| Library / Tipiṭaka / д̇ибидага • Tipiṭaka / д̣̇ийгханигааяа (дийгаа) • Dīghanikāya (ṭīkā) |
10. бааяаасирааж̇ан̃н̃асуд̇д̇аван̣н̣анаа
10. Pāyāsirājaññasuttavaṇṇanā
406. бхаг̇авад̇аа звам̣ г̇ахид̇анаамад̇д̇аад̇и яож̇анаа. яасмаа рааж̇абуд̇д̇аа логз ‘‘гумааро’’д̇и вохарийяанд̇и. аяан̃жа ран̃н̃о гид̇д̇имабуд̇д̇о, д̇асмаа ааха ‘‘ран̃н̃о…бз… сан̃ж̇ааним̣суу’’д̇и.
406. Bhagavatā evaṃ gahitanāmattāti yojanā. Yasmā rājaputtā loke ‘‘kumāro’’ti voharīyanti. Ayañca rañño kittimaputto, tasmā āha ‘‘rañño…pe… sañjāniṃsū’’ti.
ассаад̇и т̇зрасса. бун̃н̃аани гаронд̇о габбасад̇асахассам̣ д̣̇звзсу жзва мануссзсу жа уббаж̇ж̇ид̇ваа висзсам̣ ниб̣б̣ад̇д̇зд̇ум̣ наасагки инд̣̇рияаанам̣ абарибаггад̇д̇аа. д̇ад̇ияад̣̇ивасзд̇и баб̣б̣ад̇ам̣ аарул̣хад̣̇ивасад̇о д̇ад̇ияз д̣̇ивасз.
Assāti therassa. Puññāni karonto kappasatasahassaṃ devesu ceva manussesu ca uppajjitvā visesaṃ nibbattetuṃ nāsakkhi indriyānaṃ aparipakkattā. Tatiyadivaseti pabbataṃ āruḷhadivasato tatiye divase.
д̇зсам̣ саавагаб̣од̇хияаа нияад̇ад̇ааяа, бун̃н̃асамбхаарасса жа саад̇исаяад̇д̇аа винибаад̇ам̣ аг̇анд̇ваа згам̣ б̣уд̣̇д̇ханд̇арам̣…бз… анубхаванд̇аанам̣. д̣̇звад̇ааяаад̇и буб̣б̣з сахад̇хаммажааринияаа суд̣̇д̇хааваасад̣̇звад̇ааяа.
Tesaṃ sāvakabodhiyā niyatatāya, puññasambhārassa ca sātisayattā vinipātaṃ agantvā ekaṃ buddhantaraṃ…pe… anubhavantānaṃ. Devatāyāti pubbe sahadhammacāriniyā suddhāvāsadevatāya.
‘‘гулад̣̇ааригааяа гужчимхи уббанно’’д̇и вад̇ваа д̇ам̣ звасса уббаннабхаавам̣ муулад̇о бадтааяа д̣̇ассзд̇ум̣ ‘‘саа жаа’’д̇иаад̣̇и вуд̇д̇ам̣. д̇ад̇т̇а саад̇и гулад̣̇ааригаа. жа-сад̣̇д̣̇о б̣яад̇ирзгад̇т̇о, д̇зна вужжамаанам̣ висзсам̣ ж̇од̇зд̇и. гулагхаранд̇и бад̇игулаг̇зхам̣. г̇аб̣бханимид̇д̇анд̇и г̇аб̣бхасса сан̣тид̇абхааванимид̇д̇ам̣. сад̇иби висаакааяа жа саавад̇т̇иваасигулабарияаабаннад̇д̇з д̇ассаа д̇ад̇т̇а бад̇хаанабхаавад̣̇ассанад̇т̇ам̣ ‘‘висаакан̃жаа’’д̇и вуд̇д̇ам̣ яат̇аа ‘‘б̣раахман̣аа ааг̇ад̇аа ваасидтоби ааг̇ад̇о’’д̇и. д̣̇звад̇аад̇и ид̇хаби саа зва суд̣̇д̇хааваасад̣̇звад̇аа. бан̃хзд̇и ‘‘бхигку бхигку аяам̣ ваммиго’’д̇иаад̣̇инаа (ма. ни. 1.249) ааг̇ад̇з баннарасабан̃хз.
‘‘Kuladārikāya kucchimhi uppanno’’ti vatvā taṃ evassa uppannabhāvaṃ mūlato paṭṭhāya dassetuṃ ‘‘sā cā’’tiādi vuttaṃ. Tattha sāti kuladārikā. Ca-saddo byatirekattho, tena vuccamānaṃ visesaṃ joteti. Kulagharanti patikulagehaṃ. Gabbhanimittanti gabbhassa saṇṭhitabhāvanimittaṃ. Satipi visākhāya ca sāvatthivāsikulapariyāpannatte tassā tattha padhānabhāvadassanatthaṃ ‘‘visākhañcā’’ti vuttaṃ yathā ‘‘brāhmaṇā āgatā vāsiṭṭhopi āgato’’ti. Devatāti idhapi sā eva suddhāvāsadevatā. Pañheti ‘‘bhikkhu bhikkhu ayaṃ vammiko’’tiādinā (ma. ni. 1.249) āgate pannarasapañhe.
сзд̇аб̣яаад̇и ид̇т̇илин̇г̇авасзна д̇асса наг̇арасса наамам̣. уд̇д̇арзнаад̇и зна-сад̣̇д̣̇аяог̇зна ‘‘сзд̇аб̣яа’’нд̇и убаяог̇аважанам̣ баал̣ияам̣ вуд̇д̇ам̣. ад̇т̇аважанзна бана уд̇д̇арасад̣̇д̣̇ам̣ абзгкид̇ваа сзд̇аб̣яад̇од̇и ниссаггаббаяог̇о гад̇о. анабхисид̇д̇агарааж̇аад̇и кад̇д̇ияаж̇аад̇иго абхисзгам̣ аббад̇д̇о.
Setabyāti itthiliṅgavasena tassa nagarassa nāmaṃ.Uttarenāti ena-saddayogena ‘‘setabya’’nti upayogavacanaṃ pāḷiyaṃ vuttaṃ. Atthavacanena pana uttarasaddaṃ apekkhitvā setabyatoti nissakkappayogo kato. Anabhisittakarājāti khattiyajātiko abhisekaṃ appatto.
бааяаасирааж̇ан̃н̃авад̇т̇уван̣н̣анаа
Pāyāsirājaññavatthuvaṇṇanā
407. д̣̇идтиязва д̣̇идтиг̇ад̇анд̇и г̇ад̇а-сад̣̇д̣̇зна бад̣̇авад̣дханамааха, д̣̇идтияаа ваа г̇ад̇амад̇д̇ам̣ д̣̇идтиг̇ад̇ам̣, аяаат̇ааваг̇г̇аахид̇ааяа г̇анд̇аб̣б̣аабхаавад̇о д̣̇идтияаа г̇ахан̣амад̇д̇ам̣, гзвало мижчаабхинивзсод̇и ад̇т̇о, д̇ам̣ бана д̣̇идтиг̇ад̇ам̣ д̇асса аяонисоманасигаараад̣̇ивасзна уббаж̇ж̇ид̇ваа бадибагкасаммукийбхааваабхаавад̇о, ануруубаахааралаабхад̇о жа самуд̣̇аажаараббад̇д̇ам̣ ж̇аад̇анд̇и баал̣ияам̣ ‘‘уббаннам̣ ход̇ий’’д̇и вуд̇д̇ам̣. д̇ам̣ д̇ам̣ гааран̣ам̣ абад̣̇исид̇ваад̇и д̇ад̇о ид̇хааг̇ажчанагасса, ид̇о д̇ад̇т̇а г̇ажчанагасса жа абад̣̇исанад̇о ‘‘д̇ад̇т̇а д̇ад̇т̇зва сад̇д̇аанам̣ ужчиж̇ж̇анад̇о’’д̇и звамаад̣̇и д̇ам̣ д̇ам̣ гааран̣ам̣ бадируубагам̣ абад̣̇исид̇ваа.
