A World of Knowledge
    Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā

    45. бавааран̣аанид̣̇д̣̇зсаван̣н̣анаа

    45. Pavāraṇāniddesavaṇṇanā

    433. ‘‘ануж̇аанаами , бхигкавз, бан̃жаннам̣ сан̇гхз баваарзд̇у’’нд̇и (махаава. 215) вуд̇д̇ад̇д̇аа ‘‘сзсаа сан̇гхаббавааран̣аа’’д̇и (махаава. 215 аад̣̇аяо) вуд̇д̇аа.

    433. ‘‘Anujānāmi , bhikkhave, pañcannaṃ saṅghe pavāretu’’nti (mahāva. 215) vuttattā ‘‘sesā saṅghappavāraṇā’’ti (mahāva. 215 ādayo) vuttā.

    434. аж̇ж̇а бавааран̣аад̇и зд̇т̇а (махаава. 215 аад̣̇аяо) бана жаад̇уд̣̇д̣̇асигааяа бавааран̣ааяа ‘‘аж̇ж̇а бавааран̣аа жаад̇уд̣̇д̣̇асий’’д̇и буб̣б̣агижжам̣ гаад̇аб̣б̣ам̣, баннарасияам̣ ‘‘аж̇ж̇а бавааран̣аа баннарасий’’д̇и.

    434.Ajja pavāraṇāti ettha (mahāva. 215 ādayo) pana cātuddasikāya pavāraṇāya ‘‘ajja pavāraṇā cātuddasī’’ti pubbakiccaṃ kātabbaṃ, pannarasiyaṃ ‘‘ajja pavāraṇā pannarasī’’ti.

    437. т̇зрзсу уггудигам̣ нисаж̇ж̇а баваарзнд̇зсу саяам̣ бана наво яаава баваарзд̇и, д̇аава уггудигова ажчад̇ууд̇и ад̇т̇о. ‘‘на бхигкавз т̇зрзсу уггудигам̣ нисиннзсу баваараяамаанзсу аасанзсу ажчид̇аб̣б̣ам̣. яо ажчзяяа, аабад̇д̇и д̣̇уггадасса. ануж̇аанаами, бхигкавз, д̇ад̣̇аманд̇араа уггудигам̣ нисийд̣̇ид̇ум̣, яаава баваарзд̇и, баваарзд̇ваа аасанз нисийд̣̇ид̇у’’нд̇и (махаава. 211) хи вуд̇д̇ам̣.

    437. Theresu ukkuṭikaṃ nisajja pavārentesu sayaṃ pana navo yāva pavāreti, tāva ukkuṭikova acchatūti attho. ‘‘Na bhikkhave theresu ukkuṭikaṃ nisinnesu pavārayamānesu āsanesu acchitabbaṃ. Yo accheyya, āpatti dukkaṭassa. Anujānāmi, bhikkhave, tadamantarā ukkuṭikaṃ nisīdituṃ, yāva pavāreti, pavāretvā āsane nisīditu’’nti (mahāva. 211) hi vuttaṃ.

    440-2. звам̣ д̇зваажигаббавааран̣ам̣ д̣̇ассзд̇ваа ид̣̇аани д̣̇взваажигазгаваажигасамаанавассигаббавааран̣аасу гад̇д̇аб̣б̣ам̣ д̣̇ассзд̇ум̣ ‘‘д̣̇аанзнаа’’д̇иаад̣̇имааха. д̇ад̇т̇а д̣̇аанзнаад̇и д̣̇аанзна ваа. д̇хаммасаагажчаад̇и иминаа д̇хаммагат̇аасуд̇д̇асан̇г̇ааяанаавинаяавинижчаяаад̣̇аяо г̇ахид̇аа. д̣̇аанзна ваа д̇хаммасаагажчааяа ваа галахзна ваа рад̇д̇ияаа кзбид̇абхаавад̇о д̇зваажигааяа огаасз асад̇и д̣̇асавид̇хз ваа анд̇арааяз ануруубад̇о уд̇д̇им̣ табзд̇ваа баваарзяяаад̇и самб̣анд̇хо.

    440-2. Evaṃ tevācikappavāraṇaṃ dassetvā idāni dvevācikaekavācikasamānavassikappavāraṇāsu kattabbaṃ dassetuṃ ‘‘dānenā’’tiādimāha. Tattha dānenāti dānena vā. Dhammasākacchāti iminā dhammakathāsuttasaṅgāyanāvinayavinicchayādayo gahitā. Dānena vā dhammasākacchāya vā kalahena vā rattiyā khepitabhāvato tevācikāya okāse asati dasavidhe vā antarāye anurūpato uttiṃ ṭhapetvā pavāreyyāti sambandho.

