| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
9. баад̇имогкадтабанагканд̇хагам̣
9. Pātimokkhaṭṭhapanakkhandhakaṃ
1. баад̇имогкуд̣̇д̣̇зсаяаажанагат̇аа
1. Pātimokkhuddesayācanakathā
383. баад̇имогкадтабанагканд̇хагз нанд̣̇имукияаа рад̇д̇ияаад̇и зд̇т̇а нанд̣̇ияад̇и д̇усияад̇ийд̇и нанд̣̇и, игааранд̇ояам̣ набум̣сагалин̇г̇о. ‘‘нанд̣̇исзно (ж̇аа. адта. 3.4.1) нанд̣̇ивисаало’’д̇иаад̣̇ийсу игааранд̇ояам̣ буллин̇г̇о ход̇и, ид̇ха бана мукам̣ абзгкид̇ваа игааранд̇о набум̣сагалин̇г̇о ход̇и. арун̣удтид̇агаалз од̣̇аад̇ад̣̇исаамукад̇ааяа нанд̣̇и мукам̣ зд̇иссам̣ рад̇д̇ияанд̇и нанд̣̇имукий, рад̇д̇и, д̇ааяа нанд̣̇имукияаа рад̇д̇ияаа, д̇зна вуд̇д̇ам̣ ‘‘арун̣удтид̇агаалзби хи нанд̣̇иймукаа вияа рад̇д̇и кааяад̇ий’’д̇и. анд̇обууд̇инд̇и зд̇т̇а гааяасса анд̇о гун̣абабууд̇инд̇и ад̇т̇ам̣ бадибагкибанд̇о ааха ‘‘ад̇д̇ажид̇д̇асанд̇аанз’’д̇иаад̣̇и. ‘‘гилзсавассанавасзнаа’’д̇и иминаа уд̣̇агавассанавасзнаад̇и ад̇т̇ам̣ бадигкибад̇и. авассуд̇анд̇и д̇инд̇ам̣, гилиннанд̇и ад̇т̇о. гасамб̣уж̇аад̇анд̇и зд̇т̇а гасамб̣ууд̇и сан̇гааро. со хи саммун̃жанияаа гасияамаанз вилзкияамаанз самб̣ад̇и сад̣̇д̣̇ам̣ гарод̇ийд̇и гасамб̣у, д̇ам̣ вияа ж̇аад̇анд̇и гасамб̣уж̇аад̇анд̇и ад̇т̇о д̣̇адтаб̣б̣о. адтагат̇ааяам̣ бана ад̇хиббааяавасзна ‘‘аагилидтаж̇аад̇а’’нд̇и вуд̇д̇ам̣, ад̇ивияа гилидтаж̇аад̇анд̇и ад̇т̇о. ‘‘аагин̣н̣ад̣̇осад̇ааяа гилидтаж̇аад̇а’’нд̇иби баато. ‘‘яаава б̣аахааг̇ахан̣ааби наамаа’’д̇и иминаа баатзна д̣̇ассзд̇ийд̇и самб̣анд̇хо. хийд̇и бад̣̇абууран̣амад̇д̇ам̣. д̇знаад̇и могхабурисзна. ‘‘яааваа’’д̇и нибаад̇абаяог̇ад̇д̇аа ‘‘б̣аахааг̇ахан̣аабий’’д̇и зд̇т̇а бан̃жамийвибхад̇д̇и авад̇хиад̇т̇з ход̇и. наама-сад̣̇д̣̇о г̇арахад̇т̇аж̇од̇аго, д̇асса баяог̇ад̇д̇аа ‘‘ааг̇амзссад̇ий’’д̇и зд̇т̇а ад̇ийд̇ад̇т̇з анааг̇ад̇аважанам̣ (сад̣̇д̣̇анийд̇исуд̇д̇амаалааяа 893 суд̇д̇з). ааг̇амзссад̇и наамаад̇и яож̇анаа. ааг̇амзссад̇ийд̇и ийсам̣ ад̇хиваасзссад̇и. ‘‘аад̇о г̇амуийсамад̇хиваасанз’’д̇и хи д̇хаад̇убаатзсу (сад̣̇д̣̇анийд̇ид̇хаад̇умаалааяам̣ 18 магааранд̇ад̇хаад̇у) вуд̇д̇ам̣.
