Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
7. бавааран̣аанид̣̇д̣̇зсаван̣н̣анаа
7. Pavāraṇāniddesavaṇṇanā
73. язна ирияаабат̇зна убалагкид̇о бан̃жаннам̣ бхож̇анаанам̣ яам̣ гин̃жи бхож̇анам̣ бхун̃ж̇амаано аяам̣ бхигку габбияаанам̣ бан̃жаннам̣ бхож̇анаанам̣ хад̇т̇абаасобанийд̇аанам̣ баваарид̇о, д̇ад̇о ирияаабат̇ад̇о ан̃н̃зна ирияаабат̇зна анад̇ирид̇д̇агам̣ яаавагаалигам̣ бхун̃ж̇зяяа жз, имасса баажид̇д̇и ход̇ийд̇и бад̣̇ад̇т̇аяож̇анаа. бхун̃ж̇анад̇т̇ааяа бадиг̇г̇ахан̣з бана д̣̇уггадам̣. д̇ад̇т̇а ирияааяа гааяигагирияааяа бат̇о бавад̇д̇ануубааяо ирияаабат̇о, таанаг̇амананисаж̇ж̇анасаяанаани. баваарзд̇и бадигкибад̇ийд̇и баваарид̇о, ат̇а ваа бавааран̣ам̣ бадигкибанам̣ баваарид̇ам̣, д̇амасса ад̇т̇ийд̇и баваарид̇о, гад̇аббавааран̣о гад̇аббадигкзбод̇и ад̇т̇о, ат̇а ваа баривзсагзна ваарийяад̇ийд̇и баваарид̇о бадигкзбид̇о. анад̇ирид̇д̇аганд̇и яам̣ баваарзд̇ваа аасанаа вудтаханд̇асса ‘‘аламзд̇ам̣ саб̣б̣а’’нд̇и звам̣ ад̇ирид̇д̇агаран̣аад̣̇ийхи сад̇д̇ахи винаяагаммаагаарзхи габбияам̣ гад̇ам̣, д̇ан̃жа ‘‘аж̇ж̇а ваа яад̣̇аа ваа ижчад̇и, д̇ад̣̇аа каад̣̇иссад̇ий’’д̇и аахадам̣, г̇илаанаад̇ирид̇д̇ан̃жа ад̇ирид̇д̇ам̣ ад̇хиганд̇и вужжад̇и, д̇ад̇о ан̃н̃ам̣ анад̇ирид̇д̇агам̣ анад̇хиганд̇и ад̇т̇о. гусалам̣ жид̇д̇ам̣ баад̇зд̇ийд̇и баажид̇д̇и, д̇асмаа ид̇т̇ияам̣ д̇имхи д̇а-гаарасса жа-гаарз, д̣̇вид̇д̇з жа баажид̇д̇и. яаамагаалигам̣ сад̇д̇аахагаалигам̣ яааваж̇ийвигам̣ аахаарад̇т̇ааяа бадиг̇г̇ан̣хад̇о аабад̇д̇и д̣̇уггадасса, аж̇жхохаарз аж̇жхохаарз аабад̇д̇и д̣̇уггадасса.
73. Yena iriyāpathena upalakkhito pañcannaṃ bhojanānaṃ yaṃ kiñci bhojanaṃ bhuñjamāno ayaṃ bhikkhu kappiyānaṃ pañcannaṃ bhojanānaṃ hatthapāsopanītānaṃ pavārito, tato iriyāpathato aññena iriyāpathena anatirittakaṃ yāvakālikaṃ bhuñjeyya ce, imassa pācitti hotīti padatthayojanā. Bhuñjanatthāya paṭiggahaṇe pana dukkaṭaṃ. Tattha iriyāya kāyikakiriyāya patho pavattanūpāyo iriyāpatho, ṭhānagamananisajjanasayanāni. Pavāreti paṭikkhipatīti pavārito, atha vā pavāraṇaṃ paṭikkhipanaṃ pavāritaṃ, tamassa atthīti pavārito, katappavāraṇo katappaṭikkhepoti attho, atha vā parivesakena vārīyatīti pavārito paṭikkhepito. Anatirittakanti yaṃ pavāretvā āsanā vuṭṭhahantassa ‘‘alametaṃ sabba’’nti evaṃ atirittakaraṇādīhi sattahi vinayakammākārehi kappiyaṃ kataṃ, tañca ‘‘ajja vā yadā vā icchati, tadā khādissatī’’ti āhaṭaṃ, gilānātirittañca atirittaṃ adhikanti vuccati, tato aññaṃ anatirittakaṃ anadhikanti attho. Kusalaṃ cittaṃ pātetīti pācitti, tasmā itthiyaṃ timhi ta-kārassa ca-kāre, dvitte ca pācitti. Yāmakālikaṃ sattāhakālikaṃ yāvajīvikaṃ āhāratthāya paṭiggaṇhato āpatti dukkaṭassa, ajjhohāre ajjhohāre āpatti dukkaṭassa.
