| Library / Tipiṭaka / તિપિટક • Tipiṭaka / ચૂળનિદ્દેસપાળિ • Cūḷaniddesapāḷi |
૧૬. પિઙ્ગિયમાણવપુચ્છા
16. Piṅgiyamāṇavapucchā
૧૪૫.
145.
‘‘જિણ્ણોહમસ્મિ અબલો વીતવણ્ણો, [ઇચ્ચાયસ્મા પિઙ્ગિયો]
‘‘Jiṇṇohamasmi abalo vītavaṇṇo, [iccāyasmā piṅgiyo]
નેત્તા ન સુદ્ધા સવનં ન ફાસુ;
Nettā na suddhā savanaṃ na phāsu;
માહં નસ્સં મોમુહો અન્તરાવ, આચિક્ખ ધમ્મં યમહં વિજઞ્ઞં;
Māhaṃ nassaṃ momuho antarāva, ācikkha dhammaṃ yamahaṃ vijaññaṃ;
જાતિજરાય ઇધ વિપ્પહાનં’’.
Jātijarāya idha vippahānaṃ’’.
૧૪૬.
146.
‘‘દિસ્વાન રૂપેસુ વિહઞ્ઞમાને, [પિઙ્ગિયાતિ ભગવા]
‘‘Disvāna rūpesu vihaññamāne, [piṅgiyāti bhagavā]
રુપ્પન્તિ રૂપેસુ જના પમત્તા;
Ruppanti rūpesu janā pamattā;
તસ્મા તુવં પિઙ્ગિય અપ્પમત્તો, જહસ્સુ રૂપં અપુનબ્ભવાય’’.
Tasmā tuvaṃ piṅgiya appamatto, jahassu rūpaṃ apunabbhavāya’’.
૧૪૭.
147.
‘‘દિસા ચતસ્સો વિદિસા ચતસ્સો, ઉદ્ધં અધો દસ દિસા ઇમાયો;
‘‘Disā catasso vidisā catasso, uddhaṃ adho dasa disā imāyo;
આચિક્ખ ધમ્મં યમહં વિજઞ્ઞં, જાતિજરાય ઇધ વિપ્પહાનં’’.
Ācikkha dhammaṃ yamahaṃ vijaññaṃ, jātijarāya idha vippahānaṃ’’.
૧૪૮.
148.
‘‘તણ્હાધિપન્ને મનુજે પેક્ખમાનો, [પિઙ્ગિયાતિ ભગવા]
‘‘Taṇhādhipanne manuje pekkhamāno, [piṅgiyāti bhagavā]
સન્તાપજાતે જરસા પરેતે;
Santāpajāte jarasā parete;
તસ્મા તુવં પિઙ્ગિય અપ્પમત્તો, જહસ્સુ તણ્હં અપુનબ્ભવાયા’’તિ.
Tasmā tuvaṃ piṅgiya appamatto, jahassu taṇhaṃ apunabbhavāyā’’ti.
પિઙ્ગિયમાણવપુચ્છા સોળસમા.
Piṅgiyamāṇavapucchā soḷasamā.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / ચૂળનિદ્દેસ-અટ્ઠકથા • Cūḷaniddesa-aṭṭhakathā / ૧૬. પિઙ્ગિયમાણવસુત્તનિદ્દેસવણ્ણના • 16. Piṅgiyamāṇavasuttaniddesavaṇṇanā
