| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
8. படிஸம்பி⁴தா³வாரோ
8. Paṭisambhidāvāro
37. ‘‘‘யாவதா அத்த²படிஸம்பி⁴தா³ய அத்த²படிஸம்பி⁴த³ட்டோ², ஞாதோ தி³ட்டோ² விதி³தோ ஸச்சி²கதோ ப²ஸ்ஸிதோ பஞ்ஞாய. அப²ஸ்ஸிதோ பஞ்ஞாய அத்த²படிஸம்பி⁴த³ட்டோ² நத்தீ²’தி – சக்கு²ங் உத³பாதி³…பே॰… ஆலோகோ உத³பாதி³’’. அத்த²படிஸம்பி⁴தா³ய அத்த²படிஸம்பி⁴த³ட்டே² பஞ்சவீஸதி த⁴ம்மா, பஞ்சவீஸதி அத்தா², பஞ்ஞாஸ நிருத்தியோ, ஸதங் ஞாணானி.
37. ‘‘‘Yāvatā atthapaṭisambhidāya atthapaṭisambhidaṭṭho, ñāto diṭṭho vidito sacchikato phassito paññāya. Aphassito paññāya atthapaṭisambhidaṭṭho natthī’ti – cakkhuṃ udapādi…pe… āloko udapādi’’. Atthapaṭisambhidāya atthapaṭisambhidaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
‘‘‘யாவதா த⁴ம்மபடிஸம்பி⁴தா³ய த⁴ம்மபடிஸம்பி⁴த³ட்டோ²…பே॰… யாவதா நிருத்திபடிஸம்பி⁴தா³ய நிருத்திபடிஸம்பி⁴த³ட்டோ²…பே॰… யாவதா படிபா⁴னபடிஸம்பி⁴தா³ய படிபா⁴னபடிஸம்பி⁴த³ட்டோ², ஞாதோ தி³ட்டோ² விதி³தோ ஸச்சி²கதோ ப²ஸ்ஸிதோ பஞ்ஞாய. அப²ஸ்ஸிதோ பஞ்ஞாய படிபா⁴னபடிஸம்பி⁴த³ட்டோ² நத்தீ²’தி – சக்கு²ங் உத³பாதி³ …பே॰… ஆலோகோ உத³பாதி³’’. படிபா⁴னபடிஸம்பி⁴த³ட்டே² பஞ்சவீஸதி த⁴ம்மா, பஞ்சவீஸதி அத்தா², பஞ்ஞாஸ நிருத்தியோ, ஸதங் ஞாணானி.
‘‘‘Yāvatā dhammapaṭisambhidāya dhammapaṭisambhidaṭṭho…pe… yāvatā niruttipaṭisambhidāya niruttipaṭisambhidaṭṭho…pe… yāvatā paṭibhānapaṭisambhidāya paṭibhānapaṭisambhidaṭṭho, ñāto diṭṭho vidito sacchikato phassito paññāya. Aphassito paññāya paṭibhānapaṭisambhidaṭṭho natthī’ti – cakkhuṃ udapādi …pe… āloko udapādi’’. Paṭibhānapaṭisambhidaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
சதூஸு படிஸம்பி⁴தா³ஸு ஸதங் த⁴ம்மா, ஸதங் அத்தா², த்³வே நிருத்திஸதானி, சத்தாரி ஞாணஸதானி.
Catūsu paṭisambhidāsu sataṃ dhammā, sataṃ atthā, dve niruttisatāni, cattāri ñāṇasatāni.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / 4-8. ஸத்தபோ³தி⁴ஸத்தவாராதி³வண்ணனா • 4-8. Sattabodhisattavārādivaṇṇanā
