| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. паасувихаарасуд̇д̇ам̣
5. Phāsuvihārasuttaṃ
105. ‘‘бан̃жимз, бхигкавз, паасувихаараа. гад̇амз бан̃жа? ид̇ха, бхигкавз, бхигкуно мзд̇д̇ам̣ гааяагаммам̣ бажжубадтид̇ам̣ ход̇и саб̣рахмажаарийсу аави жзва рахо жа, мзд̇д̇ам̣ важийгаммам̣…бз… мзд̇д̇ам̣ маногаммам̣ бажжубадтид̇ам̣ ход̇и саб̣рахмажаарийсу аави жзва рахо жа. яаани д̇аани сийлаани акан̣д̣аани ажчид̣̇д̣̇аани асаб̣алаани агаммаасаани бхуж̇иссаани вин̃н̃уббасад̇т̇аани абараамадтаани самаад̇хисам̣вад̇д̇анигаани, д̇ат̇ааруубзхи сийлзхи сийласааман̃н̃аг̇ад̇о вихарад̇и саб̣рахмажаарийхи аави жзва рахо жа. яааяам̣ д̣̇идти арияаа нияяаанигаа нияяаад̇и д̇аггарасса саммаа д̣̇угкагкаяааяа, д̇ат̇ааруубааяа д̣̇идтияаа д̣̇идтисааман̃н̃аг̇ад̇о вихарад̇и саб̣рахмажаарийхи аави жзва рахо жа. имз ко, бхигкавз, бан̃жа паасувихаараа’’д̇и. бан̃жамам̣.
105. ‘‘Pañcime, bhikkhave, phāsuvihārā. Katame pañca? Idha, bhikkhave, bhikkhuno mettaṃ kāyakammaṃ paccupaṭṭhitaṃ hoti sabrahmacārīsu āvi ceva raho ca, mettaṃ vacīkammaṃ…pe… mettaṃ manokammaṃ paccupaṭṭhitaṃ hoti sabrahmacārīsu āvi ceva raho ca. Yāni tāni sīlāni akhaṇḍāni acchiddāni asabalāni akammāsāni bhujissāni viññuppasatthāni aparāmaṭṭhāni samādhisaṃvattanikāni, tathārūpehi sīlehi sīlasāmaññagato viharati sabrahmacārīhi āvi ceva raho ca. Yāyaṃ diṭṭhi ariyā niyyānikā niyyāti takkarassa sammā dukkhakkhayāya, tathārūpāya diṭṭhiyā diṭṭhisāmaññagato viharati sabrahmacārīhi āvi ceva raho ca. Ime kho, bhikkhave, pañca phāsuvihārā’’ti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. паасувихаарасуд̇д̇аван̣н̣анаа • 5. Phāsuvihārasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. паасувихаарасуд̇д̇аван̣н̣анаа • 5. Phāsuvihārasuttavaṇṇanā
