| Library / Tipiṭaka / तिपिटक • Tipiṭaka / अपदानपाळि • Apadānapāḷi |
८. फलकदायकत्थेरअपदानं
8. Phalakadāyakattheraapadānaṃ
३७.
37.
‘‘यानकारो पुरे आसिं, दारुकम्मे सुसिक्खितो।
‘‘Yānakāro pure āsiṃ, dārukamme susikkhito;
चन्दनं फलकं कत्वा, अदासिं लोकबन्धुनो॥
Candanaṃ phalakaṃ katvā, adāsiṃ lokabandhuno.
३८.
38.
‘‘पभासति इदं ब्यम्हं, सुवण्णस्स सुनिम्मितं।
‘‘Pabhāsati idaṃ byamhaṃ, suvaṇṇassa sunimmitaṃ;
हत्थियानं अस्सयानं, दिब्बयानं उपट्ठितं॥
Hatthiyānaṃ assayānaṃ, dibbayānaṃ upaṭṭhitaṃ.
३९.
39.
‘‘पासादा सिविका चेव, निब्बत्तन्ति यदिच्छकं।
‘‘Pāsādā sivikā ceva, nibbattanti yadicchakaṃ;
४०.
40.
‘‘एकनवुतितो कप्पे, फलकं यमहं ददिं।
‘‘Ekanavutito kappe, phalakaṃ yamahaṃ dadiṃ;
दुग्गतिं नाभिजानामि, फलकस्स इदं फलं॥
Duggatiṃ nābhijānāmi, phalakassa idaṃ phalaṃ.
४१.
41.
‘‘सत्तपञ्ञासकप्पम्हि, चतुरो निम्मिताव्हया।
‘‘Sattapaññāsakappamhi, caturo nimmitāvhayā;
सत्तरतनसम्पन्ना, चक्कवत्ती महब्बला॥
Sattaratanasampannā, cakkavattī mahabbalā.
४२.
42.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा फलकदायको थेरो इमा गाथायो अभासित्थाति।
Itthaṃ sudaṃ āyasmā phalakadāyako thero imā gāthāyo abhāsitthāti.
फलकदायकत्थेरस्सापदानं अट्ठमं।
Phalakadāyakattherassāpadānaṃ aṭṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ८. फलकदायकत्थेरअपदानवण्णना • 8. Phalakadāyakattheraapadānavaṇṇanā
