| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi |
੬. ਪਿਣ੍ਡਚਾਰਿਕવਤ੍ਤਕਥਾ
6. Piṇḍacārikavattakathā
੩੬੫. ਤੇਨ ਖੋ ਪਨ ਸਮਯੇਨ ਪਿਣ੍ਡਚਾਰਿਕਾ ਭਿਕ੍ਖੂ ਦੁਨ੍ਨਿવਤ੍ਥਾ ਦੁਪ੍ਪਾਰੁਤਾ ਅਨਾਕਪ੍ਪਸਮ੍ਪਨ੍ਨਾ ਪਿਣ੍ਡਾਯ ਚਰਨ੍ਤਿ, ਅਸਲ੍ਲਕ੍ਖੇਤ੍વਾਪਿ ਨਿવੇਸਨਂ ਪવਿਸਨ੍ਤਿ, ਅਸਲ੍ਲਕ੍ਖੇਤ੍વਾਪਿ ਨਿਕ੍ਖਮਨ੍ਤਿ, ਅਤਿਸਹਸਾਪਿ ਪવਿਸਨ੍ਤਿ, ਅਤਿਸਹਸਾਪਿ ਨਿਕ੍ਖਮਨ੍ਤਿ, ਅਤਿਦੂਰੇਪਿ ਤਿਟ੍ਠਨ੍ਤਿ, ਅਚ੍ਚਾਸਨ੍ਨੇਪਿ ਤਿਟ੍ਠਨ੍ਤਿ, ਅਤਿਚਿਰਮ੍ਪਿ ਤਿਟ੍ਠਨ੍ਤਿ, ਅਤਿਲਹੁਮ੍ਪਿ ਨਿવਤ੍ਤਨ੍ਤਿ। ਅਞ੍ਞਤਰੋਪਿ ਪਿਣ੍ਡਚਾਰਿਕੋ ਭਿਕ੍ਖੁ ਅਸਲ੍ਲਕ੍ਖੇਤ੍વਾ ਨਿવੇਸਨਂ ਪਾવਿਸਿ। ਸੋ ਚ ਦ੍વਾਰਂ ਮਞ੍ਞਮਾਨੋ ਅਞ੍ਞਤਰਂ ਓવਰਕਂ ਪਾવਿਸਿ। ਤਸ੍ਮਿਮ੍ਪਿ ਓવਰਕੇ ਇਤ੍ਥੀ ਨਗ੍ਗਾ ਉਤ੍ਤਾਨਾ ਨਿਪਨ੍ਨਾ ਹੋਤਿ। ਅਦ੍ਦਸਾ ਖੋ ਸੋ ਭਿਕ੍ਖੁ ਤਂ ਇਤ੍ਥਿਂ ਨਗ੍ਗਂ ਉਤ੍ਤਾਨਂ ਨਿਪਨ੍ਨਂ। ਦਿਸ੍વਾਨ – ‘‘ਨਯਿਦਂ ਦ੍વਾਰਂ, ਓવਰਕਂ ਇਦ’’ਨ੍ਤਿ ਤਮ੍ਹਾ ਓવਰਕਾ ਨਿਕ੍ਖਮਿ। ਅਦ੍ਦਸਾ ਖੋ ਤਸ੍ਸਾ ਇਤ੍ਥਿਯਾ ਸਾਮਿਕੋ ਤਂ ਇਤ੍ਥਿਂ ਨਗ੍ਗਂ ਉਤ੍ਤਾਨਂ ਨਿਪਨ੍ਨਂ। ਦਿਸ੍વਾਨ – ‘‘ਇਮਿਨਾ ਮੇ ਭਿਕ੍ਖੁਨਾ ਪਜਾਪਤੀ ਦੂਸਿਤਾ’’ਤਿ ਤਂ ਭਿਕ੍ਖੁਂ ਗਹੇਤ੍વਾ ਆਕੋਟੇਸਿ। ਅਥ ਖੋ ਸਾ ਇਤ੍ਥੀ ਤੇਨ ਸਦ੍ਦੇਨ ਪਟਿਬੁਜ੍ਝਿਤ੍વਾ ਤਂ ਪੁਰਿਸਂ ਏਤਦવੋਚ – ‘‘ਕਿਸ੍ਸ ਤ੍વਂ, ਅਯ੍ਯ, ਇਮਂ ਭਿਕ੍ਖੁਂ ਆਕੋਟੇਸੀ’’ਤਿ? ‘‘ਇਮਿਨਾਸਿ ਤ੍વਂ ਭਿਕ੍ਖੁਨਾ ਦੂਸਿਤਾ’’ਤਿ? ‘‘ਨਾਹਂ, ਅਯ੍ਯ, ਇਮਿਨਾ ਭਿਕ੍ਖੁਨਾ ਦੂਸਿਤਾ; ਅਕਾਰਕੋ ਸੋ ਭਿਕ੍ਖੂ’’ਤਿ ਤਂ ਭਿਕ੍ਖੁਂ ਮੁਞ੍ਚਾਪੇਸਿ। ਅਥ ਖੋ ਸੋ ਭਿਕ੍ਖੁ ਆਰਾਮਂ ਗਨ੍ਤ੍વਾ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਪਿਣ੍ਡਚਾਰਿਕਾ ਭਿਕ੍ਖੂ ਦੁਨ੍ਨਿવਤ੍ਥਾ ਦੁਪ੍ਪਾਰੁਤਾ ਅਨਾਕਪ੍ਪਸਮ੍ਪਨ੍ਨਾ ਪਿਣ੍ਡਾਯ ਚਰਿਸ੍ਸਨ੍ਤਿ, ਅਸਲ੍ਲਕ੍ਖੇਤ੍વਾਪਿ ਨਿવੇਸਨਂ ਪવਿਸਿਸ੍ਸਨ੍ਤਿ, ਅਸਲ੍ਲਕ੍ਖੇਤ੍વਾਪਿ ਨਿਕ੍ਖਮਿਸ੍ਸਨ੍ਤਿ, ਅਤਿਸਹਸਾਪਿ ਪવਿਸਿਸ੍ਸਨ੍ਤਿ, ਅਤਿਸਹਸਾਪਿ ਨਿਕ੍ਖਮਿਸ੍ਸਨ੍ਤਿ, ਅਤਿਦੂਰੇਪਿ ਤਿਟ੍ਠਿਸ੍ਸਨ੍ਤਿ, ਅਚ੍ਚਾਸਨ੍ਨੇਪਿ ਤਿਟ੍ਠਿਸ੍ਸਨ੍ਤਿ, ਅਤਿਚਿਰਮ੍ਪਿ ਤਿਟ੍ਠਿਸ੍ਸਨ੍ਤਿ, ਅਤਿਲਹੁਮ੍ਪਿ ਨਿવਤ੍ਤਿਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ਸਚ੍ਚਂ ਕਿਰ, ਭਿਕ੍ਖવੇ…ਪੇ॰… ਸਚ੍ਚਂ ਭਗવਾਤਿ…ਪੇ॰… વਿਗਰਹਿਤ੍વਾ…ਪੇ॰… ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ –
365. Tena kho pana samayena piṇḍacārikā bhikkhū dunnivatthā duppārutā anākappasampannā piṇḍāya caranti, asallakkhetvāpi nivesanaṃ pavisanti, asallakkhetvāpi nikkhamanti, atisahasāpi pavisanti, atisahasāpi nikkhamanti, atidūrepi tiṭṭhanti, accāsannepi tiṭṭhanti, aticirampi tiṭṭhanti, atilahumpi nivattanti. Aññataropi piṇḍacāriko bhikkhu asallakkhetvā nivesanaṃ pāvisi. So ca dvāraṃ maññamāno aññataraṃ ovarakaṃ pāvisi. Tasmimpi ovarake itthī naggā uttānā nipannā hoti. Addasā kho so bhikkhu taṃ itthiṃ naggaṃ uttānaṃ nipannaṃ. Disvāna – ‘‘nayidaṃ dvāraṃ, ovarakaṃ ida’’nti tamhā ovarakā nikkhami. Addasā kho tassā itthiyā sāmiko taṃ itthiṃ naggaṃ uttānaṃ nipannaṃ. Disvāna – ‘‘iminā me bhikkhunā pajāpatī dūsitā’’ti taṃ bhikkhuṃ gahetvā ākoṭesi. Atha kho sā itthī tena saddena paṭibujjhitvā taṃ purisaṃ etadavoca – ‘‘kissa tvaṃ, ayya, imaṃ bhikkhuṃ ākoṭesī’’ti? ‘‘Imināsi tvaṃ bhikkhunā dūsitā’’ti? ‘‘Nāhaṃ, ayya, iminā bhikkhunā dūsitā; akārako so bhikkhū’’ti taṃ bhikkhuṃ muñcāpesi. Atha kho so bhikkhu ārāmaṃ gantvā bhikkhūnaṃ etamatthaṃ ārocesi. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma piṇḍacārikā bhikkhū dunnivatthā duppārutā anākappasampannā piṇḍāya carissanti, asallakkhetvāpi nivesanaṃ pavisissanti, asallakkhetvāpi nikkhamissanti, atisahasāpi pavisissanti, atisahasāpi nikkhamissanti, atidūrepi tiṭṭhissanti, accāsannepi tiṭṭhissanti, aticirampi tiṭṭhissanti, atilahumpi nivattissantī’’ti! Atha kho te bhikkhū bhagavato etamatthaṃ ārocesuṃ…pe… saccaṃ kira, bhikkhave…pe… saccaṃ bhagavāti…pe… vigarahitvā…pe… dhammiṃ kathaṃ katvā bhikkhū āmantesi –
੩੬੬. ‘‘ਤੇਨ ਹਿ, ਭਿਕ੍ਖવੇ, ਪਿਣ੍ਡਚਾਰਿਕਾਨਂ ਭਿਕ੍ਖੂਨਂ વਤ੍ਤਂ ਪਞ੍ਞਾਪੇਸ੍ਸਾਮਿ ਯਥਾ ਪਿਣ੍ਡਚਾਰਿਕੇਹਿ ਭਿਕ੍ਖੂਹਿ ਸਮ੍ਮਾ વਤ੍ਤਿਤਬ੍ਬਂ। ਪਿਣ੍ਡਚਾਰਿਕੇਨ, ਭਿਕ੍ਖવੇ, ਭਿਕ੍ਖੁਨਾ – ‘ਇਦਾਨਿ ਗਾਮਂ ਪવਿਸਿਸ੍ਸਾਮੀ’ਤਿ ਤਿਮਣ੍ਡਲਂ ਪਟਿਚ੍ਛਾਦੇਨ੍ਤੇਨ ਪਰਿਮਣ੍ਡਲਂ ਨਿવਾਸੇਤ੍વਾ ਕਾਯਬਨ੍ਧਨਂ ਬਨ੍ਧਿਤ੍વਾ ਸਗੁਣਂ ਕਤ੍વਾ ਸਙ੍ਘਾਟਿਯੋ ਪਾਰੁਪਿਤ੍વਾ ਗਣ੍ਠਿਕਂ ਪਟਿਮੁਞ੍ਚਿਤ੍વਾ ਧੋવਿਤ੍વਾ ਪਤ੍ਤਂ ਗਹੇਤ੍વਾ ਸਾਧੁਕਂ ਅਤਰਮਾਨੇਨ ਗਾਮੋ ਪવਿਸਿਤਬ੍ਬੋ।
366. ‘‘Tena hi, bhikkhave, piṇḍacārikānaṃ bhikkhūnaṃ vattaṃ paññāpessāmi yathā piṇḍacārikehi bhikkhūhi sammā vattitabbaṃ. Piṇḍacārikena, bhikkhave, bhikkhunā – ‘idāni gāmaṃ pavisissāmī’ti timaṇḍalaṃ paṭicchādentena parimaṇḍalaṃ nivāsetvā kāyabandhanaṃ bandhitvā saguṇaṃ katvā saṅghāṭiyo pārupitvā gaṇṭhikaṃ paṭimuñcitvā dhovitvā pattaṃ gahetvā sādhukaṃ ataramānena gāmo pavisitabbo.
