| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi |
੪. ਪਟਿਞ੍ਞਾਤਕਰਣਂ
4. Paṭiññātakaraṇaṃ
੨੦੦. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਅਪ੍ਪਟਿਞ੍ਞਾਯ ਭਿਕ੍ਖੂਨਂ ਕਮ੍ਮਾਨਿ ਕਰੋਨ੍ਤਿ – ਤਜ੍ਜਨੀਯਮ੍ਪਿ, ਨਿਯਸ੍ਸਮ੍ਪਿ, ਪਬ੍ਬਾਜਨੀਯਮ੍ਪਿ, ਪਟਿਸਾਰਣੀਯਮ੍ਪਿ, ਉਕ੍ਖੇਪਨੀਯਮ੍ਪਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਅਪ੍ਪਟਿਞ੍ਞਾਯ ਭਿਕ੍ਖੂਨਂ ਕਮ੍ਮਾਨਿ ਕਰਿਸ੍ਸਨ੍ਤਿ – ਤਜ੍ਜਨੀਯਮ੍ਪਿ, ਨਿਯਸ੍ਸਮ੍ਪਿ, ਪਬ੍ਬਾਜਨੀਯਮ੍ਪਿ, ਪਟਿਸਾਰਣੀਯਮ੍ਪਿ, ਉਕ੍ਖੇਪਨੀਯਮ੍ਪੀ’’ਤਿ! ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ‘‘ਸਚ੍ਚਂ ਕਿਰ, ਭਿਕ੍ਖવੇ…ਪੇ॰… ‘‘ਸਚ੍ਚਂ ਭਗવਾ’’ਤਿ…ਪੇ॰… વਿਗਰਹਿਤ੍વਾ…ਪੇ॰… ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਨ, ਭਿਕ੍ਖવੇ, ਅਪ੍ਪਟਿਞ੍ਞਾਯ ਭਿਕ੍ਖੂਨਂ ਕਮ੍ਮਂ ਕਾਤਬ੍ਬਂ – ਤਜ੍ਜਨੀਯਂ વਾ, ਨਿਯਸ੍ਸਂ વਾ, ਪਬ੍ਬਾਜਨੀਯਂ વਾ, ਪਟਿਸਾਰਣੀਯਂ વਾ, ਉਕ੍ਖੇਪਨੀਯਂ વਾ। ਯੋ ਕਰੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ।
200. Tena kho pana samayena chabbaggiyā bhikkhū appaṭiññāya bhikkhūnaṃ kammāni karonti – tajjanīyampi, niyassampi, pabbājanīyampi, paṭisāraṇīyampi, ukkhepanīyampi. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū appaṭiññāya bhikkhūnaṃ kammāni karissanti – tajjanīyampi, niyassampi, pabbājanīyampi, paṭisāraṇīyampi, ukkhepanīyampī’’ti! Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, bhikkhave…pe… ‘‘saccaṃ bhagavā’’ti…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, appaṭiññāya bhikkhūnaṃ kammaṃ kātabbaṃ – tajjanīyaṃ vā, niyassaṃ vā, pabbājanīyaṃ vā, paṭisāraṇīyaṃ vā, ukkhepanīyaṃ vā. Yo kareyya, āpatti dukkaṭassa.
੨੦੧. ‘‘ਏવਂ ਖੋ, ਭਿਕ੍ਖવੇ, ਅਧਮ੍ਮਿਕਂ ਹੋਤਿ ਪਟਿਞ੍ਞਾਤਕਰਣਂ, ਏવਂ ਧਮ੍ਮਿਕਂ। ਕਥਞ੍ਚ, ਭਿਕ੍ਖવੇ, ਅਧਮ੍ਮਿਕਂ ਹੋਤਿ ਪਟਿਞ੍ਞਾਤਕਰਣਂ?
201. ‘‘Evaṃ kho, bhikkhave, adhammikaṃ hoti paṭiññātakaraṇaṃ, evaṃ dhammikaṃ. Kathañca, bhikkhave, adhammikaṃ hoti paṭiññātakaraṇaṃ?
