| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[475] 2. панд̣̇анаж̇аад̇агаван̣н̣анаа
[475] 2. Phandanajātakavaṇṇanā
гутаарихад̇т̇о бурисод̇и ид̣̇ам̣ сад̇т̇аа рохин̣ийнад̣̇ийд̇ийрз вихаранд̇о н̃аад̇агаанам̣ галахам̣ аараб̣бха гат̇зси. вад̇т̇у бана гун̣аалаж̇аад̇агз (ж̇аа. 2.21.гун̣аалаж̇аад̇ага) аави бхависсад̇и. д̇ад̣̇аа бана сад̇т̇аа н̃аад̇агз ааманд̇зд̇ваа – махаарааж̇аа, ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣ахинаг̇арз вад̣дхагиг̇аамо ахоси. д̇ад̇рзго б̣раахман̣авад̣дхагий аран̃н̃ад̇о д̣̇аарууни аахарид̇ваа рат̇ам̣ гад̇ваа ж̇ийвигам̣ габбзси. д̇ад̣̇аа химаванд̇абад̣̇зсз махаапанд̣̇анаругко ахоси . зго гаал̣асийхо г̇ожарам̣ бариязсид̇ваа ааг̇анд̇ваа д̇асса муулз нибаж̇ж̇и. ат̇асса згад̣̇ивасам̣ ваад̇з бахаранд̇з зго сугкад̣̇ан̣д̣аго бад̇ид̇ваа канд̇хз авад̇т̇ааси. со т̇огам̣ канд̇хзна руж̇анд̇зна бхийд̇ад̇асид̇о удтааяа багканд̣̇ид̇ваа буна нивад̇д̇о ааг̇ад̇амаг̇г̇ам̣ ологзнд̇о гин̃жи ад̣̇исваа ‘‘ан̃н̃о мам̣ сийхо ваа б̣яаг̇гхо ваа ануб̣анд̇ханд̇о над̇т̇и, имасмим̣ бана ругкз ниб̣б̣ад̇д̇ад̣̇звад̇аа мам̣ зд̇т̇а нибаж̇ж̇анд̇ам̣ на сахад̇и ман̃н̃з, ход̇у ж̇ааниссаамий’’д̇и адтаанз гобам̣ б̣анд̇хид̇ваа ругкам̣ бахарид̇ваа ‘‘нзва д̇ава ругкасса бад̇д̇ам̣ каад̣̇аами, на саакам̣ бхан̃ж̇аами, ид̇ха ан̃н̃з миг̇з васанд̇з сахаси, мам̣ на сахаси, го маяхам̣ д̣̇осо ад̇т̇и, гад̇ибаахам̣ ааг̇амзхи, самуулам̣ д̇з ругкам̣ уббаадзд̇ваа кан̣д̣аакан̣д̣игам̣ чзд̣̇аабзссаамий’’д̇и ругкад̣̇звад̇ам̣ д̇аж̇ж̇зд̇ваа згам̣ бурисам̣ убад̇хаарзнд̇о вижари. д̇ад̣̇аа со б̣раахман̣авад̣дхагий д̣̇вз д̇аяо мануссз аад̣̇ааяа рат̇ад̣̇ааруунам̣ ад̇т̇ааяа яаанагзна д̇ам̣ бад̣̇зсам̣ г̇анд̇ваа згасмим̣ таанз яаанагам̣ табзд̇ваа ваасипарасухад̇т̇о ругкз убад̇хаарзнд̇о панд̣̇анасамийбам̣ аг̇амааси. гаал̣асийхо д̇ам̣ д̣̇исваа ‘‘аж̇ж̇а, маяаа бажжаамид̇д̇асса бидтим̣ д̣̇адтум̣ ваддад̇ий’’д̇и г̇анд̇ваа ругкамуулз адтааси . вад̣дхагий жа ид̇о жид̇о ологзд̇ваа панд̣̇анасамийбзна бааяааси. со ‘‘яаава зсо наад̇иггамад̇и, д̇аавад̣̇звасса гат̇зссаамий’’д̇и жинд̇зд̇ваа батамам̣ г̇аат̇амааха –