‘‘ਸੁਪ੍ਪਟਿਚ੍ਛਨ੍ਨੇਨ ਅਨ੍ਤਰਘਰੇ ਗਨ੍ਤਬ੍ਬਂ । ਸੁਸਂવੁਤੇਨ ਅਨ੍ਤਰਘਰੇ ਗਨ੍ਤਬ੍ਬਂ। ਓਕ੍ਖਿਤ੍ਤਚਕ੍ਖੁਨਾ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਉਕ੍ਖਿਤ੍ਤਕਾਯ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਉਜ੍ਜਗ੍ਘਿਕਾਯ ਅਨ੍ਤਰਘਰੇ ਗਨ੍ਤਬ੍ਬਂ। ਅਪ੍ਪਸਦ੍ਦੇਨ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਕਾਯਪ੍ਪਚਾਲਕਂ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਬਾਹੁਪ੍ਪਚਾਲਕਂ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਸੀਸਪ੍ਪਚਾਲਕਂ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਖਮ੍ਭਕਤੇਨ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਓਗੁਣ੍ਠਿਤੇਨ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਉਕ੍ਕੁਟਿਕਾਯ ਅਨ੍ਤਰਘਰੇ ਗਨ੍ਤਬ੍ਬਂ।
‘‘Suppaṭicchannena antaraghare gantabbaṃ . Susaṃvutena antaraghare gantabbaṃ. Okkhittacakkhunā antaraghare gantabbaṃ. Na ukkhittakāya antaraghare gantabbaṃ. Na ujjagghikāya antaraghare gantabbaṃ. Appasaddena antaraghare gantabbaṃ. Na kāyappacālakaṃ antaraghare gantabbaṃ. Na bāhuppacālakaṃ antaraghare gantabbaṃ. Na sīsappacālakaṃ antaraghare gantabbaṃ. Na khambhakatena antaraghare gantabbaṃ. Na oguṇṭhitena antaraghare gantabbaṃ. Na ukkuṭikāya antaraghare gantabbaṃ.
‘‘ਨਿવੇਸਨਂ ਪવਿਸਨ੍ਤੇਨ ਸਲ੍ਲਕ੍ਖੇਤਬ੍ਬਂ – ‘ਇਮਿਨਾ ਪવਿਸਿਸ੍ਸਾਮਿ, ਇਮਿਨਾ ਨਿਕ੍ਖਮਿਸ੍ਸਾਮੀ’ਤਿ। ਨਾਤਿਸਹਸਾ ਪવਿਸਿਤਬ੍ਬਂ। ਨਾਤਿਸਹਸਾ ਨਿਕ੍ਖਮਿਤਬ੍ਬਂ। ਨਾਤਿਦੂਰੇ ਠਾਤਬ੍ਬਂ। ਨਾਚ੍ਚਾਸਨ੍ਨੇ ਠਾਤਬ੍ਬਂ। ਨਾਤਿਚਿਰਂ ਠਾਤਬ੍ਬਂ। ਨਾਤਿਲਹੁਂ ਨਿવਤ੍ਤਿਤਬ੍ਬਂ। ਠਿਤਕੇਨ ਸਲ੍ਲਕ੍ਖੇਤਬ੍ਬਂ – ‘ਭਿਕ੍ਖਂ ਦਾਤੁਕਾਮਾ વਾ ਅਦਾਤੁਕਾਮਾ વਾ’ਤਿ। ਸਚੇ ਕਮ੍ਮਂ વਾ ਨਿਕ੍ਖਿਪਤਿ, ਆਸਨਾ વਾ વੁਟ੍ਠਾਤਿ, ਕਟਚ੍ਛੁਂ વਾ ਪਰਾਮਸਤਿ, ਭਾਜਨਂ વਾ ਪਰਾਮਸਤਿ, ਠਪੇਤਿ 1 વਾ – ਦਾਤੁਕਾਮਸ੍ਸਾਤਿ 2 ਠਾਤਬ੍ਬਂ। ਭਿਕ੍ਖਾਯ ਦਿਯ੍ਯਮਾਨਾਯ વਾਮੇਨ ਹਤ੍ਥੇਨ ਸਙ੍ਘਾਟਿਂ ਉਚ੍ਚਾਰੇਤ੍વਾ ਦਕ੍ਖਿਣੇਨ ਹਤ੍ਥੇਨ ਪਤ੍ਤਂ ਪਣਾਮੇਤ੍વਾ ਉਭੋਹਿ ਹਤ੍ਥੇਹਿ ਪਤ੍ਤਂ ਪਟਿਗ੍ਗਹੇਤ੍વਾ ਭਿਕ੍ਖਾ ਪਟਿਗ੍ਗਹੇਤਬ੍ਬਾ। ਨ ਚ ਭਿਕ੍ਖਾਦਾਯਿਕਾਯ ਮੁਖਂ ਉਲ੍ਲੋਕੇਤਬ੍ਬਂ 3। ਸਲ੍ਲਕ੍ਖੇਤਬ੍ਬਂ – ‘ਸੂਪਂ ਦਾਤੁਕਾਮਾ વਾ ਅਦਾਤੁਕਾਮਾ વਾ’ਤਿ। ਸਚੇ ਕਟਚ੍ਛੁਂ વਾ ਪਰਾਮਸਤਿ, ਭਾਜਨਂ વਾ ਪਰਾਮਸਤਿ, ਠਪੇਤਿ વਾ – ਦਾਤੁਕਾਮਸ੍ਸਾਤਿ ਠਾਤਬ੍ਬਂ। ਭਿਕ੍ਖਾਯ ਦਿਨ੍ਨਾਯ ਸਙ੍ਘਾਟਿਯਾ ਪਤ੍ਤਂ ਪਟਿਚ੍ਛਾਦੇਤ੍વਾ ਸਾਧੁਕਂ ਅਤਰਮਾਨੇਨ ਨਿવਤ੍ਤਿਤਬ੍ਬਂ।
‘‘Nivesanaṃ pavisantena sallakkhetabbaṃ – ‘iminā pavisissāmi, iminā nikkhamissāmī’ti. Nātisahasā pavisitabbaṃ. Nātisahasā nikkhamitabbaṃ. Nātidūre ṭhātabbaṃ. Nāccāsanne ṭhātabbaṃ. Nāticiraṃ ṭhātabbaṃ. Nātilahuṃ nivattitabbaṃ. Ṭhitakena sallakkhetabbaṃ – ‘bhikkhaṃ dātukāmā vā adātukāmā vā’ti. Sace kammaṃ vā nikkhipati, āsanā vā vuṭṭhāti, kaṭacchuṃ vā parāmasati, bhājanaṃ vā parāmasati, ṭhapeti 4 vā – dātukāmassāti 5 ṭhātabbaṃ. Bhikkhāya diyyamānāya vāmena hatthena saṅghāṭiṃ uccāretvā dakkhiṇena hatthena pattaṃ paṇāmetvā ubhohi hatthehi pattaṃ paṭiggahetvā bhikkhā paṭiggahetabbā. Na ca bhikkhādāyikāya mukhaṃ ulloketabbaṃ 6. Sallakkhetabbaṃ – ‘sūpaṃ dātukāmā vā adātukāmā vā’ti. Sace kaṭacchuṃ vā parāmasati, bhājanaṃ vā parāmasati, ṭhapeti vā – dātukāmassāti ṭhātabbaṃ. Bhikkhāya dinnāya saṅghāṭiyā pattaṃ paṭicchādetvā sādhukaṃ ataramānena nivattitabbaṃ.
