| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
бадижжавааро
Paṭiccavāro
бажжаяабажжанийяаван̣н̣анаа
Paccayapaccanīyavaṇṇanā
86-87. руубасамудтаабагавасзнзва взд̣̇ид̇аб̣б̣анд̇и ид̣̇ам̣ адтагат̇ааважанам̣ ананд̇арам̣ ‘‘жид̇д̇асамудтаанан̃жа рууба’’нд̇и баал̣ияам̣ ааг̇ад̇ад̇д̇аа вуд̇д̇ам̣, бан̃жавин̃н̃аан̣аанам̣ бана ахзд̇угабадисанд̇хижид̇д̇аанан̃жа васзна яож̇анаа самбхавад̇ийд̇и гад̇ваа вуд̇д̇ам̣ ‘‘саб̣б̣асан̇г̇аахигавасзна банзд̇ам̣ на на саггаа яож̇зд̇у’’нд̇и.
86-87. Rūpasamuṭṭhāpakavasenevaveditabbanti idaṃ aṭṭhakathāvacanaṃ anantaraṃ ‘‘cittasamuṭṭhānañca rūpa’’nti pāḷiyaṃ āgatattā vuttaṃ, pañcaviññāṇānaṃ pana ahetukapaṭisandhicittānañca vasena yojanā sambhavatīti katvā vuttaṃ ‘‘sabbasaṅgāhikavasena panetaṃ na na sakkā yojetu’’nti.
93. сахаж̇аад̇абурзж̇аад̇абажжаяаад̇и ид̣̇ам̣ бажжаязна бажжаяад̇хаммобалагкан̣анд̇и д̣̇ассзд̇ум̣ ‘‘сахаж̇аад̇аа жа хзд̇уаад̣̇аяо…бз… ад̇т̇о д̣̇адтаб̣б̣о’’д̇и вад̇ваа ‘‘на хий’’д̇иаад̣̇инаа д̇амзвад̇т̇ам̣ самад̇т̇зд̇и.
93. Sahajātapurejātapaccayāti idaṃ paccayena paccayadhammopalakkhaṇanti dassetuṃ ‘‘sahajātā ca hetuādayo…pe… attho daṭṭhabbo’’ti vatvā ‘‘na hī’’tiādinā tamevatthaṃ samattheti.
94-97. со бажжаяод̇и со бадижжадтапаран̣аго бажжаяо.
94-97. So paccayoti so paṭiccaṭṭhapharaṇako paccayo.
99-102. жид̇д̇асамудтаанаад̣̇аяод̇и аад̣̇и-сад̣̇д̣̇зна б̣аахираруубааахаарасамудтаанаад̣̇аяо руубагодтаасаа сан̇г̇аяханд̇и. д̇ассаад̇и маг̇г̇абажжаяам̣ лабханд̇асса руубасса. звамзва банаад̇и иминаа яат̇аа намаг̇г̇абажжаяз вуд̇д̇ам̣, звамзва нахзд̇убажжаяаад̣̇ийсу яам̣ хзд̇убажжаяам̣ лабхад̇и, д̇асса барихийнад̇д̇аад̇и имамад̇т̇ам̣ убасам̣харад̇и. д̇знааха ‘‘згажжаруубасса бажжаяуббаннад̇аа д̣̇адтаб̣б̣аа’’д̇и.
99-102. Cittasamuṭṭhānādayoti ādi-saddena bāhirarūpaāhārasamuṭṭhānādayo rūpakoṭṭhāsā saṅgayhanti. Tassāti maggapaccayaṃ labhantassa rūpassa. Evameva panāti iminā yathā namaggapaccaye vuttaṃ, evameva nahetupaccayādīsu yaṃ hetupaccayaṃ labhati, tassa parihīnattāti imamatthaṃ upasaṃharati. Tenāha ‘‘ekaccarūpassa paccayuppannatā daṭṭhabbā’’ti.
