| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi |
੪. ਪਟਿਸਾਰਣੀਯਕਮ੍ਮਂ
4. Paṭisāraṇīyakammaṃ
੩੩. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਸੁਧਮ੍ਮੋ ਮਚ੍ਛਿਕਾਸਣ੍ਡੇ ਚਿਤ੍ਤਸ੍ਸ ਗਹਪਤਿਨੋ ਆવਾਸਿਕੋ ਹੋਤਿ, ਨવਕਮ੍ਮਿਕੋ ਧੁવਭਤ੍ਤਿਕੋ। ਯਦਾ ਚਿਤ੍ਤੋ ਗਹਪਤਿ ਸਙ੍ਘਂ વਾ ਗਣਂ વਾ ਪੁਗ੍ਗਲਂ વਾ ਨਿਮਨ੍ਤੇਤੁਕਾਮੋ ਹੋਤਿ ਤਦਾ ਨ ਆਯਸ੍ਮਨ੍ਤਂ ਸੁਧਮ੍ਮਂ ਅਨਪਲੋਕੇਤ੍વਾ ਸਙ੍ਘਂ વਾ ਗਣਂ વਾ ਪੁਗ੍ਗਲਂ વਾ ਨਿਮਨ੍ਤੇਤਿ।
33. Tena kho pana samayena āyasmā sudhammo macchikāsaṇḍe cittassa gahapatino āvāsiko hoti, navakammiko dhuvabhattiko. Yadā citto gahapati saṅghaṃ vā gaṇaṃ vā puggalaṃ vā nimantetukāmo hoti tadā na āyasmantaṃ sudhammaṃ anapaloketvā saṅghaṃ vā gaṇaṃ vā puggalaṃ vā nimanteti.
ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਥੇਰਾ ਭਿਕ੍ਖੂ, ਆਯਸ੍ਮਾ ਚ ਸਾਰਿਪੁਤ੍ਤੋ, ਆਯਸ੍ਮਾ ਚ ਮਹਾਮੋਗ੍ਗਲ੍ਲਾਨੋ, ਆਯਸ੍ਮਾ ਚ ਮਹਾਕਚ੍ਚਾਨੋ, ਆਯਸ੍ਮਾ ਚ ਮਹਾਕੋਟ੍ਠਿਕੋ , ਆਯਸ੍ਮਾ ਚ ਮਹਾਕਪ੍ਪਿਨੋ, ਆਯਸ੍ਮਾ ਚ ਮਹਾਚੁਨ੍ਦੋ, ਆਯਸ੍ਮਾ ਚ ਅਨੁਰੁਦ੍ਧੋ, ਆਯਸ੍ਮਾ ਚ ਰੇવਤੋ, ਆਯਸ੍ਮਾ ਚ ਉਪਾਲਿ, ਆਯਸ੍ਮਾ ਚ ਆਨਨ੍ਦੋ, ਆਯਸ੍ਮਾ ਚ ਰਾਹੁਲੋ, ਕਾਸੀਸੁ ਚਾਰਿਕਂ ਚਰਮਾਨਾ ਯੇਨ ਮਚ੍ਛਿਕਾਸਣ੍ਡੋ ਤਦવਸਰੁਂ।
Tena kho pana samayena sambahulā therā bhikkhū, āyasmā ca sāriputto, āyasmā ca mahāmoggallāno, āyasmā ca mahākaccāno, āyasmā ca mahākoṭṭhiko , āyasmā ca mahākappino, āyasmā ca mahācundo, āyasmā ca anuruddho, āyasmā ca revato, āyasmā ca upāli, āyasmā ca ānando, āyasmā ca rāhulo, kāsīsu cārikaṃ caramānā yena macchikāsaṇḍo tadavasaruṃ.
ਅਸ੍ਸੋਸਿ ਖੋ ਚਿਤ੍ਤੋ ਗਹਪਤਿ ਥੇਰਾ ਕਿਰ ਭਿਕ੍ਖੂ ਮਚ੍ਛਿਕਾਸਣ੍ਡਂ ਅਨੁਪ੍ਪਤ੍ਤਾਤਿ। ਅਥ ਖੋ ਚਿਤ੍ਤੋ ਗਹਪਤਿ ਯੇਨ ਥੇਰਾ ਭਿਕ੍ਖੂ ਤੇਨੁਪਸਙ੍ਕਮਿ , ਉਪਸਙ੍ਕਮਿਤ੍વਾ ਥੇਰੇ ਭਿਕ੍ਖੂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨਂ ਖੋ ਚਿਤ੍ਤਂ ਗਹਪਤਿਂ ਆਯਸ੍ਮਾ ਸਾਰਿਪੁਤ੍ਤੋ ਧਮ੍ਮਿਯਾ ਕਥਾਯ ਸਨ੍ਦਸ੍ਸੇਸਿ ਸਮਾਦਪੇਸਿ ਸਮੁਤ੍ਤੇਜੇਸਿ ਸਮ੍ਪਹਂਸੇਸਿ।
Assosi kho citto gahapati therā kira bhikkhū macchikāsaṇḍaṃ anuppattāti. Atha kho citto gahapati yena therā bhikkhū tenupasaṅkami , upasaṅkamitvā there bhikkhū abhivādetvā ekamantaṃ nisīdi. Ekamantaṃ nisinnaṃ kho cittaṃ gahapatiṃ āyasmā sāriputto dhammiyā kathāya sandassesi samādapesi samuttejesi sampahaṃsesi.