407.Diṭṭhiyevadiṭṭhigatanti gata-saddena padavaḍḍhanamāha, diṭṭhiyā vā gatamattaṃ diṭṭhigataṃ, ayāthāvaggāhitāya gantabbābhāvato diṭṭhiyā gahaṇamattaṃ, kevalo micchābhinivesoti attho, taṃ pana diṭṭhigataṃ tassa ayonisomanasikārādivasena uppajjitvā paṭipakkhasammukhībhāvābhāvato, anurūpāhāralābhato ca samudācārappattaṃ jātanti pāḷiyaṃ ‘‘uppannaṃ hotī’’ti vuttaṃ. Taṃ taṃ kāraṇaṃ apadisitvāti tato idhāgacchanakassa, ito tattha gacchanakassa ca apadisanato ‘‘tattha tattheva sattānaṃ ucchijjanato’’ti evamādi taṃ taṃ kāraṇaṃ paṭirūpakaṃ apadisitvā.
408. аабаннаанад̇хиббзд̇ад̇т̇ависаяз аяам̣ бураа-сад̣̇д̣̇абаяог̇од̇и ааха ‘‘бураа…бз… сан̃н̃аабзд̇ийд̇и яаава на сан̃н̃аабзд̇ий’’д̇и.
408. Āpannānadhippetatthavisaye ayaṃ purā-saddapayogoti āha ‘‘purā…pe… saññāpetīti yāva na saññāpetī’’ti.
жанд̣̇имасуурияаубамааван̣н̣анаа
Candimasūriyaupamāvaṇṇanā
411. яат̇аа жанд̣̇имасуурияаа ул̣ааравибулобхаасад̇ааяа ан̃н̃зна обхаасзна анабхибхаванийяаа, звамаяамби бан̃н̃ааобхаасзнаад̇и д̣̇ассзнд̇о ‘‘жанд̣̇има…бз… ан̃н̃знаа’’д̇иаад̣̇имааха. аад̣̇ийхийд̇и аад̣̇и-сад̣̇д̣̇зна ‘‘гид̇д̇агз таанз зд̇з бавад̇д̇знд̇и, гид̇д̇аган̃жа таанам̣ нзсам̣ аабхаа парад̇ий’’д̇и звамаад̣̇имби жод̣̇анам̣ сан̇г̇ан̣хаад̇и. баливзтзссад̇ийд̇и ааб̣анд̇хиссад̇и, ануяун̃ж̇иссад̇ийд̇и ад̇т̇о. ниб̣б̣зтзд̇ум̣ д̇ам̣ виссаж̇ж̇зд̇ум̣. д̇асмаад̇и яасмаа яат̇аавуд̇д̇ам̣ жод̣̇анам̣ ниб̣б̣зтзд̇ум̣ на саггод̇и, д̇асмаа. ад̇д̇ано анижчид̇ам̣ сан̇гхаад̇анам̣ багкам̣ бадиж̇аананд̇о ‘‘барасмим̣ логз, на имасми’’нд̇иаад̣̇имааха.
411. Yathā candimasūriyā uḷāravipulobhāsatāya aññena obhāsena anabhibhavanīyā, evamayampi paññāobhāsenāti dassento ‘‘candima…pe… aññenā’’tiādimāha. Ādīhīti ādi-saddena ‘‘kittake ṭhāne ete pavattenti, kittakañca ṭhānaṃ nesaṃ ābhā pharatī’’ti evamādimpi codanaṃ saṅgaṇhāti. Paliveṭhessatīti ābandhissati, anuyuñjissatīti attho. Nibbeṭhetuṃ taṃ vissajjetuṃ. Tasmāti yasmā yathāvuttaṃ codanaṃ nibbeṭhetuṃ na sakkoti, tasmā. Attano anicchitaṃ saṅghātanaṃ pakkhaṃ paṭijānanto ‘‘parasmiṃ loke, na imasmi’’ntiādimāha.
гат̇ам̣ банааяам̣ над̇т̇игад̣̇идти ‘‘д̣̇зво’’д̇и бадиж̇аанаад̇ийд̇и д̇ад̇т̇а гааран̣ам̣ д̣̇ассзд̇ум̣ ‘‘бхаг̇аваа банаа’’д̇иаад̣̇и вуд̇д̇ам̣. ‘‘д̣̇звааби д̣̇звад̇д̇абхаавзнзва ужчиж̇ж̇анд̇и, мануссааби мануссад̇д̇абхаавзнзва ужчиж̇ж̇анд̇ий’’д̇и звам̣ ваа асса д̣̇идти, зван̃жа гад̇ваа ‘‘д̣̇зваа д̇з, на мануссаа’’д̇и важанан̃жа на вируж̇жхад̇и. звам̣ жанд̣̇зд̇и жанд̣̇авимаанз, на жа жанд̣̇з ваа гат̇ияанд̇з.
Kathaṃ panāyaṃ natthikadiṭṭhi ‘‘devo’’ti paṭijānātīti tattha kāraṇaṃ dassetuṃ ‘‘bhagavā panā’’tiādi vuttaṃ. ‘‘Devāpi devattabhāveneva ucchijjanti, manussāpi manussattabhāveneva ucchijjantī’’ti evaṃ vā assa diṭṭhi, evañca katvā ‘‘devā te, na manussā’’ti vacanañca na virujjhati. Evaṃ candeti candavimāne, na ca cande vā kathiyante.
412. ааб̣аад̇хо зд̇зсам̣ ад̇т̇ийд̇и ааб̣аад̇хигаа. д̣̇угкам̣ сан̃ж̇аад̇ам̣ зд̇зсанд̇и д̣̇угкид̇аа. сад̣̇д̇хааяа аяид̇аб̣б̣аа сад̣̇д̇хааяигаа, сад̣̇д̇хааяа бавад̇д̇идтаанабхууд̇аа. д̇знааха ‘‘ахам̣ д̇умхз’’д̇иаад̣̇и. бажжаяо бад̇д̇ияааяанам̣ зд̇зсу ад̇т̇ийд̇и бажжаяигаа.
412. Ābādho etesaṃ atthīti ābādhikā. Dukkhaṃ sañjātaṃ etesanti dukkhitā. Saddhāya ayitabbā saddhāyikā, saddhāya pavattiṭṭhānabhūtā. Tenāha ‘‘ahaṃ tumhe’’tiādi. Paccayo pattiyāyanaṃ etesu atthīti paccayikā.
