| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
9. бин̣д̣абаад̇абаарисуд̣̇д̇хисуд̇д̇аван̣н̣анаа
9. Piṇḍapātapārisuddhisuttavaṇṇanā
438. д̇хаммасзнаабад̇ино бадисаллийяанасса ад̇хиббзд̇ад̇д̇аа, убари жа баал̣ияам̣, ‘‘сун̃н̃ад̇аавихаарзна ко ахам̣, бханд̇з, зд̇арахи б̣ахулам̣ вихараамий’’д̇и (ма. ни. 3.438) вуд̇д̇ад̇д̇аа ‘‘бадисаллаанаад̇и паласамаабад̇д̇ид̇о’’д̇и ааха.
438. Dhammasenāpatino paṭisallīyanassa adhippetattā, upari ca pāḷiyaṃ, ‘‘suññatāvihārena kho ahaṃ, bhante, etarahi bahulaṃ viharāmī’’ti (ma. ni. 3.438) vuttattā ‘‘paṭisallānāti phalasamāpattito’’ti āha.
виббасаннаанийд̇и висзсад̇о басаннаани. огаасавасзнаад̇и инд̣̇рияаанам̣ бад̇идтид̇огаасавасзна. нану д̇аани инд̣̇рияаани сабхаавад̇о виббасаннаани хонд̇ийд̇и? сажжам̣ хонд̇и. на хид̣̇ам̣ д̇аад̣̇исам̣ басаннад̇ам̣ санд̇хааяа вуд̇д̇ам̣, ид̣̇ам̣ бана санд̇абан̣ийд̇асамаабад̇д̇исамудтид̇аанам̣ бажжубадтид̇аанам̣ жид̇д̇аж̇аруубаанам̣ васзна сзсад̇исанд̇ад̇ируубаанам̣ сздтад̇арам̣ бан̣ийд̇абхааваабад̇д̇им̣ санд̇хааяа вуд̇д̇ам̣. паласамаабад̇д̇ид̇од̇и сун̃н̃ад̇аанубассанаавасзна самаабаннапаласамаабад̇д̇ид̇о. маханд̇аанам̣ б̣уд̣̇д̇хаад̣̇ийнам̣ бурисаанам̣ вихааро махаабурисавихааро. д̇знааха – ‘‘б̣уд̣̇д̇ха…бз… вихааро’’д̇и. вихаарад̇о бадтааяаад̇и баригкид̇д̇з жа вихаарз баригкзбад̇о бадтааяа, абаригкид̇д̇з жа баригкзбаарахадтаанад̇о бадтааяа. гзжи бана ‘‘вихаараб̣бханд̇арад̇о бадтааяаа’’д̇и вад̣̇анд̇и. яаава г̇аамасса инд̣̇акийлаад̇и г̇аамасса аб̣бханд̇аринд̣̇акийло. г̇зхабадибаадияаажарид̇ваад̇и бин̣д̣ааяа жарид̇ваа. яаава наг̇арад̣̇ваарзна нигкаманаад̇и наг̇арад̣̇ваарзна яаава нигкаманабад̣̇зсаа. яаава вихаараад̇и яаава вихаараб̣бханд̇араа. бадигганд̇амаг̇г̇од̇и нивад̇д̇анамаг̇г̇о. аарамман̣з бадихан̃н̃анаагаарзна бавад̇д̇амаанамби бадигхасамбаяуд̇д̇ам̣ жид̇д̇з бадихананд̇ам̣ вияа бавад̇д̇ад̇ийд̇и ааха – ‘‘жид̇д̇з бадихан̃н̃анагилзсаж̇аад̇а’’нд̇и. д̣̇ивасан̃жа рад̇д̇ин̃жа анусигканд̇знаад̇и зд̇ам̣язва рааг̇аад̣̇иббахааяиним̣ саммаабадибад̇д̇им̣ д̣̇иваа жа рад̇д̇ин̃жа ану ану сигканд̇зна убаруубари вад̣дхзнд̇зна.
