| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१०. पिण्डपातिकत्थेरअपदानं
10. Piṇḍapātikattheraapadānaṃ
३७.
37.
‘‘तिस्सो नामासि सम्बुद्धो, विहासि विपिने तदा।
‘‘Tisso nāmāsi sambuddho, vihāsi vipine tadā;
तुसिता हि इधागन्त्वा, पिण्डपातं अदासहं॥
Tusitā hi idhāgantvā, piṇḍapātaṃ adāsahaṃ.
३८.
38.
‘‘सम्बुद्धमभिवादेत्वा, तिस्सं नाम महायसं।
‘‘Sambuddhamabhivādetvā, tissaṃ nāma mahāyasaṃ;
सकं चित्तं पसादेत्वा, तुसितं अगमासहं॥
Sakaṃ cittaṃ pasādetvā, tusitaṃ agamāsahaṃ.
३९.
39.
‘‘द्वेनवुते इतो कप्पे, यं दानमददिं तदा।
‘‘Dvenavute ito kappe, yaṃ dānamadadiṃ tadā;
दुग्गतिं नाभिजानामि, पिण्डपातस्सिदं फलं॥
Duggatiṃ nābhijānāmi, piṇḍapātassidaṃ phalaṃ.
४०.
40.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा पिण्डपातिको थेरो इमा गाथायो अभासित्थाति।
Itthaṃ sudaṃ āyasmā piṇḍapātiko thero imā gāthāyo abhāsitthāti.
पिण्डपातिकत्थेरस्सापदानं दसमं।
Piṇḍapātikattherassāpadānaṃ dasamaṃ.
सद्दसञ्ञकवग्गो छत्तिंसतिमो।
Saddasaññakavaggo chattiṃsatimo.
तस्सुद्दानं –
Tassuddānaṃ –
सद्दसञ्ञी यवसिको, किंसुकोरण्डपुप्फियो।
Saddasaññī yavasiko, kiṃsukoraṇḍapupphiyo;
आलम्बनो अम्बयागु, सुपुटी मञ्चदायको।
Ālambano ambayāgu, supuṭī mañcadāyako;
सरणं पिण्डपातो च, गाथा तालीसमेव च॥
Saraṇaṃ piṇḍapāto ca, gāthā tālīsameva ca.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०. पदुमकेसरियत्थेरअपदानादिवण्णना • 1-10. Padumakesariyattheraapadānādivaṇṇanā