    ид̣̇аани яат̇аануруубад̇о н̃ад̇д̇и табид̇аа, д̇ам̣ д̣̇ассзд̇ум̣ ‘‘сун̣аад̇у мз’’д̇иаад̣̇имааха. яат̇аатабид̇ан̃ад̇д̇ияаад̇и зд̇т̇а саб̣б̣асан̇г̇аахигаажзн̃ад̇д̇итабид̇аа, д̇зваажигад̣̇взваажигазгаваажигаанам̣ васзна баваарзд̇аб̣б̣ам̣, самаанавассигаббавааран̣аава згаа на ваддад̇и. сажз ‘‘сан̇гхо д̇зваажигам̣ баваарзяяаа’’д̇и табид̇аа, д̇зваажигаа зва ваддад̇и, д̣̇взваажигаад̣̇аяо на вадданд̇и. ‘‘д̣̇взваажигам̣ баваарзяяаа’’д̇и вуд̇д̇з д̣̇взваажиган̃жа д̇зваажиган̃жа ваддад̇и, згаваажигасамаанавассигаа на вадданд̇и. ‘‘згаваажигам̣ баваарзяяаа’’д̇и вуд̇д̇з бана самаанавассигам̣ табзд̇ваа сзсаа вадданд̇и. ‘‘самаанавассига’’нд̇и бана вуд̇д̇з саб̣б̣ам̣ ваддад̇ийд̇и. аад̣̇игз жзд̇т̇а аахарзд̇и зд̇т̇а бавааран̣ааяаби буб̣б̣з убосат̇з вуд̇д̇з ‘‘яад̣̇и самаа ааг̇ажчзяяу’’нд̇иаад̣̇игз ваарз аахарзд̇и ад̇т̇о.

    Idāni yathānurūpato ñatti ṭhapitā, taṃ dassetuṃ ‘‘suṇātu me’’tiādimāha. Yathāṭhapitañattiyāti ettha sabbasaṅgāhikāceñattiṭhapitā, tevācikadvevācikaekavācikānaṃ vasena pavāretabbaṃ, samānavassikappavāraṇāva ekā na vaṭṭati. Sace ‘‘saṅgho tevācikaṃ pavāreyyā’’ti ṭhapitā, tevācikā eva vaṭṭati, dvevācikādayo na vaṭṭanti. ‘‘Dvevācikaṃ pavāreyyā’’ti vutte dvevācikañca tevācikañca vaṭṭati, ekavācikasamānavassikā na vaṭṭanti. ‘‘Ekavācikaṃ pavāreyyā’’ti vutte pana samānavassikaṃ ṭhapetvā sesā vaṭṭanti. ‘‘Samānavassika’’nti pana vutte sabbaṃ vaṭṭatīti. Ādike cettha āhareti ettha pavāraṇāyapi pubbe uposathe vutte ‘‘yadi samā āgaccheyyu’’ntiādike vāre āhareti attho.

    443. ид̣̇аани вад̇д̇аб̣б̣ам̣ санд̇хааяа ‘‘зва’’нд̇и вуд̇д̇ам̣. д̇иваг̇г̇о жа жад̇уваг̇г̇о жа д̇ижад̇уваг̇г̇о.

    443. Idāni vattabbaṃ sandhāya ‘‘eva’’nti vuttaṃ. Tivaggo ca catuvaggo ca ticatuvaggo.

    450. ‘‘на бхигкавз саабад̇д̇игзна баваарзд̇аб̣б̣ам̣. яо баваарзяяа, аабад̇д̇и д̣̇уггадассаа’’д̇и (махаава. 235) вуд̇д̇ад̇д̇аа саабад̇д̇игзнаби взмад̇игзнаби баваарияамаанз аабад̇д̇им̣ саранд̇знаби убосат̇з вуд̇д̇анаязна бадибаж̇ж̇ид̇аб̣б̣ам̣. ‘‘ваг̇г̇з самаг̇г̇з ваг̇г̇од̇и-сан̃н̃ино вимад̇исса ваа’’д̇иаад̣̇иг̇аат̇аад̇о бадтааяа яаава ‘‘анд̇арааяам̣ ва сан̇гхам̣ ваа-д̇хидтаад̇ум̣ сиймамзва ваа’’д̇и авасаанаг̇аат̇аа, д̇аава сзсаа убосат̇з вуд̇д̇аа г̇аат̇ааяод̇и ад̇хиббзд̇аа.

    450. ‘‘Na bhikkhave sāpattikena pavāretabbaṃ. Yo pavāreyya, āpatti dukkaṭassā’’ti (mahāva. 235) vuttattā sāpattikenapi vematikenapi pavāriyamāne āpattiṃ sarantenapi uposathe vuttanayena paṭipajjitabbaṃ. ‘‘Vagge samagge vaggoti-saññino vimatissa vā’’tiādigāthāto paṭṭhāya yāva ‘‘antarāyaṃ va saṅghaṃ vā-dhiṭṭhātuṃ sīmameva vā’’ti avasānagāthā, tāva sesā uposathe vuttā gāthāyoti adhippetā.

    451. баваарид̇з жаад̇и (махаава. 213 аад̣̇аяо) батамабавааран̣ааяа сан̇гхамхи баваарид̇зд̇и ад̇хиббааяо. зд̇т̇а авуд̇т̇од̇и бажчимигааяа убаг̇ад̇о абаринидтид̇ад̇д̇аа ‘‘авуд̇т̇о’’д̇и вужжад̇и.

    451.Pavāriteti (mahāva. 213 ādayo) paṭhamapavāraṇāya saṅghamhi pavāriteti adhippāyo. Ettha avutthoti pacchimikāya upagato apariniṭṭhitattā ‘‘avuttho’’ti vuccati.

    452. жаад̇умаасинийд̇и гад̇д̇игабун̣н̣амий. зд̇т̇а вуд̇т̇авассаа наама бажчимигааяа убаг̇ад̇аа. бавааран̣аавинижчаяо.

    452.Cātumāsinīti kattikapuṇṇamī. Ettha vutthavassā nāma pacchimikāya upagatā. Pavāraṇāvinicchayo.

    бавааран̣аанид̣̇д̣̇зсаван̣н̣анаа нидтид̇аа.

    Pavāraṇāniddesavaṇṇanā niṭṭhitā.





    © 1991-2025 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact