| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
баад̇имогкуд̣̇д̣̇зсагат̇аа
Pātimokkhuddesakathā
150. нид̣̇аанам̣ уд̣̇д̣̇исид̇ваа авасзсам̣ суд̇зна саавзд̇аб̣б̣анд̇и ‘‘сун̣аад̇у мз бханд̇з сан̇гхо…бз… аавигад̇аа хисса паасу ход̇ий’’д̇и имам̣ нид̣̇аанам̣ уд̣̇д̣̇исид̇ваа ‘‘уд̣̇д̣̇идтам̣ ко ааяасманд̇о нид̣̇аанам̣, д̇ад̇т̇ааяасманд̇з бужчаами – гажжид̇т̇а барисуд̣̇д̇хаа, д̣̇уд̇ияамби бужчаами…бз… звамзд̇ам̣ д̇хаараяаамийд̇и. суд̇аа ко банааяасманд̇зхи жад̇д̇ааро баарааж̇игаа д̇хаммаа…бз… авивад̣̇амаанзхи сигкид̇аб̣б̣а’’нд̇и звам̣ авасзсам̣ суд̇зна саавзд̇аб̣б̣ам̣. зд̇зна наязна сзсааби жад̇д̇ааро баад̇имогкуд̣̇д̣̇зсаа взд̣̇ид̇аб̣б̣аа.
150.Nidānaṃ uddisitvā avasesaṃ sutena sāvetabbanti ‘‘suṇātu me bhante saṅgho…pe… āvikatā hissa phāsu hotī’’ti imaṃ nidānaṃ uddisitvā ‘‘uddiṭṭhaṃ kho āyasmanto nidānaṃ, tatthāyasmante pucchāmi – kaccittha parisuddhā, dutiyampi pucchāmi…pe… evametaṃ dhārayāmīti. Sutā kho panāyasmantehi cattāro pārājikā dhammā…pe… avivadamānehi sikkhitabba’’nti evaṃ avasesaṃ sutena sāvetabbaṃ. Etena nayena sesāpi cattāro pātimokkhuddesā veditabbā.
саварабхаяанд̇и адавимануссабхаяам̣. рааж̇анд̇арааяод̇иаад̣̇ийсу сажз бхигкуусу ‘‘убосат̇ам̣ гариссаамаа’’д̇и нисиннзсу рааж̇аа ааг̇ажчад̇и, аяам̣ рааж̇анд̇арааяо. жораа ааг̇ажчанд̇и, аяам̣ жоранд̇арааяо. д̣̇авад̣̇аахо ваа ааг̇ажчад̇и, ааваасз ваа аг̇г̇и удтахад̇и, аяам̣ аг̇г̇анд̇арааяо. мзгхо ваа удтзд̇и, огхо ваа ааг̇ажчад̇и, аяам̣ уд̣̇аганд̇арааяо. б̣ахуу мануссаа ааг̇ажчанд̇и, аяам̣ мануссанд̇арааяо. бхигкум̣ яагко г̇ан̣хаад̇и, аяам̣ амануссанд̇арааяо. б̣яаг̇гхаад̣̇аяо жан̣д̣амиг̇аа ааг̇ажчанд̇и, аяам̣ ваал̣анд̇арааяо. бхигкум̣ саббаад̣̇аяо д̣ам̣санд̇и, аяам̣ сарийсабанд̇арааяо. бхигку г̇илаано ваа ход̇и, гаалам̣ ваа гарод̇и, взрино ваа д̇ам̣ маарзд̇угаамаа г̇ан̣ханд̇и, аяам̣ ж̇ийвид̇анд̇арааяо. мануссаа згам̣ ваа б̣ахуу ваа бхигкуу б̣рахмажарияаа жаавзд̇угаамаа г̇ан̣ханд̇и, аяам̣ б̣рахмажарияанд̇арааяо. зваруубзсу анд̇арааязсу сам̣кид̇д̇зна баад̇имогко уд̣̇д̣̇исид̇аб̣б̣о , батамо ваа уд̣̇д̣̇зсо уд̣̇д̣̇исид̇аб̣б̣о, аад̣̇имхи д̣̇вз д̇аяо жад̇д̇ааро ваа. зд̇т̇а жа д̣̇уд̇ияаад̣̇ийсу уд̣̇д̣̇зсзсу яасмим̣ абарияосид̇з анд̇арааяо ход̇и, соби суд̇знзва саавзд̇аб̣б̣о.
