| Library / Tipiṭaka / ਤਿਪਿਟਕ • Tipiṭaka / ਇਤਿવੁਤ੍ਤਕ-ਅਟ੍ਠਕਥਾ • Itivuttaka-aṭṭhakathā |
੮. ਪਟਿਸਲ੍ਲਾਨਸੁਤ੍ਤવਣ੍ਣਨਾ
8. Paṭisallānasuttavaṇṇanā
੪੫. ਅਟ੍ਠਮੇ ਪਟਿਸਲ੍ਲਾਨਰਾਮਾਤਿ ਤੇਹਿ ਤੇਹਿ ਸਤ੍ਤਸਙ੍ਖਾਰੇਹਿ ਪਟਿਨਿવਤ੍ਤਿਤ੍વਾ ਸਲ੍ਲਾਨਂ ਪਟਿਸਲ੍ਲਾਨਂ, ਏਕવਿਹਾਰੋ ਏਕਮਨ੍ਤਸੇવਿਤਾ, ਕਾਯવਿવੇਕੋਤਿ ਅਤ੍ਥੋ। ਤਂ ਪਟਿਸਲ੍ਲਾਨਂ ਰਮਨ੍ਤਿ ਰੋਚਨ੍ਤੀਤਿ ਪਟਿਸਲ੍ਲਾਨਰਾਮਾ। ‘‘ਪਟਿਸਲ੍ਲਾਨਾਰਾਮਾ’’ਤਿਪਿ ਪਾਠੋ। ਯਥਾ વੁਤ੍ਤਂ ਪਟਿਸਲ੍ਲਾਨਂ ਆਰਮਿਤਬ੍ਬਤੋ ਆਰਾਮੋ ਏਤੇਸਨ੍ਤਿ ਪਟਿਸਲ੍ਲਾਨਾਰਾਮਾ। વਿਹਰਥਾਤਿ ਏવਂਭੂਤਾ ਹੁਤ੍વਾ વਿਹਰਥਾਤਿ ਅਤ੍ਥੋ। ਪਟਿਸਲ੍ਲਾਨੇ ਰਤਾ ਨਿਰਤਾ ਸਮ੍ਮੁਦਿਤਾਤਿ ਪਟਿਸਲ੍ਲਾਨਰਤਾ। ਏਤ੍ਤਾવਤਾ ਜਾਗਰਿਯਾਨੁਯੋਗੋ, ਤਸ੍ਸ ਨਿਮਿਤ੍ਤਭੂਤਾ વੂਪਕਟ੍ਠਕਾਯਤਾ ਚ ਦਸ੍ਸਿਤਾ। ਜਾਗਰਿਯਾਨੁਯੋਗੋ, ਸੀਲਸਂવਰੋ, ਇਨ੍ਦ੍ਰਿਯੇਸੁ, ਗੁਤ੍ਤਦ੍વਾਰਤਾ, ਭੋਜਨੇ ਮਤ੍ਤਞ੍ਞੁਤਾ, ਸਤਿਸਮ੍ਪਜਞ੍ਞਨ੍ਤਿ ਇਮੇਹਿ ਧਮ੍ਮੇਹਿ વਿਨਾ ਨ વਤ੍ਤਤੀਤਿ ਤੇਪਿ ਇਧ ਅਤ੍ਥਤੋ વੁਤ੍ਤਾ ਏવਾਤਿ વੇਦਿਤਬ੍ਬਾ।
45. Aṭṭhame paṭisallānarāmāti tehi tehi sattasaṅkhārehi paṭinivattitvā sallānaṃ paṭisallānaṃ, ekavihāro ekamantasevitā, kāyavivekoti attho. Taṃ paṭisallānaṃ ramanti rocantīti paṭisallānarāmā. ‘‘Paṭisallānārāmā’’tipi pāṭho. Yathā vuttaṃ paṭisallānaṃ āramitabbato ārāmo etesanti paṭisallānārāmā. Viharathāti evaṃbhūtā hutvā viharathāti attho. Paṭisallāne ratā niratā sammuditāti paṭisallānaratā. Ettāvatā jāgariyānuyogo, tassa nimittabhūtā vūpakaṭṭhakāyatā ca dassitā. Jāgariyānuyogo, sīlasaṃvaro, indriyesu, guttadvāratā, bhojane mattaññutā, satisampajaññanti imehi dhammehi vinā na vattatīti tepi idha atthato vuttā evāti veditabbā.