107-130. саб̣б̣ад̇т̇аад̇и баннарасамуулагаад̣̇ийсу саб̣б̣зсу наязсу. гаамам̣ суд̣̇д̇хиганаяаад̣̇ийсу висад̣̇исависсаж̇ж̇анаа, ид̇хаад̇хиббзд̇ад̇т̇ам̣ бана д̣̇ассзд̇ум̣ ‘‘згзсуу’’д̇иаад̣̇и вуд̇д̇ам̣. ид̇хаад̇и зд̇зсу наахаарамуулагаад̣̇инаязсу. г̇ан̣анааязва на саруубад̣̇ассананд̇и суд̣̇д̇хиганаяз вияа г̇ан̣анааяа зва на саруубад̣̇ассанам̣ ад̇хиббзд̇анд̇и ад̇т̇о.
107-130. Sabbatthāti pannarasamūlakādīsu sabbesu nayesu. Kāmaṃ suddhikanayādīsu visadisavissajjanā, idhādhippetatthaṃ pana dassetuṃ ‘‘ekesū’’tiādi vuttaṃ. Idhāti etesu nāhāramūlakādinayesu. Gaṇanāyeva na sarūpadassananti suddhikanaye viya gaṇanāya eva na sarūpadassanaṃ adhippetanti attho.
бажжаяабажжанийяаван̣н̣анаа нидтид̇аа.
Paccayapaccanīyavaṇṇanā niṭṭhitā.
бажжаяаануломабажжанийяаван̣н̣анаа
Paccayānulomapaccanīyavaṇṇanā
131-189. д̇ин̣н̣анд̇и хзд̇у ад̇хибад̇и маг̇г̇од̇и имзсам̣ д̇ин̣н̣ам̣ бажжаяаанам̣. саад̇хааран̣аананд̇и яз д̇зсам̣ д̇ин̣н̣ам̣ саад̇хааран̣аа бажжаяаа бажжанийгад̇о на лаб̣бханд̇и, яасмаа д̇зсам̣ сан̇г̇ан̣ханавасзна вуд̇д̇ам̣, д̇асмаа. маг̇г̇абажжаязд̇и маг̇г̇абажжаяз ануломад̇о тид̇з. ид̇арзхийд̇и хзд̇уад̇хибад̇ибажжаязхи. саад̇хааран̣аа сад̇д̇зваад̇и маг̇г̇абажжаяаваж̇ж̇з сад̇д̇зва. хзд̇убажжаяоби бажжанийяад̇о на лаб̣бхад̇ийд̇и хзд̇урахид̇зсу ад̇хибад̇ино абхааваа. со банаад̇и хзд̇убажжаяо асаад̇хааран̣од̇и гад̇ваа на вуд̇д̇о саад̇хааран̣аанам̣ алаб̣бхамаанаанам̣ вужжамаанад̇д̇аа. на хи хзд̇убажжаяо маг̇г̇абажжаяасса саад̇хааран̣о. язхийд̇и язхи бажжаязхи. д̇зд̇и ананд̇арабажжаяаад̣̇аяо. зганд̇игад̇д̇аад̇и авинаабхаавад̇о. аруубадтаанигаад̇и аруубабажжаяаа аруубад̇хаммаанам̣язва бажжаяабхууд̇аа ананд̇арабажжаяаад̣̇аяо. д̇знаад̇и ‘‘зганд̇игаанам̣ аруубадтаанигаа’’д̇и ид̇хаад̇хиббзд̇ад̇д̇аа. д̇зхийд̇и бурзж̇аад̇аасзванабажжаязхи. д̇зсам̣ васзнаад̇и д̇зсам̣ уунад̇араг̇ан̣анаанам̣ згагаад̣̇ийнам̣ васзна. д̇асса д̇ассаад̇и бажжанийяад̇о яож̇ид̇асса д̇асса д̇асса д̣̇угаад̣̇игасса б̣ахуг̇ан̣анасса. г̇ан̣анаад̇и уунад̇араг̇ан̣анаа. ануломад̇о тид̇ассабийд̇и би-сад̣̇д̣̇зна ануломад̇о тид̇о ваа ход̇у бажжанийяад̇о яож̇ид̇о ваа, уунад̇араг̇ан̣анааяа самаананд̇и д̣̇ассзд̇и. наяид̣̇ам̣ лагкан̣ам̣ зганд̇иганд̇и иминаа яат̇аавуд̇д̇алагкан̣ам̣ язбхуяяавасзна вуд̇д̇анд̇и д̣̇ассзд̇и.