жораубамааван̣н̣анаа
Coraupamāvaṇṇanā
413. уд̣̇д̣̇исид̇ваад̇и убзжжа д̣̇ассзд̇ваа. гаммагааран̣игасад̇д̇зсууд̇и нзраяигаанам̣ сан̇гхаад̇анагасад̇д̇зсу. гаммамзваад̇и д̇зхи д̇зхи нзраяигзхи гад̇агаммамзва. гаммагааран̣ам̣ гарод̇ийд̇и ааяууханаануруубам̣ д̇ам̣ д̇ам̣ гааран̣ам̣ гарод̇и, д̇ат̇аа д̣̇угкам̣ уббаад̣̇зд̇ийд̇и ад̇т̇о. нираяабаалаад̇и зд̇т̇а ид̇и-сад̣̇д̣̇о аад̣̇иад̇т̇о, д̇зна д̇ад̇т̇а саб̣б̣ам̣ нираяаган̣д̣абаал̣им̣ (ма. ни. 3.259) сан̇г̇ан̣хаад̇и. звам̣ суд̇д̇ад̇о (ма. ни. 3.259) нираяабаалаанам̣ ад̇т̇ибхаавам̣ д̣̇ассзд̇ваа ид̣̇аани яуд̇д̇ид̇оби д̣̇ассзд̇ум̣ ‘‘мануссалогз’’д̇иаад̣̇и вуд̇д̇ам̣. д̇ад̇т̇а нзраяигз нираяз баалзнд̇и д̇ад̇о ниг̇г̇анд̇ум̣ аббад̣̇аанавасзна рагканд̇ийд̇и нираяабаалаа. яам̣ банзд̇т̇а вад̇д̇аб̣б̣ам̣, д̇ам̣ бабан̃жасууд̣̇анийдийгааяам̣ г̇ахзд̇аб̣б̣ам̣.
413.Uddisitvāti upecca dassetvā. Kammakāraṇikasattesūti nerayikānaṃ saṅghātanakasattesu. Kammamevāti tehi tehi nerayikehi katakammameva. Kammakāraṇaṃ karotīti āyūhanānurūpaṃ taṃ taṃ kāraṇaṃ karoti, tathā dukkhaṃ uppādetīti attho. Nirayapālāti ettha iti-saddo ādiattho, tena tattha sabbaṃ nirayakaṇḍapāḷiṃ (ma. ni. 3.259) saṅgaṇhāti. Evaṃ suttato (ma. ni. 3.259) nirayapālānaṃ atthibhāvaṃ dassetvā idāni yuttitopi dassetuṃ ‘‘manussaloke’’tiādi vuttaṃ. Tattha nerayike niraye pālenti tato niggantuṃ appadānavasena rakkhantīti nirayapālā. Yaṃ panettha vattabbaṃ, taṃ papañcasūdanīṭīkāyaṃ gahetabbaṃ.
г̇уут̇агуубабурисаубамааван̣н̣анаа
Gūthakūpapurisaupamāvaṇṇanā
415. ниммаж̇ж̇ат̇аад̇и ниравасзсад̇о маж̇ж̇ат̇а сод̇хзт̇а. д̇ам̣ бана д̇асса д̇асса г̇уут̇асса д̇ат̇аа сод̇ханам̣ абанаяанам̣ ход̇ийд̇и ааха ‘‘абанзт̇аа’’д̇и.
415.Nimmajjathāti niravasesato majjatha sodhetha. Taṃ pana tassa tassa gūthassa tathā sodhanaṃ apanayanaṃ hotīti āha ‘‘apanethā’’ti.
асужийд̇и асуд̣̇д̇хо, со бана яасмаа манавад̣дханаго манохаро на ход̇и, д̇асмаа ааха ‘‘аманаабо’’д̇и. асужисан̇каад̇ам̣ асужибхааг̇ад̇ам̣ ад̇д̇ано сабхаавад̇ам̣ г̇ад̇о бад̇д̇од̇и асужисан̇каад̇од̇и ааха ‘‘асужигодтаасабхууд̇о’’д̇и. д̣̇уг̇г̇анд̇ход̇и д̣̇удтаг̇анд̇хо анидтаг̇анд̇хо, со бана на яо гожи, ат̇а ко бууд̇иг̇анд̇ход̇и ааха ‘‘гун̣абаг̇анд̇хо’’д̇и. ж̇иг̇ужчид̇аб̣б̣аяуд̇д̇од̇и хийл̣ид̇аб̣б̣аяуд̇д̇о. бадигууло гхаанинд̣̇рияасса бадигууларуубо. уб̣б̣аад̇хад̇ийд̇и убаруубари б̣аад̇хад̇и. мануссаанам̣ г̇анд̇хо…бз… б̣аад̇хад̇и ад̇ивияа асужисабхаавад̇д̇аа, асужимхиязва ж̇аад̇асам̣вад̣̇д̇ханабхаавад̇о, д̣̇зваанан̃жа гхаанабасаад̣̇асса д̇игкависад̣̇абхаавад̇о.
Asucīti asuddho, so pana yasmā manavaḍḍhanako manoharo na hoti, tasmā āha ‘‘amanāpo’’ti. Asucisaṅkhātaṃ asucibhāgataṃ attano sabhāvataṃ gato pattoti asucisaṅkhātoti āha ‘‘asucikoṭṭhāsabhūto’’ti. Duggandhoti duṭṭhagandho aniṭṭhagandho, so pana na yo koci, atha kho pūtigandhoti āha ‘‘kuṇapagandho’’ti. Jigucchitabbayuttoti hīḷitabbayutto. Paṭikūlo ghānindriyassa paṭikūlarūpo. Ubbādhatīti uparūpari bādhati. Manussānaṃ gandho…pe… bādhati ativiya asucisabhāvattā, asucimhiyeva jātasaṃvaddhanabhāvato, devānañca ghānapasādassa tikkhavisadabhāvato.
416. д̣̇уурз ниб̣б̣ад̇д̇аа бараниммид̇авасавад̇д̇иаад̣̇аяо.
416.Dūre nibbattā paranimmitavasavattiādayo.
419. сунд̣̇арад̇хаммзд̇и собханаг̇ун̣з. суг̇ад̇исуканд̇и суг̇ад̇и жзва д̇аббарияаабаннам̣ сукан̃жа.
419.Sundaradhammeti sobhanaguṇe. Sugatisukhanti sugati ceva tappariyāpannaṃ sukhañca.
г̇аб̣бхинийубамааван̣н̣анаа
Gabbhinīupamāvaṇṇanā
420. бун̃н̃агаммад̇о зд̇и уббаж̇ж̇ад̇ийд̇и аяо, сукам̣. д̇аббадибагкад̇о анаяо, д̣̇угкам̣ . абагганд̇и на сид̣̇д̇хам̣ на нидтаанаббад̇д̇ам̣. на барибаажзнд̇и на нидтаанам̣ баабзнд̇и. на убажчинд̣̇анд̇и ад̇д̇авинибаад̇асса сааваж̇ж̇абхаавад̇о. ааг̇амзнд̇ийд̇и уд̣̇игканд̇и. ниб̣б̣исанд̇и яасса бана д̇ам̣ гаммапалам̣ ниб̣б̣исанд̇о нияун̃ж̇анд̇о, ниб̣б̣исанд̇и ваа ниб̣б̣зсам̣ взд̇анам̣ бадиган̇канд̇о бхад̇абурисо яат̇аа.