74. ид̣̇аани яааяа баваарид̇аа, саа бан̃жан̇г̇асамбаннааязва бавааран̣аа наама ход̇ийд̇и д̣̇ассзд̇ум̣ ‘‘асана’’нд̇иаад̣̇имааха. д̇ад̇т̇а асананд̇и бхун̃ж̇амаанасса бхун̃ж̇анам̣. иминаа яам̣ виббагад̇ам̣ бхож̇анам̣, д̇ам̣ д̣̇ассзд̇и. бхож̇анан̃жзваад̇и бавааран̣аббахонагам̣ бхож̇анан̃жзва ход̇ийд̇и. абхихаарод̇и д̣̇ааяагасса гааязна бавааран̣аббахонагасса абхихаран̣ам̣, на ваажааяа. самийбад̇аад̇и ад̣дхад̇зяяахад̇т̇аббамаан̣асан̇каад̇аа самийбад̇аа жа. зд̇т̇а бана сажз бхигку нисинно ход̇и, аасанасса бажчиманд̇ад̇о бадтааяа, сажз тид̇о, бан̣хианд̇ад̇о бадтааяа, сажз нибанно, язна бассзна нибанно, д̇асса баариманд̇ад̇о бадтааяа д̣̇ааяагасса тид̇асса ваа нисиннасса ваа нибаннасса ваа табзд̇ваа басаарид̇ахад̇т̇ам̣ яам̣ аасаннад̇арам̣ ан̇г̇ам̣, д̇асса ориманд̇зна барижчинд̣̇ид̇ваа ад̣дхад̇зяяахад̇т̇абаасо взд̣̇ид̇аб̣б̣о. гааяаваажаабадигкзбод̇и д̇асса абхихадабхож̇анасса ан̇г̇улижаланаад̣̇игааяавигаарзна ваа ‘‘ала’’нд̇иаад̣̇инаа важийвигаарзна ваа бадигкибанам̣. ид̇и имзхи бан̃жахан̇г̇зхи бавааран̣аа багаараяуд̇д̇авааран̣аа бан̃жаан̇г̇аад̇и самб̣анд̇хо. бан̃жа ан̇г̇аани яассаа саа бан̃жаан̇г̇аа.
74. Idāni yāya pavāritā, sā pañcaṅgasampannāyeva pavāraṇā nāma hotīti dassetuṃ ‘‘asana’’ntiādimāha. Tattha asananti bhuñjamānassa bhuñjanaṃ. Iminā yaṃ vippakataṃ bhojanaṃ, taṃ dasseti. Bhojanañcevāti pavāraṇappahonakaṃ bhojanañceva hotīti. Abhihāroti dāyakassa kāyena pavāraṇappahonakassa abhiharaṇaṃ, na vācāya. Samīpatāti aḍḍhateyyahatthappamāṇasaṅkhātā samīpatā ca. Ettha pana sace bhikkhu nisinno hoti, āsanassa pacchimantato paṭṭhāya, sace ṭhito, paṇhiantato paṭṭhāya, sace nipanno, yena passena nipanno, tassa pārimantato paṭṭhāya dāyakassa ṭhitassa vā nisinnassa vā nipannassa vā ṭhapetvā pasāritahatthaṃ yaṃ āsannataraṃ aṅgaṃ, tassa orimantena paricchinditvā aḍḍhateyyahatthapāso veditabbo. Kāyavācāpaṭikkhepoti tassa abhihaṭabhojanassa aṅgulicalanādikāyavikārena vā ‘‘ala’’ntiādinā vacīvikārena vā paṭikkhipanaṃ. Iti imehi pañcahaṅgehi pavāraṇā pakārayuttavāraṇā pañcaaṅgāti sambandho. Pañca aṅgāni yassā sā pañcaaṅgā.