Savarabhayanti aṭavimanussabhayaṃ. Rājantarāyotiādīsu sace bhikkhūsu ‘‘uposathaṃ karissāmā’’ti nisinnesu rājā āgacchati, ayaṃ rājantarāyo. Corā āgacchanti, ayaṃ corantarāyo. Davadāho vā āgacchati, āvāse vā aggi uṭṭhahati, ayaṃ aggantarāyo. Megho vā uṭṭheti, ogho vā āgacchati, ayaṃ udakantarāyo. Bahū manussā āgacchanti, ayaṃ manussantarāyo. Bhikkhuṃ yakkho gaṇhāti, ayaṃ amanussantarāyo. Byagghādayo caṇḍamigā āgacchanti, ayaṃ vāḷantarāyo. Bhikkhuṃ sappādayo ḍaṃsanti, ayaṃ sarīsapantarāyo. Bhikkhu gilāno vā hoti, kālaṃ vā karoti, verino vā taṃ māretukāmā gaṇhanti, ayaṃ jīvitantarāyo. Manussā ekaṃ vā bahū vā bhikkhū brahmacariyā cāvetukāmā gaṇhanti, ayaṃ brahmacariyantarāyo. Evarūpesu antarāyesu saṃkhittena pātimokkho uddisitabbo , paṭhamo vā uddeso uddisitabbo, ādimhi dve tayo cattāro vā. Ettha ca dutiyādīsu uddesesu yasmiṃ apariyosite antarāyo hoti, sopi suteneva sāvetabbo.
анаж̇жхидтаад̇и анаан̣ад̇д̇аа аяаажид̇аа ваа. аж̇жхзсанаа жзд̇т̇а сан̇гхзна саммад̇ад̇хаммаж̇жхзсагааяад̇д̇аа ваа сан̇гхад̇т̇зрааяад̇д̇аа ваа, д̇асмим̣ д̇хаммаж̇жхзсагз асад̇и сан̇гхад̇т̇зрам̣ аабужчид̇ваа ваа д̇зна яаажид̇о ваа бхаасид̇ум̣ лабхад̇и. сан̇гхад̇т̇зрзнааби сажз вихаарз б̣ахуу д̇хаммагат̇игаа хонд̇и, ваарабадибаадияаа вад̇д̇аб̣б̣аа – ‘‘д̇вам̣ д̇хаммам̣ бхан̣а, д̇хаммам̣ гат̇зхи, д̇хаммад̣̇аанам̣ д̣̇зхий’’д̇и ваа вуд̇д̇зна д̇ийхиби вид̇хийхи д̇хаммо бхаасид̇аб̣б̣о. ‘‘осаарзхий’’д̇и вуд̇д̇о бана осаарзд̇умзва лабхад̇и, ‘‘гат̇зхий’’д̇и вуд̇д̇о гат̇зд̇умзва, ‘‘сарабхан̃н̃ам̣ бхан̣аахий’’д̇и вуд̇д̇о сарабхан̃н̃амзва. сан̇гхад̇т̇зроби жа ужжад̇арз аасанз нисинно яаажид̇ум̣ на лабхад̇и. сажз убаж̇жхааяо жзва сад̣̇д̇хивихаариго жа хонд̇и, убаж̇жхааяо жа нам̣ ужжаасанз нисинно ‘‘бхан̣аахий’’д̇и вад̣̇ад̇и, саж̇жхааяам̣ ад̇хидтахид̇ваа бхан̣ид̇аб̣б̣ам̣. сажз банзд̇т̇а д̣̇ахараа бхигкуу хонд̇и, д̇зсам̣ ‘‘бхан̣аамий’’д̇и бхан̣ид̇аб̣б̣ам̣.
Anajjhiṭṭhāti anāṇattā ayācitā vā. Ajjhesanā cettha saṅghena sammatadhammajjhesakāyattā vā saṅghattherāyattā vā, tasmiṃ dhammajjhesake asati saṅghattheraṃ āpucchitvā vā tena yācito vā bhāsituṃ labhati. Saṅghattherenāpi sace vihāre bahū dhammakathikā honti, vārapaṭipāṭiyā vattabbā – ‘‘tvaṃ dhammaṃ bhaṇa, dhammaṃ kathehi, dhammadānaṃ dehī’’ti vā vuttena tīhipi vidhīhi dhammo bhāsitabbo. ‘‘Osārehī’’ti vutto pana osāretumeva labhati, ‘‘kathehī’’ti vutto kathetumeva, ‘‘sarabhaññaṃ bhaṇāhī’’ti vutto sarabhaññameva. Saṅghattheropi ca uccatare āsane nisinno yācituṃ na labhati. Sace upajjhāyo ceva saddhivihāriko ca honti, upajjhāyo ca naṃ uccāsane nisinno ‘‘bhaṇāhī’’ti vadati, sajjhāyaṃ adhiṭṭhahitvā bhaṇitabbaṃ. Sace panettha daharā bhikkhū honti, tesaṃ ‘‘bhaṇāmī’’ti bhaṇitabbaṃ.
