| Library / Tipiṭaka / तिपिटक • Tipiṭaka / कङ्खावितरणी-अभिनव-टीका • Kaṅkhāvitaraṇī-abhinava-ṭīkā |
७-१०. पटिबाहनादिसिक्खापदवण्णना
7-10. Paṭibāhanādisikkhāpadavaṇṇanā
आनिसंसं दस्सेत्वा पटिबाहन्तियाति ‘‘एकिस्सा एकं साटकं नप्पहोति, आगमेथ ताव, कतिपाहेन उप्पज्जिस्सति, ततो भाजेस्सामा’’ति (पाचि॰ अट्ठ॰ ९१५) एवं आनिसंसं दस्सेत्वा पटिबाहन्तिया अनापत्ति।
Ānisaṃsaṃ dassetvā paṭibāhantiyāti ‘‘ekissā ekaṃ sāṭakaṃ nappahoti, āgametha tāva, katipāhena uppajjissati, tato bhājessāmā’’ti (pāci. aṭṭha. 915) evaṃ ānisaṃsaṃ dassetvā paṭibāhantiyā anāpatti.
अट्ठमनवमानि उत्तानत्थानेव।
Aṭṭhamanavamāni uttānatthāneva.
सेसन्ति ‘‘धम्मिके वेमतिकाया’’तिआदिकं अवसेसं। तत्थ आनिसंसं दस्सेत्वा पटिबाहन्तियाति ‘‘भिक्खुनिसङ्घो जिण्णचीवरो, कथिनानिसंसमूलको महालाभो’’ति (पाचि॰ अट्ठ॰ ९३१) एवरूपं आनिसंसं दस्सेत्वा पटिबाहन्तिया अनापत्ति।
Sesanti ‘‘dhammike vematikāyā’’tiādikaṃ avasesaṃ. Tattha ānisaṃsaṃ dassetvā paṭibāhantiyāti ‘‘bhikkhunisaṅgho jiṇṇacīvaro, kathinānisaṃsamūlako mahālābho’’ti (pāci. aṭṭha. 931) evarūpaṃ ānisaṃsaṃ dassetvā paṭibāhantiyā anāpatti.
पटिबाहनादिसिक्खापदवण्णना निट्ठिता।
Paṭibāhanādisikkhāpadavaṇṇanā niṭṭhitā.
नग्गवग्गो ततियो।
Naggavaggo tatiyo.
