| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೨. ಫಸ್ಸನಾನತ್ತಸುತ್ತವಣ್ಣನಾ
2. Phassanānattasuttavaṇṇanā
೮೬. ಜಾತಿಪಸುತಿಆರಮ್ಮಣಾದಿಭೇದೇನ ನಾನಾಭಾವೋ ಫಸ್ಸೋ। ಜಾತಿಪಚ್ಚಯಭೇದೇನ ಹಿ ಪಚ್ಚಯುಪ್ಪನ್ನಸ್ಸ ಭೇದೋ ಹೋತಿಯೇವ। ಧಮ್ಮಪರಿಚ್ಛೇದವಸೇನ ಧಾತುದೇಸನಾಯಂ ತಿಸ್ಸೋ ಮನನಮತ್ತಾ ಧಾತುಯೋವ ಮನೋಧಾತುಯೋ। ಕಿರಿಯಾಮಯಸ್ಸ ಚಿತ್ತುಪ್ಪತ್ತಿವಿಭಾಗೇನ ಪಚ್ಚಯುಪ್ಪನ್ನಸ್ಸ ವಸೇನ ಧಾತುದೇಸನಾಯಂ ಮನನಟ್ಠೇನ ಧಾತುತಾಯ ಸಾಮಞ್ಞತೋ ಮನೋದ್ವಾರಾವಜ್ಜನಂ ‘‘ಮನೋಧಾತೂ’’ತಿ ಅಧಿಪ್ಪೇತನ್ತಿ ವುತ್ತಂ ‘‘ಮನೋಸಮ್ಫಸ್ಸೋ ಮನೋದ್ವಾರೇ ಪಠಮಜವನಸಮ್ಪಯುತ್ತೋ’’ತಿಆದಿ। ತಸ್ಮಾತಿ ಯಸ್ಮಾ ಕಾಮಂ ಸಮ್ಪಟಿಚ್ಛನಮನೋಧಾತುಅನನ್ತರಂ ಉಪ್ಪಜ್ಜಮಾನೋ ಸನ್ತೀರಣವಿಞ್ಞಾಣಧಾತುಯಾ ಸಮ್ಪಯುತ್ತೋ ಫಸ್ಸೋಪಿ ಮನೋಸಮ್ಫಸ್ಸೋ ಏವ ನಾಮ, ದುಬ್ಬಲತ್ತಾ ಪನ ಸೋ ಸಬ್ಬಭವೇಸು ಅಸಮ್ಭವತೋ ಚ ಗಹಿತೋ ಅನವಸೇಸತೋ ಗಹಣಂ ನ ಹೋತೀತಿ ಮನೋದ್ವಾರೇ ಜವನಸಮ್ಫಸ್ಸೋ ಹೋತಿ, ತಸ್ಮಾ। ಅಯಮೇತ್ಥ ಅತ್ಥೋತಿ ಅಯಂ ಇಧ ಅಧಿಪ್ಪಾಯಾನುಗತೋ ಅತ್ಥೋ।
86. Jātipasutiārammaṇādibhedena nānābhāvo phasso. Jātipaccayabhedena hi paccayuppannassa bhedo hotiyeva. Dhammaparicchedavasena dhātudesanāyaṃ tisso mananamattā dhātuyova manodhātuyo. Kiriyāmayassa cittuppattivibhāgena paccayuppannassa vasena dhātudesanāyaṃ mananaṭṭhena dhātutāya sāmaññato manodvārāvajjanaṃ ‘‘manodhātū’’ti adhippetanti vuttaṃ ‘‘manosamphasso manodvāre paṭhamajavanasampayutto’’tiādi. Tasmāti yasmā kāmaṃ sampaṭicchanamanodhātuanantaraṃ uppajjamāno santīraṇaviññāṇadhātuyā sampayutto phassopi manosamphasso eva nāma, dubbalattā pana so sabbabhavesu asambhavato ca gahito anavasesato gahaṇaṃ na hotīti manodvāre javanasamphasso hoti, tasmā. Ayamettha atthoti ayaṃ idha adhippāyānugato attho.
ಫಸ್ಸನಾನತ್ತಸುತ್ತವಣ್ಣನಾ ನಿಟ್ಠಿತಾ।
Phassanānattasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೨. ಫಸ್ಸನಾನತ್ತಸುತ್ತಂ • 2. Phassanānattasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೨. ಫಸ್ಸನಾನತ್ತಸುತ್ತವಣ್ಣನಾ • 2. Phassanānattasuttavaṇṇanā
