| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
бавааран̣агканд̇хагагат̇ааван̣н̣анаа
Pavāraṇakkhandhakakathāvaṇṇanā
2633. ‘‘бавааран̣аа’’д̇и ид̣̇ам̣ ‘‘жаад̇уд̣̇д̣̇асий’’д̇иаад̣̇ийхи бажжзгам̣ яож̇зд̇аб̣б̣ам̣. д̇асмим̣ д̇асмим̣ д̣̇инз гаад̇аб̣б̣аа бавааран̣аа абхзд̣̇обажаарзна д̇ат̇аа вуд̇д̇аа. саамаг̇г̇ий убосат̇агканд̇хагагат̇ааван̣н̣анааяа вуд̇д̇асаруубаава. саамаг̇г̇ибавааран̣ам̣ гаронд̇зхи жа батамам̣ бавааран̣ам̣ табзд̇ваа баадибад̣̇ад̇о бадтааяа яаава гад̇д̇игажаад̇умаасибун̣н̣амаа зд̇т̇анд̇арз гаад̇аб̣б̣аа, д̇ад̇о бажчаа ваа бурз ваа на ваддад̇и. д̇зваажий д̣̇взгаваажийд̇и ‘‘сун̣аад̇у мз, бханд̇з…бз… д̇зваажигам̣ баваарзяяа, д̣̇взваажигам̣ баваарзяяа, згаваажигам̣ баваарзяяаа’’д̇и д̇ам̣ д̇ам̣ н̃ад̇д̇им̣ табзд̇ваа гаад̇аб̣б̣аа бавааран̣аа вужжад̇и.
2633.‘‘Pavāraṇā’’ti idaṃ ‘‘cātuddasī’’tiādīhi paccekaṃ yojetabbaṃ. Tasmiṃ tasmiṃ dine kātabbā pavāraṇā abhedopacārena tathā vuttā. Sāmaggī uposathakkhandhakakathāvaṇṇanāya vuttasarūpāva. Sāmaggipavāraṇaṃ karontehi ca paṭhamaṃ pavāraṇaṃ ṭhapetvā pāṭipadato paṭṭhāya yāva kattikacātumāsipuṇṇamā etthantare kātabbā, tato pacchā vā pure vā na vaṭṭati. Tevācī dvekavācīti ‘‘suṇātu me, bhante…pe… tevācikaṃ pavāreyya, dvevācikaṃ pavāreyya, ekavācikaṃ pavāreyyā’’ti taṃ taṃ ñattiṃ ṭhapetvā kātabbā pavāraṇā vuccati.
2634. д̇ийн̣и гаммаани мун̃жид̇ваа, анд̇знзва баваараязд̇и ‘‘жад̇д̇ааримаани, бхигкавз, бавааран̣агаммаани, ад̇хаммзна ваг̇г̇ам̣ бавааран̣агаммам̣…бз… д̇хаммзна самаг̇г̇ам̣ бавааран̣агамма’’нд̇и (махаава. 212) вад̇ваа ‘‘д̇ад̇ра, бхигкавз , яад̣̇ид̣̇ам̣ ад̇хаммзна ваг̇г̇ам̣ бавааран̣агаммам̣, на, бхигкавз, зваруубам̣ бавааран̣агаммам̣ гаад̇аб̣б̣ам̣…бз… д̇ад̇ра, бхигкавз, яад̣̇ид̣̇ам̣ д̇хаммзна самаг̇г̇ам̣ бавааран̣агаммам̣, зваруубам̣, бхигкавз, бавааран̣агаммам̣ гаад̇аб̣б̣а’’нд̇иаад̣̇иважанад̇о (махаава. 212) д̇ийн̣и агад̇д̇аб̣б̣аани бавааран̣агаммаани мун̃жид̇ваа гаад̇ум̣ анун̃н̃аад̇зна жад̇уд̇т̇зна бавааран̣агаммзна баваарзяяаад̇и ад̇т̇о. д̇асса вибхааг̇згад̣̇зсам̣ ‘‘бан̃жа яасмим̣ банааваасз’’д̇иаад̣̇инаа вагкад̇и.
2634.Tīṇi kammāni muñcitvā, anteneva pavārayeti ‘‘cattārimāni, bhikkhave, pavāraṇakammāni, adhammena vaggaṃ pavāraṇakammaṃ…pe… dhammena samaggaṃ pavāraṇakamma’’nti (mahāva. 212) vatvā ‘‘tatra, bhikkhave , yadidaṃ adhammena vaggaṃ pavāraṇakammaṃ, na, bhikkhave, evarūpaṃ pavāraṇakammaṃ kātabbaṃ…pe… tatra, bhikkhave, yadidaṃ dhammena samaggaṃ pavāraṇakammaṃ, evarūpaṃ, bhikkhave, pavāraṇakammaṃ kātabba’’ntiādivacanato (mahāva. 212) tīṇi akattabbāni pavāraṇakammāni muñcitvā kātuṃ anuññātena catutthena pavāraṇakammena pavāreyyāti attho. Tassa vibhāgekadesaṃ ‘‘pañca yasmiṃ panāvāse’’tiādinā vakkhati.