Kuṭhārihattho purisoti idaṃ satthā rohiṇīnadītīre viharanto ñātakānaṃ kalahaṃ ārabbha kathesi. Vatthu pana kuṇālajātake (jā. 2.21.kuṇālajātaka) āvi bhavissati. Tadā pana satthā ñātake āmantetvā – mahārājā, atīte bārāṇasiyaṃ brahmadatte rajjaṃ kārente bahinagare vaḍḍhakigāmo ahosi. Tatreko brāhmaṇavaḍḍhakī araññato dārūni āharitvā rathaṃ katvā jīvikaṃ kappesi. Tadā himavantapadese mahāphandanarukkho ahosi . Eko kāḷasīho gocaraṃ pariyesitvā āgantvā tassa mūle nipajji. Athassa ekadivasaṃ vāte paharante eko sukkhadaṇḍako patitvā khandhe avatthāsi. So thokaṃ khandhena rujantena bhītatasito uṭṭhāya pakkhanditvā puna nivatto āgatamaggaṃ olokento kiñci adisvā ‘‘añño maṃ sīho vā byaggho vā anubandhanto natthi, imasmiṃ pana rukkhe nibbattadevatā maṃ ettha nipajjantaṃ na sahati maññe, hotu jānissāmī’’ti aṭṭhāne kopaṃ bandhitvā rukkhaṃ paharitvā ‘‘neva tava rukkhassa pattaṃ khādāmi, na sākhaṃ bhañjāmi, idha aññe mige vasante sahasi, maṃ na sahasi, ko mayhaṃ doso atthi, katipāhaṃ āgamehi, samūlaṃ te rukkhaṃ uppāṭetvā khaṇḍākhaṇḍikaṃ chedāpessāmī’’ti rukkhadevataṃ tajjetvā ekaṃ purisaṃ upadhārento vicari. Tadā so brāhmaṇavaḍḍhakī dve tayo manusse ādāya rathadārūnaṃ atthāya yānakena taṃ padesaṃ gantvā ekasmiṃ ṭhāne yānakaṃ ṭhapetvā vāsipharasuhattho rukkhe upadhārento phandanasamīpaṃ agamāsi. Kāḷasīho taṃ disvā ‘‘ajja, mayā paccāmittassa piṭṭhiṃ daṭṭhuṃ vaṭṭatī’’ti gantvā rukkhamūle aṭṭhāsi . Vaḍḍhakī ca ito cito oloketvā phandanasamīpena pāyāsi. So ‘‘yāva eso nātikkamati, tāvadevassa kathessāmī’’ti cintetvā paṭhamaṃ gāthamāha –
14.
14.
‘‘гутаарихад̇т̇о бурисо, ванамог̇аяха д̇идтаси;
‘‘Kuṭhārihattho puriso, vanamogayha tiṭṭhasi;
будто мз самма агкаахи, гим̣ д̣̇аарум̣ чзд̇умижчасий’’д̇и.
Puṭṭho me samma akkhāhi, kiṃ dāruṃ chetumicchasī’’ti.
д̇ад̇т̇а бурисод̇и д̇вам̣ гутаарихад̇т̇о зго бурисо имам̣ ванам̣ ог̇аяха д̇идтасийд̇и.
Tattha purisoti tvaṃ kuṭhārihattho eko puriso imaṃ vanaṃ ogayha tiṭṭhasīti.
со д̇асса важанам̣ суд̇ваа ‘‘ажчарияам̣ вад̇а бхо, на вад̇а мз ид̇о буб̣б̣з миг̇о мануссаваажам̣ бхаасанд̇о д̣̇идтабуб̣б̣о, зса рат̇аанужчавигам̣ д̣̇аарум̣ ж̇ааниссад̇и, бужчиссаами на’’нд̇и жинд̇зд̇ваа д̣̇уд̇ияам̣ г̇аат̇амааха –
So tassa vacanaṃ sutvā ‘‘acchariyaṃ vata bho, na vata me ito pubbe migo manussavācaṃ bhāsanto diṭṭhapubbo, esa rathānucchavikaṃ dāruṃ jānissati, pucchissāmi na’’nti cintetvā dutiyaṃ gāthamāha –
15.
15.
‘‘иссо ванаани жараси, самаани висамаани жа;
‘‘Isso vanāni carasi, samāni visamāni ca;
будто мз самма агкаахи, гим̣ д̣̇аарум̣ нзмияаа д̣̇ал̣ха’’нд̇и.
Puṭṭho me samma akkhāhi, kiṃ dāruṃ nemiyā daḷha’’nti.