ਅਥ ਖੋ ਚਿਤ੍ਤੋ ਗਹਪਤਿ ਆਯਸ੍ਮਤਾ ਸਾਰਿਪੁਤ੍ਤੇਨ ਧਮ੍ਮਿਯਾ ਕਥਾਯ ਸਨ੍ਦਸ੍ਸਿਤੋ ਸਮਾਦਪਿਤੋ ਸਮੁਤ੍ਤੇਜਿਤੋ ਸਮ੍ਪਹਂਸਿਤੋ ਥੇਰੇ ਭਿਕ੍ਖੂ ਏਤਦવੋਚ – ‘‘ਅਧਿવਾਸੇਨ੍ਤੁ ਮੇ, ਭਨ੍ਤੇ, ਥੇਰਾ ਸ੍વਾਤਨਾਯ ਆਗਨ੍ਤੁਕਭਤ੍ਤ’’ਨ੍ਤਿ। ਅਧਿવਾਸੇਸੁਂ ਖੋ ਥੇਰਾ ਭਿਕ੍ਖੂ 1 ਤੁਣ੍ਹੀਭਾવੇਨ।
Atha kho citto gahapati āyasmatā sāriputtena dhammiyā kathāya sandassito samādapito samuttejito sampahaṃsito there bhikkhū etadavoca – ‘‘adhivāsentu me, bhante, therā svātanāya āgantukabhatta’’nti. Adhivāsesuṃ kho therā bhikkhū 2 tuṇhībhāvena.
ਅਥ ਖੋ ਚਿਤ੍ਤੋ ਗਹਪਤਿ ਥੇਰਾਨਂ ਭਿਕ੍ਖੂਨਂ ਅਧਿવਾਸਨਂ વਿਦਿਤ੍વਾ ਉਟ੍ਠਾਯਾਸਨਾ ਥੇਰੇ ਭਿਕ੍ਖੂ ਅਭਿવਾਦੇਤ੍વਾ ਪਦਕ੍ਖਿਣਂ ਕਤ੍વਾ ਯੇਨਾਯਸ੍ਮਾ ਸੁਧਮ੍ਮੋ ਤੇਨੁਪਸਙ੍ਕਮਿ, ਉਪਸਙ੍ਕਮਿਤ੍વਾ ਆਯਸ੍ਮਨ੍ਤਂ ਸੁਧਮ੍ਮਂ ਅਭਿવਾਦੇਤ੍વਾ ਏਕਮਨ੍ਤਂ ਅਟ੍ਠਾਸਿ। ਏਕਮਨ੍ਤਂ ਠਿਤੋ ਖੋ ਚਿਤ੍ਤੋ ਗਹਪਤਿ ਆਯਸ੍ਮਨ੍ਤਂ ਸੁਧਮ੍ਮਂ ਏਤਦવੋਚ – ‘‘ਅਧਿવਾਸੇਤੁ ਮੇ, ਭਨ੍ਤੇ, ਅਯ੍ਯੋ ਸੁਧਮ੍ਮੋ ਸ੍વਾਤਨਾਯ ਭਤ੍ਤਂ ਸਦ੍ਧਿਂ ਥੇਰੇਹੀ’’ਤਿ। ਅਥ ਖੋ ਆਯਸ੍ਮਾ ਸੁਧਮ੍ਮੋ ‘ਪੁਬ੍ਬੇ ਖ੍વਾਯਂ ਚਿਤ੍ਤੋ ਗਹਪਤਿ ਯਦਾ ਸਙ੍ਘਂ વਾ ਗਣਂ વਾ ਪੁਗ੍ਗਲਂ વਾ ਨਿਮਨ੍ਤੇਤੁਕਾਮੋ ਨ ਮਂ ਅਨਪਲੋਕੇਤ੍વਾ ਸਙ੍ਘਂ વਾ ਗਣਂ વਾ ਪੁਗ੍ਗਲਂ વਾ ਨਿਮਨ੍ਤੇਤਿ; ਸੋਦਾਨਿ ਮਂ ਅਨਪਲੋਕੇਤ੍વਾ ਥੇਰੇ ਭਿਕ੍ਖੂ ਨਿਮਨ੍ਤੇਸਿ; ਦੁਟ੍ਠੋਦਾਨਾਯਂ ਚਿਤ੍ਤੋ ਗਹਪਤਿ ਅਨਪੇਕ੍ਖੋ વਿਰਤ੍ਤਰੂਪੋ ਮਯੀ’ਤਿ ਚਿਤ੍ਤਂ ਗਹਪਤਿਂ ਏਤਦવੋਚ – ‘‘ਅਲਂ, ਗਹਪਤਿ, ਨਾਧਿવਾਸੇਮੀ’’ਤਿ। ਦੁਤਿਯਮ੍ਪਿ ਖੋ…ਪੇ॰… ਤਤਿਯਮ੍ਪਿ ਖੋ ਚਿਤ੍ਤੋ ਗਹਪਤਿ ਆਯਸ੍ਮਨ੍ਤਂ ਸੁਧਮ੍ਮਂ ਏਤਦવੋਚ – ‘‘ਅਧਿવਾਸੇਤੁ ਮੇ, ਭਨ੍ਤੇ, ਅਯ੍ਯੋ ਸੁਧਮ੍ਮੋ ਸ੍વਾਤਨਾਯ ਭਤ੍ਤਂ ਸਦ੍ਧਿਂ ਥੇਰੇਹੀ’’ਤਿ। ‘‘ਅਲਂ, ਗਹਪਤਿ, ਨਾਧਿવਾਸੇਮੀ’’ਤਿ। ਅਥ ਖੋ ਚਿਤ੍ਤੋ ਗਹਪਤਿ ‘ਕਿਂ ਮੇ ਕਰਿਸ੍ਸਤਿ ਅਯ੍ਯੋ ਸੁਧਮ੍ਮੋ ਅਧਿવਾਸੇਨ੍ਤੋ વਾ ਅਨਧਿવਾਸੇਨ੍ਤੋ વਾ’ਤਿ ਆਯਸ੍ਮਨ੍ਤਂ ਸੁਧਮ੍ਮਂ ਅਭਿવਾਦੇਤ੍વਾ ਪਦਕ੍ਖਿਣਂ ਕਤ੍વਾ ਪਕ੍ਕਾਮਿ।