2635. буб̣б̣агижжам̣ самаабзд̇ваад̇и –
2635.Pubbakiccaṃ samāpetvāti –
‘‘саммаж̇ж̇аний бад̣̇ийбо жа, уд̣̇агам̣ аасанзна жа;
‘‘Sammajjanī padīpo ca, udakaṃ āsanena ca;
бавааран̣ааяа зд̇аани, ‘буб̣б̣агаран̣а’нд̇и вужжад̇и.
Pavāraṇāya etāni, ‘pubbakaraṇa’nti vuccati.
‘‘чанд̣̇абаарисуд̣̇д̇хиуд̇угкаанам̣, бхигкуг̇ан̣анаа жа оваад̣̇о;
‘‘Chandapārisuddhiutukkhānaṃ, bhikkhugaṇanā ca ovādo;
бавааран̣ааяа зд̇аани, ‘буб̣б̣агижжа’нд̇и вужжад̇ий’’д̇и. –
Pavāraṇāya etāni, ‘pubbakicca’nti vuccatī’’ti. –
вуд̇д̇ам̣ нававид̇хам̣ буб̣б̣агижжам̣ нидтаабзд̇ваа.
Vuttaṃ navavidhaṃ pubbakiccaṃ niṭṭhāpetvā.
бад̇д̇агаллз самаанид̇зд̇и –
Pattakalle samāniteti –
‘‘бавааран̣аа яаавад̇игаа жа бхигкуу гаммаббад̇д̇аа,
‘‘Pavāraṇā yāvatikā ca bhikkhū kammappattā,
сабхааг̇аабад̇д̇ияо жа на виж̇ж̇анд̇и;
Sabhāgāpattiyo ca na vijjanti;
важ̇ж̇анийяаа жа буг̇г̇алаа д̇асмим̣ на хонд̇и,
Vajjanīyā ca puggalā tasmiṃ na honti,
‘бад̇д̇агалла’нд̇и вужжад̇ий’’д̇и. –
‘Pattakalla’nti vuccatī’’ti. –
вуд̇д̇з жад̇уб̣б̣ид̇хз бад̇д̇агаллз самод̇хаанид̇з барисамаабид̇з.
Vutte catubbidhe pattakalle samodhānite parisamāpite.
н̃ад̇д̇им̣ табзд̇ваад̇и ‘‘сун̣аад̇у мз, бханд̇з сан̇гхо, аж̇ж̇а бавааран̣аа, яад̣̇и сан̇гхасса бад̇д̇агаллам̣, сан̇гхо баваарзяяаа’’д̇и (махаава. 210) звам̣ саб̣б̣асан̇г̇аахигавасзна жа ‘‘д̇зваажигам̣ баваарзяяаа’’д̇и жа д̣̇аанаад̣̇игаран̣зна язбхуяязна рад̇д̇ияаа кзбид̇ааяа жа рааж̇аад̣̇ианд̇арааяз сад̇и жа д̇ад̣̇ануруубад̇о ‘‘д̣̇взваажигам̣, згаваажигам̣, самаанавассигам̣ баваарзяяаа’’д̇и жа н̃ад̇д̇им̣ табзд̇ваа , д̇аасам̣ висзсо адтагат̇ааяам̣ д̣̇ассид̇оязва. яат̇ааха –
Ñattiṃ ṭhapetvāti ‘‘suṇātu me, bhante saṅgho, ajja pavāraṇā, yadi saṅghassa pattakallaṃ, saṅgho pavāreyyā’’ti (mahāva. 210) evaṃ sabbasaṅgāhikavasena ca ‘‘tevācikaṃ pavāreyyā’’ti ca dānādikaraṇena yebhuyyena rattiyā khepitāya ca rājādiantarāye sati ca tadanurūpato ‘‘dvevācikaṃ, ekavācikaṃ, samānavassikaṃ pavāreyyā’’ti ca ñattiṃ ṭhapetvā , tāsaṃ viseso aṭṭhakathāyaṃ dassitoyeva. Yathāha –
‘‘зван̃хи вуд̇д̇з д̇зваажиган̃жа д̣̇взваажиган̃жа згаваажиган̃жа баваарзд̇ум̣ ваддад̇и, самаанавассигам̣ на ваддад̇и. ‘д̇зваажигам̣ баваарзяяаа’д̇и вуд̇д̇з бана д̇зваажигамзва ваддад̇и, ан̃н̃ам̣ на ваддад̇и, ‘д̣̇взваажигам̣ баваарзяяаа’д̇и вуд̇д̇з д̣̇взваажиган̃жа д̇зваажиган̃жа ваддад̇и, згаваажиган̃жа самаанавассиган̃жа на ваддад̇и. ‘згаваажигам̣ баваарзяяаа’д̇и вуд̇д̇з бана згаваажигад̣̇взваажигад̇зваажигаани вадданд̇и, самаанавассигамзва на ваддад̇и. ‘самаанавассига’нд̇и вуд̇д̇з саб̣б̣ам̣ ваддад̇ий’’д̇и (махаава. адта. 210).
‘‘Evañhi vutte tevācikañca dvevācikañca ekavācikañca pavāretuṃ vaṭṭati, samānavassikaṃ na vaṭṭati. ‘Tevācikaṃ pavāreyyā’ti vutte pana tevācikameva vaṭṭati, aññaṃ na vaṭṭati, ‘dvevācikaṃ pavāreyyā’ti vutte dvevācikañca tevācikañca vaṭṭati, ekavācikañca samānavassikañca na vaṭṭati. ‘Ekavācikaṃ pavāreyyā’ti vutte pana ekavācikadvevācikatevācikāni vaṭṭanti, samānavassikameva na vaṭṭati. ‘Samānavassika’nti vutte sabbaṃ vaṭṭatī’’ti (mahāva. aṭṭha. 210).
