| Library / Tipiṭaka / ತಿಪಿಟಕ • Tipiṭaka / ಚೂಳವಗ್ಗ-ಅಟ್ಠಕಥಾ • Cūḷavagga-aṭṭhakathā |
೯. ಪಾತಿಮೋಕ್ಖಟ್ಠಪನಕ್ಖನ್ಧಕಂ
9. Pātimokkhaṭṭhapanakkhandhakaṃ
ಪಾತಿಮೋಕ್ಖುದ್ದೇಸಯಾಚನಕಥಾ
Pātimokkhuddesayācanakathā
೩೮೩. ಪಾತಿಮೋಕ್ಖಟ್ಠಪನಕ್ಖನ್ಧಕೇ – (ನನ್ದಿಮುಖಿಯಾ ರತ್ತಿಯಾತಿ ಅರುಣುಟ್ಠಿತಕಾಲೇಪಿ ಹಿ ನನ್ದಿಮುಖಾ ವಿಯ ರತ್ತಿ ಖಾಯತಿ। ತೇನಾಹ ‘‘ನನ್ದಿಮುಖಿಯಾ ರತ್ತಿಯಾ’’ತಿ। ಅನ್ತೋಪೂತಿನ್ತಿ ಅತ್ತಚಿತ್ತಸನ್ತಾನೇ ಕಿಲೇಸಪೂತಿಭಾವೇನ ಅನ್ತೋಪೂತಿಂ। ಅವಸ್ಸುತನ್ತಿ ಕಿಲೇಸವಸ್ಸನವಸೇನ ಅವಸ್ಸುತಂ। ಕಸಮ್ಬುಕಜಾತನ್ತಿ ಆಕಿಣ್ಣದೋಸತಾಯ ಸಂಕಿಲಿಟ್ಠಜಾತಂ।) ಯಾವ ಬಾಹಾಗಹಣಾಪಿ ನಾಮಾತಿ ‘‘ಅಪರಿಸುದ್ಧಾ ಆನನ್ದ ಪರಿಸಾ’’ತಿ ವಚನಂ ಸುತ್ವಾಯೇವ ಹಿ ತೇನ ಪಕ್ಕಮಿತಬ್ಬಂ ಸಿಯಾ, ಏವಂ ಅಪಕ್ಕಮಿತ್ವಾ ಯಾವ ಬಾಹಾಗಹಣಾಪಿ ನಾಮ ಸೋ ಮೋಘಪುರಿಸೋ ಆಗಮೇಸ್ಸತಿ, ಅಚ್ಛರಿಯಮಿದನ್ತಿ ದಸ್ಸೇತಿ।
383. Pātimokkhaṭṭhapanakkhandhake – (nandimukhiyā rattiyāti aruṇuṭṭhitakālepi hi nandimukhā viya ratti khāyati. Tenāha ‘‘nandimukhiyā rattiyā’’ti. Antopūtinti attacittasantāne kilesapūtibhāvena antopūtiṃ. Avassutanti kilesavassanavasena avassutaṃ. Kasambukajātanti ākiṇṇadosatāya saṃkiliṭṭhajātaṃ.) Yāva bāhāgahaṇāpi nāmāti ‘‘aparisuddhā ānanda parisā’’ti vacanaṃ sutvāyeva hi tena pakkamitabbaṃ siyā, evaṃ apakkamitvā yāva bāhāgahaṇāpi nāma so moghapuriso āgamessati, acchariyamidanti dasseti.
