| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
145. бавааран̣аасан̇г̇ахагат̇аа
145. Pavāraṇāsaṅgahakathā
241. ан̃н̃ад̇аро паасувихаарод̇и зд̇т̇а паасувихааро наама год̇и ааха ‘‘д̇арун̣асамат̇о ваа д̇арун̣авибассанаа ваа’’д̇и. иминаа д̇арун̣асамат̇авибассанаа паасум̣ вихарад̇и анзнаад̇и паасувихаарод̇и д̣̇ассзд̇и. бариб̣аахираа бхависсаамаад̇и зд̇т̇а гасмаа имамхаа паасувихаараа бариб̣аахираа бхависсанд̇ийд̇и ааха ‘‘аниб̣ад̣̇д̇харад̇д̇идтаанад̣̇иваадтаанаад̣̇ибхаавзнаа’’д̇иаад̣̇и. д̇ад̇т̇а аниб̣ад̣̇д̇харад̇д̇идтаанад̣̇иваадтаанаад̣̇ибхаавзнаад̇и аниб̣ад̣̇д̇хад̣̇иваадтаанаад̣̇ибхаавзна хзд̇убхууд̇зна, асаггонд̇аад̇и самб̣анд̇хо. аад̣̇исад̣̇д̣̇зна аниб̣ад̣̇д̇хажан̇гамаад̣̇аяо сан̇г̇ан̣хаад̇и. ‘‘чанд̣̇ад̣̇аанам̣ бадигкибад̇ий’’д̇и иминаа ‘‘саб̣б̣зхзва згаж̇жхам̣ саннибад̇ид̇аб̣б̣а’’нд̇и ваагяасса ан̃н̃ад̇т̇аабоханам̣ д̣̇ассзд̇и. хийд̇и сажжам̣, яасмаа ваа. имзсу д̇ийсу чанд̣̇ад̣̇аанам̣ на ваддад̇и, д̇асмаа бадигкибад̇ийд̇и яож̇анаа. аяам̣ бавааран̣аасан̇г̇ахо наама на д̣̇аад̇аб̣б̣од̇и яож̇анаа. д̇арун̣асамат̇авибассанаалаабхий згабуг̇г̇ало ваа ход̇ууд̇и яож̇анаа. ‘‘згассаби д̣̇аад̇аб̣б̣оязваа’’д̇и иминаа аяам̣ бавааран̣аасан̇г̇ахо згасса д̣̇инноби саб̣б̣зсам̣ д̣̇инно ход̇ийд̇и д̣̇ассзд̇и. бавааран̣аасан̇г̇ахз д̣̇иннз сад̇ийд̇и яож̇анаа. ааг̇анд̇угаад̇и садтивассааби ааг̇анд̇угаа. д̇зсанд̇и д̣̇иннабавааран̣аасан̇г̇ахаанам̣. анд̇араабийд̇и гомуд̣̇ияаа жаад̇умаасинияаа анд̇арааби.
241.Aññataro phāsuvihāroti ettha phāsuvihāro nāma koti āha ‘‘taruṇasamatho vā taruṇavipassanā vā’’ti. Iminā taruṇasamathavipassanā phāsuṃ viharati anenāti phāsuvihāroti dasseti. Paribāhirā bhavissāmāti ettha kasmā imamhā phāsuvihārā paribāhirā bhavissantīti āha ‘‘anibaddharattiṭṭhānadivāṭṭhānādibhāvenā’’tiādi. Tattha anibaddharattiṭṭhānadivāṭṭhānādibhāvenāti anibaddhadivāṭṭhānādibhāvena hetubhūtena, asakkontāti sambandho. Ādisaddena anibaddhacaṅkamādayo saṅgaṇhāti. ‘‘Chandadānaṃ paṭikkhipatī’’ti iminā ‘‘sabbeheva ekajjhaṃ sannipatitabba’’nti vākyassa aññatthāpohanaṃ dasseti. Hīti saccaṃ, yasmā vā. Imesu tīsu chandadānaṃ na vaṭṭati, tasmā paṭikkhipatīti yojanā. Ayaṃ pavāraṇāsaṅgaho nāma na dātabboti yojanā. Taruṇasamathavipassanālābhī ekapuggalo vā hotūti yojanā. ‘‘Ekassapi dātabboyevā’’ti iminā ayaṃ pavāraṇāsaṅgaho ekassa dinnopi sabbesaṃ dinno hotīti dasseti. Pavāraṇāsaṅgahe dinne satīti yojanā. Āgantukāti saṭṭhivassāpi āgantukā. Tesanti dinnapavāraṇāsaṅgahānaṃ. Antarāpīti komudiyā cātumāsiniyā antarāpi.
ид̇и бавааран̣аагканд̇хагаван̣н̣анааяа яож̇анаа самад̇д̇аа.
Iti pavāraṇākkhandhakavaṇṇanāya yojanā samattā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 145. бавааран̣аасан̇г̇ахо • 145. Pavāraṇāsaṅgaho
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бавааран̣аасан̇г̇ахагат̇аа • Pavāraṇāsaṅgahakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бавааран̣аасан̇г̇ахагат̇ааван̣н̣анаа • Pavāraṇāsaṅgahakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бавааран̣аасан̇г̇ахагат̇ааван̣н̣анаа • Pavāraṇāsaṅgahakathāvaṇṇanā