гаад̇аб̣б̣аад̇и т̇зрзна бхигкунаа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо ‘‘сан̇гхам̣, аавусо, баваарзми д̣̇идтзна ваа…бз… д̇ад̇ияамби аавусо, сан̇гхам̣ баваарзми д̣̇идтзна ваа…бз… бассанд̇о бадигариссаамий’’д̇и (махаава. 210) вуд̇д̇анаязна гаад̇аб̣б̣аа. навагзна бхигкунаа згам̣сам̣ уд̇д̇араасан̇г̇ам̣ гарид̇ваа…бз… д̇ад̇ияамби, бханд̇з, сан̇гхам̣ баваарзми д̣̇идтзна ваа…бз… бассанд̇о бадигариссаамийд̇и (махаава. 210) вуд̇д̇анаязна гаад̇аб̣б̣аа.
Kātabbāti therena bhikkhunā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā evamassa vacanīyo ‘‘saṅghaṃ, āvuso, pavāremi diṭṭhena vā…pe… tatiyampi āvuso, saṅghaṃ pavāremi diṭṭhena vā…pe… passanto paṭikarissāmī’’ti (mahāva. 210) vuttanayena kātabbā. Navakena bhikkhunā ekaṃsaṃ uttarāsaṅgaṃ karitvā…pe… tatiyampi, bhante, saṅghaṃ pavāremi diṭṭhena vā…pe… passanto paṭikarissāmīti (mahāva. 210) vuttanayena kātabbā.
2636. т̇зрзсу баваарзнд̇зсу яо бана наво, со саяам̣ яаава баваарзд̇и, д̇аава уггудигам̣ нисийд̣̇зяяаад̇и яож̇анаа.
2636. Theresu pavārentesu yo pana navo, so sayaṃ yāva pavāreti, tāva ukkuṭikaṃ nisīdeyyāti yojanā.
2637. жад̇д̇ааро ваа д̇аяоби ваа згааваасз згасиймааяам̣ васанд̇и жз, н̃ад̇д̇им̣ вад̇ваа ‘‘сун̣анд̇у мз, ааяасманд̇о, аж̇ж̇а бавааран̣аа, яад̣̇ааяасманд̇аанам̣ бад̇д̇агаллам̣, маяам̣ ан̃н̃аман̃н̃ам̣ баваарзяяаамаа’’д̇и (махаава. 216) г̇ан̣ан̃ад̇д̇им̣ табзд̇ваа баваарзяяунд̇и яож̇анаа.
2637. Cattāro vā tayopi vā ekāvāse ekasīmāyaṃ vasanti ce, ñattiṃ vatvā ‘‘suṇantu me, āyasmanto, ajja pavāraṇā, yadāyasmantānaṃ pattakallaṃ, mayaṃ aññamaññaṃ pavāreyyāmā’’ti (mahāva. 216) gaṇañattiṃ ṭhapetvā pavāreyyunti yojanā.
баваарзяяунд̇и зд̇т̇а т̇зрзна бхигкунаа згам̣сам̣ уд̇д̇араасан̇г̇ам̣ гад̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа д̇з д̇аяо ваа д̣̇вз ваа бхигкуу звамассу важанийяаа ‘‘ахам̣, аавусо, ааяасманд̇з баваарзми д̣̇идтзна ваа суд̇зна ваа барисан̇гааяа ваа, вад̣̇анд̇у мам̣ ааяасманд̇о анугамбам̣ убаад̣̇ааяа, бассанд̇о бадигариссаами. д̣̇уд̇ияамби…бз… д̇ад̇ияамби ахам̣, аавусо, ааяасманд̇з баваарзми д̣̇идтзна ваа суд̇зна ваа барисан̇гааяа ваа, вад̣̇анд̇у мам̣ ааяасманд̇о анугамбам̣ убаад̣̇ааяа, бассанд̇о бадигариссаамий’’д̇и (махаава. 216) баваарзд̇аб̣б̣ам̣. навзнаби ‘‘ахам̣, бханд̇з, ааяасманд̇з баваарзми д̣̇идтзна ваа суд̇зна ваа барисан̇гааяа ваа, вад̣̇анд̇у мам̣ ааяасманд̇о анугамбам̣ убаад̣̇ааяа , бассанд̇о бадигариссаами. д̣̇уд̇ияамби…бз… д̇ад̇ияамби ахам̣, бханд̇з, ааяасманд̇з баваарзми д̣̇идтзна ваа суд̇зна ваа барисан̇гааяа ваа, вад̣̇анд̇у мам̣ ааяасманд̇о анугамбам̣ убаад̣̇ааяа, бассанд̇о бадигариссаамий’’д̇и баваарзд̇аб̣б̣ам̣.