‘‘ਸੁਪ੍ਪਟਿਚ੍ਛਨ੍ਨੇਨ ਅਨ੍ਤਰਘਰੇ ਗਨ੍ਤਬ੍ਬਂ। ਸੁਸਂવੁਤੇਨ ਅਨ੍ਤਰਘਰੇ ਗਨ੍ਤਬ੍ਬਂ। ਓਕ੍ਖਿਤ੍ਤਚਕ੍ਖੁਨਾ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਉਕ੍ਖਿਤ੍ਤਕਾਯ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਉਜ੍ਜਗ੍ਘਿਕਾਯ ਅਨ੍ਤਰਘਰੇ ਗਨ੍ਤਬ੍ਬਂ। ਅਪ੍ਪਸਦ੍ਦੇਨ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਕਾਯਪ੍ਪਚਾਲਕਂ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਬਾਹੁਪ੍ਪਚਾਲਕਂ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਸੀਸਪ੍ਪਚਾਲਕਂ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਖਮ੍ਭਕਤੇਨ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਓਗੁਣ੍ਠਿਤੇਨ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਉਕ੍ਕੁਟਿਕਾਯ ਅਨ੍ਤਰਘਰੇ ਗਨ੍ਤਬ੍ਬਂ। ਯੋ ਪਠਮਂ ਗਾਮਤੋ ਪਿਣ੍ਡਾਯ ਪਟਿਕ੍ਕਮਤਿ, ਤੇਨ ਆਸਨਂ ਪਞ੍ਞਪੇਤਬ੍ਬਂ, ਪਾਦੋਦਕਂ ਪਾਦਪੀਠਂ ਪਾਦਕਥਲਿਕਂ ਉਪਨਿਕ੍ਖਿਪਿਤਬ੍ਬਂ, ਅવਕ੍ਕਾਰਪਾਤਿ ਧੋવਿਤ੍વਾ ਉਪਟ੍ਠਾਪੇਤਬ੍ਬਾ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਬ੍ਬਂ। ਯੋ ਪਚ੍ਛਾ ਗਾਮਤੋ ਪਿਣ੍ਡਾਯ ਪਟਿਕ੍ਕਮਤਿ, ਸਚੇ ਹੋਤਿ ਭੁਤ੍ਤਾવਸੇਸੋ, ਸਚੇ ਆਕਙ੍ਖਤਿ, ਭੁਞ੍ਜਿਤਬ੍ਬਂ । ਨੋ ਚੇ ਆਕਙ੍ਖਤਿ, ਅਪ੍ਪਹਰਿਤੇ વਾ ਛਡ੍ਡੇਤਬ੍ਬਂ, ਅਪ੍ਪਾਣਕੇ વਾ ਉਦਕੇ ਓਪਿਲਾਪੇਤਬ੍ਬਂ। ਤੇਨ ਆਸਨਂ ਉਦ੍ਧਰਿਤਬ੍ਬਂ, ਪਾਦੋਦਕਂ ਪਾਦਪੀਠਂ ਪਾਦਕਥਲਿਕਂ ਪਟਿਸਾਮੇਤਬ੍ਬਂ, ਅવਕ੍ਕਾਰਪਾਤਿ ਧੋવਿਤ੍વਾ ਪਟਿਸਾਮੇਤਬ੍ਬਾ, ਪਾਨੀਯਂ ਪਰਿਭੋਜਨੀਯਂ ਪਟਿਸਾਮੇਤਬ੍ਬਂ , ਭਤ੍ਤਗ੍ਗਂ ਸਮ੍ਮਜ੍ਜਿਤਬ੍ਬਂ। ਯੋ ਪਸ੍ਸਤਿ ਪਾਨੀਯਘਟਂ વਾ ਪਰਿਭੋਜਨੀਯਘਟਂ વਾ વਚ੍ਚਘਟਂ વਾ ਰਿਤ੍ਤਂ ਤੁਚ੍ਛਂ ਤੇਨ ਉਪਟ੍ਠਾਪੇਤਬ੍ਬਂ। ਸਚਸ੍ਸ ਹੋਤਿ ਅવਿਸਯ੍ਹਂ, ਹਤ੍ਥવਿਕਾਰੇਨ ਦੁਤਿਯਂ ਆਮਨ੍ਤੇਤ੍વਾ ਹਤ੍ਥવਿਲਙ੍ਘਕੇਨ ਉਪਟ੍ਠਾਪੇਤਬ੍ਬਂ, ਨ ਚ ਤਪ੍ਪਚ੍ਚਯਾ વਾਚਾ ਭਿਨ੍ਦਿਤਬ੍ਬਾ। ਇਦਂ ਖੋ, ਭਿਕ੍ਖવੇ, ਪਿਣ੍ਡਚਾਰਿਕਾਨਂ ਭਿਕ੍ਖੂਨਂ વਤ੍ਤਂ ਯਥਾ ਪਿਣ੍ਡਚਾਰਿਕੇਹਿ ਭਿਕ੍ਖੂਹਿ ਸਮ੍ਮਾ વਤ੍ਤਿਤਬ੍ਬ’’ਨ੍ਤਿ।