‘‘ਭਿਕ੍ਖੁ ਪਾਰਾਜਿਕਂ ਅਜ੍ਝਾਪਨ੍ਨੋ ਹੋਤਿ। ਤਮੇਨਂ ਚੋਦੇਤਿ ਸਙ੍ਘੋ વਾ, ਸਮ੍ਬਹੁਲਾ વਾ, ਏਕਪੁਗ੍ਗਲੋ વਾ – ‘ਪਾਰਾਜਿਕਂ ਆਯਸ੍ਮਾ ਅਜ੍ਝਾਪਨ੍ਨੋ’ਤਿ? ਸੋ ਏવਂ વਦੇਤਿ – ‘ਨ ਖੋ ਅਹਂ, ਆવੁਸੋ, ਪਾਰਾਜਿਕਂ ਅਜ੍ਝਾਪਨ੍ਨੋ , ਸਙ੍ਘਾਦਿਸੇਸਂ ਅਜ੍ਝਾਪਨ੍ਨੋ’ਤਿ। ਤਂ ਸਙ੍ਘੋ ਸਙ੍ਘਾਦਿਸੇਸੇਨ ਕਾਰੇਤਿ। ਅਧਮ੍ਮਿਕਂ ਪਟਿਞ੍ਞਾਤਕਰਣਂ।
‘‘Bhikkhu pārājikaṃ ajjhāpanno hoti. Tamenaṃ codeti saṅgho vā, sambahulā vā, ekapuggalo vā – ‘pārājikaṃ āyasmā ajjhāpanno’ti? So evaṃ vadeti – ‘na kho ahaṃ, āvuso, pārājikaṃ ajjhāpanno , saṅghādisesaṃ ajjhāpanno’ti. Taṃ saṅgho saṅghādisesena kāreti. Adhammikaṃ paṭiññātakaraṇaṃ.
‘‘ਭਿਕ੍ਖੁ ਪਾਰਾਜਿਕਂ ਅਜ੍ਝਾਪਨ੍ਨੋ ਹੋਤਿ। ਤਮੇਨਂ ਚੋਦੇਤਿ ਸਙ੍ਘੋ વਾ, ਸਮ੍ਬਹੁਲਾ વਾ, ਏਕਪੁਗ੍ਗਲੋ વਾ – ‘ਪਾਰਾਜਿਕਂ ਆਯਸ੍ਮਾ ਅਜ੍ਝਾਪਨ੍ਨੋ’ਤਿ? ਸੋ ਏવਂ વਦੇਤਿ – ‘ਨ ਖੋ ਅਹਂ, ਆવੁਸੋ, ਪਾਰਾਜਿਕਂ ਅਜ੍ਝਾਪਨ੍ਨੋ, ਥੁਲ੍ਲਚ੍ਚਯਂ…ਪੇ॰… ਪਾਚਿਤ੍ਤਿਯਂ…ਪੇ॰… ਪਾਟਿਦੇਸਨੀਯਂ…ਪੇ॰… ਦੁਕ੍ਕਟਂ…ਪੇ॰… ਦੁਬ੍ਭਾਸਿਤਂ ਅਜ੍ਝਾਪਨ੍ਨੋ’ਤਿ। ਤਂ ਸਙ੍ਘੋ ਦੁਬ੍ਭਾਸਿਤੇਨ ਕਾਰੇਤਿ। ਅਧਮ੍ਮਿਕਂ ਪਟਿਞ੍ਞਾਤਕਰਣਂ।
‘‘Bhikkhu pārājikaṃ ajjhāpanno hoti. Tamenaṃ codeti saṅgho vā, sambahulā vā, ekapuggalo vā – ‘pārājikaṃ āyasmā ajjhāpanno’ti? So evaṃ vadeti – ‘na kho ahaṃ, āvuso, pārājikaṃ ajjhāpanno, thullaccayaṃ…pe… pācittiyaṃ…pe… pāṭidesanīyaṃ…pe… dukkaṭaṃ…pe… dubbhāsitaṃ ajjhāpanno’ti. Taṃ saṅgho dubbhāsitena kāreti. Adhammikaṃ paṭiññātakaraṇaṃ.
