| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi |
ਪਟਿਪ੍ਪਸ੍ਸਮ੍ਭੇਤਬ੍ਬ-ਤੇਚਤ੍ਤਾਲੀਸਕਂ
Paṭippassambhetabba-tecattālīsakaṃ
੫੪. ‘‘ਪਞ੍ਚਹਿ , ਭਿਕ੍ਖવੇ, ਅਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਬ੍ਬਂ। ਨ ਉਪਸਮ੍ਪਾਦੇਤਿ, ਨ ਨਿਸ੍ਸਯਂ ਦੇਤਿ, ਨ ਸਾਮਣੇਰਂ ਉਪਟ੍ਠਾਪੇਤਿ, ਨ ਭਿਕ੍ਖੁਨੋવਾਦਕਸਮ੍ਮੁਤਿਂ ਸਾਦਿਯਤਿ, ਸਮ੍ਮਤੋਪਿ ਭਿਕ੍ਖੁਨਿਯੋ ਨ ਓવਦਤਿ – ਇਮੇਹਿ ਖੋ, ਭਿਕ੍ਖવੇ, ਪਞ੍ਚਹਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਬ੍ਬਂ।
54. ‘‘Pañcahi , bhikkhave, aṅgehi samannāgatassa bhikkhuno, āpattiyā adassane, ukkhepanīyakammaṃ paṭippassambhetabbaṃ. Na upasampādeti, na nissayaṃ deti, na sāmaṇeraṃ upaṭṭhāpeti, na bhikkhunovādakasammutiṃ sādiyati, sammatopi bhikkhuniyo na ovadati – imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ paṭippassambhetabbaṃ.
‘‘ਅਪਰੇਹਿਪਿ, ਭਿਕ੍ਖવੇ, ਪਞ੍ਚਹਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਬ੍ਬਂ। ਯਾਯ ਆਪਤ੍ਤਿਯਾ ਸਙ੍ਘੇਨ ਆਪਤ੍ਤਿਯਾ ਅਦਸ੍ਸਨੇ ਉਕ੍ਖੇਪਨੀਯਕਮ੍ਮਂ ਕਤਂ ਹੋਤਿ ਤਂ ਆਪਤ੍ਤਿਂ ਨ ਆਪਜ੍ਜਤਿ, ਅਞ੍ਞਂ વਾ ਤਾਦਿਸਿਕਂ, ਤਤੋ વਾ ਪਾਪਿਟ੍ਠਤਰਂ; ਕਮ੍ਮਂ ਨ ਗਰਹਤਿ, ਕਮ੍ਮਿਕੇ ਨ ਗਰਹਤਿ – ਇਮੇਹਿ ਖੋ, ਭਿਕ੍ਖવੇ, ਪਞ੍ਚਹਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਬ੍ਬਂ।
‘‘Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ paṭippassambhetabbaṃ. Yāya āpattiyā saṅghena āpattiyā adassane ukkhepanīyakammaṃ kataṃ hoti taṃ āpattiṃ na āpajjati, aññaṃ vā tādisikaṃ, tato vā pāpiṭṭhataraṃ; kammaṃ na garahati, kammike na garahati – imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ paṭippassambhetabbaṃ.
‘‘ਅਪਰੇਹਿਪਿ, ਭਿਕ੍ਖવੇ, ਪਞ੍ਚਹਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਬ੍ਬਂ। ਨ ਪਕਤਤ੍ਤਸ੍ਸ ਭਿਕ੍ਖੁਨੋ ਅਭਿવਾਦਨਂ, ਪਚ੍ਚੁਟ੍ਠਾਨਂ, ਅਞ੍ਜਲਿਕਮ੍ਮਂ, ਸਾਮੀਚਿਕਮ੍ਮਂ, ਆਸਨਾਭਿਹਾਰਂ ਸਾਦਿਯਤਿ – ਇਮੇਹਿ ਖੋ, ਭਿਕ੍ਖવੇ, ਪਞ੍ਚਹਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਬ੍ਬਂ।
‘‘Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ paṭippassambhetabbaṃ. Na pakatattassa bhikkhuno abhivādanaṃ, paccuṭṭhānaṃ, añjalikammaṃ, sāmīcikammaṃ, āsanābhihāraṃ sādiyati – imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ paṭippassambhetabbaṃ.
