| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੩. ਪਾਯਸਦਾਯਕਤ੍ਥੇਰਅਪਦਾਨવਣ੍ਣਨਾ
3. Pāyasadāyakattheraapadānavaṇṇanā
ਸੁવਣ੍ਣવਣ੍ਣੋ ਸਮ੍ਬੁਦ੍ਧੋਤਿਆਦਿਕਂ ਆਯਸ੍ਮਤੋ ਪਾਯਸਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ વਿਪਸ੍ਸਿਸ੍ਸ ਭਗવਤੋ ਕਾਲੇ ਏਕਸ੍ਮਿਂ વਿਭવਸਮ੍ਪਨ੍ਨੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍વਾ ਘਰਾવਾਸਂ વਸਨ੍ਤੋ ਹਤ੍ਥਿਅਸ੍ਸਧਨਧਞ੍ਞਸਤ੍ਤਰਤਨਾਦਿવਿਭવਸਮ੍ਪਨ੍ਨੋ ਸਦ੍ਧਾਸਮ੍ਪਨ੍ਨੋ ਕਮ੍ਮਫਲਂ ਸਦ੍ਦਹਿਤ੍વਾ ਸਹਸ੍ਸਮਤ੍ਤਾ ਸੁવਣ੍ਣਪਾਤਿਯੋ ਕਾਰੇਤ੍વਾ ਤਸ੍ਮਿਂ ਖੀਰਪਾਯਸਸਹਸ੍ਸਸ੍ਸ ਪੂਰੇਤ੍વਾ ਤਾ ਸਬ੍ਬਾ ਗਾਹਾਪੇਤ੍વਾ ਸਿਮ੍ਬਲਿવਨਂ ਅਗਮਾਸਿ। ਤਸ੍ਮਿਂ ਸਮਯੇ વਿਪਸ੍ਸੀ ਭਗવਾ ਛਬ੍ਬਣ੍ਣਰਂਸਿਯੋ વਿਸ੍ਸਜ੍ਜੇਤ੍વਾ ਆਕਾਸੇ ਚਙ੍ਕਮਂ ਮਾਪੇਤ੍વਾ ਚਙ੍ਕਮਤਿ। ਸੋ ਪਨ ਸੇਟ੍ਠਿ ਤਂ ਅਚ੍ਛਰਿਯਂ ਦਿਸ੍વਾ ਅਤੀવ ਪਸਨ੍ਨੋ ਪਾਤਿਯੋ ਠਪੇਤ੍વਾ વਨ੍ਦਿਤ੍વਾ ਆਰੋਚੇਸਿ ਪਟਿਗ੍ਗਹਣਾਯ। ਅਥ ਭਗવਾ ਅਨੁਕਮ੍ਪਂ ਉਪਾਦਾਯ ਪਟਿਗ੍ਗਹੇਸਿ, ਪਟਿਗ੍ਗਹੇਤ੍વਾ ਚ ਪਨ ਤਸ੍ਸ ਸੋਮਨੁਸ੍ਸੁਪ੍ਪਾਦਨਤ੍ਥਂ ਸਹਸ੍ਸਮਤ੍ਤੇਹਿ ਭਿਕ੍ਖੁਸਙ੍ਘੇਹਿ ਸਦ੍ਧਿਂ ਪਰਿਭੁਞ੍ਜਿ, ਤਦવਸੇਸਂ ਅਨੇਕਸਹਸ੍ਸਭਿਕ੍ਖੂ ਪਰਿਭੁਞ੍ਜਿਂਸੁ। ਸੋ ਤੇਨ ਪੁਞ੍ਞੇਨ ਸੁਗਤੀਸੁਯੇવ ਸਂਸਰਨ੍ਤੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਸਦ੍ਧਾਜਾਤੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Suvaṇṇavaṇṇo sambuddhotiādikaṃ āyasmato pāyasadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle ekasmiṃ vibhavasampanne kulagehe nibbatto viññutaṃ patvā gharāvāsaṃ vasanto hatthiassadhanadhaññasattaratanādivibhavasampanno saddhāsampanno kammaphalaṃ saddahitvā sahassamattā suvaṇṇapātiyo kāretvā tasmiṃ khīrapāyasasahassassa pūretvā tā sabbā gāhāpetvā simbalivanaṃ agamāsi. Tasmiṃ samaye vipassī bhagavā chabbaṇṇaraṃsiyo vissajjetvā ākāse caṅkamaṃ māpetvā caṅkamati. So pana seṭṭhi taṃ acchariyaṃ disvā atīva pasanno pātiyo ṭhapetvā vanditvā ārocesi paṭiggahaṇāya. Atha bhagavā anukampaṃ upādāya paṭiggahesi, paṭiggahetvā ca pana tassa somanussuppādanatthaṃ sahassamattehi bhikkhusaṅghehi saddhiṃ paribhuñji, tadavasesaṃ anekasahassabhikkhū paribhuñjiṃsu. So tena puññena sugatīsuyeva saṃsaranto imasmiṃ buddhuppāde kulagehe nibbatto viññutaṃ patto saddhājāto pabbajitvā nacirasseva arahā ahosi.