Pavāreyyunti ettha therena bhikkhunā ekaṃsaṃ uttarāsaṅgaṃ katvā ukkuṭikaṃ nisīditvā añjaliṃ paggahetvā te tayo vā dve vā bhikkhū evamassu vacanīyā ‘‘ahaṃ, āvuso, āyasmante pavāremi diṭṭhena vā sutena vā parisaṅkāya vā, vadantu maṃ āyasmanto anukampaṃ upādāya, passanto paṭikarissāmi. Dutiyampi…pe… tatiyampi ahaṃ, āvuso, āyasmante pavāremi diṭṭhena vā sutena vā parisaṅkāya vā, vadantu maṃ āyasmanto anukampaṃ upādāya, passanto paṭikarissāmī’’ti (mahāva. 216) pavāretabbaṃ. Navenapi ‘‘ahaṃ, bhante, āyasmante pavāremi diṭṭhena vā sutena vā parisaṅkāya vā, vadantu maṃ āyasmanto anukampaṃ upādāya , passanto paṭikarissāmi. Dutiyampi…pe… tatiyampi ahaṃ, bhante, āyasmante pavāremi diṭṭhena vā sutena vā parisaṅkāya vā, vadantu maṃ āyasmanto anukampaṃ upādāya, passanto paṭikarissāmī’’ti pavāretabbaṃ.
2638. ан̃н̃аман̃н̃ам̣ баваарзяяум̣, винаа н̃ад̇д̇им̣ д̣̇увз ж̇анаа. д̇зсу т̇зрзна ‘‘ахам̣, аавусо, ааяасманд̇ам̣ баваарзми д̣̇идтзна ваа суд̇зна ваа барисан̇гааяа ваа, вад̣̇ад̇у мам̣ ааяасмаа анугамбам̣ убаад̣̇ааяа, бассанд̇о бадигариссаами. д̣̇уд̇ияамби…бз… д̇ад̇ияамби ахам̣, аавусо, ааяасманд̇ам̣ баваарзми…бз… бадигариссаамий’’д̇и (махаава. 217) баваарзд̇аб̣б̣ам̣. навзнаби ‘‘ахам̣, бханд̇з, ааяасманд̇ам̣ баваарзми…бз… вад̣̇ад̇у мам̣ ааяасмаа анугамбам̣ убаад̣̇ааяа, бассанд̇о бадигариссаами. д̣̇уд̇ияамби…бз… д̇ад̇ияамби ахам̣, бханд̇з, ааяасманд̇ам̣ баваарзми…бз… бадигариссаамий’’д̇и баваарзд̇аб̣б̣ам̣.
2638.Aññamaññaṃ pavāreyyuṃ, vinā ñattiṃ duve janā. Tesu therena ‘‘ahaṃ, āvuso, āyasmantaṃ pavāremi diṭṭhena vā sutena vā parisaṅkāya vā, vadatu maṃ āyasmā anukampaṃ upādāya, passanto paṭikarissāmi. Dutiyampi…pe… tatiyampi ahaṃ, āvuso, āyasmantaṃ pavāremi…pe… paṭikarissāmī’’ti (mahāva. 217) pavāretabbaṃ. Navenapi ‘‘ahaṃ, bhante, āyasmantaṃ pavāremi…pe… vadatu maṃ āyasmā anukampaṃ upādāya, passanto paṭikarissāmi. Dutiyampi…pe… tatiyampi ahaṃ, bhante, āyasmantaṃ pavāremi…pe… paṭikarissāmī’’ti pavāretabbaṃ.
ад̇хидтзяяаад̇и буб̣б̣агижжам̣ самаабзд̇ваа ‘‘аж̇ж̇а мз бавааран̣аа жаад̇уд̣̇д̣̇асий’’д̇и ваа ‘‘баннарасий’’д̇и ваа вад̇ваа ‘‘ад̇хидтаамий’’д̇и ад̇хидтзяяа . яат̇ааха ‘‘аж̇ж̇а мз бавааран̣аад̇и зд̇т̇а сажз жаад̇уд̣̇д̣̇асигаа ход̇и, ‘аж̇ж̇а мз бавааран̣аа жаад̇уд̣̇д̣̇асий’д̇и, сажз баннарасигаа, ‘аж̇ж̇а мз бавааран̣аа баннарасий’д̇и звам̣ ад̇хидтаад̇аб̣б̣а’’нд̇и (махаава. адта. 218), иминаа саб̣б̣асан̇г̇аахаад̣̇ин̃ад̇д̇ийсу жа д̇асмим̣ д̇асмим̣ д̣̇ивасз со со вохааро гаад̇аб̣б̣од̇и д̣̇ийбид̇амзва.
Adhiṭṭheyyāti pubbakiccaṃ samāpetvā ‘‘ajja me pavāraṇā cātuddasī’’ti vā ‘‘pannarasī’’ti vā vatvā ‘‘adhiṭṭhāmī’’ti adhiṭṭheyya . Yathāha ‘‘ajja me pavāraṇāti ettha sace cātuddasikā hoti, ‘ajja me pavāraṇā cātuddasī’ti, sace pannarasikā, ‘ajja me pavāraṇā pannarasī’ti evaṃ adhiṭṭhātabba’’nti (mahāva. aṭṭha. 218), iminā sabbasaṅgāhādiñattīsu ca tasmiṃ tasmiṃ divase so so vohāro kātabboti dīpitameva.
сзсаа сан̇гхабавааран̣аад̇и бан̃жахи, ад̇ирзгзхи ваа бхигкуухи гад̇д̇аб̣б̣аа бавааран̣аа сан̇гхабавааран̣аа.
Sesā saṅghapavāraṇāti pañcahi, atirekehi vā bhikkhūhi kattabbā pavāraṇā saṅghapavāraṇā.