‘‘Suppaṭicchannena antaraghare gantabbaṃ. Susaṃvutena antaraghare gantabbaṃ. Okkhittacakkhunā antaraghare gantabbaṃ. Na ukkhittakāya antaraghare gantabbaṃ. Na ujjagghikāya antaraghare gantabbaṃ. Appasaddena antaraghare gantabbaṃ. Na kāyappacālakaṃ antaraghare gantabbaṃ. Na bāhuppacālakaṃ antaraghare gantabbaṃ. Na sīsappacālakaṃ antaraghare gantabbaṃ. Na khambhakatena antaraghare gantabbaṃ. Na oguṇṭhitena antaraghare gantabbaṃ. Na ukkuṭikāya antaraghare gantabbaṃ. Yo paṭhamaṃ gāmato piṇḍāya paṭikkamati, tena āsanaṃ paññapetabbaṃ, pādodakaṃ pādapīṭhaṃ pādakathalikaṃ upanikkhipitabbaṃ, avakkārapāti dhovitvā upaṭṭhāpetabbā, pānīyaṃ paribhojanīyaṃ upaṭṭhāpetabbaṃ. Yo pacchā gāmato piṇḍāya paṭikkamati, sace hoti bhuttāvaseso, sace ākaṅkhati, bhuñjitabbaṃ . No ce ākaṅkhati, appaharite vā chaḍḍetabbaṃ, appāṇake vā udake opilāpetabbaṃ. Tena āsanaṃ uddharitabbaṃ, pādodakaṃ pādapīṭhaṃ pādakathalikaṃ paṭisāmetabbaṃ, avakkārapāti dhovitvā paṭisāmetabbā, pānīyaṃ paribhojanīyaṃ paṭisāmetabbaṃ , bhattaggaṃ sammajjitabbaṃ. Yo passati pānīyaghaṭaṃ vā paribhojanīyaghaṭaṃ vā vaccaghaṭaṃ vā rittaṃ tucchaṃ tena upaṭṭhāpetabbaṃ. Sacassa hoti avisayhaṃ, hatthavikārena dutiyaṃ āmantetvā hatthavilaṅghakena upaṭṭhāpetabbaṃ, na ca tappaccayā vācā bhinditabbā. Idaṃ kho, bhikkhave, piṇḍacārikānaṃ bhikkhūnaṃ vattaṃ yathā piṇḍacārikehi bhikkhūhi sammā vattitabba’’nti.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਪਿਣ੍ਡਚਾਰਿਕવਤ੍ਤਕਥਾ • Piṇḍacārikavattakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਿਣ੍ਡਚਾਰਿਕવਤ੍ਤਕਥਾવਣ੍ਣਨਾ • Piṇḍacārikavattakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਿਣ੍ਡਚਾਰਿਕવਤ੍ਤਕਥਾਦਿવਣ੍ਣਨਾ • Piṇḍacārikavattakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੬. ਪਿਣ੍ਡਚਾਰਿਕવਤ੍ਤਕਥਾ • 6. Piṇḍacārikavattakathā