383. Pātimokkhaṭṭhapanakkhandhake nandimukhiyā rattiyāti ettha nandiyati tusiyatīti nandi, ikārantoyaṃ napuṃsakaliṅgo. ‘‘Nandiseno (jā. aṭṭha. 3.4.1) nandivisālo’’tiādīsu ikārantoyaṃ pulliṅgo hoti, idha pana mukhaṃ apekkhitvā ikāranto napuṃsakaliṅgo hoti. Aruṇuṭṭhitakāle odātadisāmukhatāya nandi mukhaṃ etissaṃ rattiyanti nandimukhī, ratti, tāya nandimukhiyā rattiyā, tena vuttaṃ ‘‘aruṇuṭṭhitakālepi hi nandīmukhā viya ratti khāyatī’’ti. Antopūtinti ettha kāyassa anto kuṇapapūtinti atthaṃ paṭipakkhipanto āha ‘‘attacittasantāne’’tiādi. ‘‘Kilesavassanavasenā’’ti iminā udakavassanavasenāti atthaṃ paṭikkhipati. Avassutanti tintaṃ, kilinnanti attho. Kasambujātanti ettha kasambūti saṅkāro. So hi sammuñcaniyā kasiyamāne vilekhiyamāne sambati saddaṃ karotīti kasambu, taṃ viya jātanti kasambujātanti attho daṭṭhabbo. Aṭṭhakathāyaṃ pana adhippāyavasena ‘‘ākiliṭṭhajāta’’nti vuttaṃ, ativiya kiliṭṭhajātanti attho. ‘‘Ākiṇṇadosatāya kiliṭṭhajāta’’ntipi pāṭho. ‘‘Yāva bāhāgahaṇāpi nāmā’’ti iminā pāṭhena dassetīti sambandho. Hīti padapūraṇamattaṃ. Tenāti moghapurisena. ‘‘Yāvā’’ti nipātapayogattā ‘‘bāhāgahaṇāpī’’ti ettha pañcamīvibhatti avadhiatthe hoti. Nāma-saddo garahatthajotako, tassa payogattā ‘‘āgamessatī’’ti ettha atītatthe anāgatavacanaṃ (saddanītisuttamālāya 893 sutte). Āgamessati nāmāti yojanā. Āgamessatīti īsaṃ adhivāsessati. ‘‘Āto gamuīsamadhivāsane’’ti hi dhātupāṭhesu (saddanītidhātumālāyaṃ 18 makārantadhātu) vuttaṃ.
384. на ааяад̇агзнзва бабаад̇од̇и зд̇т̇а д̣̇ийгхзнзва бабаад̇од̇и д̣̇ассзнд̇о ааха ‘‘на батамамзва г̇амбхийро’’д̇и. ааяад̇асад̣̇д̣̇о хи д̣̇ийгхабарияааяо. ‘‘на ааяад̇агзна г̇ийд̇ассарзна д̇хаммо г̇ааяид̇аб̣б̣о’’д̇иаад̣̇ийсу (жуул̣ава. 249) вияа бабаад̇о д̣̇ийгхзна д̇ийрасса аад̣̇имхи на ход̇ийд̇и вуд̇д̇ам̣ ход̇и. батамамзваад̇и д̇ийрасса аад̣̇имхиязва. ‘‘анубуб̣б̣зна г̇амбхийро’’д̇и иминаа ‘‘на батамамзва г̇амбхийро’’д̇и важанасса ад̇хиббааяад̇т̇ам̣ д̣̇ассзд̇и. тид̇ад̇хаммод̇и д̇ийрасса анд̇оязва тид̇асабхааво . взлам̣ наад̇ивад̇д̇ад̇ийд̇и зд̇т̇а взлаасад̣̇д̣̇асса д̇ийрамарияаад̣̇ад̇т̇зсу бавад̇д̇абхаавам̣ д̣̇ассзнд̇о ааха ‘‘осагганаганд̣̇арам̣ марияаад̣̇авзла’’нд̇и. д̇ад̇т̇а ‘‘осагганаганд̣̇ара’’ид̇и бад̣̇зна д̇ийрад̇т̇ам̣ д̣̇ассзд̇и, ‘‘марияаад̣̇а’’ ид̇и бад̣̇зна марияаад̣̇ад̇т̇ам̣. гзна уд̣̇агзна д̣̇арид̇аб̣б̣од̇и ганд̣̇аро, уд̣̇агзна осаггано ганд̣̇аро зд̇т̇аад̇и осагганаганд̣̇арам̣, д̇ийрам̣. осагганаганд̣̇арабхууд̇ан̃жа марияаад̣̇абхууд̇ан̃жа взлам̣ д̇ийрам̣ наад̇иггамад̇ийд̇и ад̇т̇о. д̇ийрам̣ ваахзд̇ийд̇и зд̇т̇а вахад̇хаад̇уяаа баабун̣анад̇т̇ам̣ д̣̇ассзнд̇о ааха ‘‘д̇ийрам̣ аббзд̇ий’’д̇и. д̇ад̇т̇а аббзд̇ийд̇и баабун̣аабзд̇и. ‘‘уссаарзд̇ий’’д̇и иминаа баал̣ияам̣ ‘‘т̇алам̣ уссаарзд̇ий’’д̇и бад̣̇зна ‘‘д̇ийрам̣ ваахзд̇ий’’д̇и бад̣̇асса ад̇т̇ам̣ д̣̇ассзд̇ийд̇и ад̇т̇о д̣̇ассид̇о. уссаарзд̇ийд̇и уд̣̇д̇харид̇ваа г̇амаабзд̇и. ан̃н̃аабадивзд̇ход̇и зд̇т̇а ааж̇аанаад̇и, ааж̇аанид̇т̇аад̇и ваа ан̃н̃ам̣ арахад̇д̇амаг̇г̇о ваа арахад̇д̇апалам̣ ваа, д̇асса бадивиж̇жханам̣ ан̃н̃аабадивзд̇хо, сукужжааран̣ад̇т̇ам̣ маж̇жхз д̣̇ийгхо, ан̃н̃аабадивзд̇хо наама арахад̇д̇уббад̇д̇иязва ход̇и. д̇зна вуд̇д̇ам̣ ‘‘арахад̇д̇уббад̇д̇ий’’д̇и.
