| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
3. палад̣̇ааяагавимаанаван̣н̣анаа
3. Phaladāyakavimānavaṇṇanā
ужжамид̣̇ам̣ ман̣ит̇уун̣анд̇и палад̣̇ааяагавимаанам̣. д̇асса гаа уббад̇д̇и? бхаг̇аваа рааж̇аг̇ахз вихарад̇и взл̣уванз. д̇зна самаязна ран̃н̃о б̣имб̣исаарасса агаалз амб̣апалаани барибхун̃ж̇ид̇ум̣ ижчаа уббаж̇ж̇и. со аараамабаалам̣ ааха – ‘‘маяхам̣ ко, бхан̣з, амб̣апалзсу ижчаа уббаннаа, д̇асмаа амб̣аани мз аанзд̇ваа д̣̇зхий’’д̇и. ‘‘д̣̇зва, над̇т̇и амб̣зсу амб̣апалам̣, абижаахам̣ д̇ат̇аа гароми, сажз д̣̇зво гин̃жи гаалам̣ ааг̇амзд̇и, яат̇аа амб̣аа на жирассзва палам̣ г̇ан̣ханд̇ий’’д̇и. ‘‘саад̇ху, бхан̣з, д̇ат̇аа гарохий’’д̇и. аараамабаало аараамам̣ г̇анд̇ваа амб̣аругкамуулзсу бам̣сум̣ абанзд̇ваа д̇аад̣̇исам̣ бам̣сум̣ аагири, д̇аад̣̇исан̃жа уд̣̇агам̣ аасин̃жи, яат̇аа на жирассзва амб̣аругкаа сажчиннабад̇д̇аа ахзсум̣. ат̇а нам̣ бам̣сум̣ абанзд̇ваа паарусагагасадамиссагам̣ баагад̇игам̣ бам̣сум̣ аагирид̇ваа саад̇хугам̣ уд̣̇агам̣ ад̣̇ааси. д̇ад̣̇аа амб̣аругкаа на жирзнзва горагид̇аа баллавид̇аа гудамалагаж̇аад̇аа худ̇ваа бубпим̣су, ат̇а салаадугаж̇аад̇аа худ̇ваа палаани г̇ан̣хим̣су. д̇ад̇т̇згасмим̣ амб̣аругкз батамад̇арам̣ жад̇д̇аари палаани маносилаажун̣н̣абин̃ж̇араван̣н̣аани самбаннаг̇анд̇харасаани барин̣ад̇аани ахзсум̣.
Uccamidaṃmaṇithūṇanti phaladāyakavimānaṃ. Tassa kā uppatti? Bhagavā rājagahe viharati veḷuvane. Tena samayena rañño bimbisārassa akāle ambaphalāni paribhuñjituṃ icchā uppajji. So ārāmapālaṃ āha – ‘‘mayhaṃ kho, bhaṇe, ambaphalesu icchā uppannā, tasmā ambāni me ānetvā dehī’’ti. ‘‘Deva, natthi ambesu ambaphalaṃ, apicāhaṃ tathā karomi, sace devo kiñci kālaṃ āgameti, yathā ambā na cirasseva phalaṃ gaṇhantī’’ti. ‘‘Sādhu, bhaṇe, tathā karohī’’ti. Ārāmapālo ārāmaṃ gantvā ambarukkhamūlesu paṃsuṃ apanetvā tādisaṃ paṃsuṃ ākiri, tādisañca udakaṃ āsiñci, yathā na cirasseva ambarukkhā sacchinnapattā ahesuṃ. Atha naṃ paṃsuṃ apanetvā phārusakakasaṭamissakaṃ pākatikaṃ paṃsuṃ ākiritvā sādhukaṃ udakaṃ adāsi. Tadā ambarukkhā na cireneva korakitā pallavitā kuṭamalakajātā hutvā pupphiṃsu, atha salāṭukajātā hutvā phalāni gaṇhiṃsu. Tatthekasmiṃ ambarukkhe paṭhamataraṃ cattāri phalāni manosilācuṇṇapiñjaravaṇṇāni sampannagandharasāni pariṇatāni ahesuṃ.