Vippasannānīti visesato pasannāni. Okāsavasenāti indriyānaṃ patiṭṭhitokāsavasena. Nanu tāni indriyāni sabhāvato vippasannāni hontīti? Saccaṃ honti. Na hidaṃ tādisaṃ pasannataṃ sandhāya vuttaṃ, idaṃ pana santapaṇītasamāpattisamuṭṭhitānaṃ paccupaṭṭhitānaṃ cittajarūpānaṃ vasena sesatisantatirūpānaṃ seṭṭhataraṃ paṇītabhāvāpattiṃ sandhāya vuttaṃ. Phalasamāpattitoti suññatānupassanāvasena samāpannaphalasamāpattito. Mahantānaṃ buddhādīnaṃ purisānaṃ vihāro mahāpurisavihāro. Tenāha – ‘‘buddha…pe… vihāro’’ti. Vihārato paṭṭhāyāti parikkhitte ca vihāre parikkhepato paṭṭhāya, aparikkhitte ca parikkhepārahaṭṭhānato paṭṭhāya. Keci pana ‘‘vihārabbhantarato paṭṭhāyā’’ti vadanti. Yāva gāmassa indakhīlāti gāmassa abbhantarindakhīlo. Gehapaṭipāṭiyācaritvāti piṇḍāya caritvā. Yāva nagaradvārena nikkhamanāti nagaradvārena yāva nikkhamanapadesā. Yāva vihārāti yāva vihārabbhantarā. Paṭikkantamaggoti nivattanamaggo. Ārammaṇe paṭihaññanākārena pavattamānampi paṭighasampayuttaṃ citte paṭihanantaṃ viya pavattatīti āha – ‘‘citte paṭihaññanakilesajāta’’nti. Divasañca rattiñca anusikkhantenāti etaṃyeva rāgādippahāyiniṃ sammāpaṭipattiṃ divā ca rattiñca anu anu sikkhantena uparūpari vaḍḍhentena.
440. бахийнаа ну ко мз бан̃жа гаамаг̇ун̣аад̇и зд̇т̇а гаамаг̇ун̣аббахаанам̣ наама д̇аббадиб̣ад̣̇д̇хачанд̣̇арааг̇аббахаанам̣. д̇ат̇аа хи вуд̇д̇ам̣ – ‘‘д̇идтанд̇и жид̇раани д̇ат̇зва логз, ат̇зд̇т̇а д̇хийраа винаяанд̇и чанд̣̇а’’нд̇и. згабхигкусса бажжавзгкан̣аа наанаад̇и згассзва бхигкуно, ‘‘бахийнаа ну ко мз бан̃жа гаамаг̇ун̣аа’’д̇иаад̣̇инаа баал̣ияам̣ ааг̇ад̇аа наанаабажжавзгкан̣аа хонд̇и. наанаабхигкуунанд̇и висум̣ висум̣ анзгзсам̣ бхигкуунам̣. бажжавзгкан̣аа наанаад̇и вуд̇д̇анаанаабажжавзгкан̣аа. ид̣̇аани д̇амзва сан̇кзбад̇о вуд̇д̇амад̇т̇ам̣ вид̇т̇аарад̇о д̣̇ассзд̇ум̣, ‘‘гат̇а’’нд̇иаад̣̇и вуд̇д̇ам̣. д̇ад̇т̇а ‘‘бажжавзгкад̇ий’’д̇и вуд̇д̇ам̣, гат̇ам̣ бана бажжавзгкад̇ийд̇и ааха ‘‘бахийнаа ну ко’’д̇иаад̣̇и. вийрияам̣ баг̇г̇аяхаад̇и жад̇уб̣б̣ид̇хасаммаббад̇хаанавийрияам̣ аарабхид̇ваа вибассанам̣ вад̣дхид̇ваа. маг̇г̇аананд̇арам̣ анааг̇аамипалам̣ бад̇ваад̇и важанасзсо. палаананд̇арам̣ маг̇г̇анд̇и д̇асмим̣ анааг̇аамимаг̇г̇з тид̇о паласамаабад̇д̇ид̇о вудтааяа аг̇г̇амаг̇г̇ад̇т̇ааяа вибассанам̣ аарабхид̇ваа д̇асмим̣язва аасанз на жирзнзва вибассанам̣ уссуггаабзд̇ваа арахад̇д̇амаг̇г̇ам̣ г̇ан̣ханд̇о нирод̇хад̇хаммаануббад̇д̇ияаа вибассанаабариваасаабхаавад̇о палаананд̇арам̣ маг̇г̇аббад̇д̇о наама ход̇ийд̇и гад̇ваа.