‘‘ਅਪਰੇਹਿਪਿ, ਭਿਕ੍ਖવੇ, ਪਞ੍ਚਹਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਬ੍ਬਂ। ਨ ਪਕਤਤ੍ਤਸ੍ਸ ਭਿਕ੍ਖੁਨੋ ਸੇਯ੍ਯਾਭਿਹਾਰਂ, ਪਾਦੋਦਕਂ ਪਾਦਪੀਠਂ, ਪਾਦਕਥਲਿਕਂ, ਪਤ੍ਤਚੀવਰਪ੍ਪਟਿਗ੍ਗਹਣਂ, ਨਹਾਨੇ ਪਿਟ੍ਠਿਪਰਿਕਮ੍ਮਂ ਸਾਦਿਯਤਿ – ਇਮੇਹਿ ਖੋ, ਭਿਕ੍ਖવੇ, ਪਞ੍ਚਹਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਬ੍ਬਂ।
‘‘Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ paṭippassambhetabbaṃ. Na pakatattassa bhikkhuno seyyābhihāraṃ, pādodakaṃ pādapīṭhaṃ, pādakathalikaṃ, pattacīvarappaṭiggahaṇaṃ, nahāne piṭṭhiparikammaṃ sādiyati – imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ paṭippassambhetabbaṃ.
‘‘ਅਪਰੇਹਿਪਿ, ਭਿਕ੍ਖવੇ, ਪਞ੍ਚਹਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਬ੍ਬਂ। ਨ ਪਕਤਤ੍ਤਂ ਭਿਕ੍ਖੁਂ ਸੀਲવਿਪਤ੍ਤਿਯਾ ਅਨੁਦ੍ਧਂਸੇਤਿ, ਨ ਆਚਾਰવਿਪਤ੍ਤਿਯਾ ਅਨੁਦ੍ਧਂਸੇਤਿ, ਨ ਦਿਟ੍ਠਿવਿਪਤ੍ਤਿਯਾ ਅਨੁਦ੍ਧਂਸੇਤਿ, ਨ ਆਜੀવવਿਪਤ੍ਤਿਯਾ ਅਨੁਦ੍ਧਂਸੇਤਿ, ਨ ਭਿਕ੍ਖੁਂ ਭਿਕ੍ਖੂਹਿ ਭੇਦੇਤਿ – ਇਮੇਹਿ ਖੋ, ਭਿਕ੍ਖવੇ, ਪਞ੍ਚਹਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਬ੍ਬਂ।
‘‘Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ paṭippassambhetabbaṃ. Na pakatattaṃ bhikkhuṃ sīlavipattiyā anuddhaṃseti, na ācāravipattiyā anuddhaṃseti, na diṭṭhivipattiyā anuddhaṃseti, na ājīvavipattiyā anuddhaṃseti, na bhikkhuṃ bhikkhūhi bhedeti – imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ paṭippassambhetabbaṃ.
‘‘ਅਪਰੇਹਿਪਿ , ਭਿਕ੍ਖવੇ, ਪਞ੍ਚਹਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਬ੍ਬਂ। ਨ ਗਿਹਿਦ੍ਧਜਂ ਧਾਰੇਤਿ, ਨ ਤਿਤ੍ਥਿਯਦ੍ਧਜਂ ਧਾਰੇਤਿ, ਨ ਤਿਤ੍ਥਿਯੇ ਸੇવਤਿ, ਭਿਕ੍ਖੂ ਸੇવਤਿ, ਭਿਕ੍ਖੁਸਿਕ੍ਖਾਯ ਸਿਕ੍ਖਤਿ – ਇਮੇਹਿ ਖੋ, ਭਿਕ੍ਖવੇ, ਪਞ੍ਚਹਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਬ੍ਬਂ।
‘‘Aparehipi , bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ paṭippassambhetabbaṃ. Na gihiddhajaṃ dhāreti, na titthiyaddhajaṃ dhāreti, na titthiye sevati, bhikkhū sevati, bhikkhusikkhāya sikkhati – imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ paṭippassambhetabbaṃ.