2639. баваарид̇зд̇и батамабавааран̣ааяа баваарид̇з. анааг̇ад̇од̇и гзнажи анд̇арааязна буримигааяа жа бажчимигааяа жа вассуубанааяигааяа вассам̣ анубаг̇ад̇о. авуд̇т̇од̇и бажчимигааяа убаг̇ад̇о. вуд̇д̇ан̃хи куд̣̇д̣̇асигкааван̣н̣анааяа ‘‘авуд̇т̇од̇и бажчимигааяа убаг̇ад̇о абаринидтид̇ад̇д̇аа ‘авуд̇т̇о’д̇и вужжад̇ий’’д̇и. баарисуд̣̇д̇хиубосат̇ам̣ гарзяяаад̇и яож̇анаа. зд̇т̇а ‘‘д̇зсам̣ санд̇игз’’д̇и сзсо.
2639.Pavāriteti paṭhamapavāraṇāya pavārite. Anāgatoti kenaci antarāyena purimikāya ca pacchimikāya ca vassūpanāyikāya vassaṃ anupagato. Avutthoti pacchimikāya upagato. Vuttañhi khuddasikkhāvaṇṇanāya ‘‘avutthoti pacchimikāya upagato apariniṭṭhitattā ‘avuttho’ti vuccatī’’ti. Pārisuddhiuposathaṃ kareyyāti yojanā. Ettha ‘‘tesaṃ santike’’ti seso.
2640-1. яасмим̣ банааваасз бан̃жа ваа жад̇д̇ааро ваа д̇аяо ваа саман̣аа васанд̇и, д̇з д̇ад̇т̇а згзгасса бавааран̣ам̣ харид̇ваана сажз ан̃н̃аман̃н̃ам̣ баваарзнд̇и, аабад̇д̇и д̣̇уггаданд̇и яож̇анаа.
2640-1. Yasmiṃ panāvāse pañca vā cattāro vā tayo vā samaṇā vasanti, te tattha ekekassa pavāraṇaṃ haritvāna sace aññamaññaṃ pavārenti, āpatti dukkaṭanti yojanā.
сзсанд̇и ‘‘ад̇хаммзна самаг̇г̇а’’нд̇иаад̣̇игам̣ винижчаяам̣. ид̇хаад̇и имасмим̣ бавааран̣аад̇хигаарз. б̣уд̇ход̇и винаяад̇харо. убосат̇з вуд̇д̇анаязнаад̇и убосат̇авинижчаяз вуд̇д̇аггамзна. наязд̇и ж̇аанзяяа.
Sesanti ‘‘adhammena samagga’’ntiādikaṃ vinicchayaṃ. Idhāti imasmiṃ pavāraṇādhikāre. Budhoti vinayadharo. Uposathe vuttanayenāti uposathavinicchaye vuttakkamena. Nayeti jāneyya.
2642. самбаад̣̇зд̇ад̇д̇ано сужинд̇и ад̇д̇ано убосат̇ам̣ самбаад̣̇зд̇и. саб̣б̣ам̣ саад̇хзд̇ийд̇и убосат̇аад̣̇исаб̣б̣ам̣ гаммам̣ нибпаад̣̇зд̇и. над̇д̇анод̇и ад̇д̇ано убосат̇ам̣ на нибпаад̣̇зд̇и.
2642.Sampādetattano sucinti attano uposathaṃ sampādeti. Sabbaṃ sādhetīti uposathādisabbaṃ kammaṃ nipphādeti. Nattanoti attano uposathaṃ na nipphādeti.
2643. д̇асмаад̇и яасмаа ад̇д̇ано сужим̣ на саад̇хзд̇и, д̇асмаа. убхиннанд̇и ад̇д̇ано жа сан̇гхасса жа. гижжасид̣̇д̇хад̇т̇амзвид̇хаад̇и убосат̇аад̣̇игамманиббаж̇ж̇анад̇т̇ам̣ ид̇ха имасмим̣ убосат̇агаммаад̣̇ибагаран̣з. баарисуд̣̇д̇хибийд̇и зд̇т̇а би-сад̣̇д̣̇зна бавааран̣аа сан̇г̇ахид̇аа. д̇знзва вагкад̇и ‘‘чанд̣̇ам̣ ваа баарисуд̣̇д̇хим̣ ваа, г̇ахзд̇ваа ваа бавааран̣а’’нд̇и.
2643.Tasmāti yasmā attano suciṃ na sādheti, tasmā. Ubhinnanti attano ca saṅghassa ca. Kiccasiddhatthamevidhāti uposathādikammanippajjanatthaṃ idha imasmiṃ uposathakammādipakaraṇe. Pārisuddhipīti ettha pi-saddena pavāraṇā saṅgahitā. Teneva vakkhati ‘‘chandaṃ vā pārisuddhiṃ vā, gahetvā vā pavāraṇa’’nti.
