| Library / Tipiṭaka / д̇ибидага • Tipiṭaka / б̣уд̣̇д̇хавам̣сабаал̣и • Buddhavaṃsapāḷi |
20. пуссаб̣уд̣̇д̇хавам̣со
20. Phussabuddhavaṃso
1.
1.
д̇ад̇т̇зва ман̣д̣агаббамхи, аху сад̇т̇аа ануд̇д̇аро;
Tattheva maṇḍakappamhi, ahu satthā anuttaro;
анубамо асамасамо, пуссо логаг̇г̇анааяаго.
Anupamo asamasamo, phusso lokagganāyako.
2.
2.
соби саб̣б̣ам̣ д̇амам̣ ханд̇ваа, виж̇адзд̇ваа махааж̇адам̣;
Sopi sabbaṃ tamaṃ hantvā, vijaṭetvā mahājaṭaṃ;
сад̣̇звагам̣ д̇аббаяанд̇о, абхивасси амад̇амб̣унаа.
Sadevakaṃ tappayanto, abhivassi amatambunā.
3.
3.
д̇хаммажаггам̣ бавад̇д̇знд̇з, пуссз нагкад̇д̇аман̇г̇алз;
Dhammacakkaṃ pavattente, phusse nakkhattamaṅgale;
годисад̇асахассаанам̣, батамаабхисамаяо аху.
Koṭisatasahassānaṃ, paṭhamābhisamayo ahu.
4.
4.
навуд̇исад̇асахассаанам̣ , д̣̇уд̇ияаабхисамаяо аху;
Navutisatasahassānaṃ , dutiyābhisamayo ahu;
асийд̇исад̇асахассаанам̣, д̇ад̇ияаабхисамаяо аху.
Asītisatasahassānaṃ, tatiyābhisamayo ahu.
5.
5.
саннибаад̇аа д̇аяо аасум̣, пуссассааби махзсино;
Sannipātā tayo āsuṃ, phussassāpi mahesino;
кийн̣аасаваанам̣ вималаанам̣, санд̇ажид̇д̇аана д̇аад̣̇инам̣.
Khīṇāsavānaṃ vimalānaṃ, santacittāna tādinaṃ.
6.
6.
садтисад̇асахассаанам̣ , батамо ааси самааг̇амо;
Saṭṭhisatasahassānaṃ , paṭhamo āsi samāgamo;
бан̃н̃аасасад̇асахассаанам̣, д̣̇уд̇ияо ааси самааг̇амо.
Paññāsasatasahassānaṃ, dutiyo āsi samāgamo.
7.
7.
жад̇д̇аарийсасад̇асахассаанам̣, д̇ад̇ияо ааси самааг̇амо;
Cattārīsasatasahassānaṃ, tatiyo āsi samāgamo;
анубаад̣̇аа вимуд̇д̇аанам̣, вожчиннабадисанд̇хинам̣.
Anupādā vimuttānaṃ, vocchinnapaṭisandhinaṃ.
8.
8.
ахам̣ д̇зна самаязна, виж̇ид̇аавий наама кад̇д̇ияо;
Ahaṃ tena samayena, vijitāvī nāma khattiyo;
чад̣д̣аяид̇ваа махаараж̇ж̇ам̣, баб̣б̣аж̇им̣ д̇асса санд̇игз.
Chaḍḍayitvā mahārajjaṃ, pabbajiṃ tassa santike.
9.
9.
соби мам̣ б̣уд̣̇д̇хо б̣яаагааси, пуссо логаг̇г̇анааяаго;
Sopi maṃ buddho byākāsi, phusso lokagganāyako;
‘‘д̣̇взнавуд̇з ид̇о габбз, аяам̣ б̣уд̣̇д̇хо бхависсад̇и.
‘‘Dvenavute ito kappe, ayaṃ buddho bhavissati.
10.
10.
‘‘бад̇хаанам̣ бад̣̇ахид̇ваана…бз… хзссаама саммукаа имам̣’’.
‘‘Padhānaṃ padahitvāna…pe… hessāma sammukhā imaṃ’’.
11.
11.
д̇ассааби важанам̣ суд̇ваа, бхияяо жид̇д̇ам̣ басаад̣̇аяим̣;
Tassāpi vacanaṃ sutvā, bhiyyo cittaṃ pasādayiṃ;
уд̇д̇арим̣ вад̇амад̇хидтаасим̣, д̣̇асабаарамибуурияаа.
Uttariṃ vatamadhiṭṭhāsiṃ, dasapāramipūriyā.
12.
12.
суд̇д̇анд̇ам̣ винаяан̃жааби, наван̇г̇ам̣ сад̇т̇усаасанам̣;
Suttantaṃ vinayañcāpi, navaṅgaṃ satthusāsanaṃ;
саб̣б̣ам̣ барияаабун̣ид̇ваа, собхаяим̣ ж̇инасаасанам̣.
Sabbaṃ pariyāpuṇitvā, sobhayiṃ jinasāsanaṃ.
13.
13.