440.Pahīnā nu kho me pañca kāmaguṇāti ettha kāmaguṇappahānaṃ nāma tappaṭibaddhachandarāgappahānaṃ. Tathā hi vuttaṃ – ‘‘tiṭṭhanti citrāni tatheva loke, athettha dhīrā vinayanti chanda’’nti. Ekabhikkhussa paccavekkhaṇā nānāti ekasseva bhikkhuno, ‘‘pahīnā nu kho me pañca kāmaguṇā’’tiādinā pāḷiyaṃ āgatā nānāpaccavekkhaṇā honti. Nānābhikkhūnanti visuṃ visuṃ anekesaṃ bhikkhūnaṃ. Paccavekkhaṇā nānāti vuttanānāpaccavekkhaṇā. Idāni tameva saṅkhepato vuttamatthaṃ vitthārato dassetuṃ, ‘‘katha’’ntiādi vuttaṃ. Tattha ‘‘paccavekkhatī’’ti vuttaṃ, kathaṃ pana paccavekkhatīti āha ‘‘pahīnā nu kho’’tiādi. Vīriyaṃ paggayhāti catubbidhasammappadhānavīriyaṃ ārabhitvā vipassanaṃ vaḍḍhitvā. Maggānantaraṃ anāgāmiphalaṃ patvāti vacanaseso. Phalānantaraṃ magganti tasmiṃ anāgāmimagge ṭhito phalasamāpattito vuṭṭhāya aggamaggatthāya vipassanaṃ ārabhitvā tasmiṃyeva āsane na cireneva vipassanaṃ ussukkāpetvā arahattamaggaṃ gaṇhanto nirodhadhammānuppattiyā vipassanāparivāsābhāvato phalānantaraṃ maggappatto nāma hotīti katvā.
д̇ад̇о вудтааяаад̇и маг̇г̇аананд̇арапалад̇о вудтааяа. маг̇г̇аананд̇арад̇о хи вудтид̇о маг̇г̇ад̇о вудтид̇о вияа ход̇ийд̇и д̇ат̇аа вуд̇д̇ам̣. ‘‘палаананд̇арам̣ маг̇г̇а’’нд̇и зд̇т̇а палам̣ ананд̇арам̣ зд̇ассаад̇и палаананд̇арам̣. ‘‘палаананд̇арам̣ маг̇г̇а’’нд̇и бад̣̇ад̣̇ваязнаби анааг̇аамимаг̇г̇апалаани жзва вад̣̇ад̇ийд̇и звамзд̇т̇а ад̇т̇о д̣̇адтаб̣б̣о. нийваран̣аад̣̇ийсуби зсзва наяод̇и зд̇т̇а, ‘‘бахийнаа ну ко мз бан̃жа нийваран̣аа’’д̇иаад̣̇инаа яож̇анаа взд̣̇ид̇аб̣б̣аа. зд̇зсанд̇и зд̇т̇а зд̇зсам̣ нийваран̣абан̃жубаад̣̇аанагканд̇хасад̇ибадтаанаад̣̇ийнам̣. бахаанаад̣̇ийнийд̇и бахаанабарин̃н̃аабхааванаасажчигирияаа. наанаабажжавзгкан̣аа ход̇ийд̇и д̇аа бажжавзгкан̣аа наанаад̇и ад̇хиббааяо. зд̇аасу бана бажжавзгкан̣аасууд̇и зд̇аасу гаамаг̇ун̣абажжавзгкан̣аад̣̇ийсу д̣̇ваад̣̇асасу бажжавзгкан̣аасу. згам̣ бажжавзгкан̣ам̣ бажжавзгкад̇и д̣̇ваад̣̇асасу