420. Puññakammato eti uppajjatīti ayo, sukhaṃ. Tappaṭipakkhato anayo, dukkhaṃ . Apakkanti na siddhaṃ na niṭṭhānappattaṃ. Na paripācenti na niṭṭhānaṃ pāpenti. Na upacchindanti attavinipātassa sāvajjabhāvato. Āgamentīti udikkhanti. Nibbisanti yassa pana taṃ kammaphalaṃ nibbisanto niyuñjanto, nibbisanti vā nibbesaṃ vetanaṃ paṭikaṅkhanto bhatapuriso yathā.
421. уб̣бхинд̣̇ид̇ваад̇и убасаг̇г̇зна бад̣̇авад̣дханамад̇д̇анд̇и ааха ‘‘бхинд̣̇ид̇ваа’’д̇и.
421.Ubbhinditvāti upasaggena padavaḍḍhanamattanti āha ‘‘bhinditvā’’ti.
субинагаубамааван̣н̣анаа
Supinakaupamāvaṇṇanā
422. ‘‘нигкаманд̇ам̣ ваа бависанд̇ам̣ ваа ж̇ийва’’нд̇и ид̣̇ам̣ д̇асса аж̇жхаасаяавасзна вуд̇д̇ам̣. со хи ‘‘сад̇д̇аанам̣ субинад̣̇ассанагаалз ад̇д̇абхаавад̇о ж̇ийво б̣ахи нигкамид̇ваа д̇ам̣д̇ам̣аараамарааман̣зяяагад̣̇ассанаад̣̇ивасзна ид̇о жид̇о жа бариб̣бхамид̇ваа бунад̣̇зва ад̇д̇абхаавам̣ анубависад̇ий’’д̇и звам̣ бавад̇д̇амижчааг̇аахавибаллад̇д̇ажид̇д̇о. ат̇асса т̇зро куд̣̇д̣̇агааяа аан̣ияаа вибулам̣ аан̣им̣ нийхаранд̇о вияа ж̇ийвасаман̃н̃аамукзна ужчзд̣̇ад̣̇идтим̣ нийхарид̇угаамо ‘‘аби ну д̇аа д̇уяхам̣ ж̇ийвам̣ бассанд̇и бависанд̇ам̣ ваа нигкаманд̇ам̣ ваа’’д̇и ааха. яад̇т̇а бана д̇ат̇ааруубаа ж̇ийвасаман̃н̃аа, д̇ам̣ д̣̇ассзнд̇о ‘‘жид̇д̇аажаарам̣ ж̇ийванд̇и г̇ахзд̇ваа аахаа’’д̇и вуд̇д̇ам̣.
422.‘‘Nikkhamantaṃ vā pavisantaṃ vā jīva’’nti idaṃ tassa ajjhāsayavasena vuttaṃ. So hi ‘‘sattānaṃ supinadassanakāle attabhāvato jīvo bahi nikkhamitvā taṃtaṃārāmarāmaṇeyyakadassanādivasena ito cito ca paribbhamitvā punadeva attabhāvaṃ anupavisatī’’ti evaṃ pavattamicchāgāhavipallattacitto. Athassa thero khuddakāya āṇiyā vipulaṃ āṇiṃ nīharanto viya jīvasamaññāmukhena ucchedadiṭṭhiṃ nīharitukāmo ‘‘api nu tā tuyhaṃ jīvaṃ passanti pavisantaṃ vā nikkhamantaṃ vā’’ti āha. Yattha pana tathārūpā jīvasamaññā, taṃ dassento ‘‘cittācāraṃ jīvanti gahetvā āhā’’ti vuttaṃ.
423. взтзд̇ваад̇и взкад̣̇аанасан̇кзбзна взтзд̇ваа. жаванагаалзд̇и жаванасса жуд̇ияаа бад̇д̇агаалз, на жавамаанагаалз. руубагканд̇хамад̇д̇амзваад̇и гад̇ибаяаруубад̇хаммасан̇гхаад̇амад̇д̇амзва. уд̇усамудтаанаруубад̇хаммасамуухамад̇д̇амзва хи д̇ад̣̇аа лаб̣бхад̇и, мад̇д̇а-сад̣̇д̣̇о ваа висзсанивад̇д̇иад̇т̇о, д̇зна гаммаж̇аад̣̇ид̇исанд̇ад̇ируубависзсам̣ нивад̇д̇зд̇и. аббавад̇д̇аа хонд̇ийд̇и аббавад̇д̇игаа хонд̇и, на убалаб̣бхад̇ийд̇и ад̇т̇о. вин̃н̃аан̣з бана ж̇ийвасан̃н̃ий, д̇асмаа ‘‘вин̃н̃аан̣агканд̇хо г̇ажчад̇ий’’д̇и ааха, д̇ад̇т̇а анубалаб̣бханад̇од̇и ад̇хиббааяо.
423.Veṭhetvāti vekhadānasaṅkhepena veṭhetvā. Cavanakāleti cavanassa cutiyā pattakāle, na cavamānakāle. Rūpakkhandhamattamevāti katipayarūpadhammasaṅghātamattameva. Utusamuṭṭhānarūpadhammasamūhamattameva hi tadā labbhati, matta-saddo vā visesanivattiattho, tena kammajāditisantatirūpavisesaṃ nivatteti. Appavattā hontīti appavattikā honti, na upalabbhatīti attho. Viññāṇe pana jīvasaññī, tasmā ‘‘viññāṇakkhandho gacchatī’’ti āha, tattha anupalabbhanatoti adhippāyo.
санд̇ад̇д̇ааяог̇ул̣аубамааван̣н̣анаа
Santattaayoguḷaupamāvaṇṇanā
424. вуубасанд̇ад̇зж̇анд̇и виг̇ад̇усмам̣.
424.Vūpasantatejanti vigatusmaṃ.
425. аамад̇од̇и зд̇т̇а аа-сад̣̇д̣̇о аамиса-сад̣̇д̣̇о вияа убад̣дхабарияааяод̇и ааха ‘‘ад̣̇д̇хамад̇о’’д̇и, аамад̇од̇и ваа ийсам̣ д̣̇арат̇зна усманаа яуд̇д̇амаран̣о маранд̇од̇и ад̇т̇о. мийяамаано хи авиг̇ад̇усмо ход̇и, на мад̇о вияа виг̇ад̇усмо. д̇знааха ‘‘марид̇ум̣ аарад̣̇д̇хо ход̇ий’’д̇и. д̇ат̇аа руубасса од̇хунанам̣ наамасса орад̇о баривад̇д̇анамзваад̇и ааха ‘‘орад̇о гарот̇аа’’д̇и. орад̇о гаад̇угаамасса бана сам̣баривад̇д̇анам̣ санд̇хунанам̣, д̇ам̣ бана барад̇о гаран̣анд̇и ааха ‘‘барад̇о гарот̇аа’’д̇и. барамукам̣ гад̇асса ид̇о жид̇о баривад̇д̇анам̣ нид̣̇д̇хунананд̇и ааха ‘‘абараабарам̣ гарот̇аа’’д̇и. инд̣̇рияаани абарибхиннаанийд̇и ад̇хиббааязна ‘‘д̇ан̃жааяад̇анам̣ на бадисам̣взд̣̇зд̇ий’’д̇и вуд̇д̇ам̣.
425.Āmatoti ettha ā-saddo āmisa-saddo viya upaḍḍhapariyāyoti āha ‘‘addhamato’’ti, āmatoti vā īsaṃ darathena usmanā yuttamaraṇo marantoti attho. Mīyamāno hi avigatusmo hoti, na mato viya vigatusmo. Tenāha ‘‘marituṃ āraddho hotī’’ti. Tathā rūpassa odhunanaṃ nāmassa orato parivattanamevāti āha ‘‘orato karothā’’ti. Orato kātukāmassa pana saṃparivattanaṃ sandhunanaṃ, taṃ pana parato karaṇanti āha ‘‘parato karothā’’ti. Paramukhaṃ katassa ito cito parivattanaṃ niddhunananti āha ‘‘aparāparaṃ karothā’’ti. Indriyāni aparibhinnānīti adhippāyena ‘‘tañcāyatanaṃ na paṭisaṃvedetī’’ti vuttaṃ.
сан̇кад̇хамаубамааван̣н̣анаа
Saṅkhadhamaupamāvaṇṇanā
426. сан̇кам̣ д̇хамад̇и, д̇хамаабзд̇ийд̇и ваа сан̇кад̇хамо. убалаабзд̇ваад̇и убаруубари сад̣̇д̣̇аяог̇авасзна саллаабзд̇ваа, сад̣̇д̣̇аяуд̇д̇ам̣ гад̇ваад̇и ад̇т̇о. д̇ам̣ бана ад̇т̇ад̇о д̇хаманамзваад̇и ааха ‘‘д̇хамид̇ваа’’д̇и.
426. Saṅkhaṃ dhamati, dhamāpetīti vā saṅkhadhamo. Upalāpetvāti uparūpari saddayogavasena sallāpetvā, saddayuttaṃ katvāti attho. Taṃ pana atthato dhamanamevāti āha ‘‘dhamitvā’’ti.
аг̇г̇игаж̇адилаубамааван̣н̣анаа
Aggikajaṭilaupamāvaṇṇanā
428. аахид̇о аг̇г̇и зд̇асса ад̇т̇ийд̇и аг̇г̇иго, сваасса аг̇г̇игабхааво яасмаа аг̇г̇ихуд̇амаалаавзд̣̇исамбаад̣̇анзхи жзва инд̇ханад̇хуумаб̣арихисасаббид̇злуубахаран̣зхи б̣алибубпад̇хуумаг̇анд̇хаад̣̇иубахаарзхи жа д̇асса баяирубаасанааяа ижчид̇о, д̇асмаа вуд̇д̇ам̣ ‘‘аг̇г̇ибарижаараго’’д̇и. ааяум̣ баабун̣аабзяяанд̇и яат̇аа жираж̇ийвий ход̇и, звам̣ ааяум̣ бажчимаваяам̣ баабзяяам̣. вад̣дхим̣ г̇амзяяанд̇и сарийрааваяавз, г̇ун̣ааваяавз жа паад̇им̣ баабзяяам̣. аран̣ий яуг̇ал̣анд̇и уд̇д̇арааран̣ий, ад̇харааран̣ийд̇и аран̣ийд̣̇ваяам̣.
428. Āhito aggi etassa atthīti aggiko, svāssa aggikabhāvo yasmā aggihutamālāvedisampādanehi ceva indhanadhūmabarihisasappitelūpaharaṇehi balipupphadhūmagandhādiupahārehi ca tassa payirupāsanāya icchito, tasmā vuttaṃ ‘‘aggiparicārako’’ti. Āyuṃ pāpuṇāpeyyanti yathā cirajīvī hoti, evaṃ āyuṃ pacchimavayaṃ pāpeyyaṃ. Vaḍḍhiṃ gameyyanti sarīrāvayave, guṇāvayave ca phātiṃ pāpeyyaṃ. Araṇī yugaḷanti uttarāraṇī, adharāraṇīti araṇīdvayaṃ.
429. званд̇и ‘‘б̣аало бааяаасирааж̇ан̃н̃о’’д̇иаад̣̇иббагаарзна. д̇аяаад̇и т̇зрам̣ санд̇хааяа вад̣̇ад̇и. вуд̇д̇аяуд̇д̇агааран̣амагкалагкан̣знаад̇и вуд̇д̇аяуд̇д̇агааран̣асса магканасабхаавзна. яуг̇аг̇г̇аахалагкан̣знаад̇и самад̇хураг̇г̇ахан̣алагкан̣зна. балаасзнаад̇и балаасзд̇ийд̇и балаасо, барасса г̇ун̣з уд̇д̇арид̇арз д̣ам̣сид̇ваа вияа чад̣д̣знд̇о ад̇д̇ано г̇ун̣зхи самз гарод̇ийд̇и ад̇т̇о. самагаран̣арасо хи балаасо, д̇зна балаасзна.
429.Evanti ‘‘bālo pāyāsirājañño’’tiādippakārena. Tayāti theraṃ sandhāya vadati. Vuttayuttakāraṇamakkhalakkhaṇenāti vuttayuttakāraṇassa makkhanasabhāvena. Yugaggāhalakkhaṇenāti samadhuraggahaṇalakkhaṇena. Palāsenāti palāsetīti palāso, parassa guṇe uttaritare ḍaṃsitvā viya chaḍḍento attano guṇehi same karotīti attho. Samakaraṇaraso hi palāso, tena palāsena.
д̣̇взсад̇т̇аваахаубамааван̣н̣анаа
Dvesatthavāhaupamāvaṇṇanā
430. харид̇агабад̇д̇анд̇и харид̇аб̣б̣абад̇д̇ам̣, аббабад̇д̇анд̇и ад̇т̇о. д̇знааха ‘‘анд̇амасо’’д̇иаад̣̇и. саннад̣̇д̇хад̇ханугалаабанд̇и зд̇т̇а галаабанд̇и д̇уун̣ийрамааха, д̇ан̃жа саннаяхад̇о д̇ханунаа винаа на саннаяхад̇ийд̇и ааха ‘‘саннад̣̇д̇хад̇ханугалааба’’нд̇и. аасид̇д̇од̣̇агаани вадумаанийд̇и г̇аманамаг̇г̇аа жзва д̇ам̣д̇ам̣уд̣̇агамаг̇г̇аа жа саммад̣̇зва д̣̇звзна пудтад̇д̇аа д̇ахам̣ д̇ахам̣ баг̇гхарид̇ауд̣̇ага санд̣̇амаанауд̣̇агаа. д̇знааха ‘‘барибун̣н̣асалилаа маг̇г̇аа жа ганд̣̇араа жаа’’д̇и.
430.Haritakapattanti haritabbapattaṃ, appapattanti attho. Tenāha ‘‘antamaso’’tiādi. Sannaddhadhanukalāpanti ettha kalāpanti tūṇīramāha, tañca sannayhato dhanunā vinā na sannayhatīti āha ‘‘sannaddhadhanukalāpa’’nti. Āsittodakāni vaṭumānīti gamanamaggā ceva taṃtaṃudakamaggā ca sammadeva devena phuṭṭhattā tahaṃ tahaṃ paggharitaudaka sandamānaudakā. Tenāha ‘‘paripuṇṇasalilā maggā ca kandarā cā’’ti.
яат̇аабхад̇знаад̇и сагадзсу яат̇аатабид̇зна, яат̇аа ‘‘амма ид̇о гарохий’’д̇и вуд̇д̇з табзсийд̇и ад̇т̇о гаран̣агирияааяа гирияаасааман̃н̃аваажийбхаавад̇о. д̇асмаа яат̇ааробид̇зна, яат̇ааг̇ахид̇знаад̇и ад̇т̇о вуд̇д̇о.
Yathābhatenāti sakaṭesu yathāṭhapitena, yathā ‘‘amma ito karohī’’ti vutte ṭhapesīti attho karaṇakiriyāya kiriyāsāmaññavācībhāvato. Tasmā yathāropitena, yathāgahitenāti attho vutto.
агкад̇худ̇д̇агаубамааван̣н̣анаа
Akkhadhuttakaupamāvaṇṇanā
434. барааж̇аяаг̇ул̣анд̇и язна г̇ул̣зна, яааяа салаагааяа тид̇ааяа жа барааж̇аяо ход̇и, д̇ам̣ ад̣̇ассанам̣ г̇амзнд̇о г̇илад̇и. баж̇ж̇охананд̇и багаарзхи ж̇уханагаммам̣. д̇ам̣ бана б̣алид̣̇аанавасзна гарийяад̇ийд̇и ааха ‘‘б̣алигамма’’нд̇и.
434.Parājayaguḷanti yena guḷena, yāya salākāya ṭhitāya ca parājayo hoti, taṃ adassanaṃ gamento gilati.Pajjohananti pakārehi juhanakammaṃ. Taṃ pana balidānavasena karīyatīti āha ‘‘balikamma’’nti.
саан̣абхааригаубамааван̣н̣анаа
Sāṇabhārikaupamāvaṇṇanā
436. г̇аамабад̇д̇анд̇и г̇аамо зва худ̇ваа аабаж̇ж̇ид̇аб̣б̣ам̣, сун̃н̃абхаавзна анаавасид̇аб̣б̣ам̣. д̇знааха ‘‘вудтид̇аг̇аамабад̣̇зсо’’д̇и. г̇аамабад̣̇анд̇и яат̇аа бурисасса баад̣̇анигкид̇д̇адтаанам̣ ад̇хиг̇ад̇абарижчзд̣̇ам̣ ‘‘бад̣̇а’’нд̇и вужжад̇и, звам̣ г̇аамаваасийхи аавасид̇адтаанам̣ ад̇хиг̇ад̇анивуд̇т̇ааг̇аарам̣ ‘‘г̇аамабад̣̇а’’нд̇и вуд̇д̇ам̣. д̇знааха ‘‘аяамзвад̇т̇о’’д̇и. сусаннад̣̇д̇ход̇и сукзна г̇ахзд̇ваа г̇аманаяог̇яад̇аавасзна судту саж̇ж̇ид̇о. д̇ам̣ бана сусаж̇ж̇анам̣ судту б̣анд̇ханавасзнзваад̇и ааха ‘‘суб̣ад̣̇д̇хо’’д̇и.
436.Gāmapattanti gāmo eva hutvā āpajjitabbaṃ, suññabhāvena anāvasitabbaṃ. Tenāha ‘‘vuṭṭhitagāmapadeso’’ti. Gāmapadanti yathā purisassa pādanikkhittaṭṭhānaṃ adhigataparicchedaṃ ‘‘pada’’nti vuccati, evaṃ gāmavāsīhi āvasitaṭṭhānaṃ adhigatanivutthāgāraṃ ‘‘gāmapada’’nti vuttaṃ. Tenāha ‘‘ayamevattho’’ti. Susannaddhoti sukhena gahetvā gamanayogyatāvasena suṭṭhu sajjito. Taṃ pana susajjanaṃ suṭṭhu bandhanavasenevāti āha ‘‘subaddho’’ti.
аяаад̣̇ийнамби лохабхаавз сад̇иби лоха-сад̣̇д̣̇о саасанз д̇амб̣алохз нирул̣ход̇и ааха ‘‘лоханд̇и д̇амб̣алоха’’нд̇и.
Ayādīnampi lohabhāve satipi loha-saddo sāsane tambalohe niruḷhoti āha ‘‘lohanti tambaloha’’nti.
саран̣аг̇аманаван̣н̣анаа
Saraṇagamanavaṇṇanā
437. абхирад̣̇д̇ход̇и аараад̇хид̇ажид̇д̇о, саасанасса аараад̇хид̇ажид̇д̇ад̇аа басийд̣̇анавасзнаад̇и ааха ‘‘абхиббасанно’’д̇и. бан̃хубадтаанаанийд̇и бан̃хзсу убадтаанаани маяаа бужчид̇ад̇т̇зсу д̇умхаагам̣ виссаж̇ж̇анавасзна н̃аан̣убадтаанаани.
437.Abhiraddhoti ārādhitacitto, sāsanassa ārādhitacittatā pasīdanavasenāti āha ‘‘abhippasanno’’ti. Pañhupaṭṭhānānīti pañhesu upaṭṭhānāni mayā pucchitatthesu tumhākaṃ vissajjanavasena ñāṇupaṭṭhānāni.
яан̃н̃агат̇ааван̣н̣анаа
Yaññakathāvaṇṇanā
438. сан̇гхаад̇анд̇и сам̣-сад̣̇д̣̇о бад̣̇авад̣дханамад̇д̇анд̇и ааха ‘‘гхаад̇а’’нд̇и. вибаагапалзнаад̇и сад̣̇исапалзна. махабпало на ход̇и г̇аваад̣̇ибаан̣агхаад̇зна убаггилидтабхаавад̇о. г̇ун̣аанисам̣сзнаад̇и уд̣̇д̣̇аяапалзна. аанубхааваж̇уд̇ияаад̇и бадибагкавиг̇аманаж̇анид̇зна сабхаавасан̇каад̇зна д̇зж̇зна. на махааж̇уд̇иго ход̇и абарисуд̣̇д̇хабхаавад̇о. вибаагавибпаарад̇ааяаад̇и вибаагапаласса вибулад̇ааяа, баарибуурияаад̇и ад̇т̇о. д̣̇удтукзд̇д̇зд̇и усабхаад̣̇ид̣̇осзхи д̣̇уусид̇акзд̇д̇з, д̇ам̣ бана ваббаабхаавад̇о асаарам̣ ход̇ийд̇и ааха ‘‘ниссааракзд̇д̇з’’д̇и. д̣̇уб̣бхуумзд̇и гужчид̇абхуумибхааг̇з, сваасса гужчид̇абхааво асаарад̇ааяа ваа сияаа ниннад̇аад̣̇ид̣̇осавасзна ваа. д̇ад̇т̇а батамо багко батамабад̣̇зна д̣̇ассид̇од̇и ид̇арам̣ д̣̇ассзнд̇о ‘‘висамабхуумибхааг̇з’’д̇и ааха. д̣̇ан̣д̣аабхигхаад̇аад̣̇инаа чиннабхиннаани. бууд̇ийнийд̇и г̇омаяалзбад̣̇аанаад̣̇исукзна асугкаабид̇ад̇д̇аа бууд̇ибхаавам̣ г̇ад̇аани. д̇аани бана яасмаа саараванд̇аани на хонд̇и, д̇асмаа вуд̇д̇ам̣ ‘‘ниссаарааний’’д̇и. ваад̇аад̇абахад̇аанийд̇и ваад̇зна жа аад̇абзна жа винадтаб̣ийж̇асаамад̇т̇ияаани. д̇знааха ‘‘барияаад̣̇иннад̇зж̇ааний’’д̇и. яам̣ яат̇ааж̇аад̇авийхиаад̣̇иг̇ад̇зна д̇ан̣д̣улзна ан̇гуруббаад̣̇анаяог̇яаб̣ийж̇асаамад̇т̇ияам̣, д̇ам̣ д̇ан̣д̣уласааро, д̇асса аад̣̇аанам̣ г̇ахан̣ам̣ д̇ат̇аауббаж̇ж̇анамзва. зд̇аани бана б̣ийж̇аани на д̇аад̣̇исаани кан̣д̣аад̣̇ид̣̇осаванд̇ад̇ааяа. д̇хаарааяа кзд̇д̇з ануббавзсанам̣ наама вассанамзва, д̇ам̣ бадигкзбавасзна д̣̇ассзнд̇о ааха ‘‘на саммаа вассзяяаа’’д̇и. ан̇гурамуулабад̇д̇аад̣̇ийхийд̇и жзд̇т̇а ан̇гураганд̣̇аад̣̇ийхи уд̣̇д̇хам̣ вуд̣̇д̇хим̣, муулаж̇адаад̣̇ийхи хздтаа вирул̣хим̣, бад̇д̇абубпаад̣̇ийхи саманд̇ад̇о жа взбулланд̇и яож̇анаа.
