| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. бзмасуд̇д̇ам̣
10. Pemasuttaṃ
200. ‘‘жад̇д̇ааримаани, бхигкавз, (бзмаани) 1 ж̇ааяанд̇и. гад̇амаани жад̇д̇аари? бзмаа бзмам̣ ж̇ааяад̇и, бзмаа д̣̇осо ж̇ааяад̇и, д̣̇осаа бзмам̣ ж̇ааяад̇и, д̣̇осаа д̣̇осо ж̇ааяад̇и.
200. ‘‘Cattārimāni, bhikkhave, (pemāni) 2 jāyanti. Katamāni cattāri? Pemā pemaṃ jāyati, pemā doso jāyati, dosā pemaṃ jāyati, dosā doso jāyati.
‘‘гат̇ан̃жа, бхигкавз, бзмаа бзмам̣ ж̇ааяад̇и? ид̇ха, бхигкавз, буг̇г̇ало буг̇г̇аласса идто ход̇и ганд̇о манаабо. д̇ам̣ барз идтзна ганд̇зна манаабзна самуд̣̇аажаранд̇и. д̇асса звам̣ ход̇и – ‘яо ко мяааяам̣ буг̇г̇ало идто ганд̇о манаабо, д̇ам̣ барз идтзна ганд̇зна манаабзна самуд̣̇аажаранд̇ий’д̇и . со д̇зсу бзмам̣ ж̇анзд̇и. звам̣ ко, бхигкавз, бзмаа бзмам̣ ж̇ааяад̇и.
‘‘Kathañca, bhikkhave, pemā pemaṃ jāyati? Idha, bhikkhave, puggalo puggalassa iṭṭho hoti kanto manāpo. Taṃ pare iṭṭhena kantena manāpena samudācaranti. Tassa evaṃ hoti – ‘yo kho myāyaṃ puggalo iṭṭho kanto manāpo, taṃ pare iṭṭhena kantena manāpena samudācarantī’ti . So tesu pemaṃ janeti. Evaṃ kho, bhikkhave, pemā pemaṃ jāyati.
‘‘гат̇ан̃жа, бхигкавз, бзмаа д̣̇осо ж̇ааяад̇и? ид̇ха, бхигкавз, буг̇г̇ало буг̇г̇аласса идто ход̇и ганд̇о манаабо. д̇ам̣ барз анидтзна аганд̇зна аманаабзна самуд̣̇аажаранд̇и. д̇асса звам̣ ход̇и – ‘яо ко мяааяам̣ буг̇г̇ало идто ганд̇о манаабо, д̇ам̣ барз анидтзна аганд̇зна аманаабзна самуд̣̇аажаранд̇ий’д̇и. со д̇зсу д̣̇осам̣ ж̇анзд̇и. звам̣ ко, бхигкавз, бзмаа д̣̇осо ж̇ааяад̇и.
‘‘Kathañca, bhikkhave, pemā doso jāyati? Idha, bhikkhave, puggalo puggalassa iṭṭho hoti kanto manāpo. Taṃ pare aniṭṭhena akantena amanāpena samudācaranti. Tassa evaṃ hoti – ‘yo kho myāyaṃ puggalo iṭṭho kanto manāpo, taṃ pare aniṭṭhena akantena amanāpena samudācarantī’ti. So tesu dosaṃ janeti. Evaṃ kho, bhikkhave, pemā doso jāyati.
‘‘гат̇ан̃жа, бхигкавз, д̣̇осаа бзмам̣ ж̇ааяад̇и? ид̇ха, бхигкавз, буг̇г̇ало буг̇г̇аласса анидто ход̇и аганд̇о аманаабо. д̇ам̣ барз анидтзна аганд̇зна аманаабзна самуд̣̇аажаранд̇и. д̇асса звам̣ ход̇и – ‘яо ко мяааяам̣ буг̇г̇ало анидто аганд̇о аманаабо, д̇ам̣ барз анидтзна аганд̇зна аманаабзна самуд̣̇аажаранд̇ий’д̇и. со д̇зсу бзмам̣ ж̇анзд̇и. звам̣ ко, бхигкавз, д̣̇осаа бзмам̣ ж̇ааяад̇и.