‘‘ਭਿਕ੍ਖੁ ਸਙ੍ਘਾਦਿਸੇਸਂ…ਪੇ॰… ਥੁਲ੍ਲਚ੍ਚਯਂ…ਪੇ॰… ਪਾਚਿਤ੍ਤਿਯਂ…ਪੇ॰… ਪਾਟਿਦੇਸਨੀਯਂ…ਪੇ॰… ਦੁਕ੍ਕਟਂ…ਪੇ॰… ਦੁਬ੍ਭਾਸਿਤਂ ਅਜ੍ਝਾਪਨ੍ਨੋ ਹੋਤਿ। ਤਮੇਨਂ ਚੋਦੇਤਿ ਸਙ੍ਘੋ વਾ, ਸਮ੍ਬਹੁਲਾ વਾ, ਏਕਪੁਗ੍ਗਲੋ વਾ – ‘ਦੁਬ੍ਭਾਸਿਤਂ ਆਯਸ੍ਮਾ ਅਜ੍ਝਾਪਨ੍ਨੋ’ਤਿ ? ਸੋ ਏવਂ વਦੇਤਿ – ‘ਨ ਖੋ ਅਹਂ, ਆવੁਸੋ, ਦੁਬ੍ਭਾਸਿਤਂ ਅਜ੍ਝਾਪਨ੍ਨੋ, ਪਾਰਾਜਿਕਂ ਅਜ੍ਝਾਪਨ੍ਨੋ’ਤਿ। ਤਂ ਸਙ੍ਘੋ ਪਾਰਾਜਿਕੇਨ ਕਾਰੇਤਿ। ਅਧਮ੍ਮਿਕਂ ਪਟਿਞ੍ਞਾਤਕਰਣਂ।
‘‘Bhikkhu saṅghādisesaṃ…pe… thullaccayaṃ…pe… pācittiyaṃ…pe… pāṭidesanīyaṃ…pe… dukkaṭaṃ…pe… dubbhāsitaṃ ajjhāpanno hoti. Tamenaṃ codeti saṅgho vā, sambahulā vā, ekapuggalo vā – ‘dubbhāsitaṃ āyasmā ajjhāpanno’ti ? So evaṃ vadeti – ‘na kho ahaṃ, āvuso, dubbhāsitaṃ ajjhāpanno, pārājikaṃ ajjhāpanno’ti. Taṃ saṅgho pārājikena kāreti. Adhammikaṃ paṭiññātakaraṇaṃ.
‘‘ਭਿਕ੍ਖੁ ਦੁਬ੍ਭਾਸਿਤਂ ਅਜ੍ਝਾਪਨ੍ਨੋ ਹੋਤਿ। ਤਮੇਨਂ ਚੋਦੇਤਿ ਸਙ੍ਘੋ વਾ, ਸਮ੍ਬਹੁਲਾ વਾ, ਏਕਪੁਗ੍ਗਲੋ વਾ – ‘ਦੁਬ੍ਭਾਸਿਤਂ ਆਯਸ੍ਮਾ ਅਜ੍ਝਾਪਨ੍ਨੋ’ਤਿ? ਸੋ ਏવਂ વਦੇਤਿ – ‘ਨ ਖੋ ਅਹਂ, ਆવੁਸੋ, ਦੁਬ੍ਭਾਸਿਤਂ ਅਜ੍ਝਾਪਨ੍ਨੋ, ਸਙ੍ਘਾਦਿਸੇਸਂ…ਪੇ॰… ਥੁਲ੍ਲਚ੍ਚਯਂ…ਪੇ॰… ਪਾਚਿਤ੍ਤਿਯਂ…ਪੇ॰… ਪਾਟਿਦੇਸਨੀਯਂ…ਪੇ॰… ਦੁਕ੍ਕਟਂ ਅਜ੍ਝਾਪਨ੍ਨੋ’ਤਿ। ਤਂ ਸਙ੍ਘੋ ਦੁਕ੍ਕਟੇਨ ਕਾਰੇਤਿ। ਅਧਮ੍ਮਿਕਂ ਪਟਿਞ੍ਞਾਤਕਰਣਂ। ‘‘ਏવਂ ਖੋ, ਭਿਕ੍ਖવੇ, ਅਧਮ੍ਮਿਕਂ ਹੋਤਿ ਪਟਿਞ੍ਞਾਤਕਰਣਂ।
‘‘Bhikkhu dubbhāsitaṃ ajjhāpanno hoti. Tamenaṃ codeti saṅgho vā, sambahulā vā, ekapuggalo vā – ‘dubbhāsitaṃ āyasmā ajjhāpanno’ti? So evaṃ vadeti – ‘na kho ahaṃ, āvuso, dubbhāsitaṃ ajjhāpanno, saṅghādisesaṃ…pe… thullaccayaṃ…pe… pācittiyaṃ…pe… pāṭidesanīyaṃ…pe… dukkaṭaṃ ajjhāpanno’ti. Taṃ saṅgho dukkaṭena kāreti. Adhammikaṃ paṭiññātakaraṇaṃ. ‘‘Evaṃ kho, bhikkhave, adhammikaṃ hoti paṭiññātakaraṇaṃ.