75. ид̣̇аани зд̇зсу од̣̇анаад̣̇ибан̃жавид̇хам̣ бхож̇анам̣ д̣̇ассзд̇ваа д̇аани жа буна вибхаж̇ид̇ваа д̣̇ассзд̇ум̣ ‘‘од̣̇ано’’д̇иаад̣̇и аарад̣̇д̇хам̣. д̇ад̇т̇а саалийд̇и рад̇д̇асаалиаад̣̇игаа саб̣б̣ааби саалиж̇аад̇и. вийхийд̇и саб̣б̣ааби вийхинаамигаа вийхиж̇аад̇и. ган̇г̇ууд̇и сзд̇арад̇д̇агаал̣абхзд̣̇аа саб̣б̣ааби ган̇г̇уж̇аад̇и. гуд̣̇руусо наама гаал̣агод̣̇раво. вараго наама сзд̇аван̣н̣о год̣̇раво. яаваг̇од̇хумзсу бана бхзд̣̇о над̇т̇и. звам̣ яат̇аавуд̇д̇аанам̣ саануломаанам̣ сад̇д̇аннам̣ д̇хан̃н̃аанам̣ бхож̇ж̇аяааг̇у жаад̇и самб̣анд̇хо. бхож̇ж̇аяааг̇у жаад̇и ун̣хам̣ ваа сийд̇алам̣ ваа бхун̃ж̇анд̇аанам̣ бхож̇анагаалз г̇ахид̇адтаанз од̇хи бан̃н̃ааяад̇и, саа бхож̇ж̇аяааг̇у. жа-сад̣̇д̣̇зна од̣̇ано жаад̇и самб̣анд̇хо , од̣̇ано наамаад̇и ад̇т̇о. сажз бана бхад̇д̇з уд̣̇агаган̃ж̇игакийраад̣̇ийни аагирид̇ваа ‘‘яааг̇ум̣ г̇ан̣хат̇аа’’д̇и д̣̇знд̇и, гин̃жааби д̇анугаа ход̇и, бавааран̣ам̣ ж̇анзд̇и. сажз бана уд̣̇агаад̣̇ийсу багкибид̇ваа бажид̇ваа д̣̇знд̇и, яааг̇усан̇г̇ахамзва г̇ажчад̇и. сажз бана д̇анугааяаби яааг̇уяаа саасабамад̇д̇амби мажчамам̣сакан̣д̣ам̣ ваа нхаару ваа багкид̇д̇ам̣ ход̇и, бавааран̣ам̣ ж̇анзд̇и.
75. Idāni etesu odanādipañcavidhaṃ bhojanaṃ dassetvā tāni ca puna vibhajitvā dassetuṃ ‘‘odano’’tiādi āraddhaṃ. Tattha sālīti rattasāliādikā sabbāpi sālijāti. Vīhīti sabbāpi vīhināmikā vīhijāti. Kaṅgūti setarattakāḷabhedā sabbāpi kaṅgujāti. Kudrūso nāma kāḷakodravo. Varako nāma setavaṇṇo kodravo. Yavagodhumesu pana bhedo natthi. Evaṃ yathāvuttānaṃ sānulomānaṃ sattannaṃ dhaññānaṃ bhojjayāgu cāti sambandho. Bhojjayāgu cāti uṇhaṃ vā sītalaṃ vā bhuñjantānaṃ bhojanakāle gahitaṭṭhāne odhi paññāyati, sā bhojjayāgu. Ca-saddena odano cāti sambandho , odano nāmāti attho. Sace pana bhatte udakakañjikakhīrādīni ākiritvā ‘‘yāguṃ gaṇhathā’’ti denti, kiñcāpi tanukā hoti, pavāraṇaṃ janeti. Sace pana udakādīsu pakkhipitvā pacitvā denti, yāgusaṅgahameva gacchati. Sace pana tanukāyapi yāguyā sāsapamattampi macchamaṃsakhaṇḍaṃ vā nhāru vā pakkhittaṃ hoti, pavāraṇaṃ janeti.
76. саамаагаад̣̇ид̇ин̣ам̣ гуд̣̇руусагз сан̇г̇ахам̣ г̇ад̇ам̣, варагажораго варагз сан̇г̇ахам̣ г̇ад̇о, нийвааро жзва саалияам̣ сан̇г̇ахам̣ г̇ад̇од̇и яож̇анаа. саамаагаад̣̇ид̇ин̣анд̇и саамааго аад̣̇и яасса, д̇амзва д̇ин̣ам̣ д̇ин̣ад̇хан̃н̃анд̇и самаасо.
76. Sāmākāditiṇaṃ kudrūsake saṅgahaṃ gataṃ, varakacorako varake saṅgahaṃ gato, nīvāro ceva sāliyaṃ saṅgahaṃ gatoti yojanā. Sāmākāditiṇanti sāmāko ādi yassa, tameva tiṇaṃ tiṇadhaññanti samāso.