сажз вихаарз сан̇гхад̇т̇зро ад̇д̇аноязва ниссид̇агз бхан̣аабзд̇и, ан̃н̃з мад̇хурабхаан̣агзби нааж̇жхзсад̇и, со ан̃н̃зхи вад̇д̇аб̣б̣о – ‘‘бханд̇з асугам̣ наама бхан̣аабзмаа’’д̇и. сажз ‘‘бхан̣аабзт̇аа’’д̇и ваа вад̣̇ад̇и, д̇ун̣хий ваа ход̇и, бхан̣аабзд̇ум̣ ваддад̇и. сажз бана бадиб̣аахад̇и, на бхан̣аабзд̇аб̣б̣ам̣. яад̣̇и анааг̇ад̇зязва сан̇гхад̇т̇зрз д̇хаммасаванам̣ аарад̣̇д̇хам̣, буна ааг̇ад̇з табзд̇ваа аабужчанагижжам̣ над̇т̇и. осаарзд̇ваа бана гат̇знд̇зна аабужчид̇ваа ваа адтабзд̇вааязва ваа гат̇зд̇аб̣б̣ам̣, гат̇знд̇асса буна ааг̇ад̇зби зсзва наяо.
Sace vihāre saṅghatthero attanoyeva nissitake bhaṇāpeti, aññe madhurabhāṇakepi nājjhesati, so aññehi vattabbo – ‘‘bhante asukaṃ nāma bhaṇāpemā’’ti. Sace ‘‘bhaṇāpethā’’ti vā vadati, tuṇhī vā hoti, bhaṇāpetuṃ vaṭṭati. Sace pana paṭibāhati, na bhaṇāpetabbaṃ. Yadi anāgateyeva saṅghatthere dhammasavanaṃ āraddhaṃ, puna āgate ṭhapetvā āpucchanakiccaṃ natthi. Osāretvā pana kathentena āpucchitvā vā aṭṭhapetvāyeva vā kathetabbaṃ, kathentassa puna āgatepi eseva nayo.
убанисиннагат̇ааяаби сан̇гхад̇т̇зрова саамий, д̇асмаа д̇зна саяам̣ ваа гат̇зд̇аб̣б̣ам̣, ан̃н̃о ваа бхигку ‘‘гат̇зхий’’д̇и вад̇д̇аб̣б̣о, но жа ко ужжад̇арз аасанз нисиннзна. мануссаанам̣ бана ‘‘бхан̣аахий’’д̇и вад̇д̇ум̣ ваддад̇и. мануссаа ад̇д̇ано ж̇аананагабхигкум̣ аабужчанд̇и, д̇зна т̇зрам̣ аабужчид̇ваа гат̇зд̇аб̣б̣ам̣. сажз сан̇гхад̇т̇зро ‘‘бханд̇з имз бан̃хам̣ бужчанд̇ий’’д̇и будто ‘‘гат̇зхий’’д̇и ваа бхан̣ад̇и, д̇ун̣хий ваа ход̇и, гат̇зд̇ум̣ ваддад̇и. анд̇арагхарз анумод̣̇анаад̣̇ийсуби зсзва наяо. сажз сан̇гхад̇т̇зро вихаарз ваа анд̇арагхарз ваа ‘‘мам̣ анаабужчид̇вааби гат̇зяяаасий’’д̇и ануж̇аанаад̇и, лад̣̇д̇хагаббияам̣ ход̇и, саб̣б̣ад̇т̇а вад̇д̇ум̣ ваддад̇и.
Upanisinnakathāyapi saṅghattherova sāmī, tasmā tena sayaṃ vā kathetabbaṃ, añño vā bhikkhu ‘‘kathehī’’ti vattabbo, no ca kho uccatare āsane nisinnena. Manussānaṃ pana ‘‘bhaṇāhī’’ti vattuṃ vaṭṭati. Manussā attano jānanakabhikkhuṃ āpucchanti, tena theraṃ āpucchitvā kathetabbaṃ. Sace saṅghatthero ‘‘bhante ime pañhaṃ pucchantī’’ti puṭṭho ‘‘kathehī’’ti vā bhaṇati, tuṇhī vā hoti, kathetuṃ vaṭṭati. Antaraghare anumodanādīsupi eseva nayo. Sace saṅghatthero vihāre vā antaraghare vā ‘‘maṃ anāpucchitvāpi katheyyāsī’’ti anujānāti, laddhakappiyaṃ hoti, sabbattha vattuṃ vaṭṭati.