‘‘Kathañca, bhikkhave, dosā pemaṃ jāyati? Idha, bhikkhave, puggalo puggalassa aniṭṭho hoti akanto amanāpo. Taṃ pare aniṭṭhena akantena amanāpena samudācaranti. Tassa evaṃ hoti – ‘yo kho myāyaṃ puggalo aniṭṭho akanto amanāpo, taṃ pare aniṭṭhena akantena amanāpena samudācarantī’ti. So tesu pemaṃ janeti. Evaṃ kho, bhikkhave, dosā pemaṃ jāyati.
‘‘гат̇ан̃жа, бхигкавз, д̣̇осаа д̣̇осо ж̇ааяад̇и? ид̇ха, бхигкавз, буг̇г̇ало буг̇г̇аласса анидто ход̇и аганд̇о аманаабо . д̇ам̣ барз идтзна ганд̇зна манаабзна самуд̣̇аажаранд̇и. д̇асса звам̣ ход̇и – ‘яо ко мяааяам̣ буг̇г̇ало анидто аганд̇о аманаабо, д̇ам̣ барз идтзна ганд̇зна манаабзна самуд̣̇аажаранд̇ий’д̇и. со д̇зсу д̣̇осам̣ ж̇анзд̇и. звам̣ ко, бхигкавз, д̣̇осаа д̣̇осо ж̇ааяад̇и. имаани ко, бхигкавз, жад̇д̇аари бзмаани ж̇ааяанд̇и.
‘‘Kathañca, bhikkhave, dosā doso jāyati? Idha, bhikkhave, puggalo puggalassa aniṭṭho hoti akanto amanāpo . Taṃ pare iṭṭhena kantena manāpena samudācaranti. Tassa evaṃ hoti – ‘yo kho myāyaṃ puggalo aniṭṭho akanto amanāpo, taṃ pare iṭṭhena kantena manāpena samudācarantī’ti. So tesu dosaṃ janeti. Evaṃ kho, bhikkhave, dosā doso jāyati. Imāni kho, bhikkhave, cattāri pemāni jāyanti.
‘‘яасмим̣, бхигкавз, самаяз бхигку вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и, яамбисса бзмаа бзмам̣ ж̇ааяад̇и д̇амбисса д̇асмим̣ самаяз на ход̇и, яобисса бзмаа д̣̇осо ж̇ааяад̇и собисса д̇асмим̣ самаяз на ход̇и, яамбисса д̣̇осаа бзмам̣ ж̇ааяад̇и д̇амбисса д̇асмим̣ самаяз на ход̇и, яобисса д̣̇осаа д̣̇осо ж̇ааяад̇и собисса д̇асмим̣ самаяз на ход̇и.
‘‘Yasmiṃ, bhikkhave, samaye bhikkhu vivicceva kāmehi…pe… paṭhamaṃ jhānaṃ upasampajja viharati, yampissa pemā pemaṃ jāyati tampissa tasmiṃ samaye na hoti, yopissa pemā doso jāyati sopissa tasmiṃ samaye na hoti, yampissa dosā pemaṃ jāyati tampissa tasmiṃ samaye na hoti, yopissa dosā doso jāyati sopissa tasmiṃ samaye na hoti.
‘‘яасмим̣, бхигкавз, самаяз бхигку вид̇аггавижаараанам̣ вуубасамаа…бз… д̣̇уд̇ияам̣ жхаанам̣…бз… д̇ад̇ияам̣ жхаанам̣…бз… жад̇уд̇т̇ам̣ жхаанам̣ убасамбаж̇ж̇а вихарад̇и, яамбисса бзмаа бзмам̣ ж̇ааяад̇и д̇амбисса д̇асмим̣ самаяз на ход̇и, яобисса бзмаа д̣̇осо ж̇ааяад̇и собисса д̇асмим̣ самаяз на ход̇и, яамбисса д̣̇осаа бзмам̣ ж̇ааяад̇и д̇амбисса д̇асмим̣ самаяз на ход̇и, яобисса д̣̇осаа д̣̇осо ж̇ааяад̇и собисса д̇асмим̣ самаяз на ход̇и.
