍḍho’’ti.
34. гилзсаб̣анд̇ханаад̇и д̇ан̣хааб̣анд̇ханад̇о. д̇ан̣хааб̣анд̇ханан̃хи т̇ирам̣ д̣̇ал̣хаб̣анд̇ханам̣ д̣̇умможанийяам̣. яат̇ааха –
34.Kilesabandhanāti taṇhābandhanato. Taṇhābandhanañhi thiraṃ daḷhabandhanaṃ dummocanīyaṃ. Yathāha –
‘‘саарад̇д̇арад̇д̇аа ман̣игун̣д̣алзсу,
‘‘Sārattarattā maṇikuṇḍalesu,
буд̇д̇зсу д̣̇аарзсу жа яаа абзгкаа;
Puttesu dāresu ca yā apekkhā;
зд̇ам̣ д̣̇ал̣хам̣ б̣анд̇ханамааху д̇хийраа,
Etaṃ daḷhaṃ bandhanamāhu dhīrā,
охааринам̣ сит̇илам̣ д̣̇уббамун̃жа’’нд̇и. (д̇ха. ба. 346; ж̇аа. 1.2.102);
Ohārinaṃ sithilaṃ duppamuñca’’nti. (dha. pa. 346; jā. 1.2.102);
гилзсаб̣анд̇ханаад̇и ваа д̣̇асавид̇хасам̣яож̇анад̇о. махаавид̣̇уг̇г̇ам̣ наама жад̇д̇ааро огхаа маханд̇ам̣ ж̇алавид̣̇уг̇г̇ам̣ вияа анубажид̇агусаласамбхаарзхи д̣̇уг̇г̇амадтзна.
Kilesabandhanāti vā dasavidhasaṃyojanato. Mahāviduggaṃ nāma cattāro oghā mahantaṃ jalaviduggaṃ viya anupacitakusalasambhārehi duggamaṭṭhena.
аг̇г̇ан̃н̃абан̃н̃ад̇д̇игат̇ааван̣н̣анаа
Aggaññapaññattikathāvaṇṇanā
36. имасса бад̣̇асса. ид̣̇ам̣ наама логасса аг̇г̇анд̇и ж̇аанид̇аб̣б̣ам̣, д̇ам̣ аг̇г̇ан̃н̃ам̣, со бана логасса уббад̇д̇иггамо бавад̇д̇и бавзн̣ий жаад̇и ааха ‘‘логуббад̇д̇ижарияавам̣са’’нд̇и. саммаасамб̣од̇хид̇о уд̇д̇арид̇арам̣ наама гин̃жи над̇т̇и баж̇аанид̇аб̣б̣зсу, д̇ам̣ бана годим̣ гад̇ваа д̣̇ассзнд̇о ‘‘яаава саб̣б̣ан̃н̃уд̇ан̃н̃аан̣аа баж̇аанаамий’’д̇и ааха. ‘‘мама баж̇аананаа’’д̇и ассаад̣̇знд̇о д̇ан̣хаавасзна, ‘‘ахам̣ баж̇аанаамий’’д̇и абхинивисанд̇о д̣̇идтивасзна, ‘‘судту баж̇аанаами саммаа баж̇аанаамий’’д̇и баг̇г̇ан̣ханд̇о маанавасзна на бараамасаамийд̇и яож̇анаа. ‘‘бажжад̇д̇ан̃н̃зваа’’д̇и бад̣̇ам̣ ‘‘ниб̣б̣уд̇и вид̣̇ид̇аа’’д̇и бад̣̇ад̣̇ваязнааби яож̇зд̇аб̣б̣ам̣ ‘‘бажжад̇д̇ам̣язва уббаад̣̇ид̇аа ниб̣б̣уд̇и жа бажжад̇д̇ам̣язва вид̣̇ид̇аа’’д̇и, саяамбхун̃аан̣зна ниб̣б̣ад̇д̇ид̇аа ниб̣б̣уд̇и саяамзва вид̣̇ид̇аад̇и ад̇т̇о. адтагат̇ааяам̣ бана ‘‘бажжад̇д̇а’’нд̇и бад̣̇ам̣ вивид̇хавибхад̇д̇игам̣ худ̇ваа аавуд̇д̇инаязна аавад̇д̇ад̇ийд̇и д̣̇ассзд̇ум̣ ‘‘ад̇д̇анааязва ад̇д̇аний’’д̇и вуд̇д̇ам̣. авид̣̇ид̇аниб̣б̣аанаад̇и аббадилад̣̇д̇ханиб̣б̣аанаа мижчаабадибаннад̇д̇аа. баж̇аананамби хи д̇ад̣̇ад̇хиг̇амавасзнзва взд̣̇ид̇аб̣б̣ам̣. зд̇и идтабхаавзна бавад̇д̇ад̇ийд̇и аяо, сукам̣. д̇аббадигкзбзна анаяо, д̣̇угкам̣. д̇ад̣̇зва хид̇асукасса б̣яасанад̇о б̣яасанам̣.