384.Na āyatakeneva papātoti ettha dīgheneva papātoti dassento āha ‘‘na paṭhamameva gambhīro’’ti. Āyatasaddo hi dīghapariyāyo. ‘‘Na āyatakena gītassarena dhammo gāyitabbo’’tiādīsu (cūḷava. 249) viya papāto dīghena tīrassa ādimhi na hotīti vuttaṃ hoti. Paṭhamamevāti tīrassa ādimhiyeva. ‘‘Anupubbena gambhīro’’ti iminā ‘‘na paṭhamameva gambhīro’’ti vacanassa adhippāyatthaṃ dasseti. Ṭhitadhammoti tīrassa antoyeva ṭhitasabhāvo . Velaṃ nātivattatīti ettha velāsaddassa tīramariyādatthesu pavattabhāvaṃ dassento āha ‘‘osakkanakandaraṃ mariyādavela’’nti. Tattha ‘‘osakkanakandara’’iti padena tīratthaṃ dasseti, ‘‘mariyāda’’ iti padena mariyādatthaṃ. Kena udakena daritabboti kandaro, udakena osakkano kandaro etthāti osakkanakandaraṃ, tīraṃ. Osakkanakandarabhūtañca mariyādabhūtañca velaṃ tīraṃ nātikkamatīti attho. Tīraṃ vāhetīti ettha vahadhātuyā pāpuṇanatthaṃ dassento āha ‘‘tīraṃ appetī’’ti. Tattha appetīti pāpuṇāpeti. ‘‘Ussāretī’’ti iminā pāḷiyaṃ ‘‘thalaṃ ussāretī’’ti padena ‘‘tīraṃ vāhetī’’ti padassa atthaṃ dassetīti attho dassito. Ussāretīti uddharitvā gamāpeti. Aññāpaṭivedhoti ettha ājānāti, ājānitthāti vā aññaṃ arahattamaggo vā arahattaphalaṃ vā, tassa paṭivijjhanaṃ aññāpaṭivedho, sukhuccāraṇatthaṃ majjhe dīgho, aññāpaṭivedho nāma arahattuppattiyeva hoti. Tena vuttaṃ ‘‘arahattuppattī’’ti.
385. чаннамад̇ивассад̇ийд̇и уд̣̇аанабаал̣ияаа санд̇хааяабхаасид̇абаал̣ибхаавам̣ д̣̇ассзнд̇о ааха ‘‘аабад̇д̇и’’нд̇иаад̣̇и. д̇ад̇т̇а ид̣̇анд̇и ‘‘чаннамад̇ивассад̇ий’’д̇и важанам̣ вуд̇д̇анд̇и самб̣анд̇хо. зд̇анд̇и наваабад̇д̇иаабаж̇ж̇анам̣ санд̇хааяаад̇и самб̣анд̇хо.
385.Channamativassatīti udānapāḷiyā sandhāyabhāsitapāḷibhāvaṃ dassento āha ‘‘āpatti’’ntiādi. Tattha idanti ‘‘channamativassatī’’ti vacanaṃ vuttanti sambandho. Etanti navāpattiāpajjanaṃ sandhāyāti sambandho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
1. баад̇имогкуд̣̇д̣̇зсаяаажанаа • 1. Pātimokkhuddesayācanā
2. махаасамуд̣̇д̣̇задтажчарияам̣ • 2. Mahāsamuddeaṭṭhacchariyaṃ
3. имасмим̣д̇хаммавинаязадтажчарияам̣ • 3. Imasmiṃdhammavinayeaṭṭhacchariyaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / баад̇имогкуд̣̇д̣̇зсаяаажанагат̇аа • Pātimokkhuddesayācanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
баад̇имогкуд̣̇д̣̇зсаяаажанагат̇ааван̣н̣анаа • Pātimokkhuddesayācanakathāvaṇṇanā
махаасамуд̣̇д̣̇з адтажчарияагат̇ааван̣н̣анаа • Mahāsamudde aṭṭhacchariyakathāvaṇṇanā
имасмим̣ д̇хаммавинаяз адтажчарияагат̇ааван̣н̣анаа • Imasmiṃ dhammavinaye aṭṭhacchariyakathāvaṇṇanā
