| Library / Tipiṭaka / તિપિટક • Tipiṭaka / ચૂળવગ્ગ-અટ્ઠકથા • Cūḷavagga-aṭṭhakathā |
૯. પાતિમોક્ખટ્ઠપનક્ખન્ધકં
9. Pātimokkhaṭṭhapanakkhandhakaṃ
પાતિમોક્ખુદ્દેસયાચનકથા
Pātimokkhuddesayācanakathā
૩૮૩. પાતિમોક્ખટ્ઠપનક્ખન્ધકે – (નન્દિમુખિયા રત્તિયાતિ અરુણુટ્ઠિતકાલેપિ હિ નન્દિમુખા વિય રત્તિ ખાયતિ. તેનાહ ‘‘નન્દિમુખિયા રત્તિયા’’તિ. અન્તોપૂતિન્તિ અત્તચિત્તસન્તાને કિલેસપૂતિભાવેન અન્તોપૂતિં. અવસ્સુતન્તિ કિલેસવસ્સનવસેન અવસ્સુતં. કસમ્બુકજાતન્તિ આકિણ્ણદોસતાય સંકિલિટ્ઠજાતં.) યાવ બાહાગહણાપિ નામાતિ ‘‘અપરિસુદ્ધા આનન્દ પરિસા’’તિ વચનં સુત્વાયેવ હિ તેન પક્કમિતબ્બં સિયા, એવં અપક્કમિત્વા યાવ બાહાગહણાપિ નામ સો મોઘપુરિસો આગમેસ્સતિ, અચ્છરિયમિદન્તિ દસ્સેતિ.
383. Pātimokkhaṭṭhapanakkhandhake – (nandimukhiyā rattiyāti aruṇuṭṭhitakālepi hi nandimukhā viya ratti khāyati. Tenāha ‘‘nandimukhiyā rattiyā’’ti. Antopūtinti attacittasantāne kilesapūtibhāvena antopūtiṃ. Avassutanti kilesavassanavasena avassutaṃ. Kasambukajātanti ākiṇṇadosatāya saṃkiliṭṭhajātaṃ.) Yāva bāhāgahaṇāpi nāmāti ‘‘aparisuddhā ānanda parisā’’ti vacanaṃ sutvāyeva hi tena pakkamitabbaṃ siyā, evaṃ apakkamitvā yāva bāhāgahaṇāpi nāma so moghapuriso āgamessati, acchariyamidanti dasseti.
૩૮૪. ન આયતકેનેવ પપાતોતિ ન પઠમમેવ ગમ્ભીરો; અનુપુબ્બેન ગમ્ભીરોતિ અત્થો. ઠિતધમ્મો વેલં નાતિવત્તતીતિ વીચીનં ઓસક્કનકન્દરં મરિયાદવેલં નાતિક્કમતિ. તીરં વાહેતીતિ તીરતો અપ્પેતિ; ઉસ્સારેતીતિ અત્થો. અઞ્ઞાપટિવેધોતિ અરહત્તપ્પત્તિ.
384.Na āyatakeneva papātoti na paṭhamameva gambhīro; anupubbena gambhīroti attho. Ṭhitadhammo velaṃ nātivattatīti vīcīnaṃ osakkanakandaraṃ mariyādavelaṃ nātikkamati. Tīraṃ vāhetīti tīrato appeti; ussāretīti attho. Aññāpaṭivedhoti arahattappatti.
૩૮૫. છન્નમતિવસ્સતીતિ આપત્તિં આપજ્જિત્વા પટિચ્છાદેન્તો અઞ્ઞં નવં આપત્તિં આપજ્જતિ ઇદમેતં સન્ધાય વુત્તં. વિવટં નાતિવસ્સતીતિ આપત્તિં આપજ્જિત્વા વિવરન્તો અઞ્ઞં નાપજ્જતિ ઇદમેતં સન્ધાય વુત્તં.
385.Channamativassatīti āpattiṃ āpajjitvā paṭicchādento aññaṃ navaṃ āpattiṃ āpajjati idametaṃ sandhāya vuttaṃ. Vivaṭaṃ nātivassatīti āpattiṃ āpajjitvā vivaranto aññaṃ nāpajjati idametaṃ sandhāya vuttaṃ.
પાતિમોક્ખુદ્દેસયાચનકથા નિટ્ઠિતા.
Pātimokkhuddesayācanakathā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / ચૂળવગ્ગપાળિ • Cūḷavaggapāḷi
૧. પાતિમોક્ખુદ્દેસયાચના • 1. Pātimokkhuddesayācanā
૨. મહાસમુદ્દેઅટ્ઠચ્છરિયં • 2. Mahāsamuddeaṭṭhacchariyaṃ
૩. ઇમસ્મિંધમ્મવિનયેઅટ્ઠચ્છરિયં • 3. Imasmiṃdhammavinayeaṭṭhacchariyaṃ
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā
પાતિમોક્ખુદ્દેસયાચનકથાવણ્ણના • Pātimokkhuddesayācanakathāvaṇṇanā
મહાસમુદ્દે અટ્ઠચ્છરિયકથાવણ્ણના • Mahāsamudde aṭṭhacchariyakathāvaṇṇanā
ઇમસ્મિં ધમ્મવિનયે અટ્ઠચ્છરિયકથાવણ્ણના • Imasmiṃ dhammavinaye aṭṭhacchariyakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / પાતિમોક્ખુદ્દેસયાચનકથાવણ્ણના • Pātimokkhuddesayācanakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / પાતિમોક્ખુદ્દેસયાચનકથાવણ્ણના • Pātimokkhuddesayācanakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૧. પાતિમોક્ખુદ્દેસયાચનકથા • 1. Pātimokkhuddesayācanakathā