36.Imassa padassa. Idaṃ nāma lokassa agganti jānitabbaṃ, taṃ aggaññaṃ, so pana lokassa uppattikkamo pavatti paveṇī cāti āha ‘‘lokuppatticariyavaṃsa’’nti. Sammāsambodhito uttaritaraṃ nāma kiñci natthi pajānitabbesu, taṃ pana koṭiṃ katvā dassento ‘‘yāva sabbaññutaññāṇā pajānāmī’’ti āha. ‘‘Mama pajānanā’’ti assādento taṇhāvasena, ‘‘ahaṃ pajānāmī’’ti abhinivisanto diṭṭhivasena, ‘‘suṭṭhu pajānāmi sammā pajānāmī’’ti paggaṇhanto mānavasena na parāmasāmīti yojanā. ‘‘Paccattaññevā’’ti padaṃ ‘‘nibbuti viditā’’ti padadvayenāpi yojetabbaṃ ‘‘paccattaṃyeva uppāditā nibbuti ca paccattaṃyeva viditā’’ti, sayambhuñāṇena nibbattitā nibbuti sayameva viditāti attho. Aṭṭhakathāyaṃ pana ‘‘paccatta’’nti padaṃ vividhavibhattikaṃ hutvā āvuttinayena āvattatīti dassetuṃ ‘‘attanāyeva attanī’’ti vuttaṃ. Aviditanibbānāti appaṭiladdhanibbānā micchāpaṭipannattā. Pajānanampi hi tadadhigamavaseneva veditabbaṃ. Eti iṭṭhabhāvena pavattatīti ayo, sukhaṃ. Tappaṭikkhepena anayo, dukkhaṃ. Tadeva hitasukhassa byasanato byasanaṃ.
37. д̇ам̣ д̣̇ассзнд̇од̇и бхаг̇авааби ‘‘ан̃н̃ад̇ид̇т̇ияо д̇ад̇т̇а саарасан̃н̃ий’’д̇и д̇ам̣ д̣̇ассзнд̇о. аад̇хибажжабхаавзнаад̇и аад̇хибажжасабхаавзна. яасса аажарияаваад̣̇асса васзна бурисо ‘‘аажарияо’’д̇и вужжад̇и, со аажарияаваад̣̇о аажарияабхаавод̇и ааха ‘‘аажарияабхаавам̣ аажарияаваад̣̇а’’нд̇и. зд̇т̇аад̇и аажарияаваад̣̇з. ид̇и гад̇ваад̇и иминаа гааран̣зна. сод̇и аажарияаваад̣̇о. ‘‘аг̇г̇ан̃н̃ам̣’’ д̇взва вуд̇д̇о аг̇г̇ан̃н̃ависаяад̇д̇аа. гзна вихид̇анд̇и гзна багаарзна вихид̇ам̣. д̇знааха ‘‘гзна вихид̇ам̣ гинд̇и вихид̇а’’нд̇и. б̣рахмаж̇аалзд̇и б̣рахмаж̇ааласам̣ван̣н̣анааяам̣ (д̣̇ий. ни. адта. 1.28). д̇ад̇т̇а хи вид̇т̇аарад̇о вуд̇д̇авид̇хим̣ ид̇ха ад̇ид̣̇исад̇и, баал̣и бана д̇ад̇т̇а жзва ид̇ха жа згасад̣̇исаа ваад̇и.
37.Taṃ dassentoti bhagavāpi ‘‘aññatitthiyo tattha sārasaññī’’ti taṃ dassento. Ādhipaccabhāvenāti ādhipaccasabhāvena. Yassa ācariyavādassa vasena puriso ‘‘ācariyo’’ti vuccati, so ācariyavādo ācariyabhāvoti āha ‘‘ācariyabhāvaṃ ācariyavāda’’nti. Etthāti ācariyavāde. Iti katvāti iminā kāraṇena. Soti ācariyavādo. ‘‘Aggaññaṃ’’ tveva vutto aggaññavisayattā. Kena vihitanti kena pakārena vihitaṃ. Tenāha ‘‘kena vihitaṃ kinti vihita’’nti. Brahmajāleti brahmajālasaṃvaṇṇanāyaṃ (dī. ni. aṭṭha. 1.28). Tattha hi vitthārato vuttavidhiṃ idha atidisati, pāḷi pana tattha ceva idha ca ekasadisā vāti.
41. кид̣д̣аа бад̣̇осигаа муулабхууд̇аа зд̇т̇а санд̇ийд̇и кид̣д̣аабад̣̇осигам̣, аажарияагам̣. д̇знзвааха ‘‘кид̣д̣аабад̣̇осигамуулага’’нд̇и. манобад̣̇осиганд̇и зд̇т̇ааби зсзва наяо.
41. Khiḍḍā padosikā mūlabhūtā ettha santīti khiḍḍāpadosikaṃ, ācariyakaṃ. Tenevāha ‘‘khiḍḍāpadosikamūlaka’’nti. Manopadosikanti etthāpi eseva nayo.