Atha kho citto gahapati therānaṃ bhikkhūnaṃ adhivāsanaṃ viditvā uṭṭhāyāsanā there bhikkhū abhivādetvā padakkhiṇaṃ katvā yenāyasmā sudhammo tenupasaṅkami, upasaṅkamitvā āyasmantaṃ sudhammaṃ abhivādetvā ekamantaṃ aṭṭhāsi. Ekamantaṃ ṭhito kho citto gahapati āyasmantaṃ sudhammaṃ etadavoca – ‘‘adhivāsetu me, bhante, ayyo sudhammo svātanāya bhattaṃ saddhiṃ therehī’’ti. Atha kho āyasmā sudhammo ‘pubbe khvāyaṃ citto gahapati yadā saṅghaṃ vā gaṇaṃ vā puggalaṃ vā nimantetukāmo na maṃ anapaloketvā saṅghaṃ vā gaṇaṃ vā puggalaṃ vā nimanteti; sodāni maṃ anapaloketvā there bhikkhū nimantesi; duṭṭhodānāyaṃ citto gahapati anapekkho virattarūpo mayī’ti cittaṃ gahapatiṃ etadavoca – ‘‘alaṃ, gahapati, nādhivāsemī’’ti. Dutiyampi kho…pe… tatiyampi kho citto gahapati āyasmantaṃ sudhammaṃ etadavoca – ‘‘adhivāsetu me, bhante, ayyo sudhammo svātanāya bhattaṃ saddhiṃ therehī’’ti. ‘‘Alaṃ, gahapati, nādhivāsemī’’ti. Atha kho citto gahapati ‘kiṃ me karissati ayyo sudhammo adhivāsento vā anadhivāsento vā’ti āyasmantaṃ sudhammaṃ abhivādetvā padakkhiṇaṃ katvā pakkāmi.