77. бхадтад̇хан̃н̃амаяод̇и карабаагабхаж̇ж̇ид̇зхи сад̇д̇авид̇хзхи д̇хан̃н̃зхи годдзд̇ваа гад̇о, анд̇амасо жун̣н̣амби гун̣д̣агамби сад̇д̇у наамаад̇и ад̇т̇о. самабаагабхаж̇ж̇ид̇аанам̣ бана аад̇абасугкаанам̣ ваа д̇ан̣д̣улаанам̣ сад̇д̇у ваа гун̣д̣агаани зва ваа на баваарзнд̇и. яавзна самбхаво уббад̇д̇и ассаад̇и яавасамбхаво, гуммаасо гуммаасо наама. муг̇г̇аад̣̇ийхи гад̇о бана бавааран̣ам̣ на ж̇анзд̇и. габбияо жаад̇и габбияоязва мам̣со ‘‘мам̣со’’д̇и вуд̇д̇од̇и яож̇анаа. жаад̇и авад̇хааран̣з. агаббияо бана бадигкибид̇аб̣б̣ова. бадигкид̇д̇оби на баваарзд̇и. уд̣̇агз самбхаво яасса со мажчо наама. д̣̇вийсу банзд̇зсу сажз яааг̇ум̣ биванд̇асса яааг̇усид̇т̇амад̇д̇зсуби мажчакан̣д̣зсу ваа мам̣сакан̣д̣зсу ваа згам̣ каад̣̇ид̇ам̣ згам̣ хад̇т̇з ваа бад̇д̇з ваа ход̇и, со жз ан̃н̃ам̣ бадигкибад̇и, баваарзд̇и. д̣̇взби каад̣̇ид̇аани хонд̇и, мукз саасабамад̇д̇амби авасидтам̣ над̇т̇и, сажзби ан̃н̃ам̣ бадигкибад̇и, на баваарзд̇и.
77.Bhaṭṭhadhaññamayoti kharapākabhajjitehi sattavidhehi dhaññehi koṭṭetvā kato, antamaso cuṇṇampi kuṇḍakampi sattu nāmāti attho. Samapākabhajjitānaṃ pana ātapasukkhānaṃ vā taṇḍulānaṃ sattu vā kuṇḍakāni eva vā na pavārenti. Yavena sambhavo uppatti assāti yavasambhavo, kummāso kummāso nāma. Muggādīhi kato pana pavāraṇaṃ na janeti. Kappiyo cāti kappiyoyeva maṃso ‘‘maṃso’’ti vuttoti yojanā. Cāti avadhāraṇe. Akappiyo pana paṭikkhipitabbova. Paṭikkhittopi na pavāreti. Udake sambhavo yassa so maccho nāma. Dvīsu panetesu sace yāguṃ pivantassa yāgusitthamattesupi macchakhaṇḍesu vā maṃsakhaṇḍesu vā ekaṃ khāditaṃ ekaṃ hatthe vā patte vā hoti, so ce aññaṃ paṭikkhipati, pavāreti. Dvepi khāditāni honti, mukhe sāsapamattampi avasiṭṭhaṃ natthi, sacepi aññaṃ paṭikkhipati, na pavāreti.
78. ид̣̇аани ‘‘гийд̣̇исам̣ бхун̃ж̇анд̇о гинд̇и вад̇ваа убанийд̇ам̣ гим̣ наама нисзд̇хзнд̇о баваарзд̇и наамаа’’д̇и жод̣̇анам̣ манаси нид̇хааяааха ‘‘бхун̃ж̇анд̇о’’д̇иаад̣̇и . д̇ад̇т̇а габбам̣ ваа агаббам̣ ваа бан̃жасу бхож̇анзсу яам̣ гин̃жи бхож̇анам̣ бхун̃ж̇анд̇о бхигку д̇аннаамзна д̇зсам̣ бавааран̣ааж̇анагабхож̇анаанам̣ наамзна ваа ‘‘има’’нд̇и сааман̃н̃зна ваа вад̇ваа абхихадам̣ хад̇т̇абаасобанийд̇ам̣ габбам̣ габбияам̣ яат̇аавуд̇д̇абхож̇анам̣ нисзд̇хаяам̣ нисзд̇хаяанд̇о баваарзяяаад̇и бад̣̇ад̇т̇асамб̣анд̇хо. аяамзд̇т̇а ад̇хиббааяо – язна жз агаббияамам̣сан̃жа гулад̣̇уусанавзж̇ж̇агаммауд̇д̇аримануссад̇хаммаарожанасаад̣̇ид̇аруубияаад̣̇ийхи ниб̣б̣ад̇д̇ам̣ агаббияабхож̇анан̃жа д̇ат̇аа ан̃н̃ан̃жа габбияам̣ ваа агаббияам̣ ваа згасид̇т̇амад̇д̇амби аж̇жхохадам̣ ход̇и, со сажз бад̇д̇амукахад̇т̇зсу яад̇т̇а гад̇т̇ажи бхож̇анз сад̇и саабзгкова ан̃н̃ам̣ хад̇т̇абаасз тид̇зна ‘‘од̣̇анам̣ г̇ан̣хат̇аа’’д̇иаад̣̇инаа бавааран̣аббахонагассзва наамзна ваа ‘‘има’’нд̇и сааман̃н̃авасзнзва ваа гааязнзва абхихадам̣ вуд̇д̇алагкан̣ам̣ габбияамзва бхож̇анам̣ гзвалам̣ ваа миссам̣ ваа гааязна ваа ваажааяа ваа бадигкибад̇и баваарзд̇ийд̇и. ‘‘аагира аагира, годдзд̇ваа годдзд̇ваа буурзхий’’д̇и бана вад̇д̇ум̣ ваддад̇и.
78. Idāni ‘‘kīdisaṃ bhuñjanto kinti vatvā upanītaṃ kiṃ nāma nisedhento pavāreti nāmā’’ti codanaṃ manasi nidhāyāha ‘‘bhuñjanto’’tiādi . Tattha kappaṃ vā akappaṃ vā pañcasu bhojanesu yaṃ kiñci bhojanaṃ bhuñjanto bhikkhu tannāmena tesaṃ pavāraṇājanakabhojanānaṃ nāmena vā ‘‘ima’’nti sāmaññena vā vatvā abhihaṭaṃ hatthapāsopanītaṃ kappaṃ kappiyaṃ yathāvuttabhojanaṃ nisedhayaṃ nisedhayanto pavāreyyāti padatthasambandho. Ayamettha adhippāyo – yena ce akappiyamaṃsañca kuladūsanavejjakammauttarimanussadhammārocanasāditarūpiyādīhi nibbattaṃ akappiyabhojanañca tathā aññañca kappiyaṃ vā akappiyaṃ vā ekasitthamattampi ajjhohaṭaṃ hoti, so sace pattamukhahatthesu yattha katthaci bhojane sati sāpekkhova aññaṃ hatthapāse ṭhitena ‘‘odanaṃ gaṇhathā’’tiādinā pavāraṇappahonakasseva nāmena vā ‘‘ima’’nti sāmaññavaseneva vā kāyeneva abhihaṭaṃ vuttalakkhaṇaṃ kappiyameva bhojanaṃ kevalaṃ vā missaṃ vā kāyena vā vācāya vā paṭikkhipati pavāretīti. ‘‘Ākira ākira, koṭṭetvā koṭṭetvā pūrehī’’ti pana vattuṃ vaṭṭati.