чанд̣̇абаарисуд̣̇д̇хибавааран̣ам̣ д̣̇знд̇зна сажз саабад̇д̇иго ход̇и, аабад̇д̇им̣ д̣̇зсзд̇ваа згам̣сам̣ уд̇д̇араасан̇г̇ам̣ гад̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа чанд̣̇аад̣̇ихаараго бхигку вад̇д̇аб̣б̣о ‘‘чанд̣̇ам̣ д̣̇амми, чанд̣̇ам̣ мз хара, чанд̣̇ам̣ мз аарожзхий’’д̇и (махаава. 165), ‘‘баарисуд̣̇д̇хим̣ д̣̇амми, баарисуд̣̇д̇хим̣ мз хара, баарисуд̣̇д̇хим̣ мз аарожзхий’’д̇и (махаава. 164), ‘‘бавааран̣ам̣ д̣̇амми, бавааран̣ам̣ мз хара, бавааран̣ам̣ мз аарожзхи, мамад̇т̇ааяа баваарзхий’’д̇и (махаава. 213).
Chandapārisuddhipavāraṇaṃ dentena sace sāpattiko hoti, āpattiṃ desetvā ekaṃsaṃ uttarāsaṅgaṃ katvā ukkuṭikaṃ nisīditvā añjaliṃ paggahetvā chandādihārako bhikkhu vattabbo ‘‘chandaṃ dammi, chandaṃ me hara, chandaṃ me ārocehī’’ti (mahāva. 165), ‘‘pārisuddhiṃ dammi, pārisuddhiṃ me hara, pārisuddhiṃ me ārocehī’’ti (mahāva. 164), ‘‘pavāraṇaṃ dammi, pavāraṇaṃ me hara, pavāraṇaṃ me ārocehi, mamatthāya pavārehī’’ti (mahāva. 213).
2644. ‘‘чанд̣̇о згзнаа’’д̇и бад̣̇ажчзд̣̇о. згзна б̣ахуунамби чанд̣̇о хаад̇аб̣б̣о, д̇ат̇аа баарисуд̣̇д̇хи хаад̇аб̣б̣аа. би-сад̣̇д̣̇зна бавааран̣аа хаад̇аб̣б̣аад̇и яож̇анаа. барамбараахадо чанд̣̇од̇и б̣ахуунам̣ ваа згасса ваа чанд̣̇аад̣̇ихаарагасса хад̇т̇ад̇о анд̇араа ан̃н̃зна г̇ахид̇аа чанд̣̇абаарисуд̣̇д̇хибавааран̣аа. висуд̣̇д̇хияаа на г̇ажчад̇и анаваж̇ж̇абхаавааяа на баабун̣аад̇и б̣ил̣ааласан̇калигачанд̣̇аад̣̇ийнам̣ сан̇гхамаж̇жхам̣ аг̇аманзна ваг̇г̇абхаавагаран̣ад̇о.
2644. ‘‘Chando ekenā’’ti padacchedo. Ekena bahūnampi chando hātabbo, tathā pārisuddhi hātabbā. Pi-saddena pavāraṇā hātabbāti yojanā. Paramparāhaṭo chandoti bahūnaṃ vā ekassa vā chandādihārakassa hatthato antarā aññena gahitā chandapārisuddhipavāraṇā. Visuddhiyā na gacchati anavajjabhāvāya na pāpuṇāti biḷālasaṅkhalikachandādīnaṃ saṅghamajjhaṃ agamanena vaggabhāvakaraṇato.
зд̇т̇а жа яат̇аа б̣ил̣ааласан̇калигааяа батамавалаяам̣ д̣̇уд̇ияавалаяам̣ баабун̣аад̇и, на д̇ад̇ияам̣, звамимзби чанд̣̇аад̣̇аяо д̣̇ааяагзна яасса д̣̇иннаа, д̇ад̇о ан̃н̃ад̇т̇а на г̇ажчад̇ийд̇и б̣ил̣ааласан̇калигаасад̣̇исад̇д̇аа ‘‘б̣ил̣ааласан̇калигаа’’д̇и вуд̇д̇аа. б̣ил̣ааласан̇калигааг̇г̇ахан̣ан̃жзд̇т̇а яаасам̣ гаасан̃жи сан̇калигаанам̣ убалагкан̣амад̇д̇анд̇и д̣̇адтаб̣б̣ам̣.
Ettha ca yathā biḷālasaṅkhalikāya paṭhamavalayaṃ dutiyavalayaṃ pāpuṇāti, na tatiyaṃ, evamimepi chandādayo dāyakena yassa dinnā, tato aññattha na gacchatīti biḷālasaṅkhalikāsadisattā ‘‘biḷālasaṅkhalikā’’ti vuttā. Biḷālasaṅkhalikāggahaṇañcettha yāsaṃ kāsañci saṅkhalikānaṃ upalakkhaṇamattanti daṭṭhabbaṃ.
2645-6. чанд̣̇ам̣ ваа баарисуд̣̇д̇хим̣ ваа бавааран̣ам̣ ваа г̇ахзд̇ваа чанд̣̇аад̣̇ихаараго сан̇гхамаббад̇ваа сажз сааман̣зраад̣̇ибхаавам̣ бадиж̇аанзяяа ваа виб̣бхамзяяа ваа марзяяа ваа, д̇ам̣ саб̣б̣ам̣ чанд̣̇аад̣̇ибхаавам̣ наахадам̣ ход̇и, сан̇гхам̣ бад̇ваа звам̣ сияаа сааман̣зраад̣̇ибхаавам̣ бадиж̇аананд̇о, виб̣бханд̇о, гаалагад̇о ваа бхавзяяа, д̇ам̣ саб̣б̣ам̣ хадам̣ аанийд̇ам̣ ход̇ийд̇и яож̇анаа.