‘‘Yasmiṃ, bhikkhave, samaye bhikkhu vitakkavicārānaṃ vūpasamā…pe… dutiyaṃ jhānaṃ…pe… tatiyaṃ jhānaṃ…pe… catutthaṃ jhānaṃ upasampajja viharati, yampissa pemā pemaṃ jāyati tampissa tasmiṃ samaye na hoti, yopissa pemā doso jāyati sopissa tasmiṃ samaye na hoti, yampissa dosā pemaṃ jāyati tampissa tasmiṃ samaye na hoti, yopissa dosā doso jāyati sopissa tasmiṃ samaye na hoti.
‘‘яасмим̣, бхигкавз, самаяз бхигку аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и, яамбисса бзмаа бзмам̣ ж̇ааяад̇и д̇амбисса бахийнам̣ ход̇и ужчиннамуулам̣ д̇аалаавад̇т̇угад̇ам̣ анабхаавам̣гад̇ам̣ ааяад̇им̣ ануббаад̣̇ад̇хаммам̣, яобисса бзмаа д̣̇осо ж̇ааяад̇и собисса бахийно ход̇и ужчиннамууло д̇аалаавад̇т̇угад̇о анабхаавам̣гад̇о ааяад̇им̣ ануббаад̣̇ад̇хаммо, яамбисса д̣̇осаа бзмам̣ ж̇ааяад̇и д̇амбисса бахийнам̣ ход̇и ужчиннамуулам̣ д̇аалаавад̇т̇угад̇ам̣ анабхаавам̣гад̇ам̣ ааяад̇им̣ ануббаад̣̇ад̇хаммам̣, яобисса д̣̇осаа д̣̇осо ж̇ааяад̇и собисса бахийно ход̇и ужчиннамууло д̇аалаавад̇т̇угад̇о анабхаавам̣гад̇о ааяад̇им̣ ануббаад̣̇ад̇хаммо. аяам̣ вужжад̇и, бхигкавз, бхигку нзва уссзнзд̇и на бадисзнзд̇и 3 на д̇хуубааяад̇и на баж̇ж̇алад̇и на самбаж̇жхааяад̇и 4.
‘‘Yasmiṃ, bhikkhave, samaye bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati, yampissa pemā pemaṃ jāyati tampissa pahīnaṃ hoti ucchinnamūlaṃ tālāvatthukataṃ anabhāvaṃkataṃ āyatiṃ anuppādadhammaṃ, yopissa pemā doso jāyati sopissa pahīno hoti ucchinnamūlo tālāvatthukato anabhāvaṃkato āyatiṃ anuppādadhammo, yampissa dosā pemaṃ jāyati tampissa pahīnaṃ hoti ucchinnamūlaṃ tālāvatthukataṃ anabhāvaṃkataṃ āyatiṃ anuppādadhammaṃ, yopissa dosā doso jāyati sopissa pahīno hoti ucchinnamūlo tālāvatthukato anabhāvaṃkato āyatiṃ anuppādadhammo. Ayaṃ vuccati, bhikkhave, bhikkhu neva usseneti na paṭiseneti 5 na dhūpāyati na pajjalati na sampajjhāyati 6.
‘‘гат̇ан̃жа, бхигкавз, бхигку уссзнзд̇и? ид̇ха, бхигкавз, бхигку руубам̣ ад̇д̇ад̇о саманубассад̇и, руубаванд̇ам̣ ваа ад̇д̇аанам̣, ад̇д̇ани ваа руубам̣, руубасмим̣ ваа ад̇д̇аанам̣; взд̣̇анам̣ ад̇д̇ад̇о саманубассад̇и, взд̣̇анааванд̇ам̣ ваа ад̇д̇аанам̣ , ад̇д̇ани ваа взд̣̇анам̣, взд̣̇анааяа ваа ад̇д̇аанам̣; сан̃н̃ам̣ ад̇д̇ад̇о саманубассад̇и, сан̃н̃ааванд̇ам̣ ваа ад̇д̇аанам̣, ад̇д̇ани ваа сан̃н̃ам̣, сан̃н̃ааяа ваа ад̇д̇аанам̣; сан̇каарз ад̇д̇ад̇о саманубассад̇и, сан̇каараванд̇ам̣ ваа ад̇д̇аанам̣, ад̇д̇ани ваа сан̇каарз, сан̇каарзсу ваа ад̇д̇аанам̣; вин̃н̃аан̣ам̣ ад̇д̇ад̇о саманубассад̇и, вин̃н̃аан̣аванд̇ам̣ ваа ад̇д̇аанам̣, ад̇д̇ани ваа вин̃н̃аан̣ам̣, вин̃н̃аан̣асмим̣ ваа ад̇д̇аанам̣. звам̣ ко, бхигкавз, бхигку уссзнзд̇и.
‘‘Kathañca, bhikkhave, bhikkhu usseneti? Idha, bhikkhave, bhikkhu rūpaṃ attato samanupassati, rūpavantaṃ vā attānaṃ, attani vā rūpaṃ, rūpasmiṃ vā attānaṃ; vedanaṃ attato samanupassati, vedanāvantaṃ vā attānaṃ , attani vā vedanaṃ, vedanāya vā attānaṃ; saññaṃ attato samanupassati, saññāvantaṃ vā attānaṃ, attani vā saññaṃ, saññāya vā attānaṃ; saṅkhāre attato samanupassati, saṅkhāravantaṃ vā attānaṃ, attani vā saṅkhāre, saṅkhāresu vā attānaṃ; viññāṇaṃ attato samanupassati, viññāṇavantaṃ vā attānaṃ, attani vā viññāṇaṃ, viññāṇasmiṃ vā attānaṃ. Evaṃ kho, bhikkhave, bhikkhu usseneti.
‘‘гат̇ан̃жа, бхигкавз, бхигку на уссзнзд̇и? ид̇ха, бхигкавз, бхигку на руубам̣ ад̇д̇ад̇о саманубассад̇и, на руубаванд̇ам̣ ваа ад̇д̇аанам̣, на ад̇д̇ани ваа руубам̣, на руубасмим̣ ваа ад̇д̇аанам̣; на взд̣̇анам̣ ад̇д̇ад̇о саманубассад̇и, на взд̣̇анааванд̇ам̣ ваа ад̇д̇аанам̣, на ад̇д̇ани ваа взд̣̇анам̣, на взд̣̇анааяа ваа ад̇д̇аанам̣; на сан̃н̃ам̣ ад̇д̇ад̇о саманубассад̇и, на сан̃н̃ааванд̇ам̣ ваа ад̇д̇аанам̣, на ад̇д̇ани ваа сан̃н̃ам̣ , на сан̃н̃ааяа ваа ад̇д̇аанам̣; на сан̇каарз ад̇д̇ад̇о саманубассад̇и, на сан̇каараванд̇ам̣ ваа ад̇д̇аанам̣, на ад̇д̇ани ваа сан̇каарз, на сан̇каарзсу ваа ад̇д̇аанам̣; на вин̃н̃аан̣ам̣ ад̇д̇ад̇о саманубассад̇и, на вин̃н̃аан̣аванд̇ам̣ ваа ад̇д̇аанам̣, на ад̇д̇ани ваа вин̃н̃аан̣ам̣, на вин̃н̃аан̣асмим̣ ваа ад̇д̇аанам̣. звам̣ ко, бхигкавз, бхигку на уссзнзд̇и.
‘‘Kathañca, bhikkhave, bhikkhu na usseneti? Idha, bhikkhave, bhikkhu na rūpaṃ attato samanupassati, na rūpavantaṃ vā attānaṃ, na attani vā rūpaṃ, na rūpasmiṃ vā attānaṃ; na vedanaṃ attato samanupassati, na vedanāvantaṃ vā attānaṃ, na attani vā vedanaṃ, na vedanāya vā attānaṃ; na saññaṃ attato samanupassati, na saññāvantaṃ vā attānaṃ, na attani vā saññaṃ , na saññāya vā attānaṃ; na saṅkhāre attato samanupassati, na saṅkhāravantaṃ vā attānaṃ, na attani vā saṅkhāre, na saṅkhāresu vā attānaṃ; na viññāṇaṃ attato samanupassati, na viññāṇavantaṃ vā attānaṃ, na attani vā viññāṇaṃ, na viññāṇasmiṃ vā attānaṃ. Evaṃ kho, bhikkhave, bhikkhu na usseneti.
‘‘гат̇ан̃жа, бхигкавз, бхигку бадисзнзд̇и? ид̇ха , бхигкавз, бхигку аггосанд̇ам̣ бажжаггосад̇и, росанд̇ам̣ бадиросад̇и, бхан̣д̣анд̇ам̣ бадибхан̣д̣ад̇и. звам̣ ко, бхигкавз, бхигку бадисзнзд̇и.
‘‘Kathañca, bhikkhave, bhikkhu paṭiseneti? Idha , bhikkhave, bhikkhu akkosantaṃ paccakkosati, rosantaṃ paṭirosati, bhaṇḍantaṃ paṭibhaṇḍati. Evaṃ kho, bhikkhave, bhikkhu paṭiseneti.
‘‘гат̇ан̃жа, бхигкавз, бхигку на бадисзнзд̇и? ид̇ха, бхигкавз, бхигку аггосанд̇ам̣ на бажжаггосад̇и, росанд̇ам̣ на бадиросад̇и, бхан̣д̣анд̇ам̣ на бадибхан̣д̣ад̇и. звам̣ ко, бхигкавз, бхигку на бадисзнзд̇и.
‘‘Kathañca, bhikkhave, bhikkhu na paṭiseneti? Idha, bhikkhave, bhikkhu akkosantaṃ na paccakkosati, rosantaṃ na paṭirosati, bhaṇḍantaṃ na paṭibhaṇḍati. Evaṃ kho, bhikkhave, bhikkhu na paṭiseneti.
‘‘гат̇ан̃жа, бхигкавз, бхигку д̇хуубааяад̇и? асмийд̇и, бхигкавз, сад̇и ид̇т̇асмийд̇и ход̇и, звам̣смийд̇и ход̇и, ан̃н̃ат̇аасмийд̇и ход̇и, асасмийд̇и ход̇и, сад̇асмийд̇и ход̇и, санд̇и ход̇и, ид̇т̇ам̣ санд̇и ход̇и, звам̣ санд̇и ход̇и, ан̃н̃ат̇аа санд̇и ход̇и, абихам̣ санд̇и ход̇и, абихам̣ ид̇т̇ам̣ санд̇и ход̇и, абихам̣ звам̣ санд̇и ход̇и, абихам̣ ан̃н̃ат̇аа санд̇и ход̇и, бхависсанд̇и ход̇и, ид̇т̇ам̣ бхависсанд̇и ход̇и, звам̣ бхависсанд̇и ход̇и, ан̃н̃ат̇аа бхависсанд̇и ход̇и. звам̣ ко, бхигкавз, бхигку д̇хуубааяад̇и.
‘‘Kathañca, bhikkhave, bhikkhu dhūpāyati? Asmīti, bhikkhave, sati itthasmīti hoti, evaṃsmīti hoti, aññathāsmīti hoti, asasmīti hoti, satasmīti hoti, santi hoti, itthaṃ santi hoti, evaṃ santi hoti, aññathā santi hoti, apihaṃ santi hoti, apihaṃ itthaṃ santi hoti, apihaṃ evaṃ santi hoti, apihaṃ aññathā santi hoti, bhavissanti hoti, itthaṃ bhavissanti hoti, evaṃ bhavissanti hoti, aññathā bhavissanti hoti. Evaṃ kho, bhikkhave, bhikkhu dhūpāyati.
‘‘гат̇ан̃жа , бхигкавз, бхигку на д̇хуубааяад̇и? асмийд̇и, бхигкавз, асад̇и ид̇т̇асмийд̇и на ход̇и, звам̣смийд̇и на ход̇и, ан̃н̃ат̇аасмийд̇и на ход̇и, асасмийд̇и на ход̇и, сад̇асмийд̇и на ход̇и, санд̇и на ход̇и, ид̇т̇ам̣ санд̇и на ход̇и, звам̣ санд̇и на ход̇и, ан̃н̃ат̇аа санд̇и на ход̇и, абихам̣ санд̇и на ход̇и, абихам̣ ид̇т̇ам̣ санд̇и на ход̇и, абихам̣ звам̣ санд̇и на ход̇и, абихам̣ ан̃н̃ат̇аа санд̇и на ход̇и, бхависсанд̇и на ход̇и, ид̇т̇ам̣ бхависсанд̇и на ход̇и, звам̣ бхависсанд̇и на ход̇и, ан̃н̃ат̇аа бхависсанд̇и на ход̇и. звам̣ ко, бхигкавз, бхигку на д̇хуубааяад̇и.
