Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    2. бавивзгасуд̇д̇ам̣

    2. Pavivekasuttaṃ

    94. ‘‘д̇ийн̣имаани , бхигкавз, ан̃н̃ад̇ид̇т̇ияаа бариб̣б̣ааж̇агаа бавивзгаани бан̃н̃аабзнд̇и. гад̇амаани д̇ийн̣и? жийварабавивзгам̣, бин̣д̣абаад̇абавивзгам̣, сзнаасанабавивзгам̣.

    94. ‘‘Tīṇimāni , bhikkhave, aññatitthiyā paribbājakā pavivekāni paññāpenti. Katamāni tīṇi? Cīvarapavivekaṃ, piṇḍapātapavivekaṃ, senāsanapavivekaṃ.

    ‘‘д̇ад̇рид̣̇ам̣, бхигкавз, ан̃н̃ад̇ид̇т̇ияаа бариб̣б̣ааж̇агаа жийварабавивзгасмим̣ бан̃н̃аабзнд̇и, саан̣ааниби д̇хаарзнд̇и, масаан̣ааниби д̇хаарзнд̇и, чавад̣̇уссааниби д̇хаарзнд̇и, бам̣сугуулааниби д̇хаарзнд̇и, д̇ирийдааниби д̇хаарзнд̇и, аж̇инамби д̇хаарзнд̇и, аж̇инагкибамби д̇хаарзнд̇и, гусажийрамби д̇хаарзнд̇и, ваагажийрамби д̇хаарзнд̇и, палагажийрамби д̇хаарзнд̇и, гзсагамб̣аламби д̇хаарзнд̇и, ваалагамб̣аламби д̇хаарзнд̇и , улуугабагкигамби д̇хаарзнд̇и. ид̣̇ам̣ ко, бхигкавз, ан̃н̃ад̇ид̇т̇ияаа бариб̣б̣ааж̇агаа жийварабавивзгасмим̣ бан̃н̃аабзнд̇и.

    ‘‘Tatridaṃ, bhikkhave, aññatitthiyā paribbājakā cīvarapavivekasmiṃ paññāpenti, sāṇānipi dhārenti, masāṇānipi dhārenti, chavadussānipi dhārenti, paṃsukūlānipi dhārenti, tirīṭānipi dhārenti, ajinampi dhārenti, ajinakkhipampi dhārenti, kusacīrampi dhārenti, vākacīrampi dhārenti, phalakacīrampi dhārenti, kesakambalampi dhārenti, vālakambalampi dhārenti , ulūkapakkhikampi dhārenti. Idaṃ kho, bhikkhave, aññatitthiyā paribbājakā cīvarapavivekasmiṃ paññāpenti.

    ‘‘д̇ад̇рид̣̇ам̣, бхигкавз, ан̃н̃ад̇ид̇т̇ияаа бариб̣б̣ааж̇агаа бин̣д̣абаад̇абавивзгасмим̣ бан̃н̃аабзнд̇и. саагабхагкааби хонд̇и, саамаагабхагкааби хонд̇и, нийваарабхагкааби хонд̇и, д̣̇ад̣̇д̣̇улабхагкааби хонд̇и, хадабхагкааби хонд̇и, ган̣абхагкааби хонд̇и, аажаамабхагкааби хонд̇и, бин̃н̃аагабхагкааби хонд̇и, д̇ин̣абхагкааби хонд̇и, г̇омаяабхагкааби хонд̇и, ванамуулапалаахаараа яаабзнд̇и бавад̇д̇апалабхож̇ий. ид̣̇ам̣ ко, бхигкавз, ан̃н̃ад̇ид̇т̇ияаа бариб̣б̣ааж̇агаа бин̣д̣абаад̇абавивзгасмим̣ бан̃н̃аабзнд̇и.

    ‘‘Tatridaṃ, bhikkhave, aññatitthiyā paribbājakā piṇḍapātapavivekasmiṃ paññāpenti. Sākabhakkhāpi honti, sāmākabhakkhāpi honti, nīvārabhakkhāpi honti, daddulabhakkhāpi honti, haṭabhakkhāpi honti, kaṇabhakkhāpi honti, ācāmabhakkhāpi honti, piññākabhakkhāpi honti, tiṇabhakkhāpi honti, gomayabhakkhāpi honti, vanamūlaphalāhārā yāpenti pavattaphalabhojī. Idaṃ kho, bhikkhave, aññatitthiyā paribbājakā piṇḍapātapavivekasmiṃ paññāpenti.

