| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੨. ਫਗ੍ਗੁਨਸੁਤ੍ਤવਣ੍ਣਨਾ
2. Phaggunasuttavaṇṇanā
੫੬. ਦੁਤਿਯੇ ਸਮਧੋਸੀਤਿ ਸਮਨ੍ਤਤੋ ਅਧੋਸਿ। ਸਬ੍ਬਭਾਗੇਨ ਪਰਿਫਨ੍ਦਨਚਲਨਾਕਾਰੇਨ ਅਪਚਿਤਿਂ ਦਸ੍ਸੇਤਿ। વਤ੍ਤਂ ਕਿਰੇਤਂ ਬਾਲ਼੍ਹਗਿਲਾਨੇਨਪਿ વੁਡ੍ਢਤਰਂ ਦਿਸ੍વਾ ਉਟ੍ਠਿਤਾਕਾਰੇਨ ਅਪਚਿਤਿ ਦਸ੍ਸੇਤਬ੍ਬਾ। ਤੇਨ ਪਨ ‘‘ਮਾ ਚਲਿ ਮਾ ਚਲੀ’’ਤਿ વਤ੍ਤਬ੍ਬੋ, ਤਂ ਪਨ ਚਲਨਂ ਉਟ੍ਠਾਨਾਕਾਰਦਸ੍ਸਨਂ ਹੋਤੀਤਿ ਆਹ ‘‘ਉਟ੍ਠਾਨਾਕਾਰਂ ਦਸ੍ਸੇਤੀ’’ਤਿ। ਸਨ੍ਤਿਮਾਨਿ ਆਸਨਾਨੀਤਿ ਪਠਮਮੇવ ਪਞ੍ਞਤ੍ਥਾਸਨਂ ਸਨ੍ਧਾਯ વਦਤਿ। ਬੁਦ੍ਧਕਾਲਸ੍ਮਿਞ੍ਹਿ ਏਕਸ੍ਸਪਿ ਭਿਕ੍ਖੁਨੋ વਸਨਟ੍ਠਾਨੇ – ‘‘ਸਚੇ ਸਤ੍ਥਾ ਆਗਚ੍ਛਿਸ੍ਸਤਿ, ਆਸਨਂ ਪਞ੍ਞਤ੍ਤਮੇવ ਹੋਤੂ’’ਤਿ ਅਨ੍ਤਮਸੋ ਫਲਕਮਤ੍ਤਮ੍ਪਿ ਪਣ੍ਣਸਨ੍ਥਾਰਮਤ੍ਤਮ੍ਪਿ ਪਞ੍ਞਤ੍ਤਮੇવ। ਖਮਨੀਯਂ ਯਾਪਨੀਯਨ੍ਤਿ ਕਚ੍ਚਿ ਦੁਕ੍ਖਂ ਖਮਿਤੁਂ, ਇਰਿਯਾਪਥਂ વਾ ਯਾਪੇਤੁਂ ਸਕ੍ਕਾਤਿ ਪੁਚ੍ਛਤਿ। ਸੀਸવੇਦਨਾਤਿ ਕੁਤੋਚਿ ਨਿਕ੍ਖਮਿਤੁਂ ਅਲਭਮਾਨੇਹਿ વਾਤੇਹਿ ਸਮੁਟ੍ਠਾਪਿਤਾ ਬਲવਤਿਯੋ ਸੀਸવੇਦਨਾ ਹੋਨ੍ਤਿ।
56. Dutiye samadhosīti samantato adhosi. Sabbabhāgena pariphandanacalanākārena apacitiṃ dasseti. Vattaṃ kiretaṃ bāḷhagilānenapi vuḍḍhataraṃ disvā uṭṭhitākārena apaciti dassetabbā. Tena pana ‘‘mā cali mā calī’’ti vattabbo, taṃ pana calanaṃ uṭṭhānākāradassanaṃ hotīti āha ‘‘uṭṭhānākāraṃ dassetī’’ti. Santimāni āsanānīti paṭhamameva paññatthāsanaṃ sandhāya vadati. Buddhakālasmiñhi ekassapi bhikkhuno vasanaṭṭhāne – ‘‘sace satthā āgacchissati, āsanaṃ paññattameva hotū’’ti antamaso phalakamattampi paṇṇasanthāramattampi paññattameva. Khamanīyaṃ yāpanīyanti kacci dukkhaṃ khamituṃ, iriyāpathaṃ vā yāpetuṃ sakkāti pucchati. Sīsavedanāti kutoci nikkhamituṃ alabhamānehi vātehi samuṭṭhāpitā balavatiyo sīsavedanā honti.
ਫਗ੍ਗੁਨਸੁਤ੍ਤવਣ੍ਣਨਾ ਨਿਟ੍ਠਿਤਾ।
Phaggunasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. ਫਗ੍ਗੁਨਸੁਤ੍ਤਂ • 2. Phaggunasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੨. ਫਗ੍ਗੁਨਸੁਤ੍ਤવਣ੍ਣਨਾ • 2. Phaggunasuttavaṇṇanā