੩੪. ਅਥ ਖੋ ਚਿਤ੍ਤੋ ਗਹਪਤਿ ਤਸ੍ਸਾ ਰਤ੍ਤਿਯਾ ਅਚ੍ਚਯੇਨ ਥੇਰਾਨਂ ਭਿਕ੍ਖੂਨਂ ਪਣੀਤਂ ਖਾਦਨੀਯਂ ਭੋਜਨੀਯਂ ਪਟਿਯਾਦਾਪੇਸਿ। ਅਥ ਖੋ ਆਯਸ੍ਮਾ ਸੁਧਮ੍ਮੋ ‘ਯਂਨੂਨਾਹਂ ਚਿਤ੍ਤਸ੍ਸ ਗਹਪਤਿਨੋ ਥੇਰਾਨਂ ਭਿਕ੍ਖੂਨਂ ਪਟਿਯਤ੍ਤਂ ਪਸ੍ਸੇਯ੍ਯ’ਨ੍ਤਿ ਪੁਬ੍ਬਣ੍ਹਸਮਯਂ ਨਿવਾਸੇਤ੍વਾ ਪਤ੍ਤਚੀવਰਮਾਦਾਯ ਯੇਨ ਚਿਤ੍ਤਸ੍ਸ ਗਹਪਤਿਨੋ ਨਿવੇਸਨਂ ਤੇਨੁਪਸਙ੍ਕਮਿ, ਉਪਸਙ੍ਕਮਿਤ੍વਾ ਪਞ੍ਞਤ੍ਤੇ ਆਸਨੇ ਨਿਸੀਦਿ। ਅਥ ਖੋ ਚਿਤ੍ਤੋ ਗਹਪਤਿ ਯੇਨਾਯਸ੍ਮਾ ਸੁਧਮ੍ਮੋ ਤੇਨੁਪਸਙ੍ਕਮਿ, ਉਪਸਙ੍ਕਮਿਤ੍વਾ ਆਯਸ੍ਮਨ੍ਤਂ ਸੁਧਮ੍ਮਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨਂ ਖੋ ਚਿਤ੍ਤਂ ਗਹਪਤਿਂ ਆਯਸ੍ਮਾ ਸੁਧਮ੍ਮੋ ਏਤਦવੋਚ – ‘‘ਪਹੂਤਂ ਖੋ ਤੇ ਇਦਂ, ਗਹਪਤਿ, ਖਾਦਨੀਯਂ ਭੋਜਨੀਯਂ ਪਟਿਯਤ੍ਤਂ; ਏਕਾ ਚ ਖੋ ਇਧ ਨਤ੍ਥਿ ਯਦਿਦਂ ਤਿਲਸਙ੍ਗੁਲ਼ਿਕਾ’’ਤਿ। ‘‘ਬਹੁਮ੍ਹਿ વਤ, ਭਨ੍ਤੇ, ਰਤਨੇ ਬੁਦ੍ਧવਚਨੇ 3 વਿਜ੍ਜਮਾਨੇ ਅਯ੍ਯੇਨ ਸੁਧਮ੍ਮੇਨ ਯਦੇવ ਕਿਞ੍ਚਿ ਭਾਸਿਤਂ ਯਦਿਦਂ ਤਿਲਸਙ੍ਗੁਲ਼ਿਕਾਤਿ। ਭੂਤਪੁਬ੍ਬਂ, ਭਨ੍ਤੇ, ਦਕ੍ਖਿਣਾਪਥਕਾ વਾਣਿਜਾ ਪੁਰਤ੍ਥਿਮਂ ਜਨਪਦਂ ਅਗਮਂਸੁ વਾਣਿਜ੍ਜਾਯ। ਤੇ ਤਤੋ ਕੁਕ੍ਕੁਟਿਂ ਆਨੇਸੁਂ। ਅਥ ਖੋ ਸਾ, ਭਨ੍ਤੇ, ਕੁਕ੍ਕੁਟੀ ਕਾਕੇਨ ਸਦ੍ਧਿਂ ਸਂવਾਸਂ ਕਪ੍ਪੇਸਿ। ਸਾ ਪੋਤਕਂ ਜਨੇਸਿ। ਯਦਾ ਖੋ ਸੋ, ਭਨ੍ਤੇ, ਕੁਕ੍ਕੁਟਪੋਤਕੋ ਕਾਕવਸ੍ਸਂ વਸ੍ਸਿਤੁਕਾਮੋ ਹੋਤਿ, ਕਾਕਕੁਕ੍ਕੁਟੀਤਿ વਸ੍ਸਤਿ; ਯਦਾ ਕੁਕ੍ਕੁਟਿવਸ੍ਸਂ વਸ੍ਸਿਤੁਕਾਮੋ ਹੋਤਿ, ਕੁਕ੍ਕੁਟਿਕਾਕਾਤਿ વਸ੍ਸਤਿ। ਏવਮੇવ ਖੋ, ਭਨ੍ਤੇ, ਬਹੁਮ੍ਹਿ ਰਤਨੇ ਬੁਦ੍ਧવਚਨੇ વਿਜ੍ਜਮਾਨੇ ਅਯ੍ਯੇਨ ਸੁਧਮ੍ਮੇਨ ਯਦੇવ ਕਿਞ੍ਚਿ ਭਾਸਿਤਂ ਯਦਿਦਂ ਤਿਲਸਂਗੁਲ਼ਿਕਾ’’ਤਿ। ‘‘ਅਕ੍ਕੋਸਸਿ ਮਂ ਤ੍વਂ, ਗਹਪਤਿ, ਪਰਿਭਾਸਸਿ ਮਂ ਤ੍વਂ, ਗਹਪਤਿ। ਏਸੋ ਤੇ, ਗਹਪਤਿ, ਆવਾਸੋ, ਪਕ੍ਕਮਿਸ੍ਸਾਮੀ’’ਤਿ। ‘‘ਨਾਹਂ, ਭਨ੍ਤੇ, ਅਯ੍ਯਂ ਸੁਧਮ੍ਮਂ ਅਕ੍ਕੋਸਾਮਿ, ਪਰਿਭਾਸਾਮਿ 4। વਸਤੁ, ਭਨ੍ਤੇ, ਅਯ੍ਯੋ ਸੁਧਮ੍ਮੋ ਮਚ੍ਛਿਕਾਸਣ੍ਡੇ। ਰਮਣੀਯਂ ਅਮ੍ਬਾਟਕવਨਂ। ਅਹਂ ਅਯ੍ਯਸ੍ਸ ਸੁਧਮ੍ਮਸ੍ਸ ਉਸ੍ਸੁਕ੍ਕਂ ਕਰਿਸ੍ਸਾਮਿ, ਚੀવਰਪਿਣ੍ਡਪਾਤਸੇਨਾਸਨਗਿਲਾਨਪ੍ਪਚ੍ਚਯਭੇਸਜ੍ਜਪਰਿਕ੍ਖਾਰਾਨ’’ਨ੍ਤਿ। ਦੁਤਿਯਮ੍ਪਿ ਖੋ…ਪੇ॰… ਤਤਿਯਮ੍ਪਿ ਖੋ ਆਯਸ੍ਮਾ ਸੁਧਮ੍ਮੋ ਚਿਤ੍ਤਂ ਗਹਪਤਿਂ ਏਤਦવੋਚ – ‘‘ਅਕ੍ਕੋਸਸਿ ਮਂ ਤ੍વਂ, ਗਹਪਤਿ, ਪਰਿਭਾਸਸਿ ਮਂ ਤ੍વਂ, ਗਹਪਤਿ। ਏਸੋ ਤੇ, ਗਹਪਤਿ, ਆવਾਸੋ, ਪਕ੍ਕਮਿਸ੍ਸਾਮੀ’’ਤਿ। ‘‘ਕਹਂ, ਭਨ੍ਤੇ, ਅਯ੍ਯੋ ਸੁਧਮ੍ਮੋ ਗਮਿਸ੍ਸਤੀ’’ਤਿ? ‘‘ਸਾવਤ੍ਥਿਂ ਖੋ ਅਹਂ, ਗਹਪਤਿ, ਗਮਿਸ੍ਸਾਮਿ ਭਗવਨ੍ਤਂ ਦਸ੍ਸਨਾਯਾ’’ਤਿ। ‘‘ਤੇਨ ਹਿ, ਭਨ੍ਤੇ, ਯਞ੍ਚ ਅਤ੍ਤਨਾ ਭਣਿਤਂ, ਯਞ੍ਚ ਮਯਾ ਭਣਿਤਂ ਤਂ ਸਬ੍ਬਂ ਭਗવਤੋ ਆਰੋਚੇਹਿ। ਅਨਚ੍ਛਰਿਯਂ ਖੋ ਪਨੇਤਂ, ਭਨ੍ਤੇ, ਯਂ ਅਯ੍ਯੋ ਸੁਧਮ੍ਮੋ ਪੁਨਦੇવ ਮਚ੍ਛਿਕਾਸਣ੍ਡਂ ਪਚ੍ਚਾਗਚ੍ਛੇਯ੍ਯਾ’’ਤਿ।
34. Atha kho citto gahapati tassā rattiyā accayena therānaṃ bhikkhūnaṃ paṇītaṃ khādanīyaṃ bhojanīyaṃ paṭiyādāpesi. Atha kho āyasmā sudhammo ‘yaṃnūnāhaṃ cittassa gahapatino therānaṃ bhikkhūnaṃ paṭiyattaṃ passeyya’nti pubbaṇhasamayaṃ nivāsetvā pattacīvaramādāya yena cittassa gahapatino nivesanaṃ tenupasaṅkami, upasaṅkamitvā paññatte āsane nisīdi. Atha kho citto gahapati yenāyasmā sudhammo tenupasaṅkami, upasaṅkamitvā āyasmantaṃ sudhammaṃ abhivādetvā ekamantaṃ nisīdi. Ekamantaṃ nisinnaṃ kho cittaṃ gahapatiṃ āyasmā sudhammo etadavoca – ‘‘pahūtaṃ kho te idaṃ, gahapati, khādanīyaṃ bhojanīyaṃ paṭiyattaṃ; ekā ca kho idha natthi yadidaṃ tilasaṅguḷikā’’ti. ‘‘Bahumhi vata, bhante, ratane buddhavacane 5 vijjamāne ayyena sudhammena yadeva kiñci bhāsitaṃ yadidaṃ tilasaṅguḷikāti. Bhūtapubbaṃ, bhante, dakkhiṇāpathakā vāṇijā puratthimaṃ janapadaṃ agamaṃsu vāṇijjāya. Te tato kukkuṭiṃ ānesuṃ. Atha kho sā, bhante, kukkuṭī kākena saddhiṃ saṃvāsaṃ kappesi. Sā potakaṃ janesi. Yadā kho so, bhante, kukkuṭapotako kākavassaṃ vassitukāmo hoti, kākakukkuṭīti vassati; yadā kukkuṭivassaṃ vassitukāmo hoti, kukkuṭikākāti vassati. Evameva kho, bhante, bahumhi ratane buddhavacane vijjamāne ayyena sudhammena yadeva kiñci bhāsitaṃ yadidaṃ tilasaṃguḷikā’’ti. ‘‘Akkosasi maṃ tvaṃ, gahapati, paribhāsasi maṃ tvaṃ, gahapati. Eso te, gahapati, āvāso, pakkamissāmī’’ti. ‘‘Nāhaṃ, bhante, ayyaṃ sudhammaṃ akkosāmi, paribhāsāmi 6. Vasatu, bhante, ayyo sudhammo macchikāsaṇḍe. Ramaṇīyaṃ ambāṭakavanaṃ. Ahaṃ ayyassa sudhammassa ussukkaṃ karissāmi, cīvarapiṇḍapātasenāsanagilānappaccayabhesajjaparikkhārāna’’nti. Dutiyampi kho…pe… tatiyampi kho āyasmā sudhammo cittaṃ gahapatiṃ etadavoca – ‘‘akkosasi maṃ tvaṃ, gahapati, paribhāsasi maṃ tvaṃ, gahapati. Eso te, gahapati, āvāso, pakkamissāmī’’ti. ‘‘Kahaṃ, bhante, ayyo sudhammo gamissatī’’ti? ‘‘Sāvatthiṃ kho ahaṃ, gahapati, gamissāmi bhagavantaṃ dassanāyā’’ti. ‘‘Tena hi, bhante, yañca attanā bhaṇitaṃ, yañca mayā bhaṇitaṃ taṃ sabbaṃ bhagavato ārocehi. Anacchariyaṃ kho panetaṃ, bhante, yaṃ ayyo sudhammo punadeva macchikāsaṇḍaṃ paccāgaccheyyā’’ti.
੩੫. ਅਥ ਖੋ ਆਯਸ੍ਮਾ ਸੁਧਮ੍ਮੋ ਸੇਨਾਸਨਂ ਸਂਸਾਮੇਤ੍વਾ ਪਤ੍ਤਚੀવਰਮਾਦਾਯ ਯੇਨ ਸਾવਤ੍ਥਿ ਤੇਨ ਪਕ੍ਕਾਮਿ। ਅਨੁਪੁਬ੍ਬੇਨ ਯੇਨ ਸਾવਤ੍ਥਿ ਜੇਤવਨਂ ਅਨਾਥਪਿਣ੍ਡਿਕਸ੍ਸ ਆਰਾਮੋ ਯੇਨ ਭਗવਾ ਤੇਨੁਪਸਙ੍ਕਮਿ, ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ ਆਯਸ੍ਮਾ ਸੁਧਮ੍ਮੋ ਯਞ੍ਚ ਅਤ੍ਤਨਾ ਭਣਿਤਂ ਯਞ੍ਚ ਚਿਤ੍ਤੇਨ ਗਹਪਤਿਨਾ ਭਣਿਤਂ ਤਂ ਸਬ੍ਬਂ ਭਗવਤੋ ਆਰੋਚੇਸਿ।
35. Atha kho āyasmā sudhammo senāsanaṃ saṃsāmetvā pattacīvaramādāya yena sāvatthi tena pakkāmi. Anupubbena yena sāvatthi jetavanaṃ anāthapiṇḍikassa ārāmo yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā sudhammo yañca attanā bhaṇitaṃ yañca cittena gahapatinā bhaṇitaṃ taṃ sabbaṃ bhagavato ārocesi.