    ‘‘д̇ад̇рид̣̇ам̣, бхигкавз, ан̃н̃ад̇ид̇т̇ияаа бариб̣б̣ааж̇агаа сзнаасанабавивзгасмим̣ бан̃н̃аабзнд̇и аран̃н̃ам̣ ругкамуулам̣ сусаанам̣ 1 ванабад̇т̇ам̣ аб̣бхогаасам̣ балаалабун̃ж̇ам̣ бхусааг̇аарам̣ 2. ид̣̇ам̣ ко, бхигкавз, ан̃н̃ад̇ид̇т̇ияаа бариб̣б̣ааж̇агаа сзнаасанабавивзгасмим̣ бан̃н̃аабзнд̇и. имаани ко, бхигкавз, д̇ийн̣и ан̃н̃ад̇ид̇т̇ияаа бариб̣б̣ааж̇агаа бавивзгаани бан̃н̃аабзнд̇и.

    ‘‘Tatridaṃ, bhikkhave, aññatitthiyā paribbājakā senāsanapavivekasmiṃ paññāpenti araññaṃ rukkhamūlaṃ susānaṃ 3 vanapatthaṃ abbhokāsaṃ palālapuñjaṃ bhusāgāraṃ 4. Idaṃ kho, bhikkhave, aññatitthiyā paribbājakā senāsanapavivekasmiṃ paññāpenti. Imāni kho, bhikkhave, tīṇi aññatitthiyā paribbājakā pavivekāni paññāpenti.

    ‘‘д̇ийн̣и ко банимаани, бхигкавз, имасмим̣ д̇хаммавинаяз бхигкуно бавивзгаани. гад̇амаани д̇ийн̣и? ид̇ха, бхигкавз, бхигку сийлаваа жа ход̇и, д̣̇уссийляан̃жасса бахийнам̣ ход̇и, д̇зна жа вивид̇д̇о ход̇и; саммаад̣̇идтиго жа ход̇и, мижчаад̣̇идти жасса бахийнаа ход̇и, д̇ааяа жа вивид̇д̇о ход̇и; кийн̣аасаво жа ход̇и, аасаваа жасса бахийнаа хонд̇и, д̇зхи жа вивид̇д̇о ход̇и . яад̇о ко, бхигкавз, бхигку сийлаваа ход̇и, д̣̇уссийляан̃жасса бахийнам̣ ход̇и, д̇зна жа вивид̇д̇о ход̇и; саммаад̣̇идтиго жа ход̇и, мижчаад̣̇идти жасса бахийнаа ход̇и, д̇ааяа жа вивид̇д̇о ход̇и; кийн̣аасаво жа ход̇и, аасаваа жасса бахийнаа хонд̇и, д̇зхи жа вивид̇д̇о ход̇и. аяам̣ вужжад̇и, бхигкавз, ‘бхигку аг̇г̇аббад̇д̇о саараббад̇д̇о суд̣̇д̇хо саарз бад̇идтид̇о’’’.

    ‘‘Tīṇi kho panimāni, bhikkhave, imasmiṃ dhammavinaye bhikkhuno pavivekāni. Katamāni tīṇi? Idha, bhikkhave, bhikkhu sīlavā ca hoti, dussīlyañcassa pahīnaṃ hoti, tena ca vivitto hoti; sammādiṭṭhiko ca hoti, micchādiṭṭhi cassa pahīnā hoti, tāya ca vivitto hoti; khīṇāsavo ca hoti, āsavā cassa pahīnā honti, tehi ca vivitto hoti . Yato kho, bhikkhave, bhikkhu sīlavā hoti, dussīlyañcassa pahīnaṃ hoti, tena ca vivitto hoti; sammādiṭṭhiko ca hoti, micchādiṭṭhi cassa pahīnā hoti, tāya ca vivitto hoti; khīṇāsavo ca hoti, āsavā cassa pahīnā honti, tehi ca vivitto hoti. Ayaṃ vuccati, bhikkhave, ‘bhikkhu aggappatto sārappatto suddho sāre patiṭṭhito’’’.

    ‘‘сзяяат̇ааби, бхигкавз, гассагасса г̇ахабад̇исса самбаннам̣ саалигкзд̇д̇ам̣. д̇амзнам̣ гассаго г̇ахабад̇и сийгхам̣ сийгхам̣ 5 лаваабзяяа. сийгхам̣ сийгхам̣ лаваабзд̇ваа сийгхам̣ сийгхам̣ сан̇гхараабзяяа. сийгхам̣ сийгхам̣ сан̇гхараабзд̇ваа сийгхам̣ сийгхам̣ уб̣б̣ахаабзяяа 6. сийгхам̣ сийгхам̣ уб̣б̣ахаабзд̇ваа сийгхам̣ сийгхам̣ бун̃ж̇ам̣ гаараабзяяа. сийгхам̣ сийгхам̣ бун̃ж̇ам̣ гаараабзд̇ваа сийгхам̣ сийгхам̣ мад̣̇д̣̇аабзяяа. сийгхам̣ сийгхам̣ мад̣̇д̣̇аабзд̇ваа сийгхам̣ сийгхам̣ балаалаани уд̣̇д̇хараабзяяа. сийгхам̣ сийгхам̣ балаалаани уд̣̇д̇хараабзд̇ваа сийгхам̣ сийгхам̣ бхусигам̣ уд̣̇д̇хараабзяяа. сийгхам̣ сийгхам̣ бхусигам̣ уд̣̇д̇хараабзд̇ваа сийгхам̣ сийгхам̣ обунаабзяяа. сийгхам̣ сийгхам̣ обунаабзд̇ваа сийгхам̣ сийгхам̣ ад̇ихараабзяяа. сийгхам̣ сийгхам̣ ад̇ихараабзд̇ваа сийгхам̣ сийгхам̣ годдаабзяяа. сийгхам̣ сийгхам̣ годдаабзд̇ваа сийгхам̣ сийгхам̣ т̇усаани уд̣̇д̇хараабзяяа. звамассу 7 д̇аани, бхигкавз, гассагасса г̇ахабад̇исса д̇хан̃н̃аани аг̇г̇аббад̇д̇аани саараббад̇д̇аани суд̣̇д̇хаани саарз бад̇идтид̇аани.