2645-6. Chandaṃ vā pārisuddhiṃ vā pavāraṇaṃ vā gahetvā chandādihārako saṅghamappatvā sace sāmaṇerādibhāvaṃ paṭijāneyya vā vibbhameyya vā mareyya vā, taṃ sabbaṃ chandādibhāvaṃ nāhaṭaṃ hoti, saṅghaṃ patvā evaṃ siyā sāmaṇerādibhāvaṃ paṭijānanto, vibbhanto, kālakato vā bhaveyya, taṃ sabbaṃ haṭaṃ ānītaṃ hotīti yojanā.
д̇ад̇т̇а сааман̣зраад̣̇ибхаавам̣ ваа бадиж̇аанзяяаад̇и ‘‘ахам̣ сааман̣зро’’д̇иаад̣̇инаа бхууд̇ам̣ сааман̣зраад̣̇ибхаавам̣ гат̇зяяа, бажчаа сааман̣зрабхуумияам̣ бад̇идтахзяяаад̇и ад̇т̇о. аад̣̇и-сад̣̇д̣̇зна анд̇имавад̇т̇ум̣ аж̇жхаабанно г̇ахид̇о.
Tattha sāmaṇerādibhāvaṃ vā paṭijāneyyāti ‘‘ahaṃ sāmaṇero’’tiādinā bhūtaṃ sāmaṇerādibhāvaṃ katheyya, pacchā sāmaṇerabhūmiyaṃ patiṭṭhaheyyāti attho. Ādi-saddena antimavatthuṃ ajjhāpanno gahito.
2647. сан̇гхам̣ бад̇ваад̇и анд̇амасо д̇ам̣д̇ам̣гаммаббад̇д̇асса жад̇уваг̇г̇аад̣̇исан̇гхасса хад̇т̇абаасам̣ бад̇ваад̇и ад̇т̇о. бамад̇д̇од̇и бамаад̣̇ам̣ сад̇исаммосам̣ бад̇д̇о. суд̇д̇од̇и нид̣̇д̣̇уубаг̇ад̇о. кид̇д̇ажид̇д̇агод̇и яагкаад̣̇ийхи вигкзбамаабаад̣̇ид̇ажид̇д̇о. наарожзд̇ийд̇и ад̇д̇ано чанд̣̇аад̣̇ийнам̣ аахадабхаавам̣ згассааби бхигкуно на гат̇зд̇и. сан̃жижжаад̇и сан̃жзд̇зд̇ваа ж̇аананд̇оязва анаад̣̇арияо наарожзд̇и, д̣̇уггадам̣ ход̇и.
2647.Saṅghaṃ patvāti antamaso taṃtaṃkammappattassa catuvaggādisaṅghassa hatthapāsaṃ patvāti attho. Pamattoti pamādaṃ satisammosaṃ patto. Suttoti niddūpagato. Khittacittakoti yakkhādīhi vikkhepamāpāditacitto. Nārocetīti attano chandādīnaṃ āhaṭabhāvaṃ ekassāpi bhikkhuno na katheti. Sañciccāti sañcetetvā jānantoyeva anādariyo nāroceti, dukkaṭaṃ hoti.
2648. яз д̇зд̇и яз д̇з бхигкуу т̇зраа ваа наваа ваа маж̇жхимаа ваа. вибассанаад̇и сахажариязна самат̇оби г̇аяхад̇и. самат̇авибассанаа жа ид̇ха д̇арун̣ааязва ад̇хиббзд̇аа, д̇асмаа вибассанааяуд̇д̇аад̇и зд̇т̇а д̇арун̣аахи самат̇авибассанаахи саманнааг̇ад̇аад̇и ад̇т̇о. рад̇д̇инд̣̇иванд̇и ажжанд̇асам̣яог̇з убаяог̇аважанам̣. ад̇анд̣̇ид̇аад̇и аналасаа.
2648.Ye teti ye te bhikkhū therā vā navā vā majjhimā vā. Vipassanāti sahacariyena samathopi gayhati. Samathavipassanā ca idha taruṇāyeva adhippetā, tasmā vipassanāyuttāti ettha taruṇāhi samathavipassanāhi samannāgatāti attho. Rattindivanti accantasaṃyoge upayogavacanaṃ. Atanditāti analasā.
‘‘рад̇д̇инд̣̇ива’’нд̇и зд̇т̇а рад̇д̇и-сад̣̇д̣̇зна рад̇д̇ияааязва г̇ахан̣ам̣, уд̣̇ааху згад̣̇зсассаад̇и ааха ‘‘буб̣б̣арад̇д̇аабарарад̇д̇а’’нд̇и. буб̣б̣аа жа саа рад̇д̇и жаад̇и буб̣б̣арад̇д̇и, батамаяаамо, абараа жа саа рад̇д̇и жаад̇и абарарад̇д̇и, бажчимаяаамо, буб̣б̣арад̇д̇и жа абарарад̇д̇и жаад̇и самаахаарад̣̇ванд̣̇з самаасанд̇з а-гаарабажжаяам̣ гад̇ваа ‘‘буб̣б̣арад̇д̇аабарарад̇д̇а’’нд̇и вуд̇д̇ам̣. ид̇хааби ажжанд̇асам̣яог̇з убаяог̇аважанам̣. маж̇жхимаяаамз гааяад̣̇арат̇авуубасаманад̇т̇ааяа субанам̣ анун̃н̃аад̇анд̇и д̇ам̣ важ̇ж̇зд̇ваа буримабажчимаяаамзсу ниранд̇арабхааванаануяог̇о гаад̇аб̣б̣од̇и д̣̇ассанад̇т̇амзва вуд̇д̇ам̣. вибассанаа барааяанаа самат̇авибассанаава барам̣ аяанам̣ бад̇идтаа зд̇зсанд̇и вибассанаабарааяанаа, самат̇авибассанааяа яуд̇д̇абаяуд̇д̇аа хонд̇ийд̇и вуд̇д̇ам̣ ход̇и.