д̇ад̇т̇а иссод̇и д̇вамби зго гаал̣асийхо ванаани жараси, д̇вам̣ рат̇аанужчавигам̣ д̣̇аарум̣ ж̇ааниссасийд̇и.
Tattha issoti tvampi eko kāḷasīho vanāni carasi, tvaṃ rathānucchavikaṃ dāruṃ jānissasīti.
д̇ам̣ суд̇ваа гаал̣асийхо ‘‘ид̣̇аани мз манорат̇о мад̇т̇агам̣ баабун̣иссад̇ий’’д̇и жинд̇зд̇ваа д̇ад̇ияам̣ г̇аат̇амааха –
Taṃ sutvā kāḷasīho ‘‘idāni me manoratho matthakaṃ pāpuṇissatī’’ti cintetvā tatiyaṃ gāthamāha –
16.
16.
‘‘нзва саало на кад̣̇иро, наассаган̣н̣о гуд̇о д̇хаво;
‘‘Neva sālo na khadiro, nāssakaṇṇo kuto dhavo;
ругко жа панд̣̇ано наама, д̇ам̣ д̣̇аарум̣ нзмияаа д̣̇ал̣ха’’нд̇и.
Rukkho ca phandano nāma, taṃ dāruṃ nemiyā daḷha’’nti.
со д̇ам̣ суд̇ваа соманассаж̇аад̇о ‘‘суд̣̇ивасзна вад̇амхи аж̇ж̇а аран̃н̃ам̣ бавидто, д̇иражчаанаг̇ад̇о мз рат̇аанужчавигам̣ д̣̇аарум̣ аажигкад̇и, ахо саад̇хуу’’д̇и бужчанд̇о жад̇уд̇т̇ам̣ г̇аат̇амааха –
So taṃ sutvā somanassajāto ‘‘sudivasena vatamhi ajja araññaṃ paviṭṭho, tiracchānagato me rathānucchavikaṃ dāruṃ ācikkhati, aho sādhū’’ti pucchanto catutthaṃ gāthamāha –
17.
17.
‘‘гийд̣̇исаанисса бад̇д̇аани, канд̇хо ваа бана гийд̣̇исо;
‘‘Kīdisānissa pattāni, khandho vā pana kīdiso;
будто мз самма агкаахи, яат̇аа ж̇аанзму панд̣̇ана’’нд̇и.
Puṭṭho me samma akkhāhi, yathā jānemu phandana’’nti.
ат̇асса со аажигканд̇о д̣̇вз г̇аат̇аа абхааси –
Athassa so ācikkhanto dve gāthā abhāsi –
18.
18.
‘‘яасса саакаа баламб̣анд̇и, наманд̇и на жа бхан̃ж̇арз;
‘‘Yassa sākhā palambanti, namanti na ca bhañjare;
со ругко панд̣̇ано наама, яасса муулз ахам̣ тид̇о.
So rukkho phandano nāma, yassa mūle ahaṃ ṭhito.
19.
19.
‘‘араанам̣ жагганаабхийнам̣, ийсаанзмират̇асса жа;
‘‘Arānaṃ cakkanābhīnaṃ, īsānemirathassa ca;
саб̣б̣асса д̇з гамманияо, аяам̣ хзссад̇и панд̣̇ано’’д̇и.
Sabbassa te kammaniyo, ayaṃ hessati phandano’’ti.
д̇ад̇т̇а ‘‘араана’’нд̇и ид̣̇ам̣ со ‘‘гад̣̇аажзса имам̣ ругкам̣ на г̇ан̣хзяяа, г̇ун̣амбисса гат̇зссаамий’’д̇и жинд̇зд̇ваа звамааха. д̇ад̇т̇а ийсаанзмират̇асса жаад̇и ийсааяа жа нзмияаа жа сзсасса жа рат̇асса саб̣б̣асса д̇з зса гамманияо гаммагкамо бхависсад̇ийд̇и.
Tattha ‘‘arāna’’nti idaṃ so ‘‘kadācesa imaṃ rukkhaṃ na gaṇheyya, guṇampissa kathessāmī’’ti cintetvā evamāha. Tattha īsānemirathassa cāti īsāya ca nemiyā ca sesassa ca rathassa sabbassa te esa kammaniyo kammakkhamo bhavissatīti.