со д̇аани г̇ахзд̇ваа ‘‘ран̃н̃о д̣̇ассаамий’’д̇и г̇ажчанд̇о анд̇араамаг̇г̇з ааяасманд̇ам̣ махаамог̇г̇аллаанам̣ бин̣д̣ааяа жарамаанам̣ д̣̇исваа жинд̇зси ‘‘имаани амб̣аани аг̇г̇апалабхууд̇аани имасса аяяасса д̣̇ассаами , гаамам̣ мам̣ рааж̇аа ханад̇у ваа баб̣б̣ааж̇зд̇у ваа, ран̃н̃о хи д̣̇иннз д̣̇идтад̇хаммз бууж̇аамад̇д̇ам̣ аббамад̇д̇агам̣ палам̣, аяяасса д̣̇иннз бана д̣̇идтад̇хаммигамби самбарааяигамби абаримаан̣ам̣ палам̣ бхависсад̇ий’’д̇и. звам̣ бана жинд̇зд̇ваа д̇аани палаани т̇зрасса д̣̇ад̇ваа рааж̇аанам̣ убасан̇гамид̇ваа ран̃н̃о д̇амад̇т̇ам̣ аарожзси. д̇ам̣ суд̇ваа рааж̇аа рааж̇абурисз аан̣аабзси ‘‘виймам̣сат̇а д̇аава, бхан̣з, яат̇ааяам̣ аахаа’’д̇и. т̇зро бана д̇аани палаани бхаг̇авад̇о убанаамзси. бхаг̇аваа д̇зсу згам̣ саарибуд̇д̇ад̇т̇зрасса, згам̣ махаамог̇г̇аллаанад̇т̇зрасса, згам̣ махаагассабад̇т̇зрасса д̣̇ад̇ваа згам̣ ад̇д̇анаа барибхун̃ж̇и. бурисаа д̇ам̣ бавад̇д̇им̣ ран̃н̃о аарожзсум̣.
So tāni gahetvā ‘‘rañño dassāmī’’ti gacchanto antarāmagge āyasmantaṃ mahāmoggallānaṃ piṇḍāya caramānaṃ disvā cintesi ‘‘imāni ambāni aggaphalabhūtāni imassa ayyassa dassāmi , kāmaṃ maṃ rājā hanatu vā pabbājetu vā, rañño hi dinne diṭṭhadhamme pūjāmattaṃ appamattakaṃ phalaṃ, ayyassa dinne pana diṭṭhadhammikampi samparāyikampi aparimāṇaṃ phalaṃ bhavissatī’’ti. Evaṃ pana cintetvā tāni phalāni therassa datvā rājānaṃ upasaṅkamitvā rañño tamatthaṃ ārocesi. Taṃ sutvā rājā rājapurise āṇāpesi ‘‘vīmaṃsatha tāva, bhaṇe, yathāyaṃ āhā’’ti. Thero pana tāni phalāni bhagavato upanāmesi. Bhagavā tesu ekaṃ sāriputtattherassa, ekaṃ mahāmoggallānattherassa, ekaṃ mahākassapattherassa datvā ekaṃ attanā paribhuñji. Purisā taṃ pavattiṃ rañño ārocesuṃ.
рааж̇аа д̇ам̣ суд̇ваа ‘‘д̇хийро вад̇ааяам̣ бурисо, яо ад̇д̇ано ж̇ийвид̇амби барижжаж̇ид̇ваа бун̃н̃абасуд̇о ахоси, ад̇д̇ано бариссаман̃жа таанаг̇ад̇амзва агаасий’’д̇и д̇удтажид̇д̇о д̇асса згам̣ г̇аамаварам̣ вад̇т̇аалан̇гаараад̣̇ийни жа д̣̇ад̇ваа ‘‘яам̣ д̇аяаа бхан̣з амб̣апалад̣̇аанзна бун̃н̃ам̣ басуд̇ам̣, д̇ад̇о мз бад̇д̇им̣ д̣̇зхий’’д̇и ааха. со ‘‘д̣̇зми, д̣̇зва, яат̇аасукам̣ бад̇д̇им̣ г̇ан̣хаахий’’д̇и авожа. аараамабаало абарабхааг̇з гаалам̣ гад̇ваа д̇аавад̇им̣сзсу уббаж̇ж̇и , д̇асса сол̣асаяож̇анигам̣ ганагавимаанам̣ ниб̣б̣ад̇д̇и сад̇д̇асад̇агуудааг̇аарабадиман̣д̣ид̇ам̣. д̇ам̣ д̣̇исваа ааяасмаа махаамог̇г̇аллаано бужчи –
Rājā taṃ sutvā ‘‘dhīro vatāyaṃ puriso, yo attano jīvitampi pariccajitvā puññapasuto ahosi, attano parissamañca ṭhānagatameva akāsī’’ti tuṭṭhacitto tassa ekaṃ gāmavaraṃ vatthālaṅkārādīni ca datvā ‘‘yaṃ tayā bhaṇe ambaphaladānena puññaṃ pasutaṃ, tato me pattiṃ dehī’’ti āha. So ‘‘demi, deva, yathāsukhaṃ pattiṃ gaṇhāhī’’ti avoca. Ārāmapālo aparabhāge kālaṃ katvā tāvatiṃsesu uppajji , tassa soḷasayojanikaṃ kanakavimānaṃ nibbatti sattasatakūṭāgārapaṭimaṇḍitaṃ. Taṃ disvā āyasmā mahāmoggallāno pucchi –
1060.
