| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
8. бадисаллаанасуд̇д̇аван̣н̣анаа
8. Paṭisallānasuttavaṇṇanā
45. адтамз бадисаллаанараамаад̇и д̇зхи д̇зхи сад̇д̇асан̇каарзхи бадинивад̇д̇ид̇ваа саллаанам̣ бадисаллаанам̣, згавихааро згаманд̇асзвид̇аа, гааяавивзгод̇и ад̇т̇о. д̇ам̣ бадисаллаанам̣ раманд̇и рожанд̇ийд̇и бадисаллаанараамаа. ‘‘бадисаллаанаараамаа’’д̇иби баато. яат̇аа вуд̇д̇ам̣ бадисаллаанам̣ аарамид̇аб̣б̣ад̇о аараамо зд̇зсанд̇и бадисаллаанаараамаа. вихарат̇аад̇и звам̣бхууд̇аа худ̇ваа вихарат̇аад̇и ад̇т̇о. бадисаллаанз рад̇аа нирад̇аа саммуд̣̇ид̇аад̇и бадисаллаанарад̇аа. зд̇д̇аавад̇аа ж̇ааг̇арияаануяог̇о, д̇асса нимид̇д̇абхууд̇аа вуубагадтагааяад̇аа жа д̣̇ассид̇аа. ж̇ааг̇арияаануяог̇о, сийласам̣варо, инд̣̇риязсу, г̇уд̇д̇ад̣̇ваарад̇аа, бхож̇анз мад̇д̇ан̃н̃уд̇аа, сад̇исамбаж̇ан̃н̃анд̇и имзхи д̇хаммзхи винаа на вад̇д̇ад̇ийд̇и д̇зби ид̇ха ад̇т̇ад̇о вуд̇д̇аа зваад̇и взд̣̇ид̇аб̣б̣аа.
45. Aṭṭhame paṭisallānarāmāti tehi tehi sattasaṅkhārehi paṭinivattitvā sallānaṃ paṭisallānaṃ, ekavihāro ekamantasevitā, kāyavivekoti attho. Taṃ paṭisallānaṃ ramanti rocantīti paṭisallānarāmā. ‘‘Paṭisallānārāmā’’tipi pāṭho. Yathā vuttaṃ paṭisallānaṃ āramitabbato ārāmo etesanti paṭisallānārāmā. Viharathāti evaṃbhūtā hutvā viharathāti attho. Paṭisallāne ratā niratā sammuditāti paṭisallānaratā. Ettāvatā jāgariyānuyogo, tassa nimittabhūtā vūpakaṭṭhakāyatā ca dassitā. Jāgariyānuyogo, sīlasaṃvaro, indriyesu, guttadvāratā, bhojane mattaññutā, satisampajaññanti imehi dhammehi vinā na vattatīti tepi idha atthato vuttā evāti veditabbā.
аж̇жхад̇д̇ам̣ жзд̇осамат̇амануяуд̇д̇аад̇и ад̇д̇ано жид̇д̇асамат̇з ануяуд̇д̇аа. аж̇жхад̇д̇ам̣ ад̇д̇анод̇и жа зд̇ам̣ згад̇т̇ам̣, б̣яан̃ж̇анамзва наанам̣. бхуммад̇т̇з жзд̇ам̣ самат̇анд̇и анусад̣̇д̣̇аяог̇зна убаяог̇аважанам̣. анираагад̇аж̇жхаанаад̇и б̣ахи анийхад̇аж̇жхаанаа авинаасид̇аж̇жхаанаа ваа. нийхаран̣ам̣ винаасо ваад̇и ид̣̇ам̣ нираагад̇ам̣ наама ‘‘т̇амбхам̣ нирам̣гад̇ваа ниваад̇авуд̇д̇ий’’д̇иаад̣̇ийсу (су. ни. 328) вияа. вибассанааяа саманнааг̇ад̇аад̇и сад̇д̇авид̇хааяа анубассанааяа яуд̇д̇аа. сад̇д̇авид̇хаа анубассанаа наама анижжаанубассанаа, д̣̇угкаанубассанаа, анад̇д̇аанубассанаа, ниб̣б̣ид̣̇аанубассанаа, вирааг̇аанубассанаа, нирод̇хаанубассанаа, бадиниссаг̇г̇аанубассанаа жа, д̇аа висуд̣̇д̇химаг̇г̇з вид̇т̇аарид̇аава.