со звам̣ аажигкид̇ваа д̇удтамаанасо згаманд̇з вижари, вад̣дхагийби ругкам̣ чинд̣̇ид̇ум̣ аарабхи. ругкад̣̇звад̇аа жинд̇зси ‘‘маяаа зд̇асса убари на гин̃жи баад̇ид̇ам̣, аяам̣ адтаанз аагхаад̇ам̣ б̣анд̇хид̇ваа мама вимаанам̣ наасзд̇и, ахан̃жа винассиссаами, згзнубааязна иман̃жа иссам̣ винаасзссаамий’’д̇и. саа ванагаммигабурисо вияа худ̇ваа д̇асса санд̇игам̣ ааг̇анд̇ваа бужчи ‘‘бхо буриса манаабо д̇з ругко лад̣̇д̇хо, имам̣ чинд̣̇ид̇ваа гим̣ гариссасий’’д̇и? ‘‘рат̇анзмим̣ гариссаамий’’д̇и. ‘‘иминаа ругкзна рат̇о бхависсад̇ий’’д̇и гзна д̇з агкаад̇анд̇и. ‘‘згзна гаал̣асийхзнаа’’д̇и. ‘‘саад̇ху судту д̇зна агкаад̇ам̣, иминаа ругкзна рат̇о сунд̣̇аро бхависсад̇и, гаал̣асийхасса г̇алажаммам̣ уббаадзд̇ваа жад̇уран̇г̇уламад̇д̇з таанз аяабаддзна вияа нзмиман̣д̣алз баригкид̇д̇з нзми жа т̇ираа бхависсад̇и, б̣ахун̃жа д̇ханам̣ лабхиссасий’’д̇и. ‘‘гаал̣асийхажаммам̣ гуд̇о лажчаамий’’д̇и? ‘‘д̇вам̣ б̣аалагоси, аяам̣ д̇ава ругко ванз тид̇о на балааяад̇и, д̇вам̣ язна д̇з ругко агкаад̇о, д̇асса санд̇игам̣ г̇анд̇ваа ‘саами д̇аяаа д̣̇ассид̇аругкам̣ гад̇арадтаанз чинд̣̇аамий’д̇и ван̃жзд̇ваа аанзхи, ат̇а нам̣ нираасан̇гам̣ ‘ид̇ха жа зд̇т̇а жа чинд̣̇аа’д̇и мукад̇ун̣д̣ам̣ басаарзд̇ваа аажигканд̇ам̣ д̇икин̣зна махаапарасунаа годдзд̇ваа ж̇ийвид̇агкаяам̣ баабзд̇ваа жаммам̣ аад̣̇ааяа варамам̣сам̣ каад̣̇ид̇ваа ругкам̣ чинд̣̇аа’’д̇и взрам̣ аббзси. д̇амад̇т̇ам̣ багаасзнд̇о сад̇т̇аа имаа г̇аат̇аа ааха –
So evaṃ ācikkhitvā tuṭṭhamānaso ekamante vicari, vaḍḍhakīpi rukkhaṃ chindituṃ ārabhi. Rukkhadevatā cintesi ‘‘mayā etassa upari na kiñci pātitaṃ, ayaṃ aṭṭhāne āghātaṃ bandhitvā mama vimānaṃ nāseti, ahañca vinassissāmi, ekenupāyena imañca issaṃ vināsessāmī’’ti. Sā vanakammikapuriso viya hutvā tassa santikaṃ āgantvā pucchi ‘‘bho purisa manāpo te rukkho laddho, imaṃ chinditvā kiṃ karissasī’’ti? ‘‘Rathanemiṃ karissāmī’’ti. ‘‘Iminā rukkhena ratho bhavissatī’’ti kena te akkhātanti. ‘‘Ekena kāḷasīhenā’’ti. ‘‘Sādhu suṭṭhu tena akkhātaṃ, iminā rukkhena ratho sundaro bhavissati, kāḷasīhassa galacammaṃ uppāṭetvā caturaṅgulamatte ṭhāne ayapaṭṭena viya nemimaṇḍale parikkhitte nemi ca thirā bhavissati, bahuñca dhanaṃ labhissasī’’ti. ‘‘Kāḷasīhacammaṃ kuto lacchāmī’’ti? ‘‘Tvaṃ bālakosi, ayaṃ tava rukkho vane ṭhito na palāyati, tvaṃ yena te rukkho akkhāto, tassa santikaṃ gantvā ‘sāmi tayā dassitarukkhaṃ kataraṭṭhāne chindāmī’ti vañcetvā ānehi, atha naṃ nirāsaṅkaṃ ‘idha ca ettha ca chindā’ti mukhatuṇḍaṃ pasāretvā ācikkhantaṃ tikhiṇena mahāpharasunā koṭṭetvā jīvitakkhayaṃ pāpetvā cammaṃ ādāya varamaṃsaṃ khāditvā rukkhaṃ chindā’’ti veraṃ appesi. Tamatthaṃ pakāsento satthā imā gāthā āha –
20.
