| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
9. бин̣д̣абаад̇абаарисуд̣̇д̇хисуд̇д̇аван̣н̣анаа
9. Piṇḍapātapārisuddhisuttavaṇṇanā
438. звам̣ мз суд̇анд̇и бин̣д̣абаад̇абаарисуд̣̇д̇хисуд̇д̇ам̣. д̇ад̇т̇а бадисаллаанаад̇и паласамаабад̇д̇ид̇о.
438.Evaṃme sutanti piṇḍapātapārisuddhisuttaṃ. Tattha paṭisallānāti phalasamāpattito.
виббасаннаанийд̇и огаасавасзнзд̇ам̣ вуд̇д̇ам̣. паласамаабад̇д̇ид̇о хи вудтид̇асса бан̃жахи басаад̣̇зхи бад̇идтид̇огаасо виббасанно ход̇и, чавиван̣н̣о барисуд̣̇д̇хо. д̇асмаа звамааха. сун̃н̃ад̇авихаарзнаад̇и сун̃н̃ад̇апаласамаабад̇д̇ивихаарзна. махаабурисавихаарод̇и б̣уд̣̇д̇хабажжзгаб̣уд̣̇д̇хад̇ат̇ааг̇ад̇амахаасаавагаанам̣ махаабурисаанам̣ вихааро. язна жаахам̣ маг̇г̇знаад̇иаад̣̇ийсу вихаарад̇о бадтааяа яаава г̇аамасса инд̣̇акийлаа зса бавидтамаг̇г̇о наама, анд̇ог̇аамам̣ бависид̇ваа г̇зхабадибаадияаа жарид̇ваа яаава наг̇арад̣̇ваарзна нигкаманаа зса жарид̇аб̣б̣абад̣̇зсо наама, б̣ахи инд̣̇акийлад̇о бадтааяа яаава вихаараа зса бадигганд̇амаг̇г̇о наама. бадигхам̣ вааби жзд̇асод̇и жид̇д̇з бадихан̃н̃анагилзсаж̇аад̇ам̣ гин̃жи ад̇т̇и над̇т̇ийд̇и. ахорад̇д̇аанусигкинаад̇и д̣̇ивасан̃жа рад̇д̇ин̃жа анусигканд̇зна.
Vippasannānīti okāsavasenetaṃ vuttaṃ. Phalasamāpattito hi vuṭṭhitassa pañcahi pasādehi patiṭṭhitokāso vippasanno hoti, chavivaṇṇo parisuddho. Tasmā evamāha. Suññatavihārenāti suññataphalasamāpattivihārena. Mahāpurisavihāroti buddhapaccekabuddhatathāgatamahāsāvakānaṃ mahāpurisānaṃ vihāro. Yena cāhaṃ maggenātiādīsu vihārato paṭṭhāya yāva gāmassa indakhīlā esa paviṭṭhamaggo nāma, antogāmaṃ pavisitvā gehapaṭipāṭiyā caritvā yāva nagaradvārena nikkhamanā esa caritabbapadeso nāma, bahi indakhīlato paṭṭhāya yāva vihārā esa paṭikkantamaggo nāma. Paṭighaṃ vāpi cetasoti citte paṭihaññanakilesajātaṃ kiñci atthi natthīti. Ahorattānusikkhināti divasañca rattiñca anusikkhantena.
440. бахийнаа ну ко мз бан̃жа гаамаг̇ун̣аад̇иаад̣̇ийсу згабхигкусса бажжавзгкан̣аа наанаа, наанаабхигкуунам̣ бажжавзгкан̣аа наанаад̇и. гат̇ам̣? зго хи бхигку бажчаабхад̇д̇ам̣ бин̣д̣абаад̇абадигганд̇о бад̇д̇ажийварам̣ бадисаамзд̇ваа вивид̇д̇огаасз нисинно бажжавзгкад̇и ‘‘бахийнаа ну ко мз бан̃жагаамаг̇ун̣аа’’д̇и. со ‘‘аббахийнаа’’д̇и н̃ад̇ваа вийрияам̣ баг̇г̇аяха анааг̇аамимаг̇г̇зна бан̃жагаамаг̇ун̣игарааг̇ам̣ самуг̇гхаадзд̇ваа маг̇г̇аананд̇арам̣ палам̣ палаананд̇арам̣ маг̇г̇ам̣ д̇ад̇о вудтааяа бажжавзгканд̇о ‘‘бахийнаа’’д̇и баж̇аанаад̇и. нийваран̣аад̣̇ийсуби зсзва наяо. зд̇зсам̣ бана арахад̇д̇амаг̇г̇зна бахаанаад̣̇ийни хонд̇и, звам̣ згабхигкусса наанаабажжавзгкан̣аа ход̇и. зд̇аасу бана бажжавзгкан̣аасу ан̃н̃о бхигку згам̣ бажжавзгкан̣ам̣ бажжавзгкад̇и, ан̃н̃о зганд̇и звам̣ наанаабхигкуунам̣ наанаабажжавзгкан̣аа ход̇и. сзсам̣ саб̣б̣ад̇т̇а уд̇д̇аанамзваад̇и.
440.Pahīnā nu kho me pañca kāmaguṇātiādīsu ekabhikkhussa paccavekkhaṇā nānā, nānābhikkhūnaṃ paccavekkhaṇā nānāti. Kathaṃ? Eko hi bhikkhu pacchābhattaṃ piṇḍapātapaṭikkanto pattacīvaraṃ paṭisāmetvā vivittokāse nisinno paccavekkhati ‘‘pahīnā nu kho me pañcakāmaguṇā’’ti. So ‘‘appahīnā’’ti ñatvā vīriyaṃ paggayha anāgāmimaggena pañcakāmaguṇikarāgaṃ samugghāṭetvā maggānantaraṃ phalaṃ phalānantaraṃ maggaṃ tato vuṭṭhāya paccavekkhanto ‘‘pahīnā’’ti pajānāti. Nīvaraṇādīsupi eseva nayo. Etesaṃ pana arahattamaggena pahānādīni honti, evaṃ ekabhikkhussa nānāpaccavekkhaṇā hoti. Etāsu pana paccavekkhaṇāsu añño bhikkhu ekaṃ paccavekkhaṇaṃ paccavekkhati, añño ekanti evaṃ nānābhikkhūnaṃ nānāpaccavekkhaṇā hoti. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
бин̣д̣абаад̇абаарисуд̣̇д̇хисуд̇д̇аван̣н̣анаа нидтид̇аа.
Piṇḍapātapārisuddhisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. бин̣д̣абаад̇абаарисуд̣̇д̇хисуд̇д̇ам̣ • 9. Piṇḍapātapārisuddhisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 9. бин̣д̣абаад̇абаарисуд̣̇д̇хисуд̇д̇аван̣н̣анаа • 9. Piṇḍapātapārisuddhisuttavaṇṇanā
