| Library / Tipiṭaka / तिपिटक • Tipiṭaka / अपदानपाळि • Apadānapāḷi |
५. फुसितकम्पियत्थेरअपदानं
5. Phusitakampiyattheraapadānaṃ
३८.
38.
सम्बुद्धो, लोकजेट्ठो नरासभो।
Sambuddho, lokajeṭṭho narāsabho.
खीणासवेहि सहितो, सङ्घारामे वसी तदा॥
Khīṇāsavehi sahito, saṅghārāme vasī tadā.
३९.
39.
४०.
40.
‘‘अजिनेन निवत्थोहं, वाकचीरधरोपि च।
‘‘Ajinena nivatthohaṃ, vākacīradharopi ca;
४१.
41.
‘‘सकं चित्तं पसादेत्वा, वेदजातो कतञ्जली।
‘‘Sakaṃ cittaṃ pasādetvā, vedajāto katañjalī;
कुसुमोदकमादाय, बुद्धमब्भुक्किरिं अहं॥
Kusumodakamādāya, buddhamabbhukkiriṃ ahaṃ.
४२.
42.
मम कम्मं पकित्तेत्वा, अगमा येन पत्थितं॥
Mama kammaṃ pakittetvā, agamā yena patthitaṃ.
४३.
43.
‘‘फुसिता पञ्चसहस्सा, येहि पूजेसहं जिनं।
‘‘Phusitā pañcasahassā, yehi pūjesahaṃ jinaṃ;
अड्ढतेय्यसहस्सेहि, देवरज्जं अकारयिं॥
Aḍḍhateyyasahassehi, devarajjaṃ akārayiṃ.
४४.
44.
‘‘अड्ढतेय्यसहस्सेहि, चक्कवत्ती अहोसहं।
‘‘Aḍḍhateyyasahassehi, cakkavattī ahosahaṃ;
अवसेसेन कम्मेन, अरहत्तमपापुणिं॥
Avasesena kammena, arahattamapāpuṇiṃ.
४५.
45.
तमेव नामधेय्यं मे, फुसितो नाम होमहं॥
Tameva nāmadheyyaṃ me, phusito nāma homahaṃ.
४६.
46.
‘‘देवभूतस्स सन्तस्स, अथापि मानुसस्स वा।
‘‘Devabhūtassa santassa, athāpi mānusassa vā;
समन्ता ब्यामतो मय्हं, फुसितंव पवस्सति॥
Samantā byāmato mayhaṃ, phusitaṃva pavassati.
४७.
47.
‘‘भवा उग्घाटिता मय्हं, किलेसा झापिता मम।
‘‘Bhavā ugghāṭitā mayhaṃ, kilesā jhāpitā mama;
सब्बासवपरिक्खीणो, फुसितस्स इदं फलं॥
Sabbāsavaparikkhīṇo, phusitassa idaṃ phalaṃ.
४८.
48.
‘‘चन्दनस्सेव मे काया, तथा गन्धो पवायति।
‘‘Candanasseva me kāyā, tathā gandho pavāyati;
सरीरतो मम गन्धो, अड्ढकोसे पवायति॥
Sarīrato mama gandho, aḍḍhakose pavāyati.
४९.
49.
‘‘दिब्बगन्धं सम्पवन्तं, पुञ्ञकम्मसमङ्गिनं।
‘‘Dibbagandhaṃ sampavantaṃ, puññakammasamaṅginaṃ;
गन्धं घत्वान जानन्ति, फुसितो आगतो इध॥
Gandhaṃ ghatvāna jānanti, phusito āgato idha.
५०.
50.
‘‘साखापलासकट्ठानि , तिणानिपि च सब्बसो।
‘‘Sākhāpalāsakaṭṭhāni , tiṇānipi ca sabbaso;
मम सङ्कप्पमञ्ञाय, गन्धो सम्पज्जते खणे॥
Mama saṅkappamaññāya, gandho sampajjate khaṇe.
५१.
51.
दुग्गतिं नाभिजानामि, फुसितस्स इदं फलं॥
Duggatiṃ nābhijānāmi, phusitassa idaṃ phalaṃ.
५२.
52.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा फुसितकम्पियो थेरो इमा गाथायो अभासित्थाति।
Itthaṃ sudaṃ āyasmā phusitakampiyo thero imā gāthāyo abhāsitthāti.
फुसितकम्पियत्थेरस्सापदानं पञ्चमं।
Phusitakampiyattherassāpadānaṃ pañcamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०. थोमकत्थेरअपदानादिवण्णना • 1-10. Thomakattheraapadānādivaṇṇanā