131-189. Tiṇṇanti hetu adhipati maggoti imesaṃ tiṇṇaṃ paccayānaṃ. Sādhāraṇānanti ye tesaṃ tiṇṇaṃ sādhāraṇā paccayā paccanīkato na labbhanti, yasmā tesaṃ saṅgaṇhanavasena vuttaṃ, tasmā. Maggapaccayeti maggapaccaye anulomato ṭhite. Itarehīti hetuadhipatipaccayehi. Sādhāraṇā sattevāti maggapaccayavajje satteva. Hetupaccayopi paccanīyato na labbhatīti heturahitesu adhipatino abhāvā. So panāti hetupaccayo asādhāraṇoti katvā na vutto sādhāraṇānaṃ alabbhamānānaṃ vuccamānattā. Na hi hetupaccayo maggapaccayassa sādhāraṇo. Yehīti yehi paccayehi. Teti anantarapaccayādayo. Ekantikattāti avinābhāvato. Arūpaṭṭhānikāti arūpapaccayā arūpadhammānaṃyeva paccayabhūtā anantarapaccayādayo. Tenāti ‘‘ekantikānaṃ arūpaṭṭhānikā’’ti idhādhippetattā. Tehīti purejātāsevanapaccayehi. Tesaṃ vasenāti tesaṃ ūnataragaṇanānaṃ ekakādīnaṃ vasena. Tassa tassāti paccanīyato yojitassa tassa tassa dukādikassa bahugaṇanassa. Gaṇanāti ūnataragaṇanā. Anulomato ṭhitassapīti pi-saddena anulomato ṭhito vā hotu paccanīyato yojito vā, ūnataragaṇanāya samānanti dasseti. Nayidaṃ lakkhaṇaṃ ekantikanti iminā yathāvuttalakkhaṇaṃ yebhuyyavasena vuttanti dasseti.
бажжаяаануломабажжанийяаван̣н̣анаа нидтид̇аа.
Paccayānulomapaccanīyavaṇṇanā niṭṭhitā.
бажжаяабажжанийяаануломаван̣н̣анаа
Paccayapaccanīyānulomavaṇṇanā
190. саб̣б̣зсубийд̇и бажчааж̇аад̇ам̣ табзд̇ваа саб̣б̣зсуби бажжаязсу. со хи ануломад̇о алаб̣бхамаанабхаавзна г̇ахид̇о ‘‘саб̣б̣зсуу’’д̇и зд̇т̇а сан̇г̇ахам̣ на лабхад̇и. аруубааважаравибаагасса ааруббз уббанналогуд̇д̇аравибаагасса жа бурзж̇аад̇аасзванаанам̣ алаб̣бханад̇од̇и ‘‘гин̃жи нид̣̇ассанавасзна д̣̇ассзнд̇о’’д̇и ааха.
190. Sabbesupīti pacchājātaṃ ṭhapetvā sabbesupi paccayesu. So hi anulomato alabbhamānabhāvena gahito ‘‘sabbesū’’ti ettha saṅgahaṃ na labhati. Arūpāvacaravipākassa āruppe uppannalokuttaravipākassa ca purejātāsevanānaṃ alabbhanatoti ‘‘kiñci nidassanavasena dassento’’ti āha.