79-80. ид̣̇аани яз бавааран̣ам̣ на ж̇анзнд̇и, д̇з д̣̇ассзд̇ум̣ ‘‘лааж̇аа’’д̇иаад̣̇имааха. д̇ад̇т̇а лааж̇аа…бз… палаад̣̇ийни бавааран̣ам̣ на ж̇анзнд̇ийд̇и самб̣анд̇хо. лааж̇аад̇и саалиаад̣̇ийхи гад̇аа лааж̇аа. д̇ам̣сад̇д̇убхад̇д̇аанийд̇и д̇зхи лааж̇зхи гад̇аа сад̇д̇у жзва бхад̇д̇аани жа. г̇орасод̇и г̇уннам̣ расо кийраад̣̇и. суд̣̇д̇хакаж̇ж̇агод̇и мажчамам̣сзхи асаммиссад̇ааяа суд̣̇д̇хакаж̇ж̇аго. сад̇д̇уяо бин̣д̣зд̇ваа гад̇о абагго сад̇д̇уг̇ул̣о бана сад̇д̇умод̣̇агасан̇каад̇о баваарзд̇и. д̇ан̣д̣улаад̇и самабаагабхаж̇ж̇ид̇аанам̣ саалиаад̣̇ийнам̣ д̇ан̣д̣улаа, бхаж̇ж̇ид̇ад̇ан̣д̣улаа зва ваа. бхадтабидтанд̇и суд̣̇д̇хам̣ яам̣ гин̃жи бхаж̇ж̇ид̇ам̣ бидтам̣. бут̇угаад̇и саалиаад̣̇ийнам̣ бут̇угаа. бут̇угаа хи д̇анд̇иааг̇амаяуд̇д̇ияаа висумби г̇аяхад̇и, згад̇оби, д̇асмаа вуд̇д̇аавасзсаанам̣ бут̇угаавзл̣уаад̣̇ийнам̣ бхад̇д̇анд̇и жа самб̣анд̇хо. взл̣ууд̇и д̇зсам̣ д̇ан̣д̣улаа вужжанд̇и. бут̇угаа жа взл̣у жа, д̇з аад̣̇аяо язсанд̇и самаасо. жа-сад̣̇д̣̇о банзд̇т̇а саб̣б̣ад̇т̇ааби яож̇зд̇аб̣б̣о. аад̣̇и-сад̣̇д̣̇зна ганд̣̇амуулапалааниби г̇аяханд̇и. вуд̇д̇аавасзсаананд̇и вуд̇д̇зхи сад̇д̇авид̇хзхи д̇хан̃н̃зхи авасзсаанам̣. расаяааг̇ууд̇и расзхи баггамам̣саад̣̇ийхи саммиссаа яааг̇у. расоби д̇аад̣̇исова. суд̣̇д̇хаяааг̇ууд̇и мам̣саад̣̇ийхи амиссаа суд̣̇д̇хаяааг̇у. палаад̣̇ийнийд̇и аад̣̇и-сад̣̇д̣̇зна ганд̣̇аад̣̇ийнамби г̇ахан̣ам̣. аби жаад̇и нибаад̇о, нибаад̇асамуд̣̇ааяо ваа самужжаяз, со бажжзгам̣ яож̇зд̇аб̣б̣о.
79-80. Idāni ye pavāraṇaṃ na janenti, te dassetuṃ ‘‘lājā’’tiādimāha. Tattha lājā…pe… phalādīni pavāraṇaṃ na janentīti sambandho. Lājāti sāliādīhi katā lājā. Taṃsattubhattānīti tehi lājehi katā sattu ceva bhattāni ca. Gorasoti gunnaṃ raso khīrādi. Suddhakhajjakoti macchamaṃsehi asammissatāya suddhakhajjako. Sattuyo piṇḍetvā kato apakko sattuguḷo pana sattumodakasaṅkhāto pavāreti. Taṇḍulāti samapākabhajjitānaṃ sāliādīnaṃ taṇḍulā, bhajjitataṇḍulā eva vā. Bhaṭṭhapiṭṭhanti suddhaṃ yaṃ kiñci bhajjitaṃ piṭṭhaṃ. Puthukāti sāliādīnaṃ puthukā. Puthukā hi tantiāgamayuttiyā visumpi gayhati, ekatopi, tasmā vuttāvasesānaṃ puthukāveḷuādīnaṃ bhattanti ca sambandho. Veḷūti tesaṃ taṇḍulā vuccanti. Puthukā ca veḷu ca, te ādayo yesanti samāso. Ca-saddo panettha sabbatthāpi yojetabbo. Ādi-saddena kandamūlaphalānipi gayhanti. Vuttāvasesānanti vuttehi sattavidhehi dhaññehi avasesānaṃ. Rasayāgūti rasehi pakkamaṃsādīhi sammissā yāgu. Rasopi tādisova. Suddhayāgūti maṃsādīhi amissā suddhayāgu. Phalādīnīti ādi-saddena kandādīnampi gahaṇaṃ. Api cāti nipāto, nipātasamudāyo vā samuccaye, so paccekaṃ yojetabbo.
