| Library / Tipiṭaka / तिपिटक • Tipiṭaka / चूळवग्ग-अट्ठकथा • Cūḷavagga-aṭṭhakathā |
पटिच्छन्नपरिवासकथा
Paṭicchannaparivāsakathā
१०२. इदानि या ताव अयं पटिच्छन्नाय एकिस्सा आपत्तिया वसेन पाळि वुत्ता, सा उत्तानत्थाव।
102. Idāni yā tāva ayaṃ paṭicchannāya ekissā āpattiyā vasena pāḷi vuttā, sā uttānatthāva.
१०८. ततो परं द्वीहतीहचतूहपञ्चाहपटिच्छन्नानं वसेन पाळिं वत्वा पञ्चाहपटिच्छन्नाय परिवासतो पट्ठाय अन्तरापत्ति दस्सिता। यस्मा पन तं आपत्तिं आपन्नो मूलायपटिकस्सनारहो नाम होति, तस्मास्स तत्थ मूलायपटिकस्सनं अनुञ्ञातं। सचे पन निक्खित्तवत्तो आपज्जति, मूलायपटिकस्सनारहो न होति। कस्मा? यस्मा न सो परिवसन्तो आपन्नो, पकतत्तट्ठाने ठितो आपन्नो, तस्मा तस्सा आपत्तिया विसुं मानत्तं चरितब्बं। सचे पटिच्छन्ना होति परिवासोपि वसितब्बो। यञ्चेतं मूलायपटिकस्सनं वुत्तं, तस्मिम्पि कते परिवुत्थदिवसा मक्खिता होन्ति। इति परिवासे अन्तरापत्तिं दस्सेत्वा पुन मानत्तारहस्स अन्तरापत्तिं दस्सेत्वा मूलायपटिकस्सनं वुत्तं, तस्मिम्पि कते परिवुत्थदिवसा मक्खिताव होन्ति। ततो परिवुत्थपरिवासस्स तासं तिस्सन्नम्पि आपत्तीनं समोधानमानत्तं दस्सितं। ततो मानत्तचारिकस्स अन्तरापत्तिं दस्सेत्वा मूलायपटिकस्सनं वुत्तं। तस्मिं पन पटिकस्सने कते मानत्तचिण्णदिवसापि परिवुत्थदिवसापि मक्खिताव होन्ति। ततो अब्भानारहस्स अन्तरापत्तिं दस्सेत्वा मूलायपटिकस्सनं वुत्तं। तस्मिम्पि कते सब्बे ते मक्खिताव होन्ति। ततो परं सब्बा अन्तरापत्तियो योजेत्वा अब्भानकम्मं दस्सितं। एवं पटिच्छन्नवारे एकाहपटिच्छन्नादिवसेन पञ्च, अन्तरापत्तिवसेन चतस्सोति नव कम्मवाचा दस्सिता होन्ति।
108. Tato paraṃ dvīhatīhacatūhapañcāhapaṭicchannānaṃ vasena pāḷiṃ vatvā pañcāhapaṭicchannāya parivāsato paṭṭhāya antarāpatti dassitā. Yasmā pana taṃ āpattiṃ āpanno mūlāyapaṭikassanāraho nāma hoti, tasmāssa tattha mūlāyapaṭikassanaṃ anuññātaṃ. Sace pana nikkhittavatto āpajjati, mūlāyapaṭikassanāraho na hoti. Kasmā? Yasmā na so parivasanto āpanno, pakatattaṭṭhāne ṭhito āpanno, tasmā tassā āpattiyā visuṃ mānattaṃ caritabbaṃ. Sace paṭicchannā hoti parivāsopi vasitabbo. Yañcetaṃ mūlāyapaṭikassanaṃ vuttaṃ, tasmimpi kate parivutthadivasā makkhitā honti. Iti parivāse antarāpattiṃ dassetvā puna mānattārahassa antarāpattiṃ dassetvā mūlāyapaṭikassanaṃ vuttaṃ, tasmimpi kate parivutthadivasā makkhitāva honti. Tato parivutthaparivāsassa tāsaṃ tissannampi āpattīnaṃ samodhānamānattaṃ dassitaṃ. Tato mānattacārikassa antarāpattiṃ dassetvā mūlāyapaṭikassanaṃ vuttaṃ. Tasmiṃ pana paṭikassane kate mānattaciṇṇadivasāpi parivutthadivasāpi makkhitāva honti. Tato abbhānārahassa antarāpattiṃ dassetvā mūlāyapaṭikassanaṃ vuttaṃ. Tasmimpi kate sabbe te makkhitāva honti. Tato paraṃ sabbā antarāpattiyo yojetvā abbhānakammaṃ dassitaṃ. Evaṃ paṭicchannavāre ekāhapaṭicchannādivasena pañca, antarāpattivasena catassoti nava kammavācā dassitā honti.
पटिच्छन्नपरिवासकथा निट्ठिता।
Paṭicchannaparivāsakathā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / चूळवग्गपाळि • Cūḷavaggapāḷi
एकाहप्पटिच्छन्नपरिवासं • Ekāhappaṭicchannaparivāsaṃ
पञ्चाहप्पटिच्छन्नपरिवासो • Pañcāhappaṭicchannaparivāso
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā
परिवासकथावण्णना • Parivāsakathāvaṇṇanā
पटिच्छन्नपरिवासकथावण्णना • Paṭicchannaparivāsakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā
परिवासकथावण्णना • Parivāsakathāvaṇṇanā
पटिच्छन्नपरिवासादिकथावण्णना • Paṭicchannaparivāsādikathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / पटिच्छन्नपरिवासकथावण्णना • Paṭicchannaparivāsakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / पटिच्छन्नपरिवासकथा • Paṭicchannaparivāsakathā