авасзсаанам̣ лаабхамад̇д̇анд̇и авасзсаанам̣ згажжаанам̣ лаабхам̣. д̇знааха ‘‘на саб̣б̣зсам̣ авасзсаанам̣ лаабха’’нд̇и . бажчааж̇аад̇з басан̇г̇о над̇т̇ийд̇и бажчааж̇аад̇о ануломад̇о д̇идтад̇ийд̇и аяам̣ басан̇г̇о зва над̇т̇и. бурзж̇аа…бз… лаб̣бхад̇ийд̇и иминаа виббаяуд̇д̇з бажжанийяад̇о тид̇з бурзж̇аад̇о лаб̣бхад̇ийд̇и аяамби ад̇т̇ад̇о аабанно ход̇ийд̇и д̇ам̣ нид̣̇д̇хаарзд̇ваа д̇ад̇т̇а яам̣ вад̇д̇аб̣б̣ам̣, д̇ам̣ д̣̇ассзд̇ум̣ ‘‘бурзж̇аад̇о бана виббаяуд̇д̇з бажжанийяад̇о тид̇з ануломад̇о лаб̣бхад̇ийд̇и ид̣̇амбий’’д̇иаад̣̇и вуд̇д̇ам̣. д̇ад̇т̇а ‘‘авасзсаа саб̣б̣збийд̇и ад̇т̇з г̇аяхамаанз аабаж̇ж̇зяяаа’’д̇и ид̣̇ам̣ д̇ассаа ад̇т̇аабад̇д̇ияаа саб̣бхаавад̣̇ассанамад̇д̇ам̣ д̣̇адтаб̣б̣ам̣, ад̇т̇о бана д̇аад̣̇исо на убалаб̣бхад̇ийд̇и аяамзд̇т̇а ад̇хиббааяо. д̇знааха ‘‘яамби гзжий’’д̇иаад̣̇и.
Avasesānaṃ lābhamattanti avasesānaṃ ekaccānaṃ lābhaṃ. Tenāha ‘‘na sabbesaṃ avasesānaṃ lābha’’nti . Pacchājāte pasaṅgo natthīti pacchājāto anulomato tiṭṭhatīti ayaṃ pasaṅgo eva natthi. Purejā…pe… labbhatīti iminā vippayutte paccanīyato ṭhite purejāto labbhatīti ayampi atthato āpanno hotīti taṃ niddhāretvā tattha yaṃ vattabbaṃ, taṃ dassetuṃ ‘‘purejāto pana vippayutte paccanīyato ṭhite anulomato labbhatīti idampī’’tiādi vuttaṃ. Tattha ‘‘avasesā sabbepīti atthe gayhamāne āpajjeyyā’’ti idaṃ tassā atthāpattiyā sabbhāvadassanamattaṃ daṭṭhabbaṃ, attho pana tādiso na upalabbhatīti ayamettha adhippāyo. Tenāha ‘‘yampi kecī’’tiādi.
д̇ад̇т̇а гзжийд̇и бад̣̇агаарз санд̇хааяааха. д̇з хи ‘‘аруубад̇хаад̇уяаа жавид̇ваа гаамад̇хаад̇ум̣ убабаж̇ж̇анд̇асса г̇ад̇инимид̇д̇ам̣ аарамман̣абурзж̇аад̇ам̣ ход̇ийд̇и н̃аабзд̇ум̣ ‘навиббаяуд̇д̇абажжаяаа бурзж̇аад̇з’д̇и аяамад̇т̇о нид̣̇д̇хаарид̇о’’д̇и вад̣̇анд̇и, д̇ам̣ на яуж̇ж̇ад̇и ааруббз руубам̣ аараб̣бха жид̇д̇уббаад̣̇асса асамбхавад̇о. д̇ат̇аа хзгз асан̃н̃абхаваананд̇арасса вияа ааруббаананд̇арасса гаамааважарабадисанд̇хивин̃н̃аан̣асса буримаанубадтид̇аарамман̣ам̣ ижчанд̇и. д̇знзвааха ‘‘д̇амби д̇зсам̣ ружимад̇д̇амзваа’’д̇иаад̣̇и. яуж̇ж̇амаанагабажжаяуббаннавасзна ваад̇и яасмим̣ яасмим̣ бажжаяз ануломад̇о тид̇з яам̣ яам̣ бажжаяуббаннам̣ бхавид̇ум̣ яуж̇ж̇ад̇и, д̇асса д̇асса васзнаад̇и ад̇т̇о. на вижаарид̇ам̣ сувин̃н̃зяяад̇д̇аад̇и ад̇хиббааяо. наваад̇и аарамман̣аананд̇арасамананд̇аруубаниссаяабурзж̇аад̇аасзванасамбаяуд̇д̇анад̇т̇ивиг̇ад̇абажжаяаа. д̇амби д̇зсам̣ наваннам̣ бажжаяаанам̣ ануломад̇о алаб̣бхамаанад̇ам̣.