೩೮೪. ನ ಆಯತಕೇನೇವ ಪಪಾತೋತಿ ನ ಪಠಮಮೇವ ಗಮ್ಭೀರೋ; ಅನುಪುಬ್ಬೇನ ಗಮ್ಭೀರೋತಿ ಅತ್ಥೋ। ಠಿತಧಮ್ಮೋ ವೇಲಂ ನಾತಿವತ್ತತೀತಿ ವೀಚೀನಂ ಓಸಕ್ಕನಕನ್ದರಂ ಮರಿಯಾದವೇಲಂ ನಾತಿಕ್ಕಮತಿ। ತೀರಂ ವಾಹೇತೀತಿ ತೀರತೋ ಅಪ್ಪೇತಿ; ಉಸ್ಸಾರೇತೀತಿ ಅತ್ಥೋ। ಅಞ್ಞಾಪಟಿವೇಧೋತಿ ಅರಹತ್ತಪ್ಪತ್ತಿ।
384.Na āyatakeneva papātoti na paṭhamameva gambhīro; anupubbena gambhīroti attho. Ṭhitadhammo velaṃ nātivattatīti vīcīnaṃ osakkanakandaraṃ mariyādavelaṃ nātikkamati. Tīraṃ vāhetīti tīrato appeti; ussāretīti attho. Aññāpaṭivedhoti arahattappatti.
೩೮೫. ಛನ್ನಮತಿವಸ್ಸತೀತಿ ಆಪತ್ತಿಂ ಆಪಜ್ಜಿತ್ವಾ ಪಟಿಚ್ಛಾದೇನ್ತೋ ಅಞ್ಞಂ ನವಂ ಆಪತ್ತಿಂ ಆಪಜ್ಜತಿ ಇದಮೇತಂ ಸನ್ಧಾಯ ವುತ್ತಂ। ವಿವಟಂ ನಾತಿವಸ್ಸತೀತಿ ಆಪತ್ತಿಂ ಆಪಜ್ಜಿತ್ವಾ ವಿವರನ್ತೋ ಅಞ್ಞಂ ನಾಪಜ್ಜತಿ ಇದಮೇತಂ ಸನ್ಧಾಯ ವುತ್ತಂ।
385.Channamativassatīti āpattiṃ āpajjitvā paṭicchādento aññaṃ navaṃ āpattiṃ āpajjati idametaṃ sandhāya vuttaṃ. Vivaṭaṃ nātivassatīti āpattiṃ āpajjitvā vivaranto aññaṃ nāpajjati idametaṃ sandhāya vuttaṃ.
ಪಾತಿಮೋಕ್ಖುದ್ದೇಸಯಾಚನಕಥಾ ನಿಟ್ಠಿತಾ।
Pātimokkhuddesayācanakathā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಚೂಳವಗ್ಗಪಾಳಿ • Cūḷavaggapāḷi
೧. ಪಾತಿಮೋಕ್ಖುದ್ದೇಸಯಾಚನಾ • 1. Pātimokkhuddesayācanā
೨. ಮಹಾಸಮುದ್ದೇಅಟ್ಠಚ್ಛರಿಯಂ • 2. Mahāsamuddeaṭṭhacchariyaṃ
೩. ಇಮಸ್ಮಿಂಧಮ್ಮವಿನಯೇಅಟ್ಠಚ್ಛರಿಯಂ • 3. Imasmiṃdhammavinayeaṭṭhacchariyaṃ
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā
ಪಾತಿಮೋಕ್ಖುದ್ದೇಸಯಾಚನಕಥಾವಣ್ಣನಾ • Pātimokkhuddesayācanakathāvaṇṇanā
ಮಹಾಸಮುದ್ದೇ ಅಟ್ಠಚ್ಛರಿಯಕಥಾವಣ್ಣನಾ • Mahāsamudde aṭṭhacchariyakathāvaṇṇanā
ಇಮಸ್ಮಿಂ ಧಮ್ಮವಿನಯೇ ಅಟ್ಠಚ್ಛರಿಯಕಥಾವಣ್ಣನಾ • Imasmiṃ dhammavinaye aṭṭhacchariyakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಪಾತಿಮೋಕ್ಖುದ್ದೇಸಯಾಚನಕಥಾವಣ್ಣನಾ • Pātimokkhuddesayācanakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಪಾತಿಮೋಕ್ಖುದ್ದೇಸಯಾಚನಕಥಾವಣ್ಣನಾ • Pātimokkhuddesayācanakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ೧. ಪಾತಿಮೋಕ್ಖುದ್ದೇಸಯಾಚನಕಥಾ • 1. Pātimokkhuddesayācanakathā