    ‘‘Seyyathāpi, bhikkhave, kassakassa gahapatissa sampannaṃ sālikkhettaṃ. Tamenaṃ kassako gahapati sīghaṃ sīghaṃ 8 lavāpeyya. Sīghaṃ sīghaṃ lavāpetvā sīghaṃ sīghaṃ saṅgharāpeyya. Sīghaṃ sīghaṃ saṅgharāpetvā sīghaṃ sīghaṃ ubbahāpeyya 9. Sīghaṃ sīghaṃ ubbahāpetvā sīghaṃ sīghaṃ puñjaṃ kārāpeyya. Sīghaṃ sīghaṃ puñjaṃ kārāpetvā sīghaṃ sīghaṃ maddāpeyya. Sīghaṃ sīghaṃ maddāpetvā sīghaṃ sīghaṃ palālāni uddharāpeyya. Sīghaṃ sīghaṃ palālāni uddharāpetvā sīghaṃ sīghaṃ bhusikaṃ uddharāpeyya. Sīghaṃ sīghaṃ bhusikaṃ uddharāpetvā sīghaṃ sīghaṃ opunāpeyya. Sīghaṃ sīghaṃ opunāpetvā sīghaṃ sīghaṃ atiharāpeyya. Sīghaṃ sīghaṃ atiharāpetvā sīghaṃ sīghaṃ koṭṭāpeyya. Sīghaṃ sīghaṃ koṭṭāpetvā sīghaṃ sīghaṃ thusāni uddharāpeyya. Evamassu 10 tāni, bhikkhave, kassakassa gahapatissa dhaññāni aggappattāni sārappattāni suddhāni sāre patiṭṭhitāni.

    ‘‘звамзвам̣ ко, бхигкавз, яад̇о бхигку сийлаваа жа ход̇и, д̣̇уссийляан̃жасса бахийнам̣ ход̇и, д̇зна жа вивид̇д̇о ход̇и; саммаад̣̇идтиго жа ход̇и, мижчаад̣̇идти жасса бахийнаа ход̇и, д̇ааяа жа вивид̇д̇о ход̇и; кийн̣аасаво жа ход̇и, аасаваа жасса бахийнаа хонд̇и, д̇зхи жа вивид̇д̇о ход̇и. аяам̣ вужжад̇и, бхигкавз, ‘бхигку аг̇г̇аббад̇д̇о саараббад̇д̇о суд̣̇д̇хо саарз бад̇идтид̇о’’’д̇и. д̣̇уд̇ияам̣.

    ‘‘Evamevaṃ kho, bhikkhave, yato bhikkhu sīlavā ca hoti, dussīlyañcassa pahīnaṃ hoti, tena ca vivitto hoti; sammādiṭṭhiko ca hoti, micchādiṭṭhi cassa pahīnā hoti, tāya ca vivitto hoti; khīṇāsavo ca hoti, āsavā cassa pahīnā honti, tehi ca vivitto hoti. Ayaṃ vuccati, bhikkhave, ‘bhikkhu aggappatto sārappatto suddho sāre patiṭṭhito’’’ti. Dutiyaṃ.




    Next: 3. сарад̣̇асуд̇д̇ам̣ • 3. Saradasuttaṃ




    Footnotes:
    1. ругкамуулам̣ бхусааг̇аарам̣ сусаанам̣ (га.)
    2. сун̃н̃ааг̇аарам̣ (га.)
    3. rukkhamūlaṃ bhusāgāraṃ susānaṃ (ka.)
    4. suññāgāraṃ (ka.)
    5. сийгхасийгхам̣ (сий. сяаа. гам̣. бий.)
    6. уб̣б̣аахаабзяяа (сяаа. гам̣.)
    7. звассу (га.)
    8. sīghasīghaṃ (sī. syā. kaṃ. pī.)
    9. ubbāhāpeyya (syā. kaṃ.)
    10. evassu (ka.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. бавивзгасуд̇д̇аван̣н̣анаа • 2. Pavivekasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2. бавивзгасуд̇д̇аван̣н̣анаа • 2. Pavivekasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact