| Library / Tipiṭaka / તિપિટક • Tipiṭaka / ચૂળવગ્ગ-અટ્ઠકથા • Cūḷavagga-aṭṭhakathā |
પટિચ્છન્નપરિવાસકથા
Paṭicchannaparivāsakathā
૧૦૨. ઇદાનિ યા તાવ અયં પટિચ્છન્નાય એકિસ્સા આપત્તિયા વસેન પાળિ વુત્તા, સા ઉત્તાનત્થાવ.
102. Idāni yā tāva ayaṃ paṭicchannāya ekissā āpattiyā vasena pāḷi vuttā, sā uttānatthāva.
૧૦૮. તતો પરં દ્વીહતીહચતૂહપઞ્ચાહપટિચ્છન્નાનં વસેન પાળિં વત્વા પઞ્ચાહપટિચ્છન્નાય પરિવાસતો પટ્ઠાય અન્તરાપત્તિ દસ્સિતા. યસ્મા પન તં આપત્તિં આપન્નો મૂલાયપટિકસ્સનારહો નામ હોતિ, તસ્માસ્સ તત્થ મૂલાયપટિકસ્સનં અનુઞ્ઞાતં. સચે પન નિક્ખિત્તવત્તો આપજ્જતિ, મૂલાયપટિકસ્સનારહો ન હોતિ. કસ્મા? યસ્મા ન સો પરિવસન્તો આપન્નો, પકતત્તટ્ઠાને ઠિતો આપન્નો, તસ્મા તસ્સા આપત્તિયા વિસું માનત્તં ચરિતબ્બં. સચે પટિચ્છન્ના હોતિ પરિવાસોપિ વસિતબ્બો. યઞ્ચેતં મૂલાયપટિકસ્સનં વુત્તં, તસ્મિમ્પિ કતે પરિવુત્થદિવસા મક્ખિતા હોન્તિ. ઇતિ પરિવાસે અન્તરાપત્તિં દસ્સેત્વા પુન માનત્તારહસ્સ અન્તરાપત્તિં દસ્સેત્વા મૂલાયપટિકસ્સનં વુત્તં, તસ્મિમ્પિ કતે પરિવુત્થદિવસા મક્ખિતાવ હોન્તિ. તતો પરિવુત્થપરિવાસસ્સ તાસં તિસ્સન્નમ્પિ આપત્તીનં સમોધાનમાનત્તં દસ્સિતં. તતો માનત્તચારિકસ્સ અન્તરાપત્તિં દસ્સેત્વા મૂલાયપટિકસ્સનં વુત્તં. તસ્મિં પન પટિકસ્સને કતે માનત્તચિણ્ણદિવસાપિ પરિવુત્થદિવસાપિ મક્ખિતાવ હોન્તિ. તતો અબ્ભાનારહસ્સ અન્તરાપત્તિં દસ્સેત્વા મૂલાયપટિકસ્સનં વુત્તં. તસ્મિમ્પિ કતે સબ્બે તે મક્ખિતાવ હોન્તિ. તતો પરં સબ્બા અન્તરાપત્તિયો યોજેત્વા અબ્ભાનકમ્મં દસ્સિતં. એવં પટિચ્છન્નવારે એકાહપટિચ્છન્નાદિવસેન પઞ્ચ, અન્તરાપત્તિવસેન ચતસ્સોતિ નવ કમ્મવાચા દસ્સિતા હોન્તિ.
108. Tato paraṃ dvīhatīhacatūhapañcāhapaṭicchannānaṃ vasena pāḷiṃ vatvā pañcāhapaṭicchannāya parivāsato paṭṭhāya antarāpatti dassitā. Yasmā pana taṃ āpattiṃ āpanno mūlāyapaṭikassanāraho nāma hoti, tasmāssa tattha mūlāyapaṭikassanaṃ anuññātaṃ. Sace pana nikkhittavatto āpajjati, mūlāyapaṭikassanāraho na hoti. Kasmā? Yasmā na so parivasanto āpanno, pakatattaṭṭhāne ṭhito āpanno, tasmā tassā āpattiyā visuṃ mānattaṃ caritabbaṃ. Sace paṭicchannā hoti parivāsopi vasitabbo. Yañcetaṃ mūlāyapaṭikassanaṃ vuttaṃ, tasmimpi kate parivutthadivasā makkhitā honti. Iti parivāse antarāpattiṃ dassetvā puna mānattārahassa antarāpattiṃ dassetvā mūlāyapaṭikassanaṃ vuttaṃ, tasmimpi kate parivutthadivasā makkhitāva honti. Tato parivutthaparivāsassa tāsaṃ tissannampi āpattīnaṃ samodhānamānattaṃ dassitaṃ. Tato mānattacārikassa antarāpattiṃ dassetvā mūlāyapaṭikassanaṃ vuttaṃ. Tasmiṃ pana paṭikassane kate mānattaciṇṇadivasāpi parivutthadivasāpi makkhitāva honti. Tato abbhānārahassa antarāpattiṃ dassetvā mūlāyapaṭikassanaṃ vuttaṃ. Tasmimpi kate sabbe te makkhitāva honti. Tato paraṃ sabbā antarāpattiyo yojetvā abbhānakammaṃ dassitaṃ. Evaṃ paṭicchannavāre ekāhapaṭicchannādivasena pañca, antarāpattivasena catassoti nava kammavācā dassitā honti.
પટિચ્છન્નપરિવાસકથા નિટ્ઠિતા.
Paṭicchannaparivāsakathā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / ચૂળવગ્ગપાળિ • Cūḷavaggapāḷi
એકાહપ્પટિચ્છન્નપરિવાસં • Ekāhappaṭicchannaparivāsaṃ
પઞ્ચાહપ્પટિચ્છન્નપરિવાસો • Pañcāhappaṭicchannaparivāso
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā
પરિવાસકથાવણ્ણના • Parivāsakathāvaṇṇanā
પટિચ્છન્નપરિવાસકથાવણ્ણના • Paṭicchannaparivāsakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā
પરિવાસકથાવણ્ણના • Parivāsakathāvaṇṇanā
પટિચ્છન્નપરિવાસાદિકથાવણ્ણના • Paṭicchannaparivāsādikathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / પટિચ્છન્નપરિવાસકથાવણ્ણના • Paṭicchannaparivāsakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / પટિચ્છન્નપરિવાસકથા • Paṭicchannaparivāsakathā