‘‘ਅਪਰੇਹਿਪਿ, ਭਿਕ੍ਖવੇ, ਪਞ੍ਚਹਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਬ੍ਬਂ। ਨ ਪਕਤਤ੍ਤੇਨ ਭਿਕ੍ਖੁਨਾ ਸਦ੍ਧਿਂ ਏਕਚ੍ਛਨ੍ਨੇ ਆવਾਸੇ વਸਤਿ, ਨ ਏਕਚ੍ਛਨ੍ਨੇ ਅਨਾવਾਸੇ વਸਤਿ, ਨ ਏਕਚ੍ਛਨ੍ਨੇ ਆવਾਸੇ વਾ ਅਨਾવਾਸੇ વਾ વਸਤਿ, ਪਕਤਤ੍ਤਂ ਭਿਕ੍ਖੁਂ ਦਿਸ੍વਾ ਆਸਨਾ વੁਟ੍ਠਾਤਿ, ਨ ਪਕਤਤ੍ਤਂ ਭਿਕ੍ਖੁਂ ਆਸਾਦੇਤਿ ਅਨ੍ਤੋ વਾ ਬਹਿ વਾ – ਇਮੇਹਿ ਖੋ, ਭਿਕ੍ਖવੇ, ਪਞ੍ਚਹਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਬ੍ਬਂ।
‘‘Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ paṭippassambhetabbaṃ. Na pakatattena bhikkhunā saddhiṃ ekacchanne āvāse vasati, na ekacchanne anāvāse vasati, na ekacchanne āvāse vā anāvāse vā vasati, pakatattaṃ bhikkhuṃ disvā āsanā vuṭṭhāti, na pakatattaṃ bhikkhuṃ āsādeti anto vā bahi vā – imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ paṭippassambhetabbaṃ.
‘‘ਅਟ੍ਠਹਿ, ਭਿਕ੍ਖવੇ, ਅਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਬ੍ਬਂ। ਨ ਪਕਤਤ੍ਤਸ੍ਸ ਭਿਕ੍ਖੁਨੋ ਉਪੋਸਥਂ ਠਪੇਤਿ, ਨ ਪવਾਰਣਂ ਠਪੇਤਿ, ਨ ਸવਚਨੀਯਂ ਕਰੋਤਿ, ਨ ਅਨੁવਾਦਂ ਪਟ੍ਠਪੇਤਿ, ਨ ਓਕਾਸਂ ਕਾਰੇਤਿ, ਨ ਚੋਦੇਤਿ, ਨ ਸਾਰੇਤਿ, ਨ ਭਿਕ੍ਖੂਹਿ ਸਮ੍ਪਯੋਜੇਤਿ – ਇਮੇਹਿ ਖੋ, ਭਿਕ੍ਖવੇ, ਅਟ੍ਠਹਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਬ੍ਬਂ।
‘‘Aṭṭhahi, bhikkhave, aṅgehi samannāgatassa bhikkhuno, āpattiyā adassane, ukkhepanīyakammaṃ paṭippassambhetabbaṃ. Na pakatattassa bhikkhuno uposathaṃ ṭhapeti, na pavāraṇaṃ ṭhapeti, na savacanīyaṃ karoti, na anuvādaṃ paṭṭhapeti, na okāsaṃ kāreti, na codeti, na sāreti, na bhikkhūhi sampayojeti – imehi kho, bhikkhave, aṭṭhahaṅgehi samannāgatassa bhikkhuno, āpattiyā adassane, ukkhepanīyakammaṃ paṭippassambhetabbaṃ.
ਆਪਤ੍ਤਿਯਾ ਅਦਸ੍ਸਨੇ ਉਕ੍ਖੇਪਨੀਯਕਮ੍ਮੇ
Āpattiyā adassane ukkhepanīyakamme
ਪਟਿਪ੍ਪਸ੍ਸਮ੍ਭੇਤਬ੍ਬਤੇਚਤ੍ਤਾਲੀਸਕਂ ਨਿਟ੍ਠਿਤਂ।
Paṭippassambhetabbatecattālīsakaṃ niṭṭhitaṃ.