438.Saṅghātanti saṃ-saddo padavaḍḍhanamattanti āha ‘‘ghāta’’nti. Vipākaphalenāti sadisaphalena. Mahapphalo na hoti gavādipāṇaghātena upakkiliṭṭhabhāvato. Guṇānisaṃsenāti uddayaphalena. Ānubhāvajutiyāti paṭipakkhavigamanajanitena sabhāvasaṅkhātena tejena. Na mahājutiko hoti aparisuddhabhāvato. Vipākavipphāratāyāti vipākaphalassa vipulatāya, pāripūriyāti attho. Duṭṭhukhetteti usabhādidosehi dūsitakhette, taṃ pana vappābhāvato asāraṃ hotīti āha ‘‘nissārakhette’’ti. Dubbhūmeti kucchitabhūmibhāge, svāssa kucchitabhāvo asāratāya vā siyā ninnatādidosavasena vā. Tattha paṭhamo pakkho paṭhamapadena dassitoti itaraṃ dassento ‘‘visamabhūmibhāge’’ti āha. Daṇḍābhighātādinā chinnabhinnāni. Pūtīnīti gomayalepadānādisukhena asukkhāpitattā pūtibhāvaṃ gatāni. Tāni pana yasmā sāravantāni na honti, tasmā vuttaṃ ‘‘nissārānī’’ti. Vātātapahatānīti vātena ca ātapena ca vinaṭṭhabījasāmatthiyāni. Tenāha ‘‘pariyādinnatejānī’’ti. Yaṃ yathājātavīhiādigatena taṇḍulena aṅkuruppādanayogyabījasāmatthiyaṃ, taṃ taṇḍulasāro, tassa ādānaṃ gahaṇaṃ tathāuppajjanameva. Etāni pana bījāni na tādisāni khaṇḍādidosavantatāya. Dhārāya khette anuppavesanaṃ nāma vassanameva, taṃ paṭikkhepavasena dassento āha ‘‘na sammā vasseyyā’’ti. Aṅkuramūlapattādīhīti cettha aṅkurakandādīhi uddhaṃ vuddhiṃ, mūlajaṭādīhi heṭṭhā viruḷhiṃ, pattapupphādīhi samantato ca vepullanti yojanā.
абаруубагхаад̇знаад̇и барзсам̣ виб̣аад̇ханзна. уббаннабажжаяад̇од̇и ниб̣б̣ад̇д̇ид̇агхаасажчаад̣̇анаад̣̇ид̣̇зяяад̇хаммад̇о. г̇аваад̣̇игхаад̇знаби хи д̇ад̇т̇а бадиг̇г̇аахагаанам̣ гхаасо сан̇гийяад̇и. ‘‘абаруубагхаад̇ид̇ааяаа’’д̇и ид̣̇ам̣ сийлаванд̇ад̇ааяа гааран̣аважанам̣ . г̇ун̣аад̇ирзганд̇и г̇ун̣аад̇ирид̇д̇ам̣, сийлаад̣̇илогуд̇д̇араг̇ун̣зхи висидтанд̇и ад̇т̇о. вибулаад̇и сад̣̇д̇хаасамбад̣̇аад̣̇ивасзна ул̣аараа.
Aparūpaghātenāti paresaṃ vibādhanena. Uppannapaccayatoti nibbattitaghāsacchādanādideyyadhammato. Gavādighātenapi hi tattha paṭiggāhakānaṃ ghāso saṅkīyati. ‘‘Aparūpaghātitāyā’’ti idaṃ sīlavantatāya kāraṇavacanaṃ . Guṇātirekanti guṇātirittaṃ, sīlādilokuttaraguṇehi visiṭṭhanti attho. Vipulāti saddhāsampadādivasena uḷārā.
уд̇д̇арамаан̣ававад̇т̇уван̣н̣анаа
Uttaramāṇavavatthuvaṇṇanā
439. ат̇а ко д̇зхи сагун̣д̣агзхи д̇ан̣д̣улзхи сид̣̇д̇хам̣бхад̇д̇ам̣ уд̇д̇ан̣д̣уламзва ход̇ийд̇и ааха ‘‘уд̇д̇ан̣д̣улабхад̇д̇а’’нд̇и. б̣илан̇г̇ам̣ вужжад̇и ааранаалам̣ б̣илан̇г̇ад̇о ниб̣б̣ад̇д̇анад̇о, д̇ад̣̇зва ган̃ж̇ияад̇о ж̇аад̇анд̇и ган̃ж̇ияам̣, д̇ам̣ д̣̇уд̇ияам̣ зд̇ассаад̇и б̣илан̇г̇ад̣̇уд̇ияам̣, д̇ам̣ ‘‘ган̃ж̇игад̣̇уд̇ияа’’нд̇и жа вуд̇д̇ам̣. д̇хорагаанийд̇и д̇ховияаани. яасмаа т̇уулад̇арааниби ‘‘т̇уулааний’’д̇и вад̇д̇аб̣б̣ад̇ам̣ араханд̇и, д̇асмаа ‘‘т̇уулаани жаа’’д̇и вуд̇д̇ам̣. г̇ул̣ад̣̇асаанийд̇и суд̇д̇аанам̣ т̇уулад̇ааяа, ган̃ж̇игасса б̣ахалад̇ааяа жа бин̣д̣ид̇ад̣̇асаани. д̇знааха ‘‘бун̃ж̇абун̃ж̇а…бз… д̣̇асааний’’д̇и. ануд̣̇д̣̇исад̇ийд̇и ану ану гат̇зд̇и.