‘‘Kathañca , bhikkhave, bhikkhu na dhūpāyati? Asmīti, bhikkhave, asati itthasmīti na hoti, evaṃsmīti na hoti, aññathāsmīti na hoti, asasmīti na hoti, satasmīti na hoti, santi na hoti, itthaṃ santi na hoti, evaṃ santi na hoti, aññathā santi na hoti, apihaṃ santi na hoti, apihaṃ itthaṃ santi na hoti, apihaṃ evaṃ santi na hoti, apihaṃ aññathā santi na hoti, bhavissanti na hoti, itthaṃ bhavissanti na hoti, evaṃ bhavissanti na hoti, aññathā bhavissanti na hoti. Evaṃ kho, bhikkhave, bhikkhu na dhūpāyati.
‘‘гат̇ан̃жа, бхигкавз, бхигку баж̇ж̇алад̇и? иминаа асмийд̇и, бхигкавз, сад̇и иминаа ид̇т̇асмийд̇и ход̇и, иминаа звам̣смийд̇и ход̇и, иминаа ан̃н̃ат̇аасмийд̇и ход̇и, иминаа асасмийд̇и ход̇и, иминаа сад̇асмийд̇и ход̇и, иминаа санд̇и ход̇и, иминаа ид̇т̇ам̣ санд̇и ход̇и, иминаа звам̣ санд̇и ход̇и, иминаа ан̃н̃ат̇аа санд̇и ход̇и, иминаа абихам̣ санд̇и ход̇и, иминаа абихам̣ ид̇т̇ам̣ санд̇и ход̇и, иминаа абихам̣ звам̣ санд̇и ход̇и, иминаа абихам̣ ан̃н̃ат̇аа санд̇и ход̇и, иминаа бхависсанд̇и ход̇и, иминаа ид̇т̇ам̣ бхависсанд̇и ход̇и, иминаа звам̣ бхависсанд̇и ход̇и, иминаа ан̃н̃ат̇аа бхависсанд̇и ход̇и. звам̣ ко, бхигкавз, бхигку баж̇ж̇алад̇и.
‘‘Kathañca, bhikkhave, bhikkhu pajjalati? Iminā asmīti, bhikkhave, sati iminā itthasmīti hoti, iminā evaṃsmīti hoti, iminā aññathāsmīti hoti, iminā asasmīti hoti, iminā satasmīti hoti, iminā santi hoti, iminā itthaṃ santi hoti, iminā evaṃ santi hoti, iminā aññathā santi hoti, iminā apihaṃ santi hoti, iminā apihaṃ itthaṃ santi hoti, iminā apihaṃ evaṃ santi hoti, iminā apihaṃ aññathā santi hoti, iminā bhavissanti hoti, iminā itthaṃ bhavissanti hoti, iminā evaṃ bhavissanti hoti, iminā aññathā bhavissanti hoti. Evaṃ kho, bhikkhave, bhikkhu pajjalati.
‘‘гат̇ан̃жа, бхигкавз, бхигку на баж̇ж̇алад̇и? иминаа асмийд̇и, бхигкавз, асад̇и иминаа ид̇т̇асмийд̇и на ход̇и, иминаа звам̣смийд̇и на ход̇и, иминаа ан̃н̃ат̇аасмийд̇и на ход̇и, иминаа асасмийд̇и на ход̇и, иминаа сад̇асмийд̇и на ход̇и, иминаа санд̇и на ход̇и, иминаа ид̇т̇ам̣ санд̇и на ход̇и, иминаа звам̣ санд̇и на ход̇и, иминаа ан̃н̃ат̇аа санд̇и на ход̇и, иминаа абихам̣ санд̇и на ход̇и, иминаа абихам̣ ид̇т̇ам̣ санд̇и на ход̇и, иминаа абихам̣ звам̣ санд̇и на ход̇и, иминаа абихам̣ ан̃н̃ат̇аа санд̇и на ход̇и, иминаа бхависсанд̇и на ход̇и, иминаа ид̇т̇ам̣ бхависсанд̇и на ход̇и, иминаа звам̣ бхависсанд̇и на ход̇и, иминаа ан̃н̃ат̇аа бхависсанд̇и на ход̇и. звам̣ ко, бхигкавз, бхигку на баж̇ж̇алад̇и.