81. ид̣̇аани яасмаа сад̇д̇ахи винаяагаммаагаарзхи яам̣ ад̇ирид̇д̇ам̣ агад̇ам̣, д̇ад̇т̇а баажид̇д̇ияам̣ вуд̇д̇ам̣, б̣яад̇ирзгад̇о ад̇ирид̇д̇агад̇з над̇т̇и, д̇асмаа ад̇ирид̇д̇ам̣ гаронд̇зна звам̣ гаад̇аб̣б̣анд̇и д̣̇ассзнд̇о ‘‘баваарид̇знаа’’д̇иаад̣̇имааха. д̇ад̇т̇а баваарид̇зна вудтааяа ад̇ирид̇д̇ам̣ на гаад̇аб̣б̣ам̣, бхож̇анам̣ абхуд̇д̇зна жа ад̇ирид̇д̇ам̣ на гаад̇аб̣б̣анд̇и самб̣анд̇хо. бхож̇ананд̇и бавааран̣аббахонагабхож̇анам̣. абхуд̇д̇знаад̇и згасид̇т̇амад̇д̇амби абхуд̇д̇аавинаа. язна яам̣ваа бурз гад̇анд̇и зд̇т̇а жа зва-сад̣̇д̣̇о д̣̇ийгхам̣ гад̇ваа нид̣̇д̣̇идто, со жа аж̇жхаахадзна д̇ам̣-сад̣̇д̣̇зна самб̣анд̇хийяад̇и, д̇асмаа язна бхигкунаа яам̣ бхож̇анам̣ бурз буб̣б̣з ад̇ирид̇д̇ам̣ гад̇ам̣, д̇знзва д̇амзва ад̇ирид̇д̇ам̣ на гаад̇аб̣б̣анд̇и яож̇зд̇ваа ад̇т̇о взд̣̇ид̇аб̣б̣о. д̇асмаа габбияам̣ гаарзд̇ваа бхун̃ж̇анд̇асса ан̃н̃ам̣ аамисам̣ аагиранд̇и, д̇ам̣ со буна гаад̇ум̣ на лабхад̇и, д̇асмим̣ бхож̇анз гарияамаанз батамагад̇зна сад̣̇д̇хим̣ гад̇ам̣ ход̇ийд̇и. ан̃н̃асмим̣ бана д̇зна ваа ан̃н̃зна ваа гаад̇ум̣ ваддад̇и.
81. Idāni yasmā sattahi vinayakammākārehi yaṃ atirittaṃ akataṃ, tattha pācittiyaṃ vuttaṃ, byatirekato atirittakate natthi, tasmā atirittaṃ karontena evaṃ kātabbanti dassento ‘‘pavāritenā’’tiādimāha. Tattha pavāritena vuṭṭhāya atirittaṃ na kātabbaṃ, bhojanaṃ abhuttena ca atirittaṃ na kātabbanti sambandho. Bhojananti pavāraṇappahonakabhojanaṃ. Abhuttenāti ekasitthamattampi abhuttāvinā. Yena yaṃvā pure katanti ettha ca eva-saddo dīghaṃ katvā niddiṭṭho, so ca ajjhāhaṭena taṃ-saddena sambandhīyati, tasmā yena bhikkhunā yaṃ bhojanaṃ pure pubbe atirittaṃ kataṃ, teneva tameva atirittaṃ na kātabbanti yojetvā attho veditabbo. Tasmā kappiyaṃ kāretvā bhuñjantassa aññaṃ āmisaṃ ākiranti, taṃ so puna kātuṃ na labhati, tasmiṃ bhojane kariyamāne paṭhamakatena saddhiṃ kataṃ hotīti. Aññasmiṃ pana tena vā aññena vā kātuṃ vaṭṭati.
82. ‘‘габбияа’’нд̇иаад̣̇ийни ‘‘гаронд̇о’’д̇и зд̇асса гаммабад̣̇аани. габбияан̃жзва г̇ахид̇ан̃жзва ужжаарид̇ан̃жзва хад̇т̇абаасаг̇ан̃жзва яаавагаалигам̣ ад̇ирид̇д̇ам̣ гаронд̇о ‘‘аламзд̇ам̣ саб̣б̣а’’нд̇и звам̣ бхаасад̇ууд̇и яож̇анаа. д̇ад̇т̇аяам̣ палам̣ ваа ганд̣̇амуулаад̣̇и ваа бан̃жахи саман̣агаббзхи габбияам̣ гад̇ам̣, яан̃жа габбияамам̣сам̣ ваа габбияабхож̇анам̣ ваа, зд̇ам̣ габбияам̣ наама. г̇ахид̇анд̇и бхигкунаа бадиг̇г̇ахид̇ам̣. ужжаарид̇анд̇и габбияам̣ гаарзд̇ум̣ ааг̇ад̇зна бхигкунаа ийсагамби угкид̇д̇ам̣ ваа абанаамид̇ам̣ ваа, д̇ам̣ бана ад̇ирид̇д̇агаарагзна ‘‘аламзд̇ам̣ саб̣б̣а’’нд̇и вуд̇д̇зна гаад̇аб̣б̣ам̣. хад̇т̇абаасаг̇анд̇и габбияам̣ гаарзд̇ум̣ ааг̇ад̇зна хад̇т̇абаасам̣ г̇ад̇ам̣. ад̇ирид̇д̇ам̣ гаронд̇од̇и ийд̣̇исам̣ жад̇уб̣б̣ид̇хаагаарасамбаннам̣ бхож̇анам̣ ад̇ирид̇д̇ам̣ гаронд̇о баваарзд̇ваа аасанаа авудтид̇о ваа аббаваарзд̇вааби саб̣б̣ат̇аа бхуд̇д̇о ваад̇и звам̣ д̣̇увид̇хавинаяагаммаагаарасамбанно бхигку. аламзд̇ам̣ саб̣б̣анд̇и звам̣ бхаасад̇ууд̇и аламзд̇ам̣ саб̣б̣ам̣ ид̇и звам̣ бхаасад̇у. звам̣ сад̇д̇авид̇хам̣ винаяагаммаагаарам̣ самбаад̣̇знд̇о важийбхзд̣̇ам̣ гад̇ваа сагимби звам̣ вад̣̇зяяаад̇и ад̇т̇о.