વਿਗਰਹਿ ਬੁਦ੍ਧੋ ਭਗવਾ – ‘‘ਅਨਨੁਚ੍ਛવਿਕਂ, ਮੋਘਪੁਰਿਸ, ਅਨਨੁਲੋਮਿਕਂ ਅਪ੍ਪਤਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ। ਕਥਞ੍ਹਿ ਨਾਮ ਤ੍વਂ, ਮੋਘਪੁਰਿਸ, ਚਿਤ੍ਤਂ ਗਹਪਤਿਂ ਸਦ੍ਧਂ ਪਸਨ੍ਨਂ ਦਾਯਕਂ ਕਾਰਕਂ ਸਙ੍ਘੁਪਟ੍ਠਾਕਂ ਹੀਨੇਨ ਖੁਂਸੇਸ੍ਸਸਿ, ਹੀਨੇਨ વਮ੍ਭੇਸ੍ਸਸਿ? ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… વਿਗਰਹਿਤ੍વਾ…ਪੇ॰… ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ਤੇਨ ਹਿ, ਭਿਕ੍ਖવੇ, ਸਙ੍ਘੋ ਸੁਧਮ੍ਮਸ੍ਸ ਭਿਕ੍ਖੁਨੋ ਪਟਿਸਾਰਣੀਯਕਮ੍ਮਂ ਕਰੋਤੁ – ਚਿਤ੍ਤੋ ਤੇ ਗਹਪਤਿ ਖਮਾਪੇਤਬ੍ਬੋਤਿ। ਏવਞ੍ਚ ਪਨ, ਭਿਕ੍ਖવੇ, ਕਾਤਬ੍ਬਂ – ਪਠਮਂ ਸੁਧਮ੍ਮੋ ਭਿਕ੍ਖੁ ਚੋਦੇਤਬ੍ਬੋ, ਚੋਦੇਤ੍વਾ ਸਾਰੇਤਬ੍ਬੋ, ਸਾਰੇਤ੍વਾ ਆਪਤ੍ਤਿਂ ਆਰੋਪੇਤਬ੍ਬੋ, ਆਪਤ੍ਤਿਂ ਆਰੋਪੇਤ੍વਾ ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –
Vigarahi buddho bhagavā – ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa, cittaṃ gahapatiṃ saddhaṃ pasannaṃ dāyakaṃ kārakaṃ saṅghupaṭṭhākaṃ hīnena khuṃsessasi, hīnena vambhessasi? Netaṃ, moghapurisa, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – tena hi, bhikkhave, saṅgho sudhammassa bhikkhuno paṭisāraṇīyakammaṃ karotu – citto te gahapati khamāpetabboti. Evañca pana, bhikkhave, kātabbaṃ – paṭhamaṃ sudhammo bhikkhu codetabbo, codetvā sāretabbo, sāretvā āpattiṃ āropetabbo, āpattiṃ āropetvā byattena bhikkhunā paṭibalena saṅgho ñāpetabbo –
੩੬. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਸੁਧਮ੍ਮੋ ਭਿਕ੍ਖੁ ਚਿਤ੍ਤਂ ਗਹਪਤਿਂ ਸਦ੍ਧਂ ਪਸਨ੍ਨਂ ਦਾਯਕਂ ਕਾਰਕਂ ਸਙ੍ਘੁਪਟ੍ਠਾਕਂ ਹੀਨੇਨ ਖੁਂਸੇਤਿ, ਹੀਨੇਨ વਮ੍ਭੇਤਿ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਸੁਧਮ੍ਮਸ੍ਸ ਭਿਕ੍ਖੁਨੋ ਪਟਿਸਾਰਣੀਯਕਮ੍ਮਂ ਕਰੇਯ੍ਯ – ਚਿਤ੍ਤੋ ਤੇ ਗਹਪਤਿ ਖਮਾਪੇਤਬ੍ਬੋਤਿ। ਏਸਾ ਞਤ੍ਤਿ।
36. ‘‘Suṇātu me, bhante, saṅgho. Ayaṃ sudhammo bhikkhu cittaṃ gahapatiṃ saddhaṃ pasannaṃ dāyakaṃ kārakaṃ saṅghupaṭṭhākaṃ hīnena khuṃseti, hīnena vambheti. Yadi saṅghassa pattakallaṃ, saṅgho sudhammassa bhikkhuno paṭisāraṇīyakammaṃ kareyya – citto te gahapati khamāpetabboti. Esā ñatti.
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਸੁਧਮ੍ਮੋ ਭਿਕ੍ਖੁ ਚਿਤ੍ਤਂ ਗਹਪਤਿਂ ਸਦ੍ਧਂ ਪਸਨ੍ਨਂ ਦਾਯਕਂ ਕਾਰਕਂ ਸਙ੍ਘੁਪਟ੍ਠਾਕਂ ਹੀਨੇਨ ਖੁਂਸੇਤਿ, ਹੀਨੇਨ વਮ੍ਭੇਤਿ। ਸਙ੍ਘੋ ਸੁਧਮ੍ਮਸ੍ਸ ਭਿਕ੍ਖੁਨੋ ਪਟਿਸਾਰਣੀਯਕਮ੍ਮਂ ਕਰੋਤਿ – ਚਿਤ੍ਤੋ ਤੇ ਗਹਪਤਿ ਖਮਾਪੇਤਬ੍ਬੋਤਿ। ਯਸ੍ਸਾਯਸ੍ਮਤੋ ਖਮਤਿ ਸੁਧਮ੍ਮਸ੍ਸ ਭਿਕ੍ਖੁਨੋ ਪਟਿਸਾਰਣੀਯਸ੍ਸ ਕਮ੍ਮਸ੍ਸ ਕਰਣਂ – ਚਿਤ੍ਤੋ ਤੇ ਗਹਪਤਿ ਖਮਾਪੇਤਬ੍ਬੋਤਿ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Suṇātu me, bhante, saṅgho. Ayaṃ sudhammo bhikkhu cittaṃ gahapatiṃ saddhaṃ pasannaṃ dāyakaṃ kārakaṃ saṅghupaṭṭhākaṃ hīnena khuṃseti, hīnena vambheti. Saṅgho sudhammassa bhikkhuno paṭisāraṇīyakammaṃ karoti – citto te gahapati khamāpetabboti. Yassāyasmato khamati sudhammassa bhikkhuno paṭisāraṇīyassa kammassa karaṇaṃ – citto te gahapati khamāpetabboti, so tuṇhassa; yassa nakkhamati, so bhāseyya.