20.
‘‘ид̇и панд̣̇анаругкоби, д̇аавад̣̇з аж̇жхабхаасат̇а;
‘‘Iti phandanarukkhopi, tāvade ajjhabhāsatha;
маяхамби важанам̣ ад̇т̇и, бхаарад̣̇вааж̇а сун̣охи мз.
Mayhampi vacanaṃ atthi, bhāradvāja suṇohi me.
21.
21.
‘‘иссасса убагканд̇хамхаа, уггажжа жад̇уран̇г̇улам̣;
‘‘Issassa upakkhandhamhā, ukkacca caturaṅgulaṃ;
д̇зна нзмим̣ басаарзси, звам̣ д̣̇ал̣хад̇арам̣ сияаа.
Tena nemiṃ pasāresi, evaṃ daḷhataraṃ siyā.
22.
22.
‘‘ид̇и панд̣̇анаругкоби, взрам̣ аббзси д̇аавад̣̇з;
‘‘Iti phandanarukkhopi, veraṃ appesi tāvade;
ж̇аад̇аанан̃жа аж̇аад̇аанам̣, иссаанам̣ д̣̇угкамаавахий’’д̇и.
Jātānañca ajātānaṃ, issānaṃ dukkhamāvahī’’ti.
д̇ад̇т̇а бхаарад̣̇вааж̇аад̇и д̇ам̣ г̇од̇д̇зна аалабад̇и. убагканд̇хамхаад̇и канд̇хад̇о. уггажжаад̇и угганд̇ид̇ваа.
Tattha bhāradvājāti taṃ gottena ālapati. Upakkhandhamhāti khandhato. Ukkaccāti ukkantitvā.
вад̣дхагий ругкад̣̇звад̇ааяа важанам̣ суд̇ваа ‘‘ахо аж̇ж̇а маяхам̣ ман̇г̇алад̣̇ивасо’’д̇и гаал̣асийхам̣ гхаад̇зд̇ваа ругкам̣ чзд̇ваа баггаами. д̇амад̇т̇ам̣ багаасзнд̇о сад̇т̇аа ааха –
Vaḍḍhakī rukkhadevatāya vacanaṃ sutvā ‘‘aho ajja mayhaṃ maṅgaladivaso’’ti kāḷasīhaṃ ghātetvā rukkhaṃ chetvā pakkāmi. Tamatthaṃ pakāsento satthā āha –
23.
23.
‘‘ижжзвам̣ панд̣̇ано иссам̣, иссо жа бана панд̣̇анам̣;
‘‘Iccevaṃ phandano issaṃ, isso ca pana phandanaṃ;
ан̃н̃аман̃н̃ам̣ виваад̣̇зна, ан̃н̃аман̃н̃амагхаад̇аяум̣.
Aññamaññaṃ vivādena, aññamaññamaghātayuṃ.
24.
24.
‘‘звамзва мануссаанам̣, виваад̣̇о яад̇т̇а ж̇ааяад̇и;
‘‘Evameva manussānaṃ, vivādo yattha jāyati;
маяууранажжам̣ нажжанд̇и, яат̇аа д̇з иссапанд̣̇анаа.
Mayūranaccaṃ naccanti, yathā te issaphandanā.
25.
25.
‘‘д̇ам̣ во вад̣̇аами бхад̣̇д̣̇ам̣ во, яааванд̇зд̇т̇а самааг̇ад̇аа;
‘‘Taṃ vo vadāmi bhaddaṃ vo, yāvantettha samāgatā;
саммод̣̇ат̇а маа вивад̣̇ат̇а, маа хот̇а иссапанд̣̇анаа.
Sammodatha mā vivadatha, mā hotha issaphandanā.