Ajjhattaṃ cetosamathamanuyuttāti attano cittasamathe anuyuttā. Ajjhattaṃ attanoti ca etaṃ ekatthaṃ, byañjanameva nānaṃ. Bhummatthe cetaṃ samathanti anusaddayogena upayogavacanaṃ. Anirākatajjhānāti bahi anīhatajjhānā avināsitajjhānā vā. Nīharaṇaṃ vināso vāti idaṃ nirākataṃ nāma ‘‘thambhaṃ niraṃkatvā nivātavuttī’’tiādīsu (su. ni. 328) viya. Vipassanāya samannāgatāti sattavidhāya anupassanāya yuttā. Sattavidhā anupassanā nāma aniccānupassanā, dukkhānupassanā, anattānupassanā, nibbidānupassanā, virāgānupassanā, nirodhānupassanā, paṭinissaggānupassanā ca, tā visuddhimagge vitthāritāva.
б̣руухзд̇ааро сун̃н̃ааг̇аараананд̇и вад̣дхзд̇ааро сун̃н̃ааг̇аараанам̣. зд̇т̇а жа ‘‘сун̃н̃ааг̇аараана’’нд̇и яам̣гин̃жи вивид̇д̇ам̣ бхааванаануяог̇асса анужчавигадтаанам̣. самат̇авибассанаавасзна гаммадтаанам̣ г̇ахзд̇ваа рад̇д̇инд̣̇ивам̣ сун̃н̃ааг̇аарам̣ бависид̇ваа бхааванаануяог̇авасзна нисийд̣̇амаанаа бхигкуу ‘‘б̣руухзд̇ааро сун̃н̃ааг̇аараана’’нд̇и взд̣̇ид̇аб̣б̣аа. згабхуумигаад̣̇ибаасаад̣̇зби бана ваасам̣ гурумаанаа жхааяино сун̃н̃ааг̇аараанам̣ б̣руухзд̇аарод̇взва взд̣̇ид̇аб̣б̣аа.
Brūhetāro suññāgārānanti vaḍḍhetāro suññāgārānaṃ. Ettha ca ‘‘suññāgārāna’’nti yaṃkiñci vivittaṃ bhāvanānuyogassa anucchavikaṭṭhānaṃ. Samathavipassanāvasena kammaṭṭhānaṃ gahetvā rattindivaṃ suññāgāraṃ pavisitvā bhāvanānuyogavasena nisīdamānā bhikkhū ‘‘brūhetāro suññāgārāna’’nti veditabbā. Ekabhūmikādipāsādepi pana vāsaṃ kurumānā jhāyino suññāgārānaṃ brūhetārotveva veditabbā.
зд̇т̇а жа яаа ‘‘бадисаллаанараамаа, бхигкавз, вихарат̇а бадисаллаанарад̇аа’’д̇и вуубагадтагааяад̇аа вихид̇аа, саа барисуд̣̇д̇хасийласса, на асийласса ависуд̣̇д̇хасийласса ваа д̇асса руубаарамман̣аад̣̇ид̇о жид̇д̇авинивад̇д̇анассзва абхаавад̇од̇и ад̇т̇ад̇о сийлависуд̣̇д̇хи д̣̇ассид̇аад̇и вуд̇д̇овааяамад̇т̇о. ‘‘аж̇жхад̇д̇ам̣ жзд̇осамат̇амануяуд̇д̇аа анираагад̇аж̇жхаанаа’’д̇и бад̣̇ад̣̇ваязна самаад̇хибхааванаа, ‘‘вибассанааяа саманнааг̇ад̇аа’’д̇и иминаа бан̃н̃аабхааванаа вихид̇аад̇и логияаа д̇иссо сигкаа д̣̇ассид̇аа.
Ettha ca yā ‘‘paṭisallānarāmā, bhikkhave, viharatha paṭisallānaratā’’ti vūpakaṭṭhakāyatā vihitā, sā parisuddhasīlassa, na asīlassa avisuddhasīlassa vā tassa rūpārammaṇādito cittavinivattanasseva abhāvatoti atthato sīlavisuddhi dassitāti vuttovāyamattho. ‘‘Ajjhattaṃ cetosamathamanuyuttā anirākatajjhānā’’ti padadvayena samādhibhāvanā, ‘‘vipassanāya samannāgatā’’ti iminā paññābhāvanā vihitāti lokiyā tisso sikkhā dassitā.