‘‘Rattindiva’’nti ettha ratti-saddena rattiyāyeva gahaṇaṃ, udāhu ekadesassāti āha ‘‘pubbarattāpararatta’’nti. Pubbā ca sā ratti cāti pubbaratti, paṭhamayāmo, aparā ca sā ratti cāti apararatti, pacchimayāmo, pubbaratti ca apararatti cāti samāhāradvande samāsante a-kārapaccayaṃ katvā ‘‘pubbarattāpararatta’’nti vuttaṃ. Idhāpi accantasaṃyoge upayogavacanaṃ. Majjhimayāme kāyadarathavūpasamanatthāya supanaṃ anuññātanti taṃ vajjetvā purimapacchimayāmesu nirantarabhāvanānuyogo kātabboti dassanatthameva vuttaṃ. Vipassanā parāyanā samathavipassanāva paraṃ ayanaṃ patiṭṭhā etesanti vipassanāparāyanā, samathavipassanāya yuttapayuttā hontīti vuttaṃ hoti.
2649. лад̣̇д̇хо паасувихааро язхи д̇з лад̣̇д̇хапаасувихаараа, д̇зсам̣. паасувихаарод̇и жа сукавихаарасса муулагааран̣ад̇д̇аа д̇арун̣аа самат̇авибассанаа ад̇хиббзд̇аа, бадилад̣̇д̇хад̇арун̣асамат̇авибассанаананд̇и ад̇т̇о. сияаа на барихаанид̇и барихаани наама звам̣ гад̇з на бхавзяяа.
2649. Laddho phāsuvihāro yehi te laddhaphāsuvihārā, tesaṃ. Phāsuvihāroti ca sukhavihārassa mūlakāraṇattā taruṇā samathavipassanā adhippetā, paṭiladdhataruṇasamathavipassanānanti attho. Siyā na parihāniti parihāni nāma evaṃ kate na bhaveyya.
гад̇д̇игамаасагзд̇и жийварамаасасан̇каад̇з гад̇д̇игамаасз бавааран̣ааяа сан̇г̇ахо вуд̇д̇од̇и яож̇анаа. г̇аат̇ааб̣анд̇хавасзна ‘‘сан̇г̇аахо’’д̇и д̣̇ийгхо гад̇о, бавааран̣аасан̇г̇ахо вуд̇д̇од̇и ад̇т̇о. яат̇ааха –
Kattikamāsaketi cīvaramāsasaṅkhāte kattikamāse pavāraṇāya saṅgaho vuttoti yojanā. Gāthābandhavasena ‘‘saṅgāho’’ti dīgho kato, pavāraṇāsaṅgaho vuttoti attho. Yathāha –
‘‘бавааран̣аасан̇г̇ахо жа наамааяам̣ виссадтагаммадтаанаанам̣ т̇аамаг̇ад̇асамат̇авибассанаанам̣ сод̇аабаннаад̣̇ийнан̃жа на д̣̇аад̇аб̣б̣о. д̇арун̣асамат̇авибассанаалаабхино бана саб̣б̣з ваа хонд̇у, убад̣дхаа ваа, згабуг̇г̇ало ваа, згассаби васзна д̣̇аад̇аб̣б̣оязва. д̣̇иннз бавааран̣аасан̇г̇ахз анд̇овассз барихаарова ход̇и, ааг̇анд̇угаа д̇зсам̣ сзнаасанам̣ г̇ахзд̇ум̣ на лабханд̇и. д̇зхиби чиннавассзхи на бхавид̇аб̣б̣ам̣, баваарзд̇ваа бана анд̇арааби жааригам̣ баггамид̇ум̣ лабханд̇ий’’д̇и (махаава. адта. 241).
‘‘Pavāraṇāsaṅgaho ca nāmāyaṃ vissaṭṭhakammaṭṭhānānaṃ thāmagatasamathavipassanānaṃ sotāpannādīnañca na dātabbo. Taruṇasamathavipassanālābhino pana sabbe vā hontu, upaḍḍhā vā, ekapuggalo vā, ekassapi vasena dātabboyeva. Dinne pavāraṇāsaṅgahe antovasse parihārova hoti, āgantukā tesaṃ senāsanaṃ gahetuṃ na labhanti. Tehipi chinnavassehi na bhavitabbaṃ, pavāretvā pana antarāpi cārikaṃ pakkamituṃ labhantī’’ti (mahāva. aṭṭha. 241).
бавааран̣аасан̇г̇ахасса д̣̇аанаббагааро бана баал̣ид̇о г̇ахзд̇аб̣б̣о.
Pavāraṇāsaṅgahassa dānappakāro pana pāḷito gahetabbo.
бавааран̣агканд̇хагагат̇ааван̣н̣анаа.
Pavāraṇakkhandhakakathāvaṇṇanā.