੨੬. ਸੋ ਅਪਰਭਾਗੇ ਅਤ੍ਤਨੋ ਕੁਸਲਂ ਪਚ੍ਚવੇਕ੍ਖਮਾਨੋ ਤਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਸੁવਣ੍ਣવਣ੍ਣੋ ਸਮ੍ਬੁਦ੍ਧੋਤਿਆਦਿਮਾਹ। ਤਂ ਹੇਟ੍ਠਾ વੁਤ੍ਤਮੇવ।
26. So aparabhāge attano kusalaṃ paccavekkhamāno taṃ saritvā somanassajāto pubbacaritāpadānaṃ pakāsento suvaṇṇavaṇṇo sambuddhotiādimāha. Taṃ heṭṭhā vuttameva.
੨੮. ਚਙ੍ਕਮਂ ਸੁਸਮਾਰੂਲ਼੍ਹੋਤਿ ਚਦਿਨਨ੍ਤੋ ਪਦવਿਕ੍ਖੇਪਂ ਕਰੋਨ੍ਤੋ ਕਮਤਿ ਗਚ੍ਛਤੀਤਿ ਚਙ੍ਕਮਂ, ਚਙ੍ਕਮਸ੍ਸ ਪਦવਿਕ੍ਖੇਪਸ੍ਸ ਆਧਾਰਭੂਤਪਥવਿਪਦੇਸੋ ਚਙ੍ਕਮਂ ਨਾਮਾਤਿ ਅਤ੍ਥੋ, ਏਤਂ ਚਙ੍ਕਮਂਸੁ વਿਸੇਸੇਨ ਆਰੂਲ਼੍ਹੋਤਿ ਸਮ੍ਬਨ੍ਧੋ। ਅਮ੍ਬਰੇ ਅਨਿਲਾਯਨੇਤਿ વਰੀਯਤਿ ਛਾਦਿਯਤਿ ਅਨੇਨਾਤਿ વਰਂ, ਨ ਬਰਨ੍ਤਿ ਅਮ੍ਬਰਂ, ਸੇਤવਤ੍ਥਸਦਿਸਂ ਆਕਾਸਨ੍ਤਿ ਅਤ੍ਥੋ। ਨਤ੍ਥਿ ਨਿਲੀਯਨਂ ਗੋਪਨਂ ਏਤ੍ਥਾਤਿ ਅਨਿਲਂ, ਆ ਸਮਨ੍ਤਤੋ ਯਨ੍ਤਿ ਗਚ੍ਛਨ੍ਤਿ ਅਨੇਨ ਇਦ੍ਧਿਮਨ੍ਤੋਤਿ ਆਯਨਂ, ਅਨਿਲਞ੍ਚ ਤਂ ਆਯਨਞ੍ਚੇਤਿ ਅਨਿਲਾਯਨਂ, ਤਸ੍ਮਿਂ ਅਮ੍ਬਰੇ ਅਨਿਲਾਯਨੇ ਚਙ੍ਕਮਂ ਮਾਪਯਿਨ੍ਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
28.Caṅkamaṃ susamārūḷhoti cadinanto padavikkhepaṃ karonto kamati gacchatīti caṅkamaṃ, caṅkamassa padavikkhepassa ādhārabhūtapathavipadeso caṅkamaṃ nāmāti attho, etaṃ caṅkamaṃsu visesena ārūḷhoti sambandho. Ambare anilāyaneti varīyati chādiyati anenāti varaṃ, na baranti ambaraṃ, setavatthasadisaṃ ākāsanti attho. Natthi nilīyanaṃ gopanaṃ etthāti anilaṃ, ā samantato yanti gacchanti anena iddhimantoti āyanaṃ, anilañca taṃ āyanañceti anilāyanaṃ, tasmiṃ ambare anilāyane caṅkamaṃ māpayinti attho. Sesaṃ sabbattha uttānamevāti.
ਪਾਯਸਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Pāyasadāyakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੩. ਪਾਯਸਦਾਯਕਤ੍ਥੇਰਅਪਦਾਨਂ • 3. Pāyasadāyakattheraapadānaṃ
