| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૫. પિઙ્ગિયાનીસુત્તવણ્ણના
5. Piṅgiyānīsuttavaṇṇanā
૧૯૫. પઞ્ચમે નીલાતિ ઇદં સબ્બસઙ્ગાહિકં. નીલવણ્ણાતિઆદિ તસ્સેવ વિભાગદસ્સનં. તત્થ ન તેસં પકતિવણ્ણો નીલો, નીલવિલેપનવિલિત્તત્તા પનેતં વુત્તં. નીલવત્થાતિ પટદુકૂલકોસેય્યાદીનિપિ તેસં નીલાનેવ હોન્તિ. નીલાલઙ્કારાતિ નીલમણીહિ નીલપુપ્ફેહિ અલઙ્કતા, તેસં હત્થાલઙ્કાર-અસ્સાલઙ્કાર-રથાલઙ્કાર-સાણિવિતાનકઞ્ચુકાપિ સબ્બે નીલાયેવ હોન્તિ. ઇમિના નયેન સબ્બપદેસુ અત્થો વેદિતબ્બો.
195. Pañcame nīlāti idaṃ sabbasaṅgāhikaṃ. Nīlavaṇṇātiādi tasseva vibhāgadassanaṃ. Tattha na tesaṃ pakativaṇṇo nīlo, nīlavilepanavilittattā panetaṃ vuttaṃ. Nīlavatthāti paṭadukūlakoseyyādīnipi tesaṃ nīlāneva honti. Nīlālaṅkārāti nīlamaṇīhi nīlapupphehi alaṅkatā, tesaṃ hatthālaṅkāra-assālaṅkāra-rathālaṅkāra-sāṇivitānakañcukāpi sabbe nīlāyeva honti. Iminā nayena sabbapadesu attho veditabbo.
પદુમં યથાતિ યથા સતપત્તં રત્તપદુમં. કોકનદન્તિ તસ્સેવ વેવચનં. પાતોતિ પગેવ સુરિયુગ્ગમનકાલે . સિયાતિ ભવેય્ય. અવીતગન્ધન્તિ અવિગતગન્ધં. અઙ્ગીરસન્તિ ભગવતો અઙ્ગમઙ્ગેહિ રસ્મિયો નિચ્છરન્તિ, તસ્મા અઙ્ગીરસોતિ વુચ્ચતિ. તપન્તમાદિચ્ચમિવન્તલિક્ખેતિ દ્વિસહસ્સદીપપરિવારેસુ ચતૂસુ મહાદીપેસુ આલોકકરણવસેન અન્તલિક્ખે તપન્તં આદિચ્ચં વિય વિરોચમાનં. અઙ્ગીરસં પસ્સાતિ અત્તાનમેવ વા મહાજનં વા સન્ધાય એવં વદતિ.
Padumaṃyathāti yathā satapattaṃ rattapadumaṃ. Kokanadanti tasseva vevacanaṃ. Pātoti pageva suriyuggamanakāle . Siyāti bhaveyya. Avītagandhanti avigatagandhaṃ. Aṅgīrasanti bhagavato aṅgamaṅgehi rasmiyo niccharanti, tasmā aṅgīrasoti vuccati. Tapantamādiccamivantalikkheti dvisahassadīpaparivāresu catūsu mahādīpesu ālokakaraṇavasena antalikkhe tapantaṃ ādiccaṃ viya virocamānaṃ. Aṅgīrasaṃ passāti attānameva vā mahājanaṃ vā sandhāya evaṃ vadati.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૫. પિઙ્ગિયાનીસુત્તં • 5. Piṅgiyānīsuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૫. પિઙ્ગિયાનીસુત્તવણ્ણના • 5. Piṅgiyānīsuttavaṇṇanā
