| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
16. бин̇г̇ияасуд̇д̇аван̣н̣анаа
16. Piṅgiyasuttavaṇṇanā
1127. ж̇ин̣н̣охамасмийд̇и бин̇г̇ияасуд̇д̇ам̣. д̇ад̇т̇а ж̇ин̣н̣охамасми аб̣ало вийд̇аван̣н̣од̇и со гира б̣раахман̣о ж̇араабхибхууд̇о вийсавассасад̇иго ж̇аад̇ияаа, д̣̇уб̣б̣ало жа ‘‘ид̇ха бад̣̇ам̣ гариссаамий’’д̇и ан̃н̃ад̇т̇зва гарод̇и, винадтабуримажчавиван̣н̣о жа . д̇знааха – ‘‘ж̇ин̣н̣охамасми аб̣ало вийд̇аван̣н̣о’’д̇и. маахам̣ нассам̣ момухо анд̇арааваад̇и маахам̣ д̇уяхам̣ д̇хаммам̣ асажчигад̇ваа анд̇арааязва авид̣̇ваа худ̇ваа анассим̣. ж̇аад̇иж̇арааяа ид̇ха виббахаананд̇и ид̇хзва д̇ава баад̣̇амуулз баасаан̣агз ваа жзд̇ияа ж̇аад̇иж̇арааяа виббахаанам̣ ниб̣б̣аанад̇хаммам̣ яамахам̣ виж̇ан̃н̃ам̣, д̇ам̣ мз аажигка.
1127.Jiṇṇohamasmīti piṅgiyasuttaṃ. Tattha jiṇṇohamasmi abalo vītavaṇṇoti so kira brāhmaṇo jarābhibhūto vīsavassasatiko jātiyā, dubbalo ca ‘‘idha padaṃ karissāmī’’ti aññattheva karoti, vinaṭṭhapurimacchavivaṇṇo ca . Tenāha – ‘‘jiṇṇohamasmi abalo vītavaṇṇo’’ti. Māhaṃ nassaṃ momuho antarāvāti māhaṃ tuyhaṃ dhammaṃ asacchikatvā antarāyeva avidvā hutvā anassiṃ. Jātijarāya idha vippahānanti idheva tava pādamūle pāsāṇake vā cetiya jātijarāya vippahānaṃ nibbānadhammaṃ yamahaṃ vijaññaṃ, taṃ me ācikkha.
1128. ид̣̇аани яасмаа бин̇г̇ияо гааяз саабзгкад̇ааяа ‘‘ж̇ин̣н̣охамасмий’’д̇и г̇аат̇амааха д̇знасса бхаг̇аваа гааяз синзхаббахаанад̇т̇ам̣ ‘‘д̣̇исваана руубзсу вихан̃н̃амаанз’’д̇и г̇аат̇амааха. д̇ад̇т̇а руубзсууд̇и руубахзд̇у руубабажжаяаа. вихан̃н̃амаанзд̇и гаммагааран̣аад̣̇ийхи убахан̃н̃амаанз. руббанд̇и руубзсууд̇и жагкурог̇аад̣̇ийхи жа руубахзд̇уязва ж̇анаа руббанд̇и б̣аад̇хийяанд̇и.
1128. Idāni yasmā piṅgiyo kāye sāpekkhatāya ‘‘jiṇṇohamasmī’’ti gāthamāha tenassa bhagavā kāye sinehappahānatthaṃ ‘‘disvānarūpesu vihaññamāne’’ti gāthamāha. Tattha rūpesūti rūpahetu rūpapaccayā. Vihaññamāneti kammakāraṇādīhi upahaññamāne. Ruppanti rūpesūti cakkhurogādīhi ca rūpahetuyeva janā ruppanti bādhīyanti.
1129-30. звам̣ бхаг̇авад̇аа яаава арахад̇д̇ам̣ д̇аава гат̇ид̇ам̣ бадибад̇д̇им̣ суд̇вааби бин̇г̇ияо ж̇араад̣̇уб̣б̣алад̇ааяа висзсам̣ анад̇хиг̇анд̇ваава буна ‘‘д̣̇исаа жад̇ассо’’д̇и имааяа г̇аат̇ааяа бхаг̇аванд̇ам̣ т̇омзнд̇о д̣̇зсанам̣ яаажад̇и. ат̇асса бхаг̇аваа бунаби яаава арахад̇д̇ам̣, д̇аава бадибад̣̇ам̣ д̣̇ассзнд̇о ‘‘д̇ан̣хаад̇хибаннз’’д̇и г̇аат̇амааха. сзсам̣ саб̣б̣ад̇т̇а баагадамзва.
1129-30. Evaṃ bhagavatā yāva arahattaṃ tāva kathitaṃ paṭipattiṃ sutvāpi piṅgiyo jarādubbalatāya visesaṃ anadhigantvāva puna ‘‘disā catasso’’ti imāya gāthāya bhagavantaṃ thomento desanaṃ yācati. Athassa bhagavā punapi yāva arahattaṃ, tāva paṭipadaṃ dassento ‘‘taṇhādhipanne’’ti gāthamāha. Sesaṃ sabbattha pākaṭameva.
имамби суд̇д̇ам̣ бхаг̇аваа арахад̇д̇анигуудзнзва д̣̇зсзси. д̣̇зсанаабарияосаанз жа бин̇г̇ияо анааг̇аамипалз бад̇идтааси. со гира анд̇аранд̇араа жинд̇зси – ‘‘звам̣ вижид̇рабадибхаанам̣ наама д̣̇зсанам̣ на лабхи маяхам̣ маад̇уло б̣ааварий саванааяаа’’д̇и. д̇зна синзхавигкзбзна арахад̇д̇ам̣ баабун̣ид̇ум̣ наасагки. анд̇зваасино банасса сахассаж̇адилаа арахад̇д̇ам̣ баабун̣им̣су. саб̣б̣зва ид̣̇д̇химаяабад̇д̇ажийварад̇хараа зхибхигкаво ахзсунд̇и.
Imampi suttaṃ bhagavā arahattanikūṭeneva desesi. Desanāpariyosāne ca piṅgiyo anāgāmiphale patiṭṭhāsi. So kira antarantarā cintesi – ‘‘evaṃ vicitrapaṭibhānaṃ nāma desanaṃ na labhi mayhaṃ mātulo bāvarī savanāyā’’ti. Tena sinehavikkhepena arahattaṃ pāpuṇituṃ nāsakkhi. Antevāsino panassa sahassajaṭilā arahattaṃ pāpuṇiṃsu. Sabbeva iddhimayapattacīvaradharā ehibhikkhavo ahesunti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа бин̇г̇ияасуд̇д̇аван̣н̣анаа нидтид̇аа.
Suttanipāta-aṭṭhakathāya piṅgiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 16. бин̇г̇ияамаан̣авабужчаа • 16. Piṅgiyamāṇavapucchā