82.‘‘Kappiya’’ntiādīni ‘‘karonto’’ti etassa kammapadāni. Kappiyañceva gahitañceva uccāritañceva hatthapāsagañceva yāvakālikaṃ atirittaṃ karonto ‘‘alametaṃ sabba’’nti evaṃ bhāsatūti yojanā. Tatthayaṃ phalaṃ vā kandamūlādi vā pañcahi samaṇakappehi kappiyaṃ kataṃ, yañca kappiyamaṃsaṃ vā kappiyabhojanaṃ vā, etaṃ kappiyaṃ nāma. Gahitanti bhikkhunā paṭiggahitaṃ. Uccāritanti kappiyaṃ kāretuṃ āgatena bhikkhunā īsakampi ukkhittaṃ vā apanāmitaṃ vā, taṃ pana atirittakārakena ‘‘alametaṃ sabba’’nti vuttena kātabbaṃ. Hatthapāsaganti kappiyaṃ kāretuṃ āgatena hatthapāsaṃ gataṃ. Atirittaṃ karontoti īdisaṃ catubbidhākārasampannaṃ bhojanaṃ atirittaṃ karonto pavāretvā āsanā avuṭṭhito vā appavāretvāpi sabbathā bhutto vāti evaṃ duvidhavinayakammākārasampanno bhikkhu. Alametaṃ sabbanti evaṃ bhāsatūti alametaṃ sabbaṃ iti evaṃ bhāsatu. Evaṃ sattavidhaṃ vinayakammākāraṃ sampādento vacībhedaṃ katvā sakimpi evaṃ vadeyyāti attho.
83. габбияам̣ гаронд̇зна бана анубасамбаннасса хад̇т̇з тид̇ам̣ на гаад̇аб̣б̣ам̣. д̇знааха ‘‘на гарз…бз… хад̇т̇аг̇а’’нд̇и. убасамбаннад̇о ан̃н̃о анубасамбанно, д̇асса хад̇т̇з г̇ад̇ам̣ анубасамбаннахад̇т̇аг̇ам̣. бзсаяид̇ваабийд̇и сажз д̇ад̇т̇а ан̃н̃о б̣яад̇д̇о бхигку над̇т̇и, яад̇т̇а ад̇т̇и, д̇ад̇т̇а бзсаяид̇вааби. д̇ам̣ ад̇ирид̇д̇агад̇ам̣ агаараго ад̇ирид̇д̇агаарагад̇о ан̃н̃о саб̣б̣о баваарид̇оби аббаваарид̇оби бхун̃ж̇ид̇ум̣ лаб̣бхад̇зд̇и самб̣анд̇ханийяам̣. баваарид̇зна бана мукан̃жа хад̇т̇ан̃жа сод̇хзд̇ваа бхун̃ж̇ид̇аб̣б̣ам̣.
83. Kappiyaṃ karontena pana anupasampannassa hatthe ṭhitaṃ na kātabbaṃ. Tenāha ‘‘na kare…pe… hatthaga’’nti. Upasampannato añño anupasampanno, tassa hatthe gataṃ anupasampannahatthagaṃ. Pesayitvāpīti sace tattha añño byatto bhikkhu natthi, yattha atthi, tattha pesayitvāpi. Taṃ atirittakataṃ akārako atirittakārakato añño sabbo pavāritopi appavāritopi bhuñjituṃ labbhateti sambandhanīyaṃ. Pavāritena pana mukhañca hatthañca sodhetvā bhuñjitabbaṃ.
бавааран̣аанид̣̇д̣̇зсаван̣н̣анаа нидтид̇аа.
Pavāraṇāniddesavaṇṇanā niṭṭhitā.