| Library / Tipiṭaka / തിപിടക • Tipiṭaka / മഹാവഗ്ഗപാളി • Mahāvaggapāḷi |
൨൫൨. പടിസാരണീയകമ്മപടിപ്പസ്സദ്ധികഥാ
252. Paṭisāraṇīyakammapaṭippassaddhikathā
൪൨൫. ഇധ പന, ഭിക്ഖവേ, ഭിക്ഖു സങ്ഘേന പടിസാരണീയകമ്മകതോ സമ്മാ വത്തതി, ലോമം പാതേതി, നേത്ഥാരം വത്തതി, പടിസാരണീയസ്സ കമ്മസ്സ പടിപ്പസ്സദ്ധിം യാചതി. തത്ര ചേ ഭിക്ഖൂനം ഏവം ഹോതി – ‘‘അയം ഖോ, ആവുസോ, ഭിക്ഖു സങ്ഘേന പടിസാരണീയകമ്മകതോ സമ്മാ വത്തതി, ലോമം പാതേതി, നേത്ഥാരം വത്തതി, പടിസാരണീയസ്സ കമ്മസ്സ പടിപ്പസ്സദ്ധിം യാചതി. ഹന്ദസ്സ മയം പടിസാരണീയകമ്മം പടിപ്പസ്സമ്ഭേമാ’’തി. തേ തസ്സ പടിസാരണീയകമ്മം പടിപ്പസ്സമ്ഭേന്തി – അധമ്മേന വഗ്ഗാ. സോ തമ്ഹാ ആവാസാ അഞ്ഞം ആവാസം ഗച്ഛതി. തത്ഥപി ഭിക്ഖൂനം ഏവം ഹോതി – ‘‘ഇമസ്സ ഖോ, ആവുസോ, ഭിക്ഖുനോ സങ്ഘേന പടിസാരണീയകമ്മം പടിപ്പസ്സദ്ധം അധമ്മേന വഗ്ഗേഹി. ഹന്ദസ്സ മയം പടിസാരണീയകമ്മം പടിപ്പസ്സമ്ഭേമാ’’തി. തേ തസ്സ പടിസാരണീയകമ്മം പടിപ്പസ്സമ്ഭേന്തി – അധമ്മേന സമഗ്ഗാ…പേ॰… ധമ്മേന വഗ്ഗാ… ധമ്മപതിരൂപകേന വഗ്ഗാ… ധമ്മപതിരൂപകേന സമഗ്ഗാ…പേ॰….
425. Idha pana, bhikkhave, bhikkhu saṅghena paṭisāraṇīyakammakato sammā vattati, lomaṃ pāteti, netthāraṃ vattati, paṭisāraṇīyassa kammassa paṭippassaddhiṃ yācati. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena paṭisāraṇīyakammakato sammā vattati, lomaṃ pāteti, netthāraṃ vattati, paṭisāraṇīyassa kammassa paṭippassaddhiṃ yācati. Handassa mayaṃ paṭisāraṇīyakammaṃ paṭippassambhemā’’ti. Te tassa paṭisāraṇīyakammaṃ paṭippassambhenti – adhammena vaggā. So tamhā āvāsā aññaṃ āvāsaṃ gacchati. Tatthapi bhikkhūnaṃ evaṃ hoti – ‘‘imassa kho, āvuso, bhikkhuno saṅghena paṭisāraṇīyakammaṃ paṭippassaddhaṃ adhammena vaggehi. Handassa mayaṃ paṭisāraṇīyakammaṃ paṭippassambhemā’’ti. Te tassa paṭisāraṇīyakammaṃ paṭippassambhenti – adhammena samaggā…pe… dhammena vaggā… dhammapatirūpakena vaggā… dhammapatirūpakena samaggā…pe….
ചക്കം കാതബ്ബം.
Cakkaṃ kātabbaṃ.
പടിസാരണീയകമ്മപടിപ്പസ്സദ്ധികഥാ നിട്ഠിതാ.
Paṭisāraṇīyakammapaṭippassaddhikathā niṭṭhitā.