1060.
‘‘ужжамид̣̇ам̣ ман̣ит̇уун̣ам̣ вимаанам̣, саманд̇ад̇о сол̣аса яож̇анаани;
‘‘Uccamidaṃ maṇithūṇaṃ vimānaṃ, samantato soḷasa yojanāni;
гуудааг̇аараа сад̇д̇асад̇аа ул̣аараа, взл̣урияат̇амбхаа ружагад̇т̇ад̇аа субхаа.
Kūṭāgārā sattasatā uḷārā, veḷuriyathambhā rucakatthatā subhā.
1061.
1061.
‘‘д̇ад̇т̇ажчаси биваси каад̣̇аси жа, д̣̇иб̣б̣аа жа вийн̣аа бавад̣̇анд̇и ваг̇г̇ум̣;
‘‘Tatthacchasi pivasi khādasi ca, dibbā ca vīṇā pavadanti vagguṃ;
адтадтагаа сигкид̇аа саад̇хуруубаа, д̣̇иб̣б̣аа жа ган̃н̃аа д̇ид̣̇асажараа ул̣аараа;
Aṭṭhaṭṭhakā sikkhitā sādhurūpā, dibbā ca kaññā tidasacarā uḷārā;
нажжанд̇и г̇ааяанд̇и бамод̣̇аяанд̇и.
Naccanti gāyanti pamodayanti.
1062.
1062.
‘‘д̣̇звид̣̇д̇хибад̇д̇оси махаанубхааво…бз…
‘‘Deviddhipattosi mahānubhāvo…pe…
ван̣н̣о жа д̇з саб̣б̣ад̣̇исаа бабхаасад̇ий’’д̇и.
Vaṇṇo ca te sabbadisā pabhāsatī’’ti.
1063.
1063.
‘‘со д̣̇звабуд̇д̇о ад̇д̇амано…бз… яасса гаммассид̣̇ам̣ палам̣’’.
‘‘So devaputto attamano…pe… yassa kammassidaṃ phalaṃ’’.
1064.
1064.
‘‘палад̣̇ааяий палам̣ вибулам̣ лабхад̇и, д̣̇ад̣̇амуж̇уг̇ад̇зсу басаннамаанасо;
‘‘Phaladāyī phalaṃ vipulaṃ labhati, dadamujugatesu pasannamānaso;
со хи бамод̣̇ад̇и саг̇г̇аг̇ад̇о д̇ид̣̇ивз, анубход̇и жа бун̃н̃апалам̣ вибулам̣.
So hi pamodati saggagato tidive, anubhoti ca puññaphalaṃ vipulaṃ.
1065.
1065.
‘‘д̇авзваахам̣ махаамуни, ад̣̇аасим̣ жад̇уро палз.
‘‘Tavevāhaṃ mahāmuni, adāsiṃ caturo phale.
1066.
1066.
‘‘д̇асмаа хи палам̣ аламзва д̣̇аад̇ум̣, нижжам̣ мануссзна сукад̇т̇игзна;
‘‘Tasmā hi phalaṃ alameva dātuṃ, niccaṃ manussena sukhatthikena;
д̣̇иб̣б̣аани ваа бад̇т̇аяад̇аа сукаани, мануссасобхаг̇г̇ад̇амижчад̇аа ваа.
Dibbāni vā patthayatā sukhāni, manussasobhaggatamicchatā vā.
1067.
1067.
‘‘д̇зна мзд̇аад̣̇исо ван̣н̣о…бз…
‘‘Tena metādiso vaṇṇo…pe…
ван̣н̣о жа мз саб̣б̣ад̣̇исаа бабхаасад̇ий’’д̇и. – собисса б̣яаагааси;
Vaṇṇo ca me sabbadisā pabhāsatī’’ti. – sopissa byākāsi;
1061. д̇ад̇т̇а адтадтагаад̇и згзгасмим̣ гуудааг̇аарз адтадтагаа жад̇усадтибаримаан̣аа. саад̇хуруубаад̇и руубасамбад̇д̇ияаа жа сийлаажаарасамбад̇д̇ияаа жа сигкаасамбад̇д̇ияаа жа сунд̣̇арасабхааваа. д̣̇иб̣б̣аа жа ган̃н̃аад̇и д̣̇зважчарааяо. д̇ид̣̇асажараад̇и д̇ид̣̇асзсу сукаажаараа сукавихааринияо. ул̣аараад̇и ул̣ааравибхаваа.
1061. Tattha aṭṭhaṭṭhakāti ekekasmiṃ kūṭāgāre aṭṭhaṭṭhakā catusaṭṭhiparimāṇā. Sādhurūpāti rūpasampattiyā ca sīlācārasampattiyā ca sikkhāsampattiyā ca sundarasabhāvā. Dibbā ca kaññāti devaccharāyo. Tidasacarāti tidasesu sukhācārā sukhavihāriniyo. Uḷārāti uḷāravibhavā.
1064. палад̣̇ааяийд̇и ад̇д̇анаа амб̣апаласса д̣̇иннад̇д̇аа ад̇д̇аанам̣ санд̇хааяа вад̣̇ад̇и. паланд̇и бун̃н̃апалам̣. вибуланд̇и маханд̇ам̣ лабхад̇и мануссалогз бад̇идтид̇од̇и ад̇хиббааяо. д̣̇ад̣̇анд̇и д̣̇ад̣̇анд̇о д̣̇аанахзд̇у. уж̇уг̇ад̇зсууд̇и уж̇убадибаннзсу. саг̇г̇аг̇ад̇од̇и уббаж̇ж̇анавасзна саг̇г̇ам̣ г̇ад̇о, д̇ад̇т̇ааби д̇ид̣̇ивз д̇аавад̇им̣сабхаванз анубход̇и жа бун̃н̃апалам̣ вибулам̣ яат̇аахам̣, звам̣ ан̃н̃обийд̇и ад̇т̇о.
1064.Phaladāyīti attanā ambaphalassa dinnattā attānaṃ sandhāya vadati. Phalanti puññaphalaṃ. Vipulanti mahantaṃ labhati manussaloke patiṭṭhitoti adhippāyo. Dadanti dadanto dānahetu. Ujugatesūti ujupaṭipannesu. Saggagatoti uppajjanavasena saggaṃ gato, tatthāpi tidive tāvatiṃsabhavane anubhoti ca puññaphalaṃ vipulaṃ yathāhaṃ, evaṃ aññopīti attho.
1066. д̇асмаад̇и яасмаа жад̇уннам̣ палаанам̣ д̣̇аанамад̇д̇зна ийд̣̇исий самбад̇д̇и ад̇хиг̇ад̇аа, д̇асмаа. аламзва яуд̇д̇амзва. нижжанд̇и саб̣б̣агаалам̣. д̣̇иб̣б̣аанийд̇и д̣̇звалогабарияаабаннаани. мануссасобхаг̇г̇ад̇анд̇и мануссзсу субхаг̇абхаавам̣. сзсам̣ вуд̇д̇анаяамзва.
1066.Tasmāti yasmā catunnaṃ phalānaṃ dānamattena īdisī sampatti adhigatā, tasmā. Alameva yuttameva. Niccanti sabbakālaṃ. Dibbānīti devalokapariyāpannāni. Manussasobhaggatanti manussesu subhagabhāvaṃ. Sesaṃ vuttanayameva.
палад̣̇ааяагавимаанаван̣н̣анаа нидтид̇аа.
Phaladāyakavimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 3. палад̣̇ааяагавимаанавад̇т̇у • 3. Phaladāyakavimānavatthu