ид̣̇аани д̇аасу бад̇идтид̇асса авассам̣бхаавипалам̣ д̣̇ассзд̇ум̣ ‘‘бадисаллаанараамаана’’нд̇иаад̣̇и вуд̇д̇ам̣. д̇ад̇т̇а б̣руухзд̇аананд̇и вад̣дхзд̇аанам̣. д̣̇виннам̣ палаананд̇и д̇ад̇ияажад̇уд̇т̇апалаанам̣. баадиган̇канд̇и ижчид̇аб̣б̣ам̣ авассам̣бхаавий. ан̃н̃аад̇и арахад̇д̇ам̣. д̇ан̃хи хздтимамаг̇г̇ан̃аан̣зхи н̃аад̇амарияаад̣̇ам̣ анад̇иггамид̇ваа ж̇аананад̇о барибун̣н̣аж̇аананад̇д̇аа убари ж̇аананагижжаабхаавад̇о жа ‘‘ан̃н̃аа’’д̇и вужжад̇и. сад̇и ваа убаад̣̇исзсзд̇и сад̇и ваа гилзсуубаад̣̇исзсз, бахаад̇ум̣ асаггун̣зяяз сад̇и. н̃аан̣з хи абарибаггз яз д̇зна барибаггзна бахаад̇аб̣б̣агилзсаа, д̇з на бахийяанд̇и. д̇ам̣ санд̇хааяааха ‘‘сад̇и ваа убаад̣̇исзсз’’д̇и. сад̇и жа гилзсз канд̇хаабхисан̇каараа д̇идтанд̇и зва. ид̇и имасмим̣ суд̇д̇з анааг̇аамипалам̣ арахад̇д̇анд̇и д̣̇вз д̇хаммаа д̣̇ассид̇аа. яат̇аа жзд̇т̇а, звам̣ ид̇о барзсу д̣̇вийсу суд̇д̇зсу.
Idāni tāsu patiṭṭhitassa avassaṃbhāviphalaṃ dassetuṃ ‘‘paṭisallānarāmāna’’ntiādi vuttaṃ. Tattha brūhetānanti vaḍḍhetānaṃ. Dvinnaṃ phalānanti tatiyacatutthaphalānaṃ. Pāṭikaṅkhanti icchitabbaṃ avassaṃbhāvī. Aññāti arahattaṃ. Tañhi heṭṭhimamaggañāṇehi ñātamariyādaṃ anatikkamitvā jānanato paripuṇṇajānanattā upari jānanakiccābhāvato ca ‘‘aññā’’ti vuccati. Sati vā upādiseseti sati vā kilesūpādisese, pahātuṃ asakkuṇeyye sati. Ñāṇe hi aparipakke ye tena paripakkena pahātabbakilesā, te na pahīyanti. Taṃ sandhāyāha ‘‘sati vā upādisese’’ti. Sati ca kilese khandhābhisaṅkhārā tiṭṭhanti eva. Iti imasmiṃ sutte anāgāmiphalaṃ arahattanti dve dhammā dassitā. Yathā cettha, evaṃ ito paresu dvīsu suttesu.
г̇аат̇аасу яз санд̇ажид̇д̇аад̇и яз яог̇ааважараа д̇ад̣̇ан̇г̇авасзна вигкамбханавасзва жа самид̇агилзсад̇ааяа санд̇ажид̇д̇аа. нзбаггам̣ вужжад̇и бан̃н̃аа, д̇ааяа саманнааг̇ад̇ад̇д̇аа нибагаа. иминаа д̇зсам̣ гаммадтаанабарихаран̣ан̃аан̣ам̣ д̣̇ассзд̇и. сад̇иманд̇о жа жхааяинод̇и таананисаж̇ж̇аад̣̇ийсу гаммадтаанаавиж̇аханахзд̇убхууд̇ааяа сад̇ияаа сад̇иманд̇о, аарамман̣уубаниж̇жхааналагкан̣зна жхаанзна жхааяино. саммаа д̇хаммам̣ вибассанд̇и, гаамзсу анабзгкинод̇и буб̣б̣зязва ‘‘адтиган̇галуубамаа гаамаа’’д̇иаад̣̇инаа (ма. ни. 1.234; баажи. 417) вад̇т̇угаамзсу гилзсагаамзсу жа аад̣̇ийнавабажжавзгкан̣зна анабзгкино анад̇т̇игаа д̇з бахааяа ад̇хиг̇ад̇ам̣ убажаарасамаад̇хим̣ аббанаасамаад̇хим̣ ваа баад̣̇агам̣ гад̇ваа наамаруубам̣ д̇асса бажжаяз жа бариг̇г̇ахзд̇ваа галаабасаммасанаад̣̇иггамзна саммаа авибарийд̇ам̣ бан̃жагканд̇хад̇хаммам̣ анижжаад̣̇ид̇о вибассанд̇и.
