| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൯. പടിച്ഛന്നസുത്തവണ്ണനാ
9. Paṭicchannasuttavaṇṇanā
൧൩൨. നവമേ ആവഹന്തീതി നിയ്യന്തി. പടിച്ഛന്നോ ആവഹതീതി പടിച്ഛന്നോവ ഹുത്വാ നിയ്യാതി. വിവടോ വിരോചതീതി ഏത്ഥ ഏകതോ ഉഭതോ അത്തതോ സബ്ബത്ഥകതോതി ചതുബ്ബിധാ വിവടതാ വേദിതബ്ബാ. തത്ഥ ഏകതോ വിവടം നാമ അസാധാരണസിക്ഖാപദം. ഉഭതോ വിവടം നാമ സാധാരണസിക്ഖാപദം. അത്തതോ വിവടം നാമ പടിലദ്ധധമ്മഗുണോ. സബ്ബത്ഥകവിവടം നാമ തേപിടകം ബുദ്ധവചനം.
132. Navame āvahantīti niyyanti. Paṭicchanno āvahatīti paṭicchannova hutvā niyyāti. Vivaṭo virocatīti ettha ekato ubhato attato sabbatthakatoti catubbidhā vivaṭatā veditabbā. Tattha ekato vivaṭaṃ nāma asādhāraṇasikkhāpadaṃ. Ubhato vivaṭaṃ nāma sādhāraṇasikkhāpadaṃ. Attato vivaṭaṃ nāma paṭiladdhadhammaguṇo. Sabbatthakavivaṭaṃ nāma tepiṭakaṃ buddhavacanaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൯. പടിച്ഛന്നസുത്തം • 9. Paṭicchannasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൯. പടിച്ഛന്നസുത്തവണ്ണനാ • 9. Paṭicchannasuttavaṇṇanā