‘‘Kathañca, bhikkhave, bhikkhu na pajjalati? Iminā asmīti, bhikkhave, asati iminā itthasmīti na hoti, iminā evaṃsmīti na hoti, iminā aññathāsmīti na hoti, iminā asasmīti na hoti, iminā satasmīti na hoti, iminā santi na hoti, iminā itthaṃ santi na hoti, iminā evaṃ santi na hoti, iminā aññathā santi na hoti, iminā apihaṃ santi na hoti, iminā apihaṃ itthaṃ santi na hoti, iminā apihaṃ evaṃ santi na hoti, iminā apihaṃ aññathā santi na hoti, iminā bhavissanti na hoti, iminā itthaṃ bhavissanti na hoti, iminā evaṃ bhavissanti na hoti, iminā aññathā bhavissanti na hoti. Evaṃ kho, bhikkhave, bhikkhu na pajjalati.
‘‘гат̇ан̃жа , бхигкавз, бхигку самбаж̇жхааяад̇и? ид̇ха, бхигкавз, бхигкуно асмимаано бахийно на ход̇и ужчиннамууло д̇аалаавад̇т̇угад̇о анабхаавам̣гад̇о ааяад̇им̣ ануббаад̣̇ад̇хаммо. звам̣ ко, бхигкавз, бхигку самбаж̇жхааяад̇и.
‘‘Kathañca , bhikkhave, bhikkhu sampajjhāyati? Idha, bhikkhave, bhikkhuno asmimāno pahīno na hoti ucchinnamūlo tālāvatthukato anabhāvaṃkato āyatiṃ anuppādadhammo. Evaṃ kho, bhikkhave, bhikkhu sampajjhāyati.
‘‘гат̇ан̃жа, бхигкавз, бхигку на самбаж̇жхааяад̇и? ид̇ха, бхигкавз, бхигкуно асмимаано бахийно ход̇и ужчиннамууло д̇аалаавад̇т̇угад̇о анабхаавам̣гад̇о ааяад̇им̣ ануббаад̣̇ад̇хаммо. звам̣ ко, бхигкавз, бхигку на самбаж̇жхааяад̇ий’’д̇и. д̣̇асамам̣.
‘‘Kathañca, bhikkhave, bhikkhu na sampajjhāyati? Idha, bhikkhave, bhikkhuno asmimāno pahīno hoti ucchinnamūlo tālāvatthukato anabhāvaṃkato āyatiṃ anuppādadhammo. Evaṃ kho, bhikkhave, bhikkhu na sampajjhāyatī’’ti. Dasamaṃ.
махааваг̇г̇о бан̃жамо.
Mahāvaggo pañcamo.
д̇ассуд̣̇д̣̇аанам̣ –
Tassuddānaṃ –
сод̇аануг̇ад̇ам̣ таанам̣, бхад̣̇д̣̇ияа саамуг̇ияа вабба саал̣хаа жа;
Sotānugataṃ ṭhānaṃ, bhaddiya sāmugiya vappa sāḷhā ca;
маллига ад̇д̇анд̇аабо, д̇ан̣хаа бзмзна жа д̣̇асаа д̇зд̇и.
Mallika attantāpo, taṇhā pemena ca dasā teti.
жад̇уд̇т̇амахаабан̣н̣аасагам̣ самад̇д̇ам̣.
Catutthamahāpaṇṇāsakaṃ samattaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. бзмасуд̇д̇аван̣н̣анаа • 10. Pemasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9-10. д̇ан̣хаасуд̇д̇аад̣̇иван̣н̣анаа • 9-10. Taṇhāsuttādivaṇṇanā