‘‘ਕਥਞ੍ਚ , ਭਿਕ੍ਖવੇ, ਧਮ੍ਮਿਕਂ ਹੋਤਿ ਪਟਿਞ੍ਞਾਤਕਰਣਂ? ਭਿਕ੍ਖੁ ਪਾਰਾਜਿਕਂ ਅਜ੍ਝਾਪਨ੍ਨੋ ਹੋਤਿ। ਤਮੇਨਂ ਚੋਦੇਤਿ ਸਙ੍ਘੋ વਾ, ਸਮ੍ਬਹੁਲਾ વਾ, ਏਕਪੁਗ੍ਗਲੋ વਾ – ‘ਪਾਰਾਜਿਕਂ ਆਯਸ੍ਮਾ ਅਜ੍ਝਾਪਨ੍ਨੋ’ਤਿ? ਸੋ ਏવਂ વਦੇਤਿ – ‘ਆਮ, ਆવੁਸੋ, ਪਾਰਾਜਿਕਂ ਅਜ੍ਝਾਪਨ੍ਨੋ’ਤਿ। ਤਂ ਸਙ੍ਘੋ ਪਾਰਾਜਿਕੇਨ ਕਾਰੇਤਿ। ਧਮ੍ਮਿਕਂ ਪਟਿਞ੍ਞਾਤਕਰਣਂ।
‘‘Kathañca , bhikkhave, dhammikaṃ hoti paṭiññātakaraṇaṃ? Bhikkhu pārājikaṃ ajjhāpanno hoti. Tamenaṃ codeti saṅgho vā, sambahulā vā, ekapuggalo vā – ‘pārājikaṃ āyasmā ajjhāpanno’ti? So evaṃ vadeti – ‘āma, āvuso, pārājikaṃ ajjhāpanno’ti. Taṃ saṅgho pārājikena kāreti. Dhammikaṃ paṭiññātakaraṇaṃ.
‘‘ਭਿਕ੍ਖੁ ਸਙ੍ਘਾਦਿਸੇਸਂ…ਪੇ॰… ਥੁਲ੍ਲਚ੍ਚਯਂ…ਪੇ॰… ਪਾਚਿਤ੍ਤਿਯਂ…ਪੇ॰… ਪਾਟਿਦੇਸਨੀਯਂ…ਪੇ॰… ਦੁਕ੍ਕਟਂ…ਪੇ॰… ਦੁਬ੍ਭਾਸਿਤਂ ਅਜ੍ਝਾਪਨ੍ਨੋ ਹੋਤਿ। ਤਮੇਨਂ ਚੋਦੇਤਿ ਸਙ੍ਘੋ વਾ, ਸਮ੍ਬਹੁਲਾ વਾ, ਏਕਪੁਗ੍ਗਲੋ વਾ – ‘ਦੁਬ੍ਭਾਸਿਤਂ ਆਯਸ੍ਮਾ ਅਜ੍ਝਾਪਨ੍ਨੋ’ਤਿ? ਸੋ ਏવਂ વਦੇਤਿ – ‘ਆਮ, ਆવੁਸੋ, ਦੁਬ੍ਭਾਸਿਤਂ ਅਜ੍ਝਾਪਨ੍ਨੋ’ਤਿ। ਤਂ ਸਙ੍ਘੋ ਦੁਬ੍ਭਾਸਿਤੇਨ ਕਾਰੇਤਿ। ਧਮ੍ਮਿਕਂ ਪਟਿਞ੍ਞਾਤਕਰਣਂ। ਏવਂ ਖੋ, ਭਿਕ੍ਖવੇ, ਧਮ੍ਮਿਕਂ ਹੋਤਿ ਪਟਿਞ੍ਞਾਤਕਰਣ’’ਨ੍ਤਿ।
‘‘Bhikkhu saṅghādisesaṃ…pe… thullaccayaṃ…pe… pācittiyaṃ…pe… pāṭidesanīyaṃ…pe… dukkaṭaṃ…pe… dubbhāsitaṃ ajjhāpanno hoti. Tamenaṃ codeti saṅgho vā, sambahulā vā, ekapuggalo vā – ‘dubbhāsitaṃ āyasmā ajjhāpanno’ti? So evaṃ vadeti – ‘āma, āvuso, dubbhāsitaṃ ajjhāpanno’ti. Taṃ saṅgho dubbhāsitena kāreti. Dhammikaṃ paṭiññātakaraṇaṃ. Evaṃ kho, bhikkhave, dhammikaṃ hoti paṭiññātakaraṇa’’nti.
Related texts:
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਤਿવਿਨਯਾਦਿਕਥਾવਣ੍ਣਨਾ • Sativinayādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਟਿਞ੍ਞਾਤਕਰਣਕਥਾવਣ੍ਣਨਾ • Paṭiññātakaraṇakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੪. ਪਟਿਞ੍ਞਾਤਕਰਣਕਥਾ • 4. Paṭiññātakaraṇakathā