Tattha kecīti padakāre sandhāyāha. Te hi ‘‘arūpadhātuyā cavitvā kāmadhātuṃ upapajjantassa gatinimittaṃ ārammaṇapurejātaṃ hotīti ñāpetuṃ ‘navippayuttapaccayā purejāte’ti ayamattho niddhārito’’ti vadanti, taṃ na yujjati āruppe rūpaṃ ārabbha cittuppādassa asambhavato. Tathā heke asaññabhavānantarassa viya āruppānantarassa kāmāvacarapaṭisandhiviññāṇassa purimānupaṭṭhitārammaṇaṃ icchanti. Tenevāha ‘‘tampi tesaṃ rucimattamevā’’tiādi. Yujjamānakapaccayuppannavasena vāti yasmiṃ yasmiṃ paccaye anulomato ṭhite yaṃ yaṃ paccayuppannaṃ bhavituṃ yujjati, tassa tassa vasenāti attho. Na vicāritaṃ suviññeyyattāti adhippāyo. Navāti ārammaṇaanantarasamanantarūpanissayapurejātāsevanasampayuttanatthivigatapaccayā. Tampi tesaṃ navannaṃ paccayānaṃ anulomato alabbhamānataṃ.
191-195. на ан̃н̃аман̃н̃зна гхадид̇асса муулассаад̇и ан̃н̃аман̃н̃абажжаязна бажжанийяад̇о тид̇зна яож̇ид̇асса сад̇д̇амасса мууласса вид̇т̇аарид̇ад̇д̇аа. саб̣б̣ам̣ сад̣̇исанд̇и саб̣б̣абаал̣иг̇аманам̣ сад̣̇исам̣.
191-195. Na aññamaññena ghaṭitassa mūlassāti aññamaññapaccayena paccanīyato ṭhitena yojitassa sattamassa mūlassa vitthāritattā. Sabbaṃ sadisanti sabbapāḷigamanaṃ sadisaṃ.
имасмим̣…бз… взд̣̇ид̇аб̣б̣од̇и зд̇т̇а имасмим̣ зд̇т̇аад̇и д̣̇вз бхумманид̣̇д̣̇зсаа. д̇зсу батамасса висаяо бажжанийяаануломзд̇и адтагат̇ааяамзва д̣̇ассид̇од̇и ад̣̇ассид̇асса висаяам̣ д̣̇ассзд̇ум̣ ‘‘зд̇зсуу’’д̇иаад̣̇и вуд̇д̇ам̣. би-сад̣̇д̣̇знаад̇и ‘‘имзсамбий’’д̇и зд̇т̇а би-сад̣̇д̣̇зна. гисмин̃жи бажжаяз. гаммабажжаяам̣ лабханд̇ааниби жагкаад̣̇ийни вибаагавин̃н̃аан̣аад̣̇ийни жа инд̣̇рияам̣ на лабханд̇ийд̇и гад̇ваа ‘‘язбхуяязнаа’’д̇и вуд̇д̇ам̣, гад̇ибаяам̣ на лабхад̇ийд̇и вуд̇д̇ам̣ ход̇и. маг̇г̇абажжаяанд̇иаад̣̇ийсуби зсзва наяо. яат̇аавуд̇д̇аанийд̇и бан̃жавогаарабавад̇д̇иасан̃н̃абхавабарияаабаннаани гадад̇д̇ааруубаанзва вад̣̇ад̇и, на жид̇д̇асамудтаанаруубаанийд̇и ад̇хиббааяо. яз руубад̇хаммаанам̣ бажжаяаа хонд̇ийд̇и яз хзд̇уад̇хибад̇исахаж̇аад̇аад̣̇ибажжаяаа руубад̇хаммаанам̣ бажжаяаа хонд̇и, зд̇зязва хзд̇уад̇хибад̇иаад̣̇игз ча бажжаяз