ਅਜ੍ਝਤ੍ਤਂ ਚੇਤੋਸਮਥਮਨੁਯੁਤ੍ਤਾਤਿ ਅਤ੍ਤਨੋ ਚਿਤ੍ਤਸਮਥੇ ਅਨੁਯੁਤ੍ਤਾ। ਅਜ੍ਝਤ੍ਤਂ ਅਤ੍ਤਨੋਤਿ ਚ ਏਤਂ ਏਕਤ੍ਥਂ, ਬ੍ਯਞ੍ਜਨਮੇવ ਨਾਨਂ। ਭੁਮ੍ਮਤ੍ਥੇ ਚੇਤਂ ਸਮਥਨ੍ਤਿ ਅਨੁਸਦ੍ਦਯੋਗੇਨ ਉਪਯੋਗવਚਨਂ। ਅਨਿਰਾਕਤਜ੍ਝਾਨਾਤਿ ਬਹਿ ਅਨੀਹਤਜ੍ਝਾਨਾ ਅવਿਨਾਸਿਤਜ੍ਝਾਨਾ વਾ। ਨੀਹਰਣਂ વਿਨਾਸੋ વਾਤਿ ਇਦਂ ਨਿਰਾਕਤਂ ਨਾਮ ‘‘ਥਮ੍ਭਂ ਨਿਰਂਕਤ੍વਾ ਨਿવਾਤવੁਤ੍ਤੀ’’ਤਿਆਦੀਸੁ (ਸੁ॰ ਨਿ॰ ੩੨੮) વਿਯ। વਿਪਸ੍ਸਨਾਯ ਸਮਨ੍ਨਾਗਤਾਤਿ ਸਤ੍ਤવਿਧਾਯ ਅਨੁਪਸ੍ਸਨਾਯ ਯੁਤ੍ਤਾ। ਸਤ੍ਤવਿਧਾ ਅਨੁਪਸ੍ਸਨਾ ਨਾਮ ਅਨਿਚ੍ਚਾਨੁਪਸ੍ਸਨਾ, ਦੁਕ੍ਖਾਨੁਪਸ੍ਸਨਾ, ਅਨਤ੍ਤਾਨੁਪਸ੍ਸਨਾ, ਨਿਬ੍ਬਿਦਾਨੁਪਸ੍ਸਨਾ, વਿਰਾਗਾਨੁਪਸ੍ਸਨਾ, ਨਿਰੋਧਾਨੁਪਸ੍ਸਨਾ, ਪਟਿਨਿਸ੍ਸਗ੍ਗਾਨੁਪਸ੍ਸਨਾ ਚ, ਤਾ વਿਸੁਦ੍ਧਿਮਗ੍ਗੇ વਿਤ੍ਥਾਰਿਤਾવ।
Ajjhattaṃ cetosamathamanuyuttāti attano cittasamathe anuyuttā. Ajjhattaṃ attanoti ca etaṃ ekatthaṃ, byañjanameva nānaṃ. Bhummatthe cetaṃ samathanti anusaddayogena upayogavacanaṃ. Anirākatajjhānāti bahi anīhatajjhānā avināsitajjhānā vā. Nīharaṇaṃ vināso vāti idaṃ nirākataṃ nāma ‘‘thambhaṃ niraṃkatvā nivātavuttī’’tiādīsu (su. ni. 328) viya. Vipassanāya samannāgatāti sattavidhāya anupassanāya yuttā. Sattavidhā anupassanā nāma aniccānupassanā, dukkhānupassanā, anattānupassanā, nibbidānupassanā, virāgānupassanā, nirodhānupassanā, paṭinissaggānupassanā ca, tā visuddhimagge vitthāritāva.
ਬ੍ਰੂਹੇਤਾਰੋ ਸੁਞ੍ਞਾਗਾਰਾਨਨ੍ਤਿ વਡ੍ਢੇਤਾਰੋ ਸੁਞ੍ਞਾਗਾਰਾਨਂ। ਏਤ੍ਥ ਚ ‘‘ਸੁਞ੍ਞਾਗਾਰਾਨ’’ਨ੍ਤਿ ਯਂਕਿਞ੍ਚਿ વਿવਿਤ੍ਤਂ ਭਾવਨਾਨੁਯੋਗਸ੍ਸ ਅਨੁਚ੍ਛવਿਕਟ੍ਠਾਨਂ। ਸਮਥવਿਪਸ੍ਸਨਾવਸੇਨ ਕਮ੍ਮਟ੍ਠਾਨਂ ਗਹੇਤ੍વਾ ਰਤ੍ਤਿਨ੍ਦਿવਂ ਸੁਞ੍ਞਾਗਾਰਂ ਪવਿਸਿਤ੍વਾ ਭਾવਨਾਨੁਯੋਗવਸੇਨ ਨਿਸੀਦਮਾਨਾ ਭਿਕ੍ਖੂ ‘‘ਬ੍ਰੂਹੇਤਾਰੋ ਸੁਞ੍ਞਾਗਾਰਾਨ’’ਨ੍ਤਿ વੇਦਿਤਬ੍ਬਾ। ਏਕਭੂਮਿਕਾਦਿਪਾਸਾਦੇਪਿ ਪਨ વਾਸਂ ਕੁਰੁਮਾਨਾ ਝਾਯਿਨੋ ਸੁਞ੍ਞਾਗਾਰਾਨਂ ਬ੍ਰੂਹੇਤਾਰੋਤ੍વੇવ વੇਦਿਤਬ੍ਬਾ।
Brūhetāro suññāgārānanti vaḍḍhetāro suññāgārānaṃ. Ettha ca ‘‘suññāgārāna’’nti yaṃkiñci vivittaṃ bhāvanānuyogassa anucchavikaṭṭhānaṃ. Samathavipassanāvasena kammaṭṭhānaṃ gahetvā rattindivaṃ suññāgāraṃ pavisitvā bhāvanānuyogavasena nisīdamānā bhikkhū ‘‘brūhetāro suññāgārāna’’nti veditabbā. Ekabhūmikādipāsādepi pana vāsaṃ kurumānā jhāyino suññāgārānaṃ brūhetārotveva veditabbā.
ਏਤ੍ਥ ਚ ਯਾ ‘‘ਪਟਿਸਲ੍ਲਾਨਰਾਮਾ, ਭਿਕ੍ਖવੇ, વਿਹਰਥ ਪਟਿਸਲ੍ਲਾਨਰਤਾ’’ਤਿ વੂਪਕਟ੍ਠਕਾਯਤਾ વਿਹਿਤਾ, ਸਾ ਪਰਿਸੁਦ੍ਧਸੀਲਸ੍ਸ, ਨ ਅਸੀਲਸ੍ਸ ਅવਿਸੁਦ੍ਧਸੀਲਸ੍ਸ વਾ ਤਸ੍ਸ ਰੂਪਾਰਮ੍ਮਣਾਦਿਤੋ ਚਿਤ੍ਤવਿਨਿવਤ੍ਤਨਸ੍ਸੇવ ਅਭਾવਤੋਤਿ ਅਤ੍ਥਤੋ ਸੀਲવਿਸੁਦ੍ਧਿ ਦਸ੍ਸਿਤਾਤਿ વੁਤ੍ਤੋવਾਯਮਤ੍ਥੋ। ‘‘ਅਜ੍ਝਤ੍ਤਂ ਚੇਤੋਸਮਥਮਨੁਯੁਤ੍ਤਾ ਅਨਿਰਾਕਤਜ੍ਝਾਨਾ’’ਤਿ ਪਦਦ੍વਯੇਨ ਸਮਾਧਿਭਾવਨਾ, ‘‘વਿਪਸ੍ਸਨਾਯ ਸਮਨ੍ਨਾਗਤਾ’’ਤਿ ਇਮਿਨਾ ਪਞ੍ਞਾਭਾવਨਾ વਿਹਿਤਾਤਿ ਲੋਕਿਯਾ ਤਿਸ੍ਸੋ ਸਿਕ੍ਖਾ ਦਸ੍ਸਿਤਾ।
Ettha ca yā ‘‘paṭisallānarāmā, bhikkhave, viharatha paṭisallānaratā’’ti vūpakaṭṭhakāyatā vihitā, sā parisuddhasīlassa, na asīlassa avisuddhasīlassa vā tassa rūpārammaṇādito cittavinivattanasseva abhāvatoti atthato sīlavisuddhi dassitāti vuttovāyamattho. ‘‘Ajjhattaṃ cetosamathamanuyuttā anirākatajjhānā’’ti padadvayena samādhibhāvanā, ‘‘vipassanāya samannāgatā’’ti iminā paññābhāvanā vihitāti lokiyā tisso sikkhā dassitā.
ਇਦਾਨਿ ਤਾਸੁ ਪਤਿਟ੍ਠਿਤਸ੍ਸ ਅવਸ੍ਸਂਭਾવਿਫਲਂ ਦਸ੍ਸੇਤੁਂ ‘‘ਪਟਿਸਲ੍ਲਾਨਰਾਮਾਨ’’ਨ੍ਤਿਆਦਿ વੁਤ੍ਤਂ। ਤਤ੍ਥ ਬ੍ਰੂਹੇਤਾਨਨ੍ਤਿ વਡ੍ਢੇਤਾਨਂ। ਦ੍વਿਨ੍ਨਂ ਫਲਾਨਨ੍ਤਿ ਤਤਿਯਚਤੁਤ੍ਥਫਲਾਨਂ। ਪਾਟਿਕਙ੍ਖਨ੍ਤਿ ਇਚ੍ਛਿਤਬ੍ਬਂ ਅવਸ੍ਸਂਭਾવੀ। ਅਞ੍ਞਾਤਿ ਅਰਹਤ੍ਤਂ। ਤਞ੍ਹਿ ਹੇਟ੍ਠਿਮਮਗ੍ਗਞਾਣੇਹਿ ਞਾਤਮਰਿਯਾਦਂ ਅਨਤਿਕ੍ਕਮਿਤ੍વਾ ਜਾਨਨਤੋ ਪਰਿਪੁਣ੍ਣਜਾਨਨਤ੍ਤਾ ਉਪਰਿ ਜਾਨਨਕਿਚ੍ਚਾਭਾવਤੋ ਚ ‘‘ਅਞ੍ਞਾ’’ਤਿ વੁਚ੍ਚਤਿ। ਸਤਿ વਾ ਉਪਾਦਿਸੇਸੇਤਿ ਸਤਿ વਾ ਕਿਲੇਸੂਪਾਦਿਸੇਸੇ, ਪਹਾਤੁਂ ਅਸਕ੍ਕੁਣੇਯ੍ਯੇ ਸਤਿ। ਞਾਣੇ ਹਿ ਅਪਰਿਪਕ੍ਕੇ ਯੇ ਤੇਨ ਪਰਿਪਕ੍ਕੇਨ ਪਹਾਤਬ੍ਬਕਿਲੇਸਾ, ਤੇ ਨ ਪਹੀਯਨ੍ਤਿ। ਤਂ ਸਨ੍ਧਾਯਾਹ ‘‘ਸਤਿ વਾ ਉਪਾਦਿਸੇਸੇ’’ਤਿ। ਸਤਿ ਚ ਕਿਲੇਸੇ ਖਨ੍ਧਾਭਿਸਙ੍ਖਾਰਾ ਤਿਟ੍ਠਨ੍ਤਿ ਏવ। ਇਤਿ ਇਮਸ੍ਮਿਂ ਸੁਤ੍ਤੇ ਅਨਾਗਾਮਿਫਲਂ ਅਰਹਤ੍ਤਨ੍ਤਿ ਦ੍વੇ ਧਮ੍ਮਾ ਦਸ੍ਸਿਤਾ। ਯਥਾ ਚੇਤ੍ਥ, ਏવਂ ਇਤੋ ਪਰੇਸੁ ਦ੍વੀਸੁ ਸੁਤ੍ਤੇਸੁ।
Idāni tāsu patiṭṭhitassa avassaṃbhāviphalaṃ dassetuṃ ‘‘paṭisallānarāmāna’’ntiādi vuttaṃ. Tattha brūhetānanti vaḍḍhetānaṃ. Dvinnaṃ phalānanti tatiyacatutthaphalānaṃ. Pāṭikaṅkhanti icchitabbaṃ avassaṃbhāvī. Aññāti arahattaṃ. Tañhi heṭṭhimamaggañāṇehi ñātamariyādaṃ anatikkamitvā jānanato paripuṇṇajānanattā upari jānanakiccābhāvato ca ‘‘aññā’’ti vuccati. Sati vā upādiseseti sati vā kilesūpādisese, pahātuṃ asakkuṇeyye sati. Ñāṇe hi aparipakke ye tena paripakkena pahātabbakilesā, te na pahīyanti. Taṃ sandhāyāha ‘‘sati vā upādisese’’ti. Sati ca kilese khandhābhisaṅkhārā tiṭṭhanti eva. Iti imasmiṃ sutte anāgāmiphalaṃ arahattanti dve dhammā dassitā. Yathā cettha, evaṃ ito paresu dvīsu suttesu.
ਗਾਥਾਸੁ ਯੇ ਸਨ੍ਤਚਿਤ੍ਤਾਤਿ ਯੇ ਯੋਗਾવਚਰਾ ਤਦਙ੍ਗવਸੇਨ વਿਕ੍ਖਮ੍ਭਨવਸੇવ ਚ ਸਮਿਤਕਿਲੇਸਤਾਯ ਸਨ੍ਤਚਿਤ੍ਤਾ। ਨੇਪਕ੍ਕਂ વੁਚ੍ਚਤਿ ਪਞ੍ਞਾ, ਤਾਯ ਸਮਨ੍ਨਾਗਤਤ੍ਤਾ ਨਿਪਕਾ। ਇਮਿਨਾ ਤੇਸਂ ਕਮ੍ਮਟ੍ਠਾਨਪਰਿਹਰਣਞਾਣਂ ਦਸ੍ਸੇਤਿ। ਸਤਿਮਨ੍ਤੋ ਚ ਝਾਯਿਨੋਤਿ ਠਾਨਨਿਸਜ੍ਜਾਦੀਸੁ ਕਮ੍ਮਟ੍ਠਾਨਾવਿਜਹਨਹੇਤੁਭੂਤਾਯ ਸਤਿਯਾ ਸਤਿਮਨ੍ਤੋ, ਆਰਮ੍ਮਣੂਪਨਿਜ੍ਝਾਨਲਕ੍ਖਣੇਨ ਝਾਨੇਨ ਝਾਯਿਨੋ। ਸਮ੍ਮਾ ਧਮ੍ਮਂ વਿਪਸ੍ਸਨ੍ਤਿ, ਕਾਮੇਸੁ ਅਨਪੇਕ੍ਖਿਨੋਤਿ ਪੁਬ੍ਬੇਯੇવ ‘‘ਅਟ੍ਠਿਕਙ੍ਕਲੂਪਮਾ ਕਾਮਾ’’ਤਿਆਦਿਨਾ (ਮ॰ ਨਿ॰ ੧.੨੩੪; ਪਾਚਿ॰ ੪੧੭) વਤ੍ਥੁਕਾਮੇਸੁ ਕਿਲੇਸਕਾਮੇਸੁ ਚ ਆਦੀਨવਪਚ੍ਚવੇਕ੍ਖਣੇਨ ਅਨਪੇਕ੍ਖਿਨੋ ਅਨਤ੍ਥਿਕਾ ਤੇ ਪਹਾਯ ਅਧਿਗਤਂ ਉਪਚਾਰਸਮਾਧਿਂ ਅਪ੍ਪਨਾਸਮਾਧਿਂ વਾ ਪਾਦਕਂ ਕਤ੍વਾ ਨਾਮਰੂਪਂ ਤਸ੍ਸ ਪਚ੍ਚਯੇ ਚ ਪਰਿਗ੍ਗਹੇਤ੍વਾ ਕਲਾਪਸਮ੍ਮਸਨਾਦਿਕ੍ਕਮੇਨ ਸਮ੍ਮਾ ਅવਿਪਰੀਤਂ ਪਞ੍ਚਕ੍ਖਨ੍ਧਧਮ੍ਮਂ ਅਨਿਚ੍ਚਾਦਿਤੋ વਿਪਸ੍ਸਨ੍ਤਿ।
Gāthāsu ye santacittāti ye yogāvacarā tadaṅgavasena vikkhambhanavaseva ca samitakilesatāya santacittā. Nepakkaṃ vuccati paññā, tāya samannāgatattā nipakā. Iminā tesaṃ kammaṭṭhānapariharaṇañāṇaṃ dasseti. Satimantoca jhāyinoti ṭhānanisajjādīsu kammaṭṭhānāvijahanahetubhūtāya satiyā satimanto, ārammaṇūpanijjhānalakkhaṇena jhānena jhāyino. Sammā dhammaṃ vipassanti, kāmesu anapekkhinoti pubbeyeva ‘‘aṭṭhikaṅkalūpamā kāmā’’tiādinā (ma. ni. 1.234; pāci. 417) vatthukāmesu kilesakāmesu ca ādīnavapaccavekkhaṇena anapekkhino anatthikā te pahāya adhigataṃ upacārasamādhiṃ appanāsamādhiṃ vā pādakaṃ katvā nāmarūpaṃ tassa paccaye ca pariggahetvā kalāpasammasanādikkamena sammā aviparītaṃ pañcakkhandhadhammaṃ aniccādito vipassanti.