‘‘ਦੁਤਿਯਮ੍ਪਿ ਏਤਮਤ੍ਥਂ વਦਾਮਿ…ਪੇ॰… ਤਤਿਯਮ੍ਪਿ ਏਤਮਤ੍ਥਂ વਦਾਮਿ – ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਸੁਧਮ੍ਮੋ ਭਿਕ੍ਖੁ ਚਿਤ੍ਤਂ ਗਹਪਤਿਂ ਸਦ੍ਧਂ ਪਸਨ੍ਨਂ ਦਾਯਕਂ ਕਾਰਕਂ ਸਙ੍ਘੁਪਟ੍ਠਾਕਂ ਹੀਨੇਨ ਖੁਂਸੇਤਿ, ਹੀਨੇਨ વਮ੍ਭੇਤਿ। ਸਙ੍ਘੋ ਸੁਧਮ੍ਮਸ੍ਸ ਭਿਕ੍ਖੁਨੋ ਪਟਿਸਾਰਣੀਯਕਮ੍ਮਂ ਕਰੋਤਿ – ਚਿਤ੍ਤੋ ਤੇ ਗਹਪਤਿ ਖਮਾਪੇਤਬ੍ਬੋਤਿ। ਯਸ੍ਸਾਯਸ੍ਮਤੋ ਖਮਤਿ ਸੁਧਮ੍ਮਸ੍ਸ ਭਿਕ੍ਖੁਨੋ ਪਟਿਸਾਰਣੀਯਸ੍ਸ ਕਮ੍ਮਸ੍ਸ ਕਰਣਂ – ਚਿਤ੍ਤੋ ਤੇ ਗਹਪਤਿ ਖਮਾਪੇਤਬ੍ਬੋਤਿ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Dutiyampi etamatthaṃ vadāmi…pe… tatiyampi etamatthaṃ vadāmi – suṇātu me, bhante, saṅgho. Ayaṃ sudhammo bhikkhu cittaṃ gahapatiṃ saddhaṃ pasannaṃ dāyakaṃ kārakaṃ saṅghupaṭṭhākaṃ hīnena khuṃseti, hīnena vambheti. Saṅgho sudhammassa bhikkhuno paṭisāraṇīyakammaṃ karoti – citto te gahapati khamāpetabboti. Yassāyasmato khamati sudhammassa bhikkhuno paṭisāraṇīyassa kammassa karaṇaṃ – citto te gahapati khamāpetabboti, so tuṇhassa; yassa nakkhamati, so bhāseyya.
‘‘ਕਤਂ ਸਙ੍ਘੇਨ ਸੁਧਮ੍ਮਸ੍ਸ ਭਿਕ੍ਖੁਨੋ ਪਟਿਸਾਰਣੀਯਕਮ੍ਮਂ – ਚਿਤ੍ਤੋ ਤੇ ਗਹਪਤਿ ਖਮਾਪੇਤਬ੍ਬੋਤਿ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀ’’ਤਿ।
‘‘Kataṃ saṅghena sudhammassa bhikkhuno paṭisāraṇīyakammaṃ – citto te gahapati khamāpetabboti. Khamati saṅghassa, tasmā tuṇhī, evametaṃ dhārayāmī’’ti.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਪਟਿਸਾਰਣੀਯਕਮ੍ਮਕਥਾ • Paṭisāraṇīyakammakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਟਿਸਾਰਣੀਯਕਮ੍ਮਕਥਾવਣ੍ਣਨਾ • Paṭisāraṇīyakammakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਨਿਯਸ੍ਸਕਮ੍ਮਕਥਾਦਿવਣ੍ਣਨਾ • Niyassakammakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੪. ਪਟਿਸਾਰਣੀਯਕਮ੍ਮਕਥਾ • 4. Paṭisāraṇīyakammakathā