на лабханд̇и. зд̇зязваад̇и важанзна ан̃н̃з гад̇ибаяз лабханд̇ийд̇и сид̣̇д̇хам̣ ход̇ийд̇и д̇ам̣ д̣̇ассзнд̇о ‘‘бажчааж̇аад̇аа…бз… лабхад̇ий’’д̇и ааха. аяан̃жа бажжаяалаабхо на ж̇анагавасзна взд̣̇ид̇аб̣б̣од̇и д̣̇ассзд̇ум̣ ‘‘лаб̣бхамаанаа…бз… д̣̇ассана’’нд̇и вуд̇д̇ам̣. д̇хаммавасзнаад̇и бажжаяуббаннад̇хаммавасзна. инд̣̇рияанд̇и инд̣̇рияабажжаяам̣. яад̣̇и званд̇и гадад̇д̇ааруубам̣ яам̣ яам̣ на лабхад̇и, д̇ам̣ д̇ам̣ яад̣̇и вад̇д̇аб̣б̣ам̣, звам̣ санд̇з руубад̇хаммзсу бхууд̇аруубааниязва ан̃н̃аман̃н̃абажжаяам̣ лабханд̇ийд̇и ааха ‘‘убаад̣̇ааруубаани…бз… вад̇д̇аб̣б̣а’’нд̇и. д̇ам̣ бана убаад̣̇ааруубаанам̣ ан̃н̃аман̃н̃абажжаяаалаабхаважанам̣. аруубинд̣̇рияаалаабханд̇и аруубийнам̣ инд̣̇рияаанам̣ васзна инд̣̇рияабажжаяаалаабхам̣.
Imasmiṃ…pe… veditabboti ettha imasmiṃ etthāti dve bhummaniddesā. Tesu paṭhamassa visayo paccanīyānulometi aṭṭhakathāyameva dassitoti adassitassa visayaṃ dassetuṃ ‘‘etesū’’tiādi vuttaṃ. Pi-saddenāti ‘‘imesampī’’ti ettha pi-saddena. Kismiñci paccaye. Kammapaccayaṃ labhantānipi cakkhādīni vipākaviññāṇādīni ca indriyaṃ na labhantīti katvā ‘‘yebhuyyenā’’ti vuttaṃ, katipayaṃ na labhatīti vuttaṃ hoti. Maggapaccayantiādīsupi eseva nayo. Yathāvuttānīti pañcavokārapavattiasaññabhavapariyāpannāni kaṭattārūpāneva vadati, na cittasamuṭṭhānarūpānīti adhippāyo. Ye rūpadhammānaṃ paccayā hontīti ye hetuadhipatisahajātādipaccayā rūpadhammānaṃ paccayā honti, eteyeva hetuadhipatiādike cha paccaye na labhanti. Eteyevāti vacanena aññe katipaye labhantīti siddhaṃ hotīti taṃ dassento ‘‘pacchājātā…pe… labhatī’’ti āha. Ayañca paccayalābho na janakavasena veditabboti dassetuṃ ‘‘labbhamānā…pe… dassana’’nti vuttaṃ. Dhammavasenāti paccayuppannadhammavasena. Indriyanti indriyapaccayaṃ. Yadi evanti kaṭattārūpaṃ yaṃ yaṃ na labhati, taṃ taṃ yadi vattabbaṃ, evaṃ sante rūpadhammesu bhūtarūpāniyeva aññamaññapaccayaṃ labhantīti āha ‘‘upādārūpāni…pe… vattabba’’nti. Taṃ pana upādārūpānaṃ aññamaññapaccayālābhavacanaṃ. Arūpindriyālābhanti arūpīnaṃ indriyānaṃ vasena indriyapaccayālābhaṃ.
