| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౩. పతోదసుత్తవణ్ణనా
3. Patodasuttavaṇṇanā
౧౧౩. తతియే పతోదచ్ఛాయన్తి విజ్ఝనత్థం ఉక్ఖిత్తస్స పతోదస్స ఛాయం. సంవిజ్జతీతి ‘‘జవో మే గహేతబ్బో’’తి సల్లక్ఖణవసేన సంవిజ్జతి. సంవేగం ఆపజ్జతీతి సంవేగం పటిపజ్జతి లోమవేధవిద్ధోతి లోమకూపే పతోదవేధేన విద్ధమత్తో. చమ్మవేధవిద్ధోతి ఛవిచమ్మం ఛిన్దన్తేన పతోదవేధేన విద్ధో. అట్ఠివేధవిద్ధోతి అట్ఠిం భిన్దన్తేన వేధేన విద్ధో. కాయేనాతి నామకాయేన. పరమసచ్చన్తి నిబ్బానం. సచ్ఛికరోతీతి పస్సతి. పఞ్ఞాయాతి సహవిపస్సనాయ మగ్గపఞ్ఞాయ.
113. Tatiye patodacchāyanti vijjhanatthaṃ ukkhittassa patodassa chāyaṃ. Saṃvijjatīti ‘‘javo me gahetabbo’’ti sallakkhaṇavasena saṃvijjati. Saṃvegaṃ āpajjatīti saṃvegaṃ paṭipajjati lomavedhaviddhoti lomakūpe patodavedhena viddhamatto. Cammavedhaviddhoti chavicammaṃ chindantena patodavedhena viddho. Aṭṭhivedhaviddhoti aṭṭhiṃ bhindantena vedhena viddho. Kāyenāti nāmakāyena. Paramasaccanti nibbānaṃ. Sacchikarotīti passati. Paññāyāti sahavipassanāya maggapaññāya.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౩. పతోదసుత్తం • 3. Patodasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౭. కేసిసుత్తాదివణ్ణనా • 1-7. Kesisuttādivaṇṇanā