саж̇жхааяам̣ гаронд̇знааби т̇зро аабужчид̇аб̣б̣оязва. згам̣ аабужчид̇ваа саж̇жхааяанд̇асса абаро ааг̇ажчад̇и, буна аабужчанагижжам̣ над̇т̇и. сажз виссамиссаамийд̇и табид̇асса ааг̇ажчад̇и, буна аарабханд̇знааби аабужчид̇аб̣б̣ам̣. сан̇гхад̇т̇зрз анааг̇ад̇зязва аарад̣̇д̇хам̣ саж̇жхааяанд̇ассааби зсзва наяо. згзна сан̇гхад̇т̇зрзна ‘‘мам̣ анаабужчааби яат̇аасукам̣ саж̇жхааяаахий’’д̇и анун̃н̃аад̇з яат̇аасукам̣ саж̇жхааяид̇ум̣ ваддад̇и. ан̃н̃асмим̣ бана ааг̇ад̇з д̇ам̣ аабужчид̇ваава саж̇жхааяид̇аб̣б̣ам̣.
Sajjhāyaṃ karontenāpi thero āpucchitabboyeva. Ekaṃ āpucchitvā sajjhāyantassa aparo āgacchati, puna āpucchanakiccaṃ natthi. Sace vissamissāmīti ṭhapitassa āgacchati, puna ārabhantenāpi āpucchitabbaṃ. Saṅghatthere anāgateyeva āraddhaṃ sajjhāyantassāpi eseva nayo. Ekena saṅghattherena ‘‘maṃ anāpucchāpi yathāsukhaṃ sajjhāyāhī’’ti anuññāte yathāsukhaṃ sajjhāyituṃ vaṭṭati. Aññasmiṃ pana āgate taṃ āpucchitvāva sajjhāyitabbaṃ.
151. ад̇д̇анаа ваа ад̇д̇аанам̣ самманнид̇аб̣б̣ам̣д̇и ад̇д̇анаа ваа ад̇д̇аа самманнид̇аб̣б̣о; бужчанд̇зна бана барисам̣ ологзд̇ваа сажз ад̇д̇ано убад̣̇д̣̇аво над̇т̇и, винаяо бужчид̇аб̣б̣о.
151.Attanā vā attānaṃ sammannitabbaṃti attanā vā attā sammannitabbo; pucchantena pana parisaṃ oloketvā sace attano upaddavo natthi, vinayo pucchitabbo.
153. гад̇зби огаасз буг̇г̇алам̣ д̇улаяид̇ваад̇и ‘‘ад̇т̇и ну ко мз ид̇о убад̣̇д̣̇аво, над̇т̇ий’’д̇и звам̣ убабаригкид̇ваа. бурамхааганд̇и батамам̣ амхаагам̣. бадигажжзваад̇и батамад̇арамзва. буг̇г̇алам̣ д̇улаяид̇ваа огаасам̣ гаад̇унд̇и ‘‘бхууд̇амзва ну ко аабад̇д̇им̣ вад̣̇ад̇и, абхууд̇а’’нд̇и звам̣ убабаригкид̇ваа огаасам̣ гаад̇ум̣ ануж̇аанаамийд̇и ад̇т̇о.
153.Katepi okāse puggalaṃ tulayitvāti ‘‘atthi nu kho me ito upaddavo, natthī’’ti evaṃ upaparikkhitvā. Puramhākanti paṭhamaṃ amhākaṃ. Paṭikaccevāti paṭhamatarameva. Puggalaṃ tulayitvā okāsaṃ kātunti ‘‘bhūtameva nu kho āpattiṃ vadati, abhūta’’nti evaṃ upaparikkhitvā okāsaṃ kātuṃ anujānāmīti attho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
78. сам̣кид̇д̇зна баад̇имогкуд̣̇д̣̇зсаад̣̇и • 78. Saṃkhittena pātimokkhuddesādi
79. винаяабужчанагат̇аа • 79. Vinayapucchanakathā
81. жод̣̇анаагат̇аа • 81. Codanākathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баад̇имогкуд̣̇д̣̇зсагат̇ааван̣н̣анаа • Pātimokkhuddesakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баад̇имогкуд̣̇д̣̇зсагат̇ааван̣н̣анаа • Pātimokkhuddesakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баад̇имогкуд̣̇д̣̇зсагат̇ааван̣н̣анаа • Pātimokkhuddesakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 78. баад̇имогкуд̣̇д̣̇зсагат̇аа • 78. Pātimokkhuddesakathā