ਅਪ੍ਪਮਾਦਰਤਾਤਿ વੁਤ੍ਤਪ੍ਪਕਾਰਾਯ ਸਮਥવਿਪਸ੍ਸਨਾਭਾવਨਾਯ ਅਪ੍ਪਮਜ੍ਜਨੇ ਰਤਾ ਅਭਿਰਤਾ ਤਤ੍ਥ ਅਪ੍ਪਮਾਦੇਨੇવ ਰਤ੍ਤਿਨ੍ਦਿવਂ વੀਤਿਨਾਮੇਨ੍ਤਾ। ਸਨ੍ਤਾਤਿ ਸਮਾਨਾ। ‘‘ਸਤ੍ਤਾ’’ਤਿਪਿ ਪਾਠੋ, ਪੁਗ੍ਗਲਾਤਿ ਅਤ੍ਥੋ। ਪਮਾਦੇ ਭਯਦਸ੍ਸਿਨੋਤਿ ਨਿਰਯੂਪਪਤ੍ਤਿਆਦਿਕਂ ਪਮਾਦੇ ਭਯਂ ਪਸ੍ਸਨ੍ਤਾ। ਅਭਬ੍ਬਾ ਪਰਿਹਾਨਾਯਾਤਿ ਤੇ ਏવਰੂਪਾ ਸਮਥવਿਪਸ੍ਸਨਾਧਮ੍ਮੇਹਿ ਮਗ੍ਗਫਲੇਹਿ વਾ ਪਰਿਹਾਨਾਯ ਅਭਬ੍ਬਾ। ਸਮਥવਿਪਸ੍ਸਨਾਤੋ ਹਿ ਸਮ੍ਪਤ੍ਤਤੋ ਨ ਪਰਿਹਾਯਨ੍ਤਿ, ਇਤਰਾਨਿ ਚ ਅਪ੍ਪਤ੍ਤਾਨਿ ਪਾਪੁਣਨ੍ਤਿ। ਨਿਬ੍ਬਾਨਸ੍ਸੇવ ਸਨ੍ਤਿਕੇਤਿ ਨਿਬ੍ਬਾਨਸ੍ਸ ਚ ਅਨੁਪਾਦਾਪਰਿਨਿਬ੍ਬਾਨਸ੍ਸ ਚ ਸਨ੍ਤਿਕੇ ਏવ, ਨ ਚਿਰਸ੍ਸੇવ ਨਂ ਅਧਿਗਮਿਸ੍ਸਨ੍ਤੀਤਿ।
Appamādaratāti vuttappakārāya samathavipassanābhāvanāya appamajjane ratā abhiratā tattha appamādeneva rattindivaṃ vītināmentā. Santāti samānā. ‘‘Sattā’’tipi pāṭho, puggalāti attho. Pamāde bhayadassinoti nirayūpapattiādikaṃ pamāde bhayaṃ passantā. Abhabbā parihānāyāti te evarūpā samathavipassanādhammehi maggaphalehi vā parihānāya abhabbā. Samathavipassanāto hi sampattato na parihāyanti, itarāni ca appattāni pāpuṇanti. Nibbānasseva santiketi nibbānassa ca anupādāparinibbānassa ca santike eva, na cirasseva naṃ adhigamissantīti.
ਅਟ੍ਠਮਸੁਤ੍ਤવਣ੍ਣਨਾ ਨਿਟ੍ਠਿਤਾ।
Aṭṭhamasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਇਤਿવੁਤ੍ਤਕਪਾਲ਼ਿ • Itivuttakapāḷi / ੮. ਪਟਿਸਲ੍ਲਾਨਸੁਤ੍ਤਂ • 8. Paṭisallānasuttaṃ
