| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૧૦. આનિસંસવગ્ગો
10. Ānisaṃsavaggo
૧. પાતુભાવસુત્તં
1. Pātubhāvasuttaṃ
૯૬. ‘‘છન્નં , ભિક્ખવે, પાતુભાવો દુલ્લભો લોકસ્મિં. કતમેસં છન્નં? તથાગતસ્સ અરહતો સમ્માસમ્બુદ્ધસ્સ પાતુભાવો દુલ્લભો લોકસ્મિં, તથાગતપ્પવેદિતસ્સ ધમ્મવિનયસ્સ દેસેતા પુગ્ગલો દુલ્લભો લોકસ્મિં, અરિયાયતને પચ્ચાજાતિ દુલ્લભા 1 લોકસ્મિં, ઇન્દ્રિયાનં અવેકલ્લતા દુલ્લભા લોકસ્મિં, અજળતા અનેળમૂગતા દુલ્લભા લોકસ્મિં, કુસલે ધમ્મે છન્દો 2 દુલ્લભો લોકસ્મિં. ઇમેસં ખો, ભિક્ખવે, છન્નં પાતુભાવો દુલ્લભો લોકસ્મિ’’ન્તિ. પઠમં.
96. ‘‘Channaṃ , bhikkhave, pātubhāvo dullabho lokasmiṃ. Katamesaṃ channaṃ? Tathāgatassa arahato sammāsambuddhassa pātubhāvo dullabho lokasmiṃ, tathāgatappaveditassa dhammavinayassa desetā puggalo dullabho lokasmiṃ, ariyāyatane paccājāti dullabhā 3 lokasmiṃ, indriyānaṃ avekallatā dullabhā lokasmiṃ, ajaḷatā aneḷamūgatā dullabhā lokasmiṃ, kusale dhamme chando 4 dullabho lokasmiṃ. Imesaṃ kho, bhikkhave, channaṃ pātubhāvo dullabho lokasmi’’nti. Paṭhamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧-૨. પાતુભાવસુત્તાદિવણ્ણના • 1-2. Pātubhāvasuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૧૧. પાતુભાવસુત્તાદિવણ્ણના • 1-11. Pātubhāvasuttādivaṇṇanā