196-197. б̣ахуг̇ан̣анамби уунад̇араг̇ан̣анзна яож̇ид̇ам̣ уунад̇араг̇ан̣амзва ход̇ийд̇и гад̇ваа вуд̇д̇ам̣ ‘‘яад̣̇иби д̇игаад̣̇ийсу ‘хзд̇уяаа бан̃жаа’д̇и ид̣̇ам̣ над̇т̇ий’’д̇и. ануд̇д̇аанам̣ д̣̇увин̃н̃зяяад̇ааяа г̇амбхийрам̣. яат̇аа жа бхууд̇аруубаани наарамман̣абажжаяаа ан̃н̃аман̃н̃абажжаяаа уббаж̇ж̇анд̇и, звам̣ бадисанд̇хигкан̣з вад̇т̇уруубанд̇и ааха ‘‘вад̇т̇уби бана лабхад̇ий’’д̇и. яат̇аа хздтаа згамуулагам̣ ‘‘д̣̇умуулага’’нд̇и вуд̇д̇ам̣, звам̣ ид̇хааби д̣̇умуулагам̣ ‘‘д̇имуулага’’нд̇и вад̣̇анд̇и.
196-197. Bahugaṇanampi ūnataragaṇanena yojitaṃ ūnataragaṇameva hotīti katvā vuttaṃ ‘‘yadipi tikādīsu ‘hetuyā pañcā’ti idaṃ natthī’’ti. Anuttānaṃ duviññeyyatāya gambhīraṃ. Yathā ca bhūtarūpāni nārammaṇapaccayā aññamaññapaccayā uppajjanti, evaṃ paṭisandhikkhaṇe vatthurūpanti āha ‘‘vatthupi pana labhatī’’ti. Yathā heṭṭhā ekamūlakaṃ ‘‘dumūlaka’’nti vuttaṃ, evaṃ idhāpi dumūlakaṃ ‘‘timūlaka’’nti vadanti.
203-233. жзд̇анаамад̇д̇асан̇г̇аахагзд̇и жзд̇анаамад̇д̇ам̣язва бажжаяуббаннам̣ г̇ахзд̇ваа тид̇з бан̃хз. д̇ад̇т̇а хи ‘‘нагаммабажжаяаа хзд̇убажжаяаа’’д̇и вад̇д̇ум̣ саггаа. звам̣багаарзд̇и ид̣̇ам̣ ‘‘д̇ийн̣ийд̇иаад̣̇ийсуу’’д̇и зд̇т̇а аад̣̇и-сад̣̇д̣̇асса ад̇т̇аважананд̇и д̣̇ассзнд̇о ‘‘аад̣̇и-сад̣̇д̣̇о хи багаарад̇т̇ова ход̇ий’’д̇и ааха. руубамби лаб̣бхад̇и жзд̇анаамад̇д̇амзва асан̇г̇ан̣ханад̇о.
203-233. Cetanāmattasaṅgāhaketi cetanāmattaṃyeva paccayuppannaṃ gahetvā ṭhite pañhe. Tattha hi ‘‘nakammapaccayā hetupaccayā’’ti vattuṃ sakkā. Evaṃpakāreti idaṃ ‘‘tīṇītiādīsū’’ti ettha ādi-saddassa atthavacananti dassento ‘‘ādi-saddo hi pakāratthova hotī’’ti āha. Rūpampi labbhati cetanāmattameva asaṅgaṇhanato.
бажжаяабажжанийяаануломаван̣н̣анаа нидтид̇аа.
Paccayapaccanīyānulomavaṇṇanā niṭṭhitā.
бадижжаваараван̣н̣анаа нидтид̇аа.
Paṭiccavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / 1. гусалад̇д̇игам̣ • 1. Kusalattikaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. бадижжаваараван̣н̣анаа • 1. Paṭiccavāravaṇṇanā