26.
26.
‘‘саамаг̇г̇имзва сигкзт̇а, б̣уд̣̇д̇хзхзд̇ам̣ басам̣сид̇ам̣;
‘‘Sāmaggimeva sikkhetha, buddhehetaṃ pasaṃsitaṃ;
саамаг̇г̇ирад̇о д̇хаммадто, яог̇агкзмаа на д̇хам̣сад̇ий’’д̇и.
Sāmaggirato dhammaṭṭho, yogakkhemā na dhaṃsatī’’ti.
д̇ад̇т̇а агхаад̇аяунд̇и гхаад̇аабзсум̣. маяууранажжам̣ нажжанд̇ийд̇и махаарааж̇аа яад̇т̇а хи мануссаанам̣ виваад̣̇о ход̇и, д̇ад̇т̇а яат̇аа наама маяуураа нажжанд̇аа бадижчаад̣̇зд̇аб̣б̣ам̣ рахассан̇г̇ам̣ баагадам̣ гаронд̇и, звам̣ мануссаа ан̃н̃аман̃н̃асса ранд̇хам̣ багаасзнд̇аа маяууранажжам̣ нажжанд̇и наама. яат̇аа д̇з иссапанд̣̇анаа ан̃н̃аман̃н̃асса ранд̇хам̣ багаасзнд̇аа нажжим̣су наама. д̇ам̣ вод̇и д̇зна гааран̣зна д̇умхз вад̣̇аами. бхад̣̇д̣̇ам̣ вод̇и бхад̣̇д̣̇ам̣ д̇умхаагам̣ ход̇у. яааванд̇зд̇т̇аад̇и яааванд̇о зд̇т̇а иссапанд̣̇анасад̣̇исаа маа ахувад̇т̇а. саамаг̇г̇имзва сигкзт̇аад̇и самаг̇г̇абхаавамзва д̇умхз сигкат̇а, ид̣̇ам̣ бан̃н̃аавуд̣̇д̇хзхи бан̣д̣ид̇зхи басам̣сид̇ам̣ . д̇хаммадтод̇и сужарид̇ад̇хаммз тид̇о. яог̇агкзмаа на д̇хам̣сад̇ийд̇и яог̇зхи кзмаа ниб̣б̣аанаа на барихааяад̇ийд̇и ниб̣б̣аанзна д̣̇зсанаагуудам̣ г̇ан̣хи. сагяарааж̇аано д̇хаммагат̇ам̣ суд̇ваа самаг̇г̇аа ж̇аад̇аа.
Tattha aghātayunti ghātāpesuṃ. Mayūranaccaṃ naccantīti mahārājā yattha hi manussānaṃ vivādo hoti, tattha yathā nāma mayūrā naccantā paṭicchādetabbaṃ rahassaṅgaṃ pākaṭaṃ karonti, evaṃ manussā aññamaññassa randhaṃ pakāsentā mayūranaccaṃ naccanti nāma. Yathā te issaphandanā aññamaññassa randhaṃ pakāsentā nacciṃsu nāma. Taṃ voti tena kāraṇena tumhe vadāmi. Bhaddaṃ voti bhaddaṃ tumhākaṃ hotu. Yāvantetthāti yāvanto ettha issaphandanasadisā mā ahuvattha. Sāmaggimeva sikkhethāti samaggabhāvameva tumhe sikkhatha, idaṃ paññāvuddhehi paṇḍitehi pasaṃsitaṃ . Dhammaṭṭhoti sucaritadhamme ṭhito. Yogakkhemā na dhaṃsatīti yogehi khemā nibbānā na parihāyatīti nibbānena desanākūṭaṃ gaṇhi. Sakyarājāno dhammakathaṃ sutvā samaggā jātā.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси ‘‘д̇ад̣̇аа д̇ам̣ гааран̣ам̣ вид̣̇ид̇ваа д̇асмим̣ ванасан̣д̣з нивуд̇т̇ад̣̇звад̇аа ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi ‘‘tadā taṃ kāraṇaṃ viditvā tasmiṃ vanasaṇḍe nivutthadevatā ahameva ahosi’’nti.
панд̣̇анаж̇аад̇агаван̣н̣анаа д̣̇уд̇ияаа.
Phandanajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 475. панд̣̇анаж̇аад̇агам̣ • 475. Phandanajātakaṃ