439. Atha kho tehi sakuṇḍakehi taṇḍulehi siddhaṃbhattaṃ uttaṇḍulameva hotīti āha ‘‘uttaṇḍulabhatta’’nti. Bilaṅgaṃ vuccati āranālaṃ bilaṅgato nibbattanato, tadeva kañjiyato jātanti kañjiyaṃ, taṃ dutiyaṃ etassāti bilaṅgadutiyaṃ, taṃ ‘‘kañjikadutiya’’nti ca vuttaṃ. Dhorakānīti dhoviyāni. Yasmā thūlatarānipi ‘‘thūlānī’’ti vattabbataṃ arahanti, tasmā ‘‘thūlānicā’’ti vuttaṃ. Guḷadasānīti suttānaṃ thūlatāya, kañjikassa bahalatāya ca piṇḍitadasāni. Tenāha ‘‘puñjapuñja…pe… dasānī’’ti. Anuddisatīti anu anu katheti.
440. асаггажжанд̇и на саггажжам̣ анаад̣̇арагаарам̣, д̇ам̣ бана гаммапаласад̣̇д̇хааяа абхаавзна ход̇ийд̇и ааха ‘‘сад̣̇д̇хаавирахид̇а’’нд̇и. ажид̇д̇ийгад̇анд̇и жид̇д̇ийгаарабажжубадтаабанавасзна на жид̇д̇ийгад̇ам̣. д̇знааха ‘‘жид̇д̇ийгааравирахид̇а’’нд̇иаад̣̇и. жид̇д̇ийгаарарахид̇ам̣ ваа ажид̇д̇ийгад̇ам̣, яат̇аа гад̇ам̣ барзсам̣ вимхаяаавахам̣ ход̇и, д̇ат̇аа агад̇ам̣. жид̇д̇асса ул̣аарабан̣ийд̇абхааво бана асаггажжад̣̇аанзнзва б̣аад̇хид̇о. абавид̣̇д̇ханд̇и чад̣д̣анийяад̇хаммам̣ вияа абавид̣̇д̇хам̣ гад̇ваа, зд̇зна д̇асмим̣ д̣̇аанз г̇аараваагаран̣ам̣ вад̣̇ад̇и. сзрийсагам̣ наамаад̇и ‘‘сзрийсага’’нд̇и звам̣ наамагам̣. д̇ужчанд̇и бариж̇анабарижчзд̣̇авирахад̇о рид̇д̇ам̣.
440.Asakkaccanti na sakkaccaṃ anādarakāraṃ, taṃ pana kammaphalasaddhāya abhāvena hotīti āha ‘‘saddhāvirahita’’nti. Acittīkatanti cittīkārapaccupaṭṭhāpanavasena na cittīkataṃ. Tenāha ‘‘cittīkāravirahita’’ntiādi. Cittīkārarahitaṃ vā acittīkataṃ, yathā kataṃ paresaṃ vimhayāvahaṃ hoti, tathā akataṃ. Cittassa uḷārapaṇītabhāvo pana asakkaccadāneneva bādhito. Apaviddhanti chaḍḍanīyadhammaṃ viya apaviddhaṃ katvā, etena tasmiṃ dāne gāravākaraṇaṃ vadati. Serīsakaṃ nāmāti ‘‘serīsaka’’nti evaṃ nāmakaṃ. Tucchanti parijanaparicchedavirahato rittaṃ.
бааяаасид̣̇звабуд̇д̇аван̣н̣анаа
Pāyāsidevaputtavaṇṇanā
441. д̇ассаанубхаавзнаад̇и д̇асса д̣̇аанасса аанубхаавзна. сирийсаругкод̇и бабхассараканд̇хавидабасаакаабалаасасамбанно манун̃н̃ад̣̇ассано д̣̇иб̣б̣о сирийсаругко. адтаасийд̇и паласса гаммасаригкад̇ам̣ д̣̇ассзнд̇о вимаанад̣̇ваарз ниб̣б̣ад̇д̇ид̇ваа адтааси. буб̣б̣аажин̣н̣авасзнаад̇и буримаж̇аад̇ияам̣ д̇ад̇т̇а ниваасабарижаяанавасзна. на гзвалам̣ буб̣б̣аажин̣н̣авасзнзва, ат̇а ко уд̇усукумавасзна бийд̇и д̣̇ассзнд̇о ‘‘д̇ад̇т̇а гирасса уд̇усукам̣ ход̇ий’’д̇и ааха.
441.Tassānubhāvenāti tassa dānassa ānubhāvena. Sirīsarukkhoti pabhassarakhandhaviṭapasākhāpalāsasampanno manuññadassano dibbo sirīsarukkho. Aṭṭhāsīti phalassa kammasarikkhataṃ dassento vimānadvāre nibbattitvā aṭṭhāsi. Pubbāciṇṇavasenāti purimajātiyaṃ tattha nivāsaparicayanavasena. Na kevalaṃ pubbāciṇṇavaseneva, atha kho utusukhumavasena pīti dassento ‘‘tattha kirassa utusukhaṃ hotī’’ti āha.
сод̇и уд̇д̇аро маан̣аво. яад̣̇и асаггажжам̣ д̣̇аанам̣ д̣̇ад̇ваа бааяааси д̇ад̇т̇а ниб̣б̣ад̇д̇о, бааяаасисса барижааригаа саггажжам̣ д̣̇аанам̣ д̣̇ад̇ваа гат̇ам̣ д̇ад̇т̇а ниб̣б̣ад̇д̇аад̇и ааха ‘‘бааяаасисса банаа’’д̇и. ниганд̇ивасзнаад̇и бааяаасимхи саабзгкаавасзна, буб̣б̣зби ваа д̇ад̇т̇а нивуд̇т̇абуб̣б̣ад̇ааяа. д̣̇исаажааригавимаананд̇и аагаасадтам̣ худ̇ваа д̣̇исаасу вижаран̣агавимаанам̣, на ругкабаб̣б̣ад̇асикараад̣̇исамб̣анд̇хам̣. вадданиадавияанд̇и вимаанавийт̇ияанд̇и.
Soti uttaro māṇavo. Yadi asakkaccaṃ dānaṃ datvā pāyāsi tattha nibbatto, pāyāsissa paricārikā sakkaccaṃ dānaṃ datvā kathaṃ tattha nibbattāti āha ‘‘pāyāsissa panā’’ti. Nikantivasenāti pāyāsimhi sāpekkhāvasena, pubbepi vā tattha nivutthapubbatāya. Disācārikavimānanti ākāsaṭṭhaṃ hutvā disāsu vicaraṇakavimānaṃ, na rukkhapabbatasikharādisambandhaṃ. Vaṭṭaniaṭaviyanti vimānavīthiyanti.
бааяаасирааж̇ан̃н̃асуд̇д̇аван̣н̣анааяа лийнад̇т̇аббагаасанаа.
Pāyāsirājaññasuttavaṇṇanāya līnatthappakāsanā.
нидтид̇аа жа махааваг̇г̇адтагат̇ааяа лийнад̇т̇аббагаасанаа.
Niṭṭhitā ca mahāvaggaṭṭhakathāya līnatthappakāsanā.
махааваг̇г̇адийгаа нидтид̇аа.
Mahāvaggaṭīkā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 10. бааяаасисуд̇д̇ам̣ • 10. Pāyāsisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 10. бааяаасирааж̇ан̃н̃асуд̇д̇аван̣н̣анаа • 10. Pāyāsirājaññasuttavaṇṇanā