д̇ад̇т̇аббамад̇д̇о вихаранд̇о, б̣рахмам̣ бхаавзд̇ва бхааванам̣;
Tatthappamatto viharanto, brahmaṃ bhāvetva bhāvanaṃ;
абхин̃н̃аасу баарамим̣ г̇анд̇ваа, б̣рахмалогамаг̇ан̃чахам̣.
Abhiññāsu pāramiṃ gantvā, brahmalokamagañchahaṃ.
14.
14.
гаасигам̣ наама наг̇арам̣, ж̇аяасзно наама кад̇д̇ияо;
Kāsikaṃ nāma nagaraṃ, jayaseno nāma khattiyo;
сиримаа наама ж̇анигаа, пуссассааби махзсино.
Sirimā nāma janikā, phussassāpi mahesino.
15.
15.
нававассасахассаани, аг̇аарам̣ аж̇жха со васи;
Navavassasahassāni, agāraṃ ajjha so vasi;
г̇арул̣абагка хам̣са суван̣н̣абхаараа, д̇аяо баасаад̣̇амуд̇д̇амаа.
Garuḷapakkha haṃsa suvaṇṇabhārā, tayo pāsādamuttamā.
16.
16.
д̇им̣саид̇т̇исахассаани, наарияо самалан̇гад̇аа;
Tiṃsaitthisahassāni, nāriyo samalaṅkatā;
гисааг̇од̇амий наама наарий, ануубамо наама ад̇раж̇о.
Kisāgotamī nāma nārī, anūpamo nāma atrajo.
17.
17.
нимид̇д̇з жад̇уро д̣̇исваа, хад̇т̇ияаанзна нигками;
Nimitte caturo disvā, hatthiyānena nikkhami;
чамаасам̣ бад̇хаанажаарам̣, ажарий бурисуд̇д̇амо.
Chamāsaṃ padhānacāraṃ, acarī purisuttamo.
18.
18.
б̣рахмунаа яаажид̇о санд̇о, пуссо логаг̇г̇анааяаго;
Brahmunā yācito santo, phusso lokagganāyako;
вад̇д̇и жаггам̣ махаавийро, миг̇ад̣̇ааяз наруд̇д̇амо.
Vatti cakkaṃ mahāvīro, migadāye naruttamo.
19.
19.
сурагкид̇о д̇хаммасзно, ахзсум̣ аг̇г̇асаавагаа;
Surakkhito dhammaseno, ahesuṃ aggasāvakā;
сабхияо наамубадтааго, пуссассааби махзсино.
Sabhiyo nāmupaṭṭhāko, phussassāpi mahesino.
20.
20.
жаалаа жа убажаалаа жа, ахзсум̣ аг̇г̇асаавигаа;
Cālā ca upacālā ca, ahesuṃ aggasāvikā;
б̣од̇хи д̇асса бхаг̇авад̇о, ааман̣д̣од̇и бавужжад̇и.
Bodhi tassa bhagavato, āmaṇḍoti pavuccati.
21.
21.
д̇ханан̃жаяо висаако жа, ахзсум̣ аг̇г̇убадтагаа;
Dhanañcayo visākho ca, ahesuṃ aggupaṭṭhakā;
бад̣̇умаа жзва нааг̇аа жа, ахзсум̣ аг̇г̇убадтигаа.
Padumā ceva nāgā ca, ahesuṃ aggupaṭṭhikā.
22.
22.
адтабан̣н̣аасарад̇анам̣ , соби ажжуг̇г̇ад̇о муни;
Aṭṭhapaṇṇāsaratanaṃ , sopi accuggato muni;
собхад̇з сад̇арам̣сийва, ул̣урааж̇аава буурид̇о.
Sobhate sataraṃsīva, uḷurājāva pūrito.
23.
23.
навуд̇ивассасахассаани, ааяу виж̇ж̇ад̇и д̇аавад̣̇з;
Navutivassasahassāni, āyu vijjati tāvade;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
24.
24.
овад̣̇ид̇ваа б̣ахуу сад̇д̇з, санд̇аарзд̇ваа б̣ахуу ж̇анз;
Ovaditvā bahū satte, santāretvā bahū jane;
соби сад̇т̇аа ад̇улаяасо, ниб̣б̣уд̇о со сасааваго.
Sopi satthā atulayaso, nibbuto so sasāvako.
25.
25.
пуссо ж̇инаваро сад̇т̇аа, сзнаараамамхи ниб̣б̣уд̇о;
Phusso jinavaro satthā, senārāmamhi nibbuto;
д̇хаад̇увид̇т̇ааригам̣ ааси, д̇зсу д̇зсу бад̣̇зсад̇од̇и.
Dhātuvitthārikaṃ āsi, tesu tesu padesatoti.
пуссасса бхаг̇авад̇о вам̣со адтаарасамо.
Phussassa bhagavato vaṃso aṭṭhārasamo.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / б̣уд̣̇д̇хавам̣са-адтагат̇аа • Buddhavaṃsa-aṭṭhakathā / 20. пуссаб̣уд̣̇д̇хавам̣саван̣н̣анаа • 20. Phussabuddhavaṃsavaṇṇanā