Gāthāsu ye santacittāti ye yogāvacarā tadaṅgavasena vikkhambhanavaseva ca samitakilesatāya santacittā. Nepakkaṃ vuccati paññā, tāya samannāgatattā nipakā. Iminā tesaṃ kammaṭṭhānapariharaṇañāṇaṃ dasseti. Satimantoca jhāyinoti ṭhānanisajjādīsu kammaṭṭhānāvijahanahetubhūtāya satiyā satimanto, ārammaṇūpanijjhānalakkhaṇena jhānena jhāyino. Sammā dhammaṃ vipassanti, kāmesu anapekkhinoti pubbeyeva ‘‘aṭṭhikaṅkalūpamā kāmā’’tiādinā (ma. ni. 1.234; pāci. 417) vatthukāmesu kilesakāmesu ca ādīnavapaccavekkhaṇena anapekkhino anatthikā te pahāya adhigataṃ upacārasamādhiṃ appanāsamādhiṃ vā pādakaṃ katvā nāmarūpaṃ tassa paccaye ca pariggahetvā kalāpasammasanādikkamena sammā aviparītaṃ pañcakkhandhadhammaṃ aniccādito vipassanti.
аббамаад̣̇арад̇аад̇и вуд̇д̇аббагаарааяа самат̇авибассанаабхааванааяа аббамаж̇ж̇анз рад̇аа абхирад̇аа д̇ад̇т̇а аббамаад̣̇знзва рад̇д̇инд̣̇ивам̣ вийд̇инаамзнд̇аа. санд̇аад̇и самаанаа. ‘‘сад̇д̇аа’’д̇иби баато, буг̇г̇алаад̇и ад̇т̇о. бамаад̣̇з бхаяад̣̇ассинод̇и нираяуубабад̇д̇иаад̣̇игам̣ бамаад̣̇з бхаяам̣ бассанд̇аа. абхаб̣б̣аа барихаанааяаад̇и д̇з зваруубаа самат̇авибассанаад̇хаммзхи маг̇г̇апалзхи ваа барихаанааяа абхаб̣б̣аа. самат̇авибассанаад̇о хи самбад̇д̇ад̇о на барихааяанд̇и, ид̇араани жа аббад̇д̇аани баабун̣анд̇и. ниб̣б̣аанассзва санд̇игзд̇и ниб̣б̣аанасса жа анубаад̣̇аабариниб̣б̣аанасса жа санд̇игз зва, на жирассзва нам̣ ад̇хиг̇амиссанд̇ийд̇и.
Appamādaratāti vuttappakārāya samathavipassanābhāvanāya appamajjane ratā abhiratā tattha appamādeneva rattindivaṃ vītināmentā. Santāti samānā. ‘‘Sattā’’tipi pāṭho, puggalāti attho. Pamāde bhayadassinoti nirayūpapattiādikaṃ pamāde bhayaṃ passantā. Abhabbā parihānāyāti te evarūpā samathavipassanādhammehi maggaphalehi vā parihānāya abhabbā. Samathavipassanāto hi sampattato na parihāyanti, itarāni ca appattāni pāpuṇanti. Nibbānasseva santiketi nibbānassa ca anupādāparinibbānassa ca santike eva, na cirasseva naṃ adhigamissantīti.
адтамасуд̇д̇аван̣н̣анаа нидтид̇аа.
Aṭṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 8. бадисаллаанасуд̇д̇ам̣ • 8. Paṭisallānasuttaṃ