47. язна важанзна аб̣бхаажигканд̇и, д̇асса авиж̇ж̇амаанад̇аа наама ад̇т̇авасзнзваад̇и ааха ‘‘асам̣виж̇ж̇амаанадтзнаа’’д̇и. д̇ужчаа, мусаад̇и жа гаран̣ад̇т̇з бажжад̇д̇аважананд̇и ааха ‘‘д̇ужчзна, мусааваад̣̇знаа’’д̇и. важанасса анд̇осаарам̣ наама авибарийд̇о ад̇т̇од̇и д̇ад̣̇абхаавзнааха ‘‘анд̇осааравирахид̇знаа’’д̇и. абхиаажигканд̇ийд̇и абхибхавид̇ваа гхаддзнд̇аа гат̇знд̇и, аггосанд̇ийд̇и ад̇т̇о. вибарийд̇асан̃н̃од̇и аяаат̇аавасан̃н̃о. субхам̣ вимогканд̇и ‘‘субха’’нд̇и вуд̇д̇авимогкам̣. ван̣н̣агасин̣анд̇и сунийлагасубийд̇агаад̣̇иван̣н̣агасин̣ам̣. саб̣б̣анд̇и яам̣ субхам̣, асубхан̃жа ван̣н̣агасин̣ам̣, д̇ан̃жа саб̣б̣ам̣. на асубханд̇и асубхамби ‘‘асубха’’нд̇и д̇асмим̣ самаяз на сан̃ж̇аанаад̇и, ат̇а ко ‘‘субхам̣’’ д̇взва сан̃ж̇аанаад̇ийд̇и ад̇т̇о. вибарийд̇аа аяаат̇ааваг̇аахид̇ааяа, аяаат̇аававаад̣̇ид̇ааяа жа.
47. Yena vacanena abbhācikkhanti, tassa avijjamānatā nāma atthavasenevāti āha ‘‘asaṃvijjamānaṭṭhenā’’ti. Tucchā, musāti ca karaṇatthe paccattavacananti āha ‘‘tucchena, musāvādenā’’ti. Vacanassa antosāraṃ nāma aviparīto atthoti tadabhāvenāha ‘‘antosāravirahitenā’’ti. Abhiācikkhantīti abhibhavitvā ghaṭṭentā kathenti, akkosantīti attho. Viparītasaññoti ayāthāvasañño. Subhaṃ vimokkhanti ‘‘subha’’nti vuttavimokkhaṃ. Vaṇṇakasiṇanti sunīlakasupītakādivaṇṇakasiṇaṃ. Sabbanti yaṃ subhaṃ, asubhañca vaṇṇakasiṇaṃ, tañca sabbaṃ. Na asubhanti asubhampi ‘‘asubha’’nti tasmiṃ samaye na sañjānāti, atha kho ‘‘subhaṃ’’ tveva sañjānātīti attho. Viparītā ayāthāvagāhitāya, ayāthāvavāditāya ca.
48. яасмаа со бариб̣б̣ааж̇аго ависсадтамижчааг̇аахид̇ааяа саммаа аббадибаж̇ж̇ид̇угаамо саммаабадибаннам̣ вияа мам̣ саман̣о г̇од̇амо, бхигкаво жа сан̃ж̇аананд̇ууд̇и ад̇хиббааязна ‘‘д̇ат̇аа д̇хаммам̣ д̣̇зсзд̇у’’нд̇иаад̣̇имааха, д̇асмаа вуд̇д̇ам̣ ‘‘маяаа зд̇асса…бз… ваддад̇ий’’д̇и. мамманд̇и маммаббад̣̇зсам̣ бийл̣ааж̇ананадтаанам̣. судтууд̇и саггажжам̣. яат̇аа на винассад̇и, звам̣ анурагка.
48. Yasmā so paribbājako avissaṭṭhamicchāgāhitāya sammā appaṭipajjitukāmo sammāpaṭipannaṃ viya maṃ samaṇo gotamo, bhikkhavo ca sañjānantūti adhippāyena ‘‘tathā dhammaṃ desetu’’ntiādimāha, tasmā vuttaṃ ‘‘mayā etassa…pe… vaṭṭatī’’ti. Mammanti mammappadesaṃ pīḷājananaṭṭhānaṃ. Suṭṭhūti sakkaccaṃ. Yathā na vinassati, evaṃ anurakkha.
ваасанааяаад̇и гилзсагкаяаавахааяа бадибад̇д̇ияаа ваасанааяа. сзсам̣ сувин̃н̃зяяамзваад̇и.
Vāsanāyāti kilesakkhayāvahāya paṭipattiyā vāsanāya. Sesaṃ suviññeyyamevāti.
баат̇игасуд̇д̇аван̣н̣анааяа лийнад̇т̇аббагаасанаа.
Pāthikasuttavaṇṇanāya līnatthappakāsanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 1. баат̇игасуд̇д̇ам̣ • 1. Pāthikasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 1. баат̇игасуд̇д̇аван̣н̣анаа • 1. Pāthikasuttavaṇṇanā