наязсу згзнзва гижжасид̣̇д̇хид̇о. ан̃н̃о бхигку. зганд̇и ан̃н̃ам̣ бажжавзгкад̇и. ан̃н̃ад̇т̇о хи аяам̣ згасад̣̇д̣̇о ‘‘ид̇т̇згз’’д̇иаад̣̇ийсу (ма. ни. 3.21, 27) вияаад̇и. наанаабхигкуунам̣ бана згаа бажжавзгкан̣аа, наанаабхигкуунам̣ наанаабажжавзгкан̣аад̇и звам̣ жад̇уггабажжавзгкан̣амби зд̇т̇а самбхавад̇и. имасса бана д̣̇ваяасса васзна абхисамаяо над̇т̇ийд̇и д̇ад̣̇убхаяам̣ адтагат̇ааяам̣ на уд̣̇д̇хадам̣. сзсам̣ сувин̃н̃зяяамзва.
Tato vuṭṭhāyāti maggānantaraphalato vuṭṭhāya. Maggānantarato hi vuṭṭhito maggato vuṭṭhito viya hotīti tathā vuttaṃ. ‘‘Phalānantaraṃ magga’’nti ettha phalaṃ anantaraṃ etassāti phalānantaraṃ. ‘‘Phalānantaraṃ magga’’nti padadvayenapi anāgāmimaggaphalāni ceva vadatīti evamettha attho daṭṭhabbo. Nīvaraṇādīsupi eseva nayoti ettha, ‘‘pahīnā nu kho me pañca nīvaraṇā’’tiādinā yojanā veditabbā. Etesanti ettha etesaṃ nīvaraṇapañcupādānakkhandhasatipaṭṭhānādīnaṃ. Pahānādīnīti pahānapariññābhāvanāsacchikiriyā. Nānāpaccavekkhaṇā hotīti tā paccavekkhaṇā nānāti adhippāyo. Etāsu pana paccavekkhaṇāsūti etāsu kāmaguṇapaccavekkhaṇādīsu dvādasasu paccavekkhaṇāsu. Ekaṃ paccavekkhaṇaṃ paccavekkhati dvādasasu nayesu ekeneva kiccasiddhito. Añño bhikkhu. Ekanti aññaṃ paccavekkhati. Aññattho hi ayaṃ ekasaddo ‘‘ittheke’’tiādīsu (ma. ni. 3.21, 27) viyāti. Nānābhikkhūnaṃ pana ekā paccavekkhaṇā, nānābhikkhūnaṃ nānāpaccavekkhaṇāti evaṃ catukkapaccavekkhaṇampi ettha sambhavati. Imassa pana dvayassa vasena abhisamayo natthīti tadubhayaṃ aṭṭhakathāyaṃ na uddhaṭaṃ. Sesaṃ suviññeyyameva.
бин̣д̣абаад̇абаарисуд̣̇д̇хисуд̇д̇аван̣н̣анааяа лийнад̇т̇аббагаасанаа самад̇д̇аа.
Piṇḍapātapārisuddhisuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. бин̣д̣абаад̇абаарисуд̣̇д̇хисуд̇д̇ам̣ • 9. Piṇḍapātapārisuddhisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 9. бин̣д̣абаад̇абаарисуд̣̇д̇хисуд̇д̇аван̣н̣анаа • 9. Piṇḍapātapārisuddhisuttavaṇṇanā
