| Library / Tipiṭaka / તિપિટક • Tipiṭaka / મહાવગ્ગપાળિ • Mahāvaggapāḷi |
૨૬૬. પટિસારણીયકમ્મપટિપ્પસ્સદ્ધિકથા
266. Paṭisāraṇīyakammapaṭippassaddhikathā
૪૪૭. ઇધ પન, ભિક્ખવે, ભિક્ખુ સઙ્ઘેન પટિસારણીયકમ્મકતો સમ્મા વત્તતિ, લોમં પાતેતિ, નેત્થારં વત્તતિ, પટિસારણીયસ્સ કમ્મસ્સ પટિપ્પસ્સદ્ધિં યાચતિ. તત્ર ચે ભિક્ખૂનં એવં હોતિ – ‘‘અયં ખો, આવુસો, ભિક્ખુ સઙ્ઘેન પટિસારણીયકમ્મકતો સમ્મા વત્તતિ, લોમં પાતેતિ, નેત્થારં વત્તતિ, પટિસારણીયસ્સ કમ્મસ્સ પટિપ્પસ્સદ્ધિં યાચતિ. હન્દસ્સ મયં પટિસારણીયકમ્મં પટિપ્પસ્સમ્ભેમા’’તિ. તે તસ્સ પટિસારણીયકમ્મં પટિપ્પસ્સમ્ભેન્તિ – અધમ્મેન વગ્ગા…પે॰… અધમ્મેન સમગ્ગા… ધમ્મેન વગ્ગા… ધમ્મપતિરૂપકેન વગ્ગા… ધમ્મપતિરૂપકેન સમગ્ગા. તત્રટ્ઠો સઙ્ઘો વિવદતિ – ‘‘અધમ્મેન વગ્ગકમ્મં, અધમ્મેન સમગ્ગકમ્મં, ધમ્મેન વગ્ગકમ્મં , ધમ્મપતિરૂપકેન વગ્ગકમ્મં, ધમ્મપતિરૂપકેન સમગ્ગકમ્મં, અકતં કમ્મં દુક્કટં કમ્મં પુન કાતબ્બં કમ્મ’’ન્તિ. તત્ર, ભિક્ખવે, યે તે ભિક્ખૂ એવમાહંસુ – ‘‘ધમ્મપતિરૂપકેન સમગ્ગકમ્મ’’ન્તિ, યે ચ તે ભિક્ખૂ એવમાહંસુ – ‘‘અકતં કમ્મં દુક્કટં કમ્મં પુન કાતબ્બં કમ્મ’’ન્તિ. ઇમે તત્થ ભિક્ખૂ ધમ્મવાદિનો. ઇમેપિ પઞ્ચ વારા સંખિત્તા.
447. Idha pana, bhikkhave, bhikkhu saṅghena paṭisāraṇīyakammakato sammā vattati, lomaṃ pāteti, netthāraṃ vattati, paṭisāraṇīyassa kammassa paṭippassaddhiṃ yācati. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena paṭisāraṇīyakammakato sammā vattati, lomaṃ pāteti, netthāraṃ vattati, paṭisāraṇīyassa kammassa paṭippassaddhiṃ yācati. Handassa mayaṃ paṭisāraṇīyakammaṃ paṭippassambhemā’’ti. Te tassa paṭisāraṇīyakammaṃ paṭippassambhenti – adhammena vaggā…pe… adhammena samaggā… dhammena vaggā… dhammapatirūpakena vaggā… dhammapatirūpakena samaggā. Tatraṭṭho saṅgho vivadati – ‘‘adhammena vaggakammaṃ, adhammena samaggakammaṃ, dhammena vaggakammaṃ , dhammapatirūpakena vaggakammaṃ, dhammapatirūpakena samaggakammaṃ, akataṃ kammaṃ dukkaṭaṃ kammaṃ puna kātabbaṃ kamma’’nti. Tatra, bhikkhave, ye te bhikkhū evamāhaṃsu – ‘‘dhammapatirūpakena samaggakamma’’nti, ye ca te bhikkhū evamāhaṃsu – ‘‘akataṃ kammaṃ dukkaṭaṃ kammaṃ puna kātabbaṃ kamma’’nti. Ime tattha bhikkhū dhammavādino. Imepi pañca vārā saṃkhittā.
પટિસારણીયકમ્મપટિપ્પસ્સદ્ધિકથા નિટ્ઠિતા.
Paṭisāraṇīyakammapaṭippassaddhikathā niṭṭhitā.