੫੫. ‘‘ਏવਞ੍ਚ ਪਨ, ਭਿਕ੍ਖવੇ, ਪਟਿਪ੍ਪਸ੍ਸਮ੍ਭੇਤਬ੍ਬਂ। ਤੇਨ, ਭਿਕ੍ਖવੇ, ਛਨ੍ਨੇਨ ਭਿਕ੍ਖੁਨਾ ਸਙ੍ਘਂ ਉਪਸਙ੍ਕਮਿਤ੍વਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍વਾ વੁਡ੍ਢਾਨਂ ਭਿਕ੍ਖੂਨਂ ਪਾਦੇ વਨ੍ਦਿਤ੍વਾ ਉਕ੍ਕੁਟਿਕਂ ਨਿਸੀਦਿਤ੍વਾ ਅਞ੍ਜਲਿਂ ਪਗ੍ਗਹੇਤ੍વਾ ਏવਮਸ੍ਸ વਚਨੀਯੋ – ‘ਅਹਂ, ਭਨ੍ਤੇ, ਸਙ੍ਘੇਨ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਕਤੋ ਸਮ੍ਮਾ વਤ੍ਤਾਮਿ, ਲੋਮਂ ਪਾਤੇਮਿ, ਨੇਤ੍ਥਾਰਂ વਤ੍ਤਾਮਿ, ਆਪਤ੍ਤਿਯਾ ਅਦਸ੍ਸਨੇ ਉਕ੍ਖੇਪਨੀਯਸ੍ਸ ਕਮ੍ਮਸ੍ਸ ਪਟਿਪ੍ਪਸ੍ਸਦ੍ਧਿਂ ਯਾਚਾਮੀ’ਤਿ। ਦੁਤਿਯਮ੍ਪਿ ਯਾਚਿਤਬ੍ਬਾ। ਤਤਿਯਮ੍ਪਿ ਯਾਚਿਤਬ੍ਬਾ। ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –
55. ‘‘Evañca pana, bhikkhave, paṭippassambhetabbaṃ. Tena, bhikkhave, channena bhikkhunā saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘ahaṃ, bhante, saṅghena, āpattiyā adassane, ukkhepanīyakammakato sammā vattāmi, lomaṃ pātemi, netthāraṃ vattāmi, āpattiyā adassane ukkhepanīyassa kammassa paṭippassaddhiṃ yācāmī’ti. Dutiyampi yācitabbā. Tatiyampi yācitabbā. Byattena bhikkhunā paṭibalena saṅgho ñāpetabbo –
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਛਨ੍ਨੋ ਭਿਕ੍ਖੁ ਸਙ੍ਘੇਨ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਕਤੋ ਸਮ੍ਮਾ વਤ੍ਤਤਿ, ਲੋਮਂ ਪਾਤੇਤਿ, ਨੇਤ੍ਥਾਰਂ વਤ੍ਤਤਿ, ਆਪਤ੍ਤਿਯਾ ਅਦਸ੍ਸਨੇ ਉਕ੍ਖੇਪਨੀਯਸ੍ਸ ਕਮ੍ਮਸ੍ਸ ਪਟਿਪ੍ਪਸ੍ਸਦ੍ਧਿਂ ਯਾਚਤਿ । ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਛਨ੍ਨਸ੍ਸ ਭਿਕ੍ਖੁਨੋ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਯ੍ਯ। ਏਸਾ ਞਤ੍ਤਿ।
‘‘Suṇātu me, bhante, saṅgho. Ayaṃ channo bhikkhu saṅghena, āpattiyā adassane, ukkhepanīyakammakato sammā vattati, lomaṃ pāteti, netthāraṃ vattati, āpattiyā adassane ukkhepanīyassa kammassa paṭippassaddhiṃ yācati . Yadi saṅghassa pattakallaṃ, saṅgho channassa bhikkhuno, āpattiyā adassane, ukkhepanīyakammaṃ paṭippassambheyya. Esā ñatti.
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਛਨ੍ਨੋ ਭਿਕ੍ਖੁ ਸਙ੍ਘੇਨ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਕਤੋ ਸਮ੍ਮਾ વਤ੍ਤਤਿ, ਲੋਮਂ ਪਾਤੇਤਿ, ਨੇਤ੍ਥਾਰਂ વਤ੍ਤਤਿ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਸ੍ਸ ਕਮ੍ਮਸ੍ਸ ਪਟਿਪ੍ਪਸ੍ਸਦ੍ਧਿਂ ਯਾਚਤਿ। ਸਙ੍ਘੋ ਛਨ੍ਨਸ੍ਸ ਭਿਕ੍ਖੁਨੋ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਿ। ਯਸ੍ਸਾਯਸ੍ਮਤੋ ਖਮਤਿ ਛਨ੍ਨਸ੍ਸ ਭਿਕ੍ਖੁਨੋ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਸ੍ਸ ਕਮ੍ਮਸ੍ਸ ਪਟਿਪ੍ਪਸ੍ਸਦ੍ਧਿ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Suṇātu me, bhante, saṅgho. Ayaṃ channo bhikkhu saṅghena, āpattiyā adassane, ukkhepanīyakammakato sammā vattati, lomaṃ pāteti, netthāraṃ vattati, āpattiyā adassane, ukkhepanīyassa kammassa paṭippassaddhiṃ yācati. Saṅgho channassa bhikkhuno, āpattiyā adassane, ukkhepanīyakammaṃ paṭippassambheti. Yassāyasmato khamati channassa bhikkhuno, āpattiyā adassane, ukkhepanīyassa kammassa paṭippassaddhi, so tuṇhassa; yassa nakkhamati, so bhāseyya.
‘‘ਦੁਤਿਯਮ੍ਪਿ ਏਤਮਤ੍ਥਂ વਦਾਮਿ…ਪੇ॰… ਤਤਿਯਮ੍ਪਿ ਏਤਮਤ੍ਥਂ વਦਾਮਿ – ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਛਨ੍ਨੋ ਭਿਕ੍ਖੁ ਸਙ੍ਘੇਨ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਕਤੋ ਸਮ੍ਮਾ વਤ੍ਤਤਿ, ਲੋਮਂ ਪਾਤੇਤਿ, ਨੇਤ੍ਥਾਰਂ વਤ੍ਤਤਿ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਸ੍ਸ ਕਮ੍ਮਸ੍ਸ ਪਟਿਪ੍ਪਸ੍ਸਦ੍ਧਿਂ ਯਾਚਤਿ। ਸਙ੍ਘੋ ਛਨ੍ਨਸ੍ਸ ਭਿਕ੍ਖੁਨੋ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਿ। ਯਸ੍ਸਾਯਸ੍ਮਤੋ ਖਮਤਿ ਛਨ੍ਨਸ੍ਸ ਭਿਕ੍ਖੁਨੋ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਸ੍ਸ ਕਮ੍ਮਸ੍ਸ ਪਟਿਪ੍ਪਸ੍ਸਦ੍ਧਿ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Dutiyampi etamatthaṃ vadāmi…pe… tatiyampi etamatthaṃ vadāmi – suṇātu me, bhante, saṅgho. Ayaṃ channo bhikkhu saṅghena, āpattiyā adassane, ukkhepanīyakammakato sammā vattati, lomaṃ pāteti, netthāraṃ vattati, āpattiyā adassane, ukkhepanīyassa kammassa paṭippassaddhiṃ yācati. Saṅgho channassa bhikkhuno, āpattiyā adassane, ukkhepanīyakammaṃ paṭippassambheti. Yassāyasmato khamati channassa bhikkhuno, āpattiyā adassane, ukkhepanīyassa kammassa paṭippassaddhi, so tuṇhassa; yassa nakkhamati, so bhāseyya.
‘‘ਪਟਿਪ੍ਪਸ੍ਸਦ੍ਧਂ ਸਙ੍ਘੇਨ ਛਨ੍ਨਸ੍ਸ ਭਿਕ੍ਖੁਨੋ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀ’’ਤਿ।
‘‘Paṭippassaddhaṃ saṅghena channassa bhikkhuno, āpattiyā adassane, ukkhepanīyakammaṃ. Khamati saṅghassa, tasmā tuṇhī, evametaṃ dhārayāmī’’ti.
ਆਪਤ੍ਤਿਯਾ ਅਦਸ੍ਸਨੇ ਉਕ੍ਖੇਪਨੀਯਕਮ੍ਮਂ ਨਿਟ੍ਠਿਤਂ ਪਞ੍ਚਮਂ।
Āpattiyā adassane ukkhepanīyakammaṃ niṭṭhitaṃ pañcamaṃ